Efeso 3:1 - Nouveau Testament en Ngienboum

¹ Áa mmó gie á gÿo, mèŋ Pɔl gẅie mèŋ n gee ndá tsǎŋ ńtí nue mèŋ sa’á nò Yěsô Kristo mbwo pi pie pi tè pà Yuda wɔ́, mèŋ n ne sẅíŋte Ssé fʉ̀’ ntsèm ná twó sí.

Efeso 3:1 ပူးပေါင်းရင်းမြစ်များ

Lukase 21:12

Mɔɔn menò ge zɔɔn lá’ gwaa tó, pi vɔg ńgyá mé gwoon gẅí, ńnyɛɛ gẅi ngɔ́’, ésẅiŋe gẅí, mé ŋaga gẅi *mendá cú’tè pà Yuda, ńnéŋe gẅi tsǎŋ. Mé ge lá’ ŋaga gẅi á mvfò mefùɔ pâ pàngúmnɔ́ɔn, mélà’mie pi jǔ’ ncwò wɔ̀ɔn.

Megàŋ ntúm 21:33

Á tó ńtsẅi mé gwoon Pɔl ńdɔg metsɛ̂n mémbʉ́a ńkwɛ́ɛ yé, ḿbiŋ ńzɛ́te ngie: Nyìŋ wɔɔn aa wɔ̌? À gÿǒ lêkɔ́?

Megàŋ ntúm 23:18

Á lɔgɔ yé ńgʉa ńtsege mbʉ̀a tándá wɔ́b, ńgɔɔn ngie: Pɔl, ngàŋa tsǎŋ, à toŋó wɔ̀ɔn, ńcʉ́me ngie mèŋ n dɔgɔ wɔɔn mûɔ shùm ńtó, ńtsege yé mbwo gù, ńgie à gẅiin nò gie à gee shwǒŋ gù.

Megàŋ ntúm 26:29

Pɔl tsɔ́’ɔ mbwo yé ngie: Kà mé ge lɔg pɔ́ nò gie á sag sag wɔ́, kà pɔ́ gie á vɔ́g vɔ̌g wɔ́, mbà yɔ́ɔn mmó gie méŋ n ne ńdúɔ mbwo Ssé á gwɔ́ pɔ́ ngie: Nɔ̀ɔn temà’ tà mbɔɔ pi métsèm pie pi ne ńjú’u nò gie mèŋ n gɔɔn lyɛ̌’ɔɔn, pi cʉ́’ pá’ mèŋ. Tá metsɛ̂n mɔɔn, é le ná pi wɔ́.

Megàŋ ntúm 9:15

Tá’ Cʉ̀apʉ̀a gɔɔn mbwó Ananias pɔ́ ngie: Gʉ̌a ńgyá nyìŋ ŋwɛ́ gyǎ, ńtí nue aa mbwo mèŋ ńgwɔ́ kwà’ mmó fà’. À ge gÿo pʉ̀a pie pɔ́ té pà Israel wɔ́ pɔ́ zsé wɔ̀ɔn, mbɔɔ mefùɔ, tà mbɔɔ púɔ Israel.

2 Korento 1:6

Peg lɔɔn ne ńgyá ngɔ́’, mbà pi ge zẅɛ́’, e Ssé cʉa mǒ, ńtóonte gẅí, pi ké ńgwɔ́ pɔ́ ná mánzsè Ssé. Á lɔɔn ńgwɔ́ gie e Ssé ne ńtóonte wég, mbà á gwɔ́ pɔ́ lélɔg ńtóonte gẅí, pú’u pi ku’u léshÿɔg á ná fʉ̀’ gie ntí ngɔ́’ gie e ne ńkúu wég, e kǔ gẅi gí.

2 Korento 10:1

Mèŋ Pɔl, mèŋ n ge lɔg pá’ Yěsô Kristo pʉ́le tɛ’ ńgíŋ ńgwɔ́ ngàŋa pòŋo ntʉ́m, éshwóŋó gẅi tà’a nò. Aa kwà’ mèŋ pɔl wá gẅie mé gɔɔn ngie mèŋ n ge fʉ̀’ gie mèŋ n gee tsetsɛ̀ɛ pi, ń nẅéen nẅéen, ńké ńgwɔ́ fʉ̀’ gie mèŋ n gee ngʉ̀a shʉ̀shʉ̀a, ńgɔɔn nò mbwo pi tsɛ̀ɛ ŋwà’ne té pɔ́g la.

