Efeso 2:3 - Nouveau Testament en Ngienboum

³ Pege metsèm ka zɔɔn ńgwɔ́ pɔ́ pá’ pɔ́b, ńne ńgÿo pɔ́ mmó gie ntʉ́m nyìŋ mesoŋ ne ńtsɔ́ɔn, éshúm sie ntʉ́m nyìŋ mesoŋ lâ nkwaŋá wé tyé mǒ, mbà mé la zyé wégè pege gwɔ́ pɔ́ pʉ̀a pie e Ssé ne ńgyáŋa lóŋ ná pɔ́b pá’ à ne ńgyáŋa lóŋ ná petsɔ́ pʉ̀a.

Efeso 2:3 ပူးပေါင်းရင်းမြစ်များ

Malékuse 4:19

ńgÿo ńzye lémÿɔg menò njÿó, nkáb zye léfʉte wɔ́b, pɔ́ ne ńtsɔ́ɔn setsɔ́ shúm tà ńgyɔ́ɔn, sɛ̌ shúm gÿo shwóŋè Ssé maga ntʉ́m pɔ́b té zém ntɔ̌ɔn.

Ŋwà’ne Jâŋ 1:13

Legwɔ̌ pú’u, à tě fóo nà ntí gie mámbàŋa pɔ́ manzwě kwǒŋ ńzyé wɔ́, ńké tě fóo ná lekwoŋ we nyìŋ mesoŋ wɔ́, mé gɔɔn légwɔ́ púɔ Ssé, mbà Ssé zɔ kwǒŋ yɛ̌ ntí lezyé.

Ŋwà’ne Jâŋ 8:44

Agẅi tá aa Sátá, pi piŋ né ńkwoŋo légÿo mmó gie à né ńtsɔ́ɔn. Á gʉa ná yé, mbà tà fó nzyeté, á gwɔ́ pɔ́ nzẅè nyìŋ. À laa mé ńgiŋe tsɛ̀ɛ nò nénʉ́ wɔ́. Ńtí nue à tè nò nénʉ́ tsɛ̀ɛ ntʉ́m yé gẅiin, tà tsoon lǎg. À gwɔ̌ tà ne ńcÿɔ nò, á gwɔ́ pɔ́ kwà’ shwóŋè yé, á nue aa ngàŋa cÿɔ nò, ńgwɔ́ nyìŋ gẅie yé zɔ la nuŋe cÿɔ nò.

Megàŋ ntúm 14:16

À laa fʉ̀’e mvfò, ńnyé túmo túm ntsèm, pɔ́ giŋe nà memánzsè mie pɔ́ kwoŋ.

Roma 1:24

Áa mmó gie á la gÿo e Ssé nyé wɔ́b pɔ́ gÿo menò sẅile sẅile mie ntʉ́m wɔ́b la ně ńtsɔ́ɔn ndêen ńké ńdɔgɔ légÿo pú’u, ésele ńcʉ́ŋte mbùm yɔ́b, ńdɔg sele ntém shʉ́ twó pɔ́b.

Roma 11:30

Á laa tsɔ́ fʉ̀’ pi pie pi tè pà Yuda wɔ́, pi tʉʉ twó mbwo Ssé, tá á ké ńgwɔ́ fʉ̀’ɔɔn, mbà Ssé ka tsɔ́ɔn mezìŋe mí, mélà’mie pà Yuda ka tʉʉ twó mbwo yé.

Roma 13:14

Pi kaa le gwɔ́ we sẅé gẅie Yěsô Kristo Cʉ̀apʉ̀a wege náa, ḿma’. Tà pi gíŋe ńnéŋe ńkwaŋa nò ná shúm tepòŋ sie mbab nnɛ́ gi tsóte gẅi pi tsɔ́ɔn léná né yé.

Roma 2:14

Pʉ̀a pie é té pà Yuda wɔ́, ḿbiŋ tè *lepʉ̌ Mǒsê zsé, gwá gÿo mmó gie sɛ̌ *lepʉ̌ ne ńzɛ́te, tà ńgÿo pɔ́ tè gwɔ́ gie mé zi’í wɔ́b. Mbùm yɔ́b zɔ lɔgɔ pú’u, ńzí’i wɔ́b ménò mie ée nà *lepʉ̌ tà mbɔɔ pá’ pɔ́ té *lepʉ̌ gẅiin.

Roma 5:10

Pega Ssé ka zɔɔn ńgwɔ́ pɔ́ megàŋ mbù, tá Ssé lɔg pá’ Míŋ we kwé, ḿmag mbù wegá pɔ̌. Á ge piŋ gwɔ́ nà fʉ̀’ɔɔn, à gaa wɔ́ ńdɔg pá’ Míŋ we gwɔ́ pɔ́ wó, ńgÿo pege tsẅɛ́ ngɔ́’ tsẅɛ́!

