Efeso 2:16 - Nouveau Testament en Ngienboum

¹⁶ Pá’ pege kéen ḿbú ńcʉ́’ʉ tà’ nùɔ la, á lɔgɔ ńgɔɔn ngie mbù gẅie é kaa tsetsɛ̀ɛ menùɔ mégè é kéen ḿmag. Wɛ̌ le gwɔ́ ka fó pɔ́ ná pá’ Kristo ka kwě nà tÿǒ nkǐ ńdɔg ńgÿo mbù gẅie é kaa tsetsɛ̀ɛ menùɔ mégè lâ Ssé é mag. Pege metsèm cʉ́’ ńgwɔ́ pɔ́ púɔ Ssé. Yɔɔn áa mmó gie á ka mag mbù gẅie é kaa tsetsɛ̀ɛ pege.

Efeso 2:16 ပူးပေါင်းရင်းမြစ်များ

Roma 5:10

Pega Ssé ka zɔɔn ńgwɔ́ pɔ́ megàŋ mbù, tá Ssé lɔg pá’ Míŋ we kwé, ḿmag mbù wegá pɔ̌. Á ge piŋ gwɔ́ nà fʉ̀’ɔɔn, à gