Efeso 2:20 - Nouveau Testament en Ngienboum

²⁰ Pi cʉ̌’ ńgwɔ́ pɔ́ pá’ mbelég gie mé lɔ̌g ḿbwóon ndá. Acÿó ndá gwɔ́ ngàŋ ntúm Yěsô pâ pà *ntsẅì nkʉ̀ Ssé, Yěsô Kristo lê twó yé gwɔ́ tóon gẅie à pi’ ndá.

Efeso 2:20 ပူးပေါင်းရင်းမြစ်များ

Matio 16:18

N ge ké gíŋe shwóŋó ɔ́, kwà’ nénʉ́, ngie: Ɔ̀ɔ Piɛ, ńdɔgɔ ngie tóon, mèŋ n ge gÿo tÿɔ́gɔ cú’te pʉ̀a pɔ́ɔn ndùm tóon ŋwɛ́. Tà mbɔɔ legwé lelá’ ńku’u lénʉ’te yɛ̌ cú’tè wɔ́.

Matio 21:42

Yěsô gɔɔn né pɔ́b ngie: Á lɔɔn tè kɔ́ wɔ́, mbà pi leen ńtóŋo jʉ’ʉ ŋwà’ne Ssé gie á gɔɔn ngie: «Tóon gẅie pàpwóon ndá la gwá’, leen ńcʉ́’ʉ tóon gẅie yé zɔ pi’ ndá. Cʉ̀apʉ̀a zɔ la gÿo pú’u, á gwɔ́ máa nò mbòŋo á menÿɔ́g pege»?

1 Korento 12:28

E Ssé la cʉ́’ʉ létaŋte cú’tè yé, ḿvɔg ńzáb megàŋ ntúm, ḿbɔ́ɔnte ńzáb pà ntsẅì nkʉ̀ pie é fóo mbwo yé, ḿbɔ́ɔnte ńtÿɔ́g pà zí’i pʉ̀a nò Ssé, mé fó ná pɔ́b ńgyá pʉ̀a pie à la cÿó gem yɔ́b, á gwɔ́ pá’ pɔ́ ge gÿo menò mmɔɔn mmɔɔn, ḿbɔ́ɔnte ńgyá pʉ̀a pie à la cÿó gem yɔ́b, á gwɔ́ pá’ pɔ́ ge gÿo megùɔ zeŋe, mé fó ná pɔ́b ńgyá pʉ̀a pie ayɔ́b fù’ áa lékẅéte petsɔ́ pʉ̀a mbɔɔ pʉ̀a pie pɔ́ táŋte cú’tè, tà mbɔɔ pʉ̀a pie à la cÿó gem yɔ́b á gwɔ́ pá’ pɔ́ ge shwóŋó meshwóŋè mie pɔ́ laa zí’i.

Galatia 2:9

Jâg, Piɛ mbɔɔ Jâŋ, é pʉ̀a pie mé lɔ́ɔn ńdíe wɔ́b pá’ mentóon tsɛ̀ɛ cú’tè pʉ̀a Kristo la, la gwɔ́ tà ńzsé ngie e Ssé la kwa’ ńcʉ́me yɔɔn fà’ mbwo mèŋ, ńnáa pwó né peg Panebâse, lélɔg ńda’te ngie pega pɔ̌ ee tà’ ncwò nà fà’a Ssé. Pú’u, peg gẅiin légʉa tsetsɛ̀ɛ pʉ̀a pie é té pà Yuda wɔ́, ńtsẅi nkʉ̀ mbòŋo, pɔ́b yɔ́b pâ Piɛ gẅiin légʉa tsetsɛ̀ɛ pà Yuda ńtsẅi.

Efeso 3:5

E Ssé la tè kyɛ́’te yɔɔn ntsèm ye mbwo pʉ̀a mesoŋ pe fʉ̀’ mvfò wɔ́. Á ké ńgwɔ́ fʉ̀’ɔɔn, mbà à gÿo à Zẅìge yé shʉ̀ashʉ̀a ńkyɛ́’te nò yá yɛ̌ mbwo pʉ̀a pie à la cwoŋo wɔ́b ńdɔg ńgÿo megàŋ ntúm Yěsô mbɔɔ pie à la lɔgɔ wɔ́b ńgÿo pʉ̀a pie é ge ńnéŋe tsẅii nkʉ̀ gẅie é fóo mbwo ye.

Kolosia 2:7

Pi nyɛte ńcʉŋ leŋàŋ sí pɔ́ ná ye, ńtÿɔ́gɔ gẅi le gwɔ́ pɔ́ ná ye pá’ mé tÿɔ́gɔ ndá nà cÿǒ la, ńne ńkẅi’i ńkú’te pɔ́ nò yé mboŋó, yɛ̌ nò ké ńgwɔ́ pɔ́ pá’ mé la zí’i gẅí. Pi ne ńnáa ndǎg mbwo Ssé tɛ’.

1 Piɛ 2:6

Mé la ŋwe’e tsɛ̀ɛ ŋwà’ne Ssé ngie: Pi gyá, mèŋ n kǎ tóon lezẅé ndá, ńnuŋe tÿǒsoŋ Sioŋ, á gwɔ́ tóon ńgẅiin shÿó ḿbiŋ ńgwɔ́ tʉ̀ nzẅìŋ ńgwɔ́ gẅie nyìŋ lɔɔn ńzáb ntʉ́m ná yé, eshʉ́ le lá’ ńkúu ngàŋ wɔ́.

Ŋwà’ne Ngyà jʉ’ 21:14

Mé la lɔg memáa métóon ntsɔ̀b pʉ́a nê legém nuŋe ncwò nká’ gẅie é la kéle tÿǒsoŋ, mbàa wɛ̌ tóon wɔ́ á gẅiin lezíŋ tà’ nyìŋ á nà megàŋ ntúm Mûɔ *Njʉ̀njÿò pie é laa ntsɔ̀b pʉ́a nê legém.