Efeso 2:8 - Nouveau Testament en Ngienboum

⁸ À la cÿó gʉm gí, ńgÿo pi tsẅɛ́, éfóo ná pá’ pi la záb ntʉ́m ná Yěsô. Á té fóo né pi wɔ́, à la lɔg pɔ́ pòŋo ntʉ́m yé ńgÿo.

Efeso 2:8 ပူးပေါင်းရင်းမြစ်များ

Matio 16:17

Yěsô leen ńké ńgɔɔn né yé ngie: Símo míŋ Jâŋ, ɔ́ɔ shÿó mbòŋo, á nue nyìŋ mesoŋ zɔ kaa gÿo, tá ɔ̀ zsé yɔɔn nò nénʉ́ wɔ́. Tá wɔ̀ɔn gẅie aa tÿǒ lepwó zɔ nyɛ̌ gú.

Matio 20:9

Pʉ̀a pie pɔ́ zyě yɔ́b fà’ ná nèm tʉ̀a ncwò nzém tó, mé náa tà’a pàga nkáb mbwó wɔ̌wɔɔ ná pɔ́b.

Malékuse 16:16

Nyìŋ gẅie à zẅǐŋ la, mé nu’u yé ntse, e Ssé gÿo à tsẅɛ́. Nyìŋ gẅie à lʉ’ʉ́ lézẅíŋ lá, à ge lá’ gwe ntsàŋ.

Lukase 7:50

Yěsô gíŋe ńgɔɔn né manzwě ŋwɛ́ ngie: Ɔ̀ tsẅɛ̌ ndòon menò tepòŋ mú, mélà’mie ɔ̀ zǎb ntʉ́m ɔ́ ná mèŋ. Gʉa lê sẅétè.

Ŋwà’ne Jâŋ 3:36

Nyìŋ lɔɔn ńzáb ntʉ́m we ná Míŋ Ssé, mbà ngàŋ ge gẅiin le gwɔ́ tèmì. Nyìŋ gẅie à kě kaa záb ntʉ́m wé ná Míŋ Ssé wɔ́, á le lá’ ńgẅiin kwà’ le gwɔ́ wɔ́. E Ssé ké ńnyé ńkẅi’i ńgyáŋa lóŋ ná yé gyáŋ.

Ŋwà’ne Jâŋ 4:10

Yěsô tsɔ́’ɔ mbwo yé ngie, ɔ̀ gwé’e ńzsé fù’ gie Ssé náa, ḿbiŋ ńzsé nyìŋ gẅie à gɔɔn né gù ngie: Ná ntse n nú, mbà gù zɔ cʉ̌’ ńdúɔ ntse nǔ mbwo yé, á náa gú ńtse gẅie éfóo lesá’a.

Ŋwà’ne Jâŋ 5:24

Tà mèŋ shwóŋó gẅí, kwà’ nénʉ́, nyìŋ jú’u shwóŋè yɔ́ɔn, ḿbiŋ ńzáb ntʉ́m ná Nyìŋ gẅie à la túmo wɔ̀ɔn, mbà ngàŋ gẅiin le gwɔ́ tèmì. Mé té ge gíŋe ŋaga yé wɔ́, à tsẅɛ̌ legwé ńcʉ́’ ńgẅiin pɔ́ le gwɔ́ tèmì.

Ŋwà’ne Jâŋ 6:35

Yěsô tsɔ́’ɔ mbwo pɔ́b ngie: Eshúm léjÿó sie é gÿo nyìŋ gwɔ́ wó, à gwɔ́ pɔ́ mèŋ. Nyìŋ lɔɔn ńtó ńtsɛ́ɛ wɔ̀ɔn, mbà nzyè tè lá’ gíŋe gyáŋa yé wɔ́. Nyìŋ záb ntʉ́m ná mèŋ, mbà gag yé té lá’ gíŋe shÿó wɔ́.