Roma 5:9

Áa nà fʉ̀’ɔɔn, mbà metse mé kéen ńgÿo e Ssé cʉ́’ʉ ńdíe wégè pege gwɔ́ ndʉŋ ndʉŋ mvfò yé, ńgwɔ́ kɔ́ piŋ ńgÿo tà Kristo lá’ ńnyé té gÿo pege tsẅɛ ngɔ́’ gie e ge lá’ fó nà pá’ e Ssé ne ńgyáŋa lóŋ?

Roma 6:12

Pú’u la, á té ne ńzɛ́te ngie anò tepòŋ gíŋe sá’ mbùm nnɛ́ gi gie e ge gÿo kwé wɔ́, pi pɔ́ɔn légíŋe ńnyé mbùm gi é tsóte gẅi ńnéŋe tsɛ̀ɛ kegɔ́’.

Roma 7:18

Mèŋ n ne ńzsé ngie nò mbòŋo léen tè wɔ̀ɔn jÿó, n gɔɔn wɔ̀ɔn nyìŋ mesoŋ gẅie mèŋ fege fege. N tsɔ́ɔn légÿo nò mbòŋo fʉ̀’ ntsèm tá ńké tè ku’u légÿo wɔ́.

Roma 9:22

Áa ndʉŋ ndʉŋ pá’ e Ssé gÿo nà pʉ̀a mesoŋ. À la kwoŋo lényɛ ngie lóŋ we ne ńgyáŋa ná menò mie pʉ̀a mesoŋ gÿo, mé fó mǒ ńgyá pá’ à tʉ pú’u. Tá, mbà á la gʉa nà pʉ̀a pie, à lɔ̌ɔn ge gyáŋa lóŋ ná pɔ́b, á ke ńdɔg pɔ́ kwɔ́gɔ nnɛ́ éshÿɔg shÿɔg. Tá mbà á la gwaa gwɔ́, mbà pɔ́ kǔ’ pá’ à ge pyága wɔ́b pyág.

1 Korento 4:7

Akɔ́ zɔɔn ńgÿo ɔ̀ kwaŋ ngie ɔ̀ cʉ́a petsɔ́ pʉ̀a? Ɔ̀ gẅiin kɔ́ tà á té gwɔ́ pɔ́ gie e Ssé la ná né gù wɔ́? À lɔɔn ńgwɔ́ gie e Ssé la ná né gù nǎ, mbà ɔ̀ piŋe ńdɔgɔ ńŋá’te pɔ́ pá’ fʉ̀’ gie e Ssé la tè ná né gù nǎ wɔ́ mélà’a kɔ́?

2 Korento 7:1

Mefɛ́ pɔ́ɔn pe ntʉ̀ nzẅìŋ, pá’ e Ssé la ka’ mɔɔn menò á mbwo pege la, á ne ńzɛ́te ngie kwà’ pege lê twó yégè kÿo menò mie é té Ssé poŋ, é mie mé gÿo gÿo, tà mbɔɔ mie mé kwaŋa kwaŋ, ńkẅi’i ńdɔgɔ légwɔ́ tè *lɔ̌’ ńgʉa lê mvfò tà ńcʉ́me, ńgwɔ gwɔ́ ne ḿbɔ́gɔ Ssé.

Galatia 3:22

Tá’ ŋwà’ne Ssé nyɛ ngie wɛ̌wɛ̌ nyìŋ wɔ́ à gwɔ́ pɔ́ nkwɔɔn mbwo nò tepòŋ. Áa pá’ɔɔn le gwɔ́ gie ammó gie e Ssé la ka’ ge pumte pɔ́ ná pʉ̀a pie é cʉa ná Yěsô Kristo ńzáb ntʉ́m wɔ́b nà ye.

Efeso 2:2

Pi laa fʉ̀’o ńně ńgÿo pɔ́ yɛ̌ ntí menò. Pi la ne ńgiŋe pá’ pʉ̀a pie ée tsɛ̀ɛ yɔɔn njÿó ne ńgiŋe pú’u, ńně ńjú’u ncwò fùɔ *messé tepòŋ gwie à sá’a *messé tepòŋ mie ée tÿǒ tsɛ̀ɛ fÿág. Yé zɔ aa fʉ̀’ɔɔn ńne ńtsóte pʉ̀a pie pɔ́ lʉ’ʉ lé jú’ ncwò Ssé, pɔ́ ne ńgÿo menò tepòŋ.

Efeso 4:22

mbà á ne ńzɛ́te ngie pi kẅɛɛ ná nzẅìŋe mà gẅie mé la lɔg ńzyé gẅí, ndʉŋ ndʉŋ pá’ nyìŋ sẅɛɛ nzẅìŋe nzsǒ ná yé ńgwá’a la. Wɛ̌ mà aa gẅie à kɔ̌ɔn ńcʉa nà shúm tepòŋ sie à kɔ̌ɔn ńtsɔ́ɔn, ńkẅi’i ḿbÿɔ́g pÿɔ́g. Sɛ̌ shúm tepòŋ gwɔ́ shúm sie é fʉte nyìŋ fʉte.

