Efeso 2:4 - Nouveau Testament en Ngienboum

⁴ Tá’ e Ssé kě ńtsɔ́ɔn mezìŋe pʉ̀a mesoŋ tɛ’. Á la piŋ ńcʉa pɔ́ nà ntí gie à la lɔg ńkwoŋo wégè,

Efeso 2:4 ပူးပေါင်းရင်းမြစ်များ

Lukase 1:78

mélà’mie à ne ńdíe wégè mboŋó, ḿbiŋ ne ńtsɔ́ɔn mezìŋe mégè tɛ’. À ge túmo Nyìŋ gẅie à ge gÿo pege gwɔ́ wó, angàŋ fó tÿǒ ńtó ńgwɔ́ nkà’,

Roma 10:12

Pú’u la, atsɔ́ tyɛ’te té gíŋe ńgwɔ́ tsetsɛ̀ɛ nyìŋ Yuda pɔ́ nyìŋ gẅie à tè nyìŋ Yuda wɔ́ wɔ́. Pɔ́ métsèm pú ńgẅiin pɔ́ tà’ Cʉ̀apʉ̀a wémɔ’ɔ́ gẅie à gÿo menò mbòŋo mé ná pʉ̀a metsèm pie é lʉa ńtóŋo yé.

Roma 2:4

Ɔ̀ ne gÿo pú’u, ńcʉ́’ʉ ńdɔgɔ ńgwága Ssé gwǎg, nne ngie à gẅiin pòŋo ntʉ́m, à té lwo ńcÿɔ́g wɔ́, à gẅiin kwɔ́gɔ nnɛ́. Ɔ̀ɔ pú’u, ɔ̀ té ne ńzsé ngie à gẅiin pòŋo ntʉ́m nzèm gù pú’u, pɔ́ lélɔg ńgÿo ɔ̀ kúbe mà wɔ́ ka?

Roma 5:8

Tá’ pi lêen ńké ńgyá ntí gie Ssé la lɔg ńnyɛ pá’ á kwoŋo wege pú’u, aa pá’ Kristo la tó ńkwé nà twó ségè tà pege zɔɔn ńnyé ńgwɔ́ pɔ́ pʉ̀a tepòŋ.

Roma 9:23

Tá e Ssé lɔ̌ɔn ńgíŋe ńkwoŋo lényɛ nzẅìŋ fù’ gie áa tsɛ̀ɛ legú’ we, ńgwɔ́ gie à náa mbwo pʉ̀a pie à tsɔ̌ɔn mezìŋe mɔ́b, é pʉ̀a pie à la lá’ ntʉ́ njÿó ńcwoŋo wɔ́b ńtÿɔ́g, á légẅiin legú’ we ŋwɛ́.

Efeso 1:7

Míŋ we ŋwɛ́ la lɔg metse mé ńdɔg ńcu’u wégè, pege tsẅɛ́. E Ssé lege mefʉa mégè ńnáa mbwo pege. Yɔɔn áa nò té fʉ̀’ gie e Ssé la lɔg ńcÿó gʉm yégè,

Efeso 2:7

À la gÿo mɔɔn menò pá’ à ge lá’ lɔg la’te ná yɛ̌ kème njÿó wɔ́ gie á ne ńtóo ngie à la cÿó gʉm yégè tà ńcʉa ntí, á fóo ná pá’, à cʉa nà Yěsô Kristo ńgẅiin pòŋo ntʉ́m ná pege pú’u.

Efeso 3:8

Tà mbɔɔ pá’ mèŋ n gee tsetsɛ̀ɛ pʉ̀a Ssé métsèm ńgwɔ́ pɔ́ nzsò nzèm, à ka ké ńzẅíŋ zẅíŋ ngie mèŋ n zɔ gʉa ńtsẅi nkʉ̀ mbòŋo á mbwo pʉ̀a pie é té pà Yuda wɔ́, é la’te pì tèmàg gie áa nà nò Kristo.

2 Tesalonika 2:13

Mefɛ́ mefɛ́, pie e Ssé kwoŋo wɔ́b, á gʉa ná peg, mbà peg gẅiin lésíe Ssé fʉ̀’ ntsèm ńtí gẅí, mélà’mie à la tsɔ́’ɔ gẅi tà fó nzyète légwɔ́ gie pi ge tsẅɛ́. Pi tsẅɛ́ɛ ńtí pá’ a Zẅìge Ndʉalʉ̌a ne ńgÿo pi gwɔ́ pʉ̀a Ssé, mbɔɔ pá’ pi záb ntʉ̀m nà nò gie áa nénʉ́.

1 Timote 1:14

Cʉ̀apʉ̀a wege Yěsô Kristo, la gÿo nò mbòŋo yé ná mèŋ tà á zyɛ́’. Á la gÿo mèŋ n záb ntʉ́m ná yé, mèŋ m biŋ ńkwoŋ petsɔ́ pʉ̀a. Á fóo ná pá’ mèŋ n da nnɛ́ ná yé.

2 Timote 1:9

À la gÿo pege tsẅɛ́, éfaga wégè ńdɔg ńgÿo pʉ̀a pé. À lɔ̌ɔn těen ńgÿo pú’u, éfóo pɔ́ nà mefà’ mbòŋo mie pege fǎ’ wɔ́, à la cÿó pɔ́ gʉme yégè. Pú’u, mbà njÿó la nyé pɔ́ tè gwɔ̌ wó, kwà’ yé zɔ̌ záb ngie à ge gÿo lɔgɔ Yěsô Kristo, é gÿo pú’u, ná pege.

1 Piɛ 1:3

Pege síe Ssé Tá pà Cʉ̀apʉ̀a wege Yěsô Kristo. À la tsɔ́ɔn mezìŋe mege, ńgÿo mé zyé wégè lezyé se sẅé, ńcʉa ná Yěsô Kristo gẅie à la zíme nà legwé. Á cʉa pú’u, pege ńnéŋe fʉ̀’ ntsèm, ńne ńzẅí’te kwà’ le gwɔ́,