Ŋwà’ne Jâŋ 6:37

Awɔ̌wɔ́ɔ gẅie Tá wɔ̀ɔn nǎ mbwo mèŋ wɔ́, à ge tó tsɛ́ɛ wɔ̀ɔn. M biŋ ńké le lá’a tsɔ́ lyɛ̌’ ńkẅile nyìŋ gẅie à tǒ ńtsɛ́ɛ wɔ̀ɔn, ńnáa pǐ wɔ́.

Ŋwà’ne Jâŋ 6:40

Ammó gie Tá wɔ̀ɔn ne ńkwoŋo à yɔɔn: Nyìŋ gyá múɔ, ńzáb ntʉ́m ná yé, angàŋ gẅiin le gwɔ́ tèmì. Mèŋ n dá’a lyɛ’ɛ́ lá’ nzsò nzèm ńzíme yé nà legwé.

Ŋwà’ne Jâŋ 6:44

Atsɔ̌ nyìŋ lɔɔn ńgwɔ́ á le tó ńtsɛ́ɛ wɔ̀ɔn té gwɔ́ gie Tá wɔ̀ɔn gẅie à la túmo wɔ̀ɔn zɔ shwoŋté yé wɔ́. Mèŋ, m biŋ ńdá’a nà lyɛ’ɛ́ lá’ nzsò nzèm, ńzíme yé nà legwé.

Ŋwà’ne Jâŋ 6:65

Yěsô gíŋe ńgɔɔn ngie, áa mmó gie á ně ńgÿo tá mèŋ n gɔɔn né pi ngie, à lɔɔn ńgwɔ́ nyìŋ le tó ńkẅɛ́te wɔ̀ɔn té gwɔ́ gie Tá wɔ̀ɔn zɔ gÿǒ ngie ngàŋ tó wɔ́.

Megàŋ ntúm 14:27

Pɔ́ gʉa tà ńkúu wó, ńcú’te pʉ̀a Kristo metsèm, ḿbú ḿbíte kɔ̀ɔkɔ́ɔ wɔ́ gie Ssé cʉ̌a ná pɔ́b ńgÿo, éshwóŋó wɔ́b. Lelÿò menò gwɔ́ pá’ e Ssé kéen ná shÿó mbwo pʉ̀a pie pɔ́ té pà Yuda wɔ́, ss lézáb ntʉ́m ná Yěsô.

Megàŋ ntúm 15:11

Ammó gie pege ne ńnyɛte ńzsé, á gwɔ́ pɔ́ ngie pege la gwɔ́ tsẅɛ́, ńzẅɛ́’ pɔ́ pá’ Cʉ̀apʉ̀a Yěsô cÿǒ gem yégè. Á gwɔ́ pɔ́ ndʉŋ ndʉŋ pá’ á cʉa pú’u, tá pɔ́ tsẅɛ́ yɔ́b.

Megàŋ ntúm 16:14

Atsɔ̌ tà’ gwɔ́ tsetsɛ̀ɛ pɔ́b, mé tóŋo yé lê Litiɔ. Mbà à la fó tÿǒsoŋo Tiatire. Á táŋa tsɔ́ mepàŋ nzsǒ é poŋ tɛ’. Mbà à la zẅíŋe nò Ssé pà Yuda. Peg ne ńgɔɔn nò, á nyɛte ńzẅí’te kwà’ mboŋó, ńtí nue Cʉ̀apʉ̀a la tsɔ́’ ntʉ́m wé pá’ à ge téŋe letuŋó sé ńnyɛte zẅí’te nò gie Pɔl ne ńgɔɔn.

Megàŋ ntúm 16:31

Pɔ́ tsɔ́’ɔ mbwo yé ngie: Záb ntʉ́m gú ná Cʉ̀apʉ̀a Yěsô. À gÿo pia ngẅɛ̀ ndá jù tsẅɛ́.