Kolosia 1:21

Pi gí, pi laa tsɔ́ fʉ̀’ pi tè lejʉ́ŋ Ssé wɔ́, ńgwɔ́ pɔ́ ngʉ̀a shʉ̀shʉ̀a, ńgwɔ́ megàŋ mbù Ssé, á nue pi lɔ̌ɔn ńkwaŋa nò tepòŋ, ńgÿo pɔ́ yɛ̌.

1 Tesalonika 4:13

Mefɛ́ mefɛ́, peg ne ńkwoŋo ngie pi zsé nò nénʉ́ gie á líe mepfó, légwɔ́ gie pi tè ńnéŋe nê lemÿɔg pá’ petsɔ́ pʉ̀a mesoŋ pie pɔ́ té ne ńzẅí’te tsɔ́ mmó mbwo Ssé wɔ́ wɔ́.

1 Tesalonika 5:6

Pú’u la, tà pege lyé pá’ petsɔ́ pʉ̀a. Tà pege gwá’a lÿɔg ńdyé, pege jÿó mmó à ku’ ku’.

1 Timote 6:9

Tá á ké ńgʉa ná pʉ̀a pie pɔ́ kwoŋo légẅiin shúm tà é gyɔ́ɔn gyɔ̌ɔn, mbà pɔ́ gwe tsɛ̀ɛ nkwà’te. Eshúm tepòŋ sie pɔ́ tsɔ́ɔn, é gwɔ́ sie é cʉŋte nyìŋ cʉŋte, é gwoon wɔ́b pá’ lejÿɔ́’ la. Sɛ̌ shúm tsóte pʉ̀a mesoŋ pɔ́ gwe ssé, ńkúu pyé.

Titus 3:3

Á laa tsɔ́ fʉ̀’ pege yégè gwɔ́ pà gÿo nò té sáŋ, ńgwɔ́ pà tʉʉ twó, ńgwɔ́ pʉ̀a pie é záb ntʉ́m wɔ́b nà nò gie á té nò wɔ́, ńgwɔ́ mekwɔɔn mbwo shúm ntsèm sie ntʉ́m wégè tsɔ́ɔn lâ sie é poŋo wégè. Pege laa pʉ̀a ńcÿɔ́g, ńgwɔ́ ngàŋa kègɔ́’, ńgÿo mé pʉa wégè tɛ’, pege gíŋe ḿbʉa yégè pʉ̀a.

1 Piɛ 1:14

Pi jú’ ncwò Ssé, pá’ penkʉ́ pie é jú’u ncwò, tà pi gíŋe ńzẅíŋ menkwaŋá tepòŋ mie é kɔ́ɔn sá’a gẅi fʉ̀’ gie pi ka nyě tè zsě Kristo gíŋe sá’a gẅí.

2 Piɛ 2:14

Sɔ́b legyè tyé pɔ́ ná pànzwě. Pɔ́ té kʉa légÿo nò tepòŋ wɔ́. Pɔ́ lÿɔgte pʉ̀a pie é pÿɛ́ pÿɛ́. Letʉ́m sɔ́b ée fʉ̀’ ntsèm ńtyé pɔ́ nà pì gie ńgwɔ́ pɔ́ jÿó. Ndoon ee twó pɔ́b.

2 Piɛ 2:18

Pɔ́ lɔgɔ mmó gie pɔ́ zí’i pʉ̀a ńŋá’te, tá é gwɔ́ pɔ́ fÿɔ́g sẅɛ̀ɛ gie é zẅɛɛ. Pɔ́ gɔɔn mbwo pʉ̀a ngie ńgwɔ́ nyìŋ gÿo kɔ̀ɔkɔ́ɔ gie mbùm nyìŋ mesoŋ tsɔ́ɔn, tá á gwɔ́ nò shʉ́. Pɔ́ lɔg pú’u, éshwoŋte pʉ̀a pie pɔ́ ka nyé ńkẅɛɛ tsetsɛ̀ɛ pʉ̀a pie ée nà mánzsè tepòŋ,

1 Jâŋ 2:16

á nue àkɔ́ɔkɔ́ɔ gie áa tsɛ̀ɛ njÿó, pá’ shúm sie mbùm nyìŋ tsóte yé á tsɔ́ɔn, pá’ shúm sie nyìŋ záb lejÿɔ́g mǒ ńtsɔ́ɔn légẅiin, mbɔɔ shúm sie pʉ̀a mesoŋ lɔgɔ ńŋá’te, sɛ̌ shúm téen fó mbwo Tá wege wɔ́, éfó pɔ́ tsɛ̀ɛ njÿó.

1 Jâŋ 2:8

Tà mbɔɔ pú’u, *lepʉ̌ sie mèŋ n ŋwe’e ńnáa né pi, ée pá’ɔɔn, ńké ngwɔ́ se sẅé, ée se sẅé ńcʉa nà mmó gie mé ne ńgyá ná Kristo mbɔɔ ná pi gí. Pi zɔɔn ńgyá pá’ nzěm ne ḿmaga, tà mbà kwà’ kyɛ̀’ zyě lékyɛ’ jʉ’.