2 Korento 11:23

Kà pɔ́ pá’ pɔ́ ée pafa’a fà’ Kristo? Mbà mèŋ n ge gɔɔn nò kwà’ pá’ pʉ̀a la, é gɔɔn ngie n gee nyiŋ gẅie a fà’ Kristo tà ńtɔ́gɔ wɔ́b métsèm, é gɔɔn pú’u, éfóo ná pá’ n dǎ téŋe zì’i ńcʉa wɔ́b, éfóo ná nzẅìŋ gẅie n dǎ kúu tsǎŋ ńcʉa wɔ́b, éfóo ná nzẅìŋ gẅie mé lǎ cúɔ wɔ̀ɔn ńcʉa wɔ́b, éfóo ná nzẅìŋ mengʉ̀a tà ńgyɔ́ɔn mie legwé la ńnÿɔgɔ wɔ̀ɔn ńcʉa wɔ́b,

Galatia 5:11

Mefɛ́ pɔ́ɔn, n gwé’e ńgíŋe ne sá’a ngie pʉ̀a gÿo mé pú’u wɔ́b, mbà pà Yuda gíŋe ńkʉ́e wɔ̀ɔn mélà’a kɔ́? Mbà le gwɔ́ gẅie Kristo la kwé nà tÿǒ nkǐ à tè gíŋe ńgege wɔ́b gwɔ́.

Galatia 5:2

Mèŋ Pɔl, tà mèŋ shwóŋó gẅí. Pi lɔɔn ńzɛ́te ngie mé pú’u gẅí, tá pi gwɔ́ pʉ̀a Ssé, mbà mmó gie Kristo la gÿo ńtí twó sí té gíŋe kẅéte gẅi nà tsɔ́ mmó wɔ́.

Galatia 5:24

Pʉ̀a pie ée pe Yěsô Kristo léen ńgwá’ shúm tepòŋ sie é póŋ mbùm nnɛ́ yɔb, lâ sie mbùm nnɛ́ ŋwɛ́ zɔ tsɔ̌ɔn, tá á gwɔ́ pɔ́ pá’ fʉ̀’ gie pɔ́ léen ńkim mbùm nnɛ́ ŋwɛ́ nà tÿǒ nkǐ la.

Efeso 3:11

E Ssé ka gÿo pá’ɔɔn á lɔgɔ ḿbumte ná mmó gie à la záb tà ńnyé pɔ́ tè nyɛte njÿó, ńgie à ge lá’ fó ná Cʉ̀apʉ̀a wege Yěsô Kristo, é gÿo yɛ̌ mmó.

Efeso 3:13

Pá’ Ssé ka gÿo pú’u la, mèŋ sẅíŋte gẅi ngie tà pi gyá pá’ mèŋ n ne ńgyá ngɔ́’ nà twó sí, ńkʉ́a. Yɛ̌ ngɔ́’ e né ńkẅéte gẅí, ńgwɔ́ mbwo pi ńgwɔ́ pɔ́ cÿɔ́’ɔ lefùɔ.

Efeso 3:8

Tà mbɔɔ pá’ mèŋ n gee tsetsɛ̀ɛ pʉ̀a Ssé métsèm ńgwɔ́ pɔ́ nzsò nzèm, à ka ké ńzẅíŋ zẅíŋ ngie mèŋ n zɔ gʉa ńtsẅi nkʉ̀ mbòŋo á mbwo pʉ̀a pie é té pà Yuda wɔ́, é la’te pì tèmàg gie áa nà nò Kristo.

Efeso 4:1

Mèŋ gẅie mèŋ n gee ndá tsǎŋ ńtí nò Cʉ̀apʉ̀a Yěsô Kristo, n ge fó ná menò mie mèŋ shwoŋó gẅí, é zɛ́te ngie pi gwɔ́ gÿo kɔ̀ɔkɔ́ɔ gí wɔ́, ńkímte ngie e Ssé ka tóŋo gẅi ngie pi gwɔ́ pʉ̀a pé.

Efeso 6:20

Mèŋ, n gee mántúm létsẅi wɛ̌ nkʉ̀, tà mbɔɔ pá’ mèŋ fǒ ńgwɔ́ pɔ́ tsǎŋ lɔɔn. Pi sẅíŋte Ssé ngie mèŋ n gẅiin shÿɔ́g lélɔg ńgɔɔn pá’ á ne ńzɛ́te ngie mèŋ n gɔɔn.