Roma 10:14

Tá’ ngwɔ́ pʉ̀a le záb ntʉ́m ná Cʉ̀apʉ̀a wɔ́, ńgÿo lêkɔ́ tá ńdʉa ńtóŋo yé? Ngwɔ́ pʉ̀a piŋ ńgÿo lêkɔ́ ńzáb ntʉ́m ná Cʉ̀apʉ̀a té gwɔ́ gie pɔ́ jǔ’ pá’ nyìŋ shwóŋó nò Cʉ̀apʉ̀a á mbwo pʉ̀a? Ngwɔ́ pʉ̀a piŋ ńjú’ pá’ mé shwóŋó nò Cʉ̀apʉ̀a lêkɔ́, té gwɔ́ gie nyìŋ gẅie à ge shwóŋó nò Cʉ̀apʉ̀a àa wó?

Roma 10:17

Pege lɔgɔ pá’ɔɔn ńgyá ngie, lézáb ntʉ́m ná Kristo à fóo pɔ́ nà nkʉ̀ gẅie nyìŋ jǔ’. Nyìŋ gwaa jú’ wɛ̌ kʉ̀, mbà nyìŋ tsẅǐ.

Roma 4:16

Áa mmó gie á gÿo, nyìŋ lɔg pɔ́ lézáb ntʉ́m nà Ssé tá ńgẅiin shúm sie mé la ká’. E Ssé lɔgɔ pú’u, ńcÿó pɔ́ gem yé, á lêen ńké ńcʉa pú’u, awɔ̌wɔ́ɔ gẅie aa nà ngẅɛ̀ Ábalam wɔ́ gẅiin ye mǒ. Tà é le gwɔ́ pɔ́ ndà’ pʉ̀a pie pɔ́ ńnéŋe ńjú’ yɔ́b pɔ́ mbwo *lepʉ̌ Mǒsê wɔ́, é gíŋe ńgwɔ́ mbɔɔ pʉ̀a pie pɔ́ zába yɔ́b pɔ́ ntʉ̀m nà Ssé pá’ Ábalam. Àa tá wege metsèm pie pege ee pʉ̀a Ssé.

Roma 4:5

Tá ńké ńgʉa ná nyìŋ gẅie à kaa lɔg pɔ́ mefà’ mé wɔ́, ńzáb pɔ́ ndà’ ntʉ́m wé nà Ssé gẅie à gÿo nyìŋ tepòŋ cʉ́’ʉ nyìŋ gẅie aa ndʉŋ ndʉŋ mvfò yé, e Ssé lɔg pú’u, ńcʉ́’ ńdíe yé á gwɔ́ pɔ́ ndʉŋ ndʉŋ mvfò yé.

Roma 9:16

Pege lɔgɔ ńgyá ngie e Ssé gwɔ́ tsɔ́’ɔ nyìŋ à tè fó pɔ́ ná pá’ ngàŋ kwǒŋ wɔ́, ńké tè fó ná pá’ ngàŋ kǎg tʉ̀ ńgÿo tsɔ́ mmó wɔ́, á fó pɔ́ ná pá’ yé Ssé tsɔ́ɔn mezìŋe ngàŋ.

Galatia 3:14

Yɔɔn nò gwɔ́ pá’ɔɔn légwɔ́ gie e Ssé ge fó nà mmó gie Yěsô Kristo, gẅie aa nà ngẅɛ̀ Ábalam gÿǒ, é pú néŋ mbʉ́lè ná pʉ̀a pie é té pà Yuda wɔ́, é cʉa ná Ábalam, mbɔɔ légwɔ́ gie pege ge lɔg pá’ pege záb ntʉ́m ná Kristo é gẅiin Zẅìge gie e Ssé la ka’a mbwo pege.

Galatia 3:22

Tá’ ŋwà’ne Ssé nyɛ ngie wɛ̌wɛ̌ nyìŋ wɔ́ à gwɔ́ pɔ́ nkwɔɔn mbwo nò tepòŋ. Áa pá’ɔɔn le gwɔ́ gie ammó gie e Ssé la ka’ ge pumte pɔ́ ná pʉ̀a pie é cʉa ná Yěsô Kristo ńzáb ntʉ́m wɔ́b nà ye.

Efeso 1:19

Mèŋ n giŋé ne sẅíŋte yé ngie à gÿo pi zsé ngie metʉ̀ mé pú fáŋ ńcʉa metʉ̀ ntsèm, mbɔɔ ngie à gÿo pi zsé pá’ mɛ̌ metʉ̀ tóonte wégè pàzáb ntʉ́m ná ye pú’u.

