Efeso 2:17 - Nouveau Testament en Ngienboum

¹⁷ Kristo la tóo létsẅi nkʉ̀ mbòŋo gẅie é náa sẅétè á mbwo pi pie pi tè pà Yuda wɔ́, mbà pi ka tè lejʉ́ŋ Ssé wɔ́, ńgíŋe ńtsẅi mbɔɔ mbwo pà Yuda pie pɔ́ kaa lejʉ́ŋ Ssé.

Efeso 2:17 ပူးပေါင်းရင်းမြစ်များ

Matio 10:13

Pʉ̀a pie ee tsɛ̀ɛ yɛ̌ ndá lɔɔn ńkúe gẅí, mbà Ssé ge néŋ mbʉ́lè ná pɔ́b! Tá ńgwɔ́ gie pɔ́ lɔɔn tè gẅi kúe, mbà mbʉ́lè gi ge piŋe ná pi.

Lukase 15:8

Pi gíŋe ńjú’u tsɔ́, manzwě lɔɔn ńgẅiin nkáb ye pàg legém, tà’a pàg pyé, mbà à ge gǎ? Mbà à tè lyɛɛ lâm, é jÿɔg ndá, é ta’ kʉ̀ŋe, é pʉ́le fa’ tà lá’ gyá wá?

Lukase 2:14

Legu’ gwɔ́ mbwo Ssé á tàa tÿǒ lepwó, asẅétè gwɔ́ mbwo pʉ̀a mesoŋ ndùmo Ssé tsetsá’. E Ssé kwoŋo wɔ́b.

Megàŋ ntúm 10:36

E Ssé ka túmo shwóŋè yé mbwo púɔ Israel. E gwɔ́ nkʉ̀ mbòŋo, ńgɔɔn nò na mbʉ́lè gie mé cʉa ná Yěsô Kristo gẅie aa Cʉ̀apʉ̀a pʉ̀a metsèm, ńgẅiin.

Megàŋ ntúm 2:39

Méla’mie eshúm sie e Ssé la ka’, à lɔ̌ɔn ńka’a mbwo pi, mbɔɔ mbwo gubé gí. À lɔ̌ɔn ńka’a mbɔɔ mbwó pʉ̀a pie pɔ́ ńnéŋe ngʉ̀a shʉ̀shʉ̀a, é ngwòŋ pʉ̀a metsèm pie Cʉ̀apʉ̀a Ssé yégè ge gÿo tóŋo wɔ́b.

Roma 10:14

Tá’ ngwɔ́ pʉ̀a le záb ntʉ́m ná Cʉ̀apʉ̀a wɔ́, ńgÿo lêkɔ́ tá ńdʉa ńtóŋo yé? Ngwɔ́ pʉ̀a piŋ ńgÿo lêkɔ́ ńzáb ntʉ́m ná Cʉ̀apʉ̀a té gwɔ́ gie pɔ́ jǔ’ pá’ nyìŋ shwóŋó nò Cʉ̀apʉ̀a á mbwo pʉ̀a? Ngwɔ́ pʉ̀a piŋ ńjú’ pá’ mé shwóŋó nò Cʉ̀apʉ̀a lêkɔ́, té gwɔ́ gie nyìŋ gẅie à ge shwóŋó nò Cʉ̀apʉ̀a àa wó?

Roma 5:1

Pá’ à la cʉa nà lezǎb ntʉ́m nà Yěsô Kristo, e Ssé cʉ́’ ńdíe wégè pege gwɔ́ pɔ́ ndʉŋ ndʉŋ mvfò yé la, pega Ssé ee fʉ̀’ɔɔn ńnéŋe mboŋó, ńzẅɛ́’ɛ Cʉ̀apʉ̀a wege Yěsô Kristo.

2 Korento 5:20

Peg lɔgɔ pá’ɔɔn ńgwɔ́ memântúm Kristo tá ńgɔɔn nò. Áa pá’ɔɔn ńdɔgɔ ńgwɔ́ ngie e Ssé yé máŋwɛ́ zɔ tóŋo pʉ̀a. Peg lɔ̌g lezíŋ Kristo, ésẅíŋte ngie pʉ̀a zẅíŋ e Ssé gÿo pâ pɔ́ gíŋ ńgwɔ́ mbòŋ.

Efeso 4:21

Á lɔɔn ńgwɔ́ ngie pi ka jú’u nò yé, tà mé shwóŋó gẅi nò nénʉ́ ntsèm gie á ne ńdíe yé,