Efeso 2:9 - Nouveau Testament en Ngienboum

⁹ Á gwɔ́ pú’u, ńké těen fóo nà mefà’ mie pi fǎ’ wɔ́. Pú’u la, ńgwɔ́ nyìŋ á le lɔ́g ńŋá’te wɔ́.

Efeso 2:9 ပူးပေါင်းရင်းမြစ်များ

Roma 11:6

Á lɔɔn ńgwɔ́ gie e Ssé ka cÿó gem yɔ́b ńtsɔ́’ɔ wɔ́b, mbà á té ńdɔgɔ ńgwɔ́ ngie pɔ́ ka gÿo tsɔ́ mmó mbòŋo wɔ́. E Ssé ka gwé’e éfó pɔ́ nà mmó mbòŋo gie pɔ́ gÿǒ tá ńtsɔ́’ɔ wɔ́b, mbà ńgwɔ́ mé le gíŋe ngie à kɔ̌ɔn ńdɔgɔ ńcÿó gem yɔ́b wɔ́.

Roma 3:20

Áa pá’ɔɔn nue nyìŋ tè lá’ lɔg pá’ à gɔɔn ngie à gÿo mmó gie *lepʉ̌ ne ńzɛ́te, étyé mvfò Ssé é gwɔ́ ndʉŋ ndʉŋ wɔ́. Afa’a *lepʉ̌ zɔɔn ńgwɔ́ lényɛ pʉ̀a mesoŋ ngie pɔ́ zsé ngie pɔ́ gyǒ nò tepòŋ.

Roma 4:2

À laa pé’è e Ssé wɔ́ gɔɔn ngie aa ndʉŋ ndʉŋ mvfò yé, á fó pɔ́ nà mefà’ mbòŋo mé, mbà à lɔ̌ɔn ńgwɔ́ á lɔg ńŋá’te, tá tsɔ̌ légwɔ́ gẅie ńgwɔ́ á lɔg ńŋá’te mvfò Ssé à tè wó wɔ́.

Roma 9:11

E Ssé la gɔɔn mbwo Rebéka ngie, mvfò múɔ ge gÿo fa’a mbwo nzèm. E Ssé la gwɔ́ gɔɔn pá’ɔɔn, má wɔ́b nyé pɔ́ shwòŋ pɔ́b, mbà à kaa zyé wɔ́b tà pɔ́ zsé nò mbòŋo kà ye tepòŋ wɔ́ wɔ́. E Ssé la gÿo pá’ɔɔn lélɔg ńnyɛ ngie à ńnéŋe ńgÿo pɔ́ mmó gie yé Ssé ne ńkwoŋo. À gwɔ́ gʉa nùɔ pʉ̀a é tsɔ́’ɔ nyìŋ we, à tè fó pɔ́ nà nò mbòŋo gie ngàŋ gÿǒ wɔ́.

Roma 9:16

Pege lɔgɔ ńgyá ngie e Ssé gwɔ́ tsɔ́’ɔ nyìŋ à tè fó pɔ́ ná pá’ ngàŋ kwǒŋ wɔ́, ńké tè fó ná pá’ ngàŋ kǎg tʉ̀ ńgÿo tsɔ́ mmó wɔ́, á fó pɔ́ ná pá’ yé Ssé tsɔ́ɔn mezìŋe ngàŋ.

2 Timote 1:9

À la gÿo pege tsẅɛ́, éfaga wégè ńdɔg ńgÿo pʉ̀a pé. À lɔ̌ɔn těen ńgÿo pú’u, éfóo pɔ́ nà mefà’ mbòŋo mie pege fǎ’ wɔ́, à la cÿó pɔ́ gʉme yégè. Pú’u, mbà njÿó la nyé pɔ́ tè gwɔ̌ wó, kwà’ yé zɔ̌ záb ngie à ge gÿo lɔgɔ Yěsô Kristo, é gÿo pú’u, ná pege.