Efeso 2:10

Pege lɔɔn ńgwɔ́ kɔ́ wɔ́, mbà pege zẅɛ́’ɛ pɔ́ Ssé. E Ssé la cʉa ná Yěsô Kristo ḿbwóon wégè, légwɔ́ gie pege ge fa’ mefà’ mbòŋo mie yé Ssé la lá’ ńcwoŋte ńzáb pá’ pege ge fa’.

Efeso 2:5

á gÿo pega Kristo pú ńgíŋe ńgwɔ́ wó, tà mbɔɔ pá’ pege laa mbwo ye tsɔ́ fʉ̀’, mbà pege léen ńkwé ńtí mefʉ̀a mégè. À la lɔg pɔ́ pòŋo ntʉ́m yé ńgÿo pege tsẅɛ́.

Filipo 1:29

A la cÿó gʉm gí, pi gwɔ́ pʉ̀a Kristo, tá á ké tè gwɔ́ pɔ́ ndà’ pú’u wɔ́, á gíŋe ńgwɔ́ mbɔɔ légyá ngɔ́’ ńtí Kristo.

Kolosia 2:12

Á laa fʉ̀’ gie mé la nu’u gẅi tsɛ̀ɛ ntse, mé laa pú’u, ńdɔgɔ ḿbúte gẅia Kristo ńnéŋe tsɛ̀ɛ lesyè, pia pɔ́ gíŋe ḿbúte ńzíme nà legwé, á nue pi zẅǐŋ ngie e Ssé gẅie à la zíme Yěsô ná legwé, à gẅiin tʉ̀ lélɔg ńgÿo pi zím gí nà legwé.

2 Tesalonika 1:9

Ngɔ́’ gie pɔ́ ge lá’ gyá á gwɔ́ pɔ́ pá’ pɔ́ ge pú lége, Cʉ̀apʉ̀a wege tsɛ́ nzsè mbwo pɔ́b tà pɔ́ le sɔb nÿɔ́g ná yé wɔ́, é ké le gyá máamáa shʉ́shÿɔ́g we wɔ́.

Heber 6:4

Mé gẅiin lényé nue pʉ̀a pie e Ssé gÿo, pɔ́ gyá jʉ’ʉ fɔ̌g, ńgÿo ńtém nzèm Ssé, á tʉ pá’ à lɔɔn ńgwɔ́ nyìŋ shwóŋó wɔ́b nò tà pɔ́ gíŋe ḿbiŋe mbwo Ssé. Mé gɔɔn pʉ̀a pá’ pie pɔ́ la zẅí’i mmó gie e Ssé fǒ tÿǒ lepwó ńná pɔ́ sẅɛ̀ɛ sẅɛ̀ɛ. E Ssé náa Zẅìge Ndʉalʉ̌a né pɔ́b, pɔ́ zẅí’i shwóŋè Ssé tà ńjú’ pá’ á poŋ pú’u, ńgíŋ ńzsé mbɔɔ pá’ metʉ̀ mie é ge lá’ tá tó ée pú’u. Pɔ́ lɔɔn ńkÿo Ssé, mbà á tʉ pá’ à lɔɔn ńgwɔ́ mé gÿo tà pɔ́ gíŋe ḿbiŋe mbwo Ssé, mélà’mie pɔ́ lɔgɔ légÿo pú’u, ńgíŋe ńkíme Míŋ Ssé nà tÿǒ nkǐ, ńtsɔ́’ɔ yé ńtÿɔ́g mé zoonte yé.

1 Piɛ 1:5

ée shúm sí, pi pʉ̀a pie Ssé ne ńdɔgɔ metʉ̀ mé ḿbyɛ́bɛ gẅí, á gwɔ́ pá’ pi ne ńzába ntʉ́m ná yé. À pyɛ́bɛ gẅi pá’ pi ge gÿo gẅiin letsẅɛ́ gẅie à ge lá’a lyɛ’ɛ́ nzsònzèm é gÿo mé gyá.