Filipo 1:7

Mèŋ n gẅiin lé ne ńkwaŋa pɔ́ pú’u ná pi, mélà’mie m bǔ ńkwoŋo gẅi tà ḿmag ntʉ́m wɔ̀ɔn. Pi metsèm zɔɔn ne ńkẅéte wɔ̀ɔn nà fà’ gie e Ssé la lɔg ńcÿó gʉm yɔ́ɔn pɔ́ lê pòŋo ntʉ́m yé, tà mbɔɔ fʉ̀’ɔɔn gie n gee ndá tsǎŋ lɔɔn, mbɔɔ fʉ̀’ gie mèŋ n ne ńnyɛɛ ngie nkʉ̀ mbòŋo ée nénʉ́, mbɔɔ fʉ̀’ gie mèŋ n ne ńgÿo pʉ̀a nyɛte ńzẅíŋe.

Kolosia 1:24

Áa fʉ̀’ɔɔn ngɔ́’ gie mèŋ n ne ńgyá ná twó gí gÿo mèŋ n kág kǎg. Ngɔ́’ gie mèŋ n gee tsoló áa pfwɔ́’ɔ ngɔ́’ Kristo gie mèŋ n gyá ntí mbùm ye gie áa cú’tè pʉ̀a pé.

Kolosia 4:18

Pi gyá tsyɛ̀’te gie mèŋ Pɔl n dɔgɔ́ kwà’ pwó yɔ́ɔn ńŋwé’e. Tà pi lege ngie mèŋ n gee ndá tsǎŋ. E Ssé ne ńgwɔ́ né pi metsèm!

Kolosia 4:3

ńgíŋe ne sẅíŋte Ssé nà ség twó, à ná shÿó peg lɔg shwóŋó nò yé. Mèŋ fo pú’u, ńkyagte nò Kristo gie á la zɔɔn ńdyeen menÿɔ́g pʉ̀a lyeen, mèŋ n gee tsǎŋ pá’ɔɔn ńtí pɔ́ yɛ̌.

2 Timote 1:16

Mèŋ n ké ne ńdúɔ mbwo Cʉ̀apʉ̀a ngie à gÿo nò mbòŋo ná tsìŋe ndá Onésifor, ńdúɔ pú’u, Á nue à neŋé ńnéŋ ntʉ́m wɔ̀ɔn tɛ’, à laa kú shʉ́ ná mèŋ pá’ mèŋ n gee ngàŋa tsǎŋ wɔ́.

2 Timote 1:8

Pú’u la, tè kú shʉ́ légɔɔn mmó gie ɔ̀ zsé ná Cʉ̀apʉ̀a wege. Tè kú shʉ́ mbɔɔ ná mèŋ pá’ mèŋ n gee ndá tsǎŋ ńtí yé. Zẅíŋ jú pɔ́ légyá ngɔ́’ pá’ mèŋ, ńdɔg ńgÿo Nkʉ̀ Mbòŋo sa jʉ’, ńzẅɛ́’ pɔ́ metʉ̀ mie e Ssé náa mbwo gù.

Filemo 1:1

Yɔɔn ŋwà’ne fóo mbwo mèŋ Pɔl, ngàŋa tsǎŋ ńtí nò Yěsô Kristo. Peg Timoté gẅie aa fɛ́ wɔgɔ nzèm Yěsô Kristo náa yɔɔn ŋwà’ne á mbwo gù Filemo. Ɔ̀ɔ fɛ́ weg we tʉ̀ nzẅìŋ, pege metsèm pú fa’a nà nò Yěsô Kristo.

Filemo 1:23

Epafalas, gẅie peg yé pǔ ńgwɔ́ ndá tsǎŋ ńtí nò Yěsô Kristo tsyɛ’té gú.

Filemo 1:9

n gyá ngie n ge cʉa nà nkwòŋe yɔgɔ, ésẅíŋte gú sẅíŋte. Tà mbɔɔ pá’ mèŋ Pɔl, n cʉ̌’ pɔ́ nzẅìŋe ndÿò, ńgíŋe ńgwaa gwɔ́ fʉ̀’ɔɔn, ńgwɔ́ ndá tsǎŋ ńtí Yěsô Kristo lɔɔn.

Ŋwà’ne Ngyà jʉ’ 2:10

Áa nénʉ́ ngie pi ge gyá ngɔ́’, tá’, tà pi ké ḿbɔ́g. Pi zsé ngie Sátà ge ma’ tsɔ́ pʉ̀a pí ndá tsǎŋ lélɔg ńdʉŋte gẅi ńgyá. Pi gyá ngʉ̀ngʉ̀ gyǎ é lyɛ̌’ lá’ legém. Pi ké ńzsé pɔ́ ndà’ wɔ̀ɔn, tà mbɔɔ pá’ mé lɔɔn ńne ńzẅéte gẅi ńtí pú’u. Mèŋ n ge lá’ tɔ’ ngú’ gi, á gwɔ́ pá’ pi ge lá’a gwɔ́ pɔ́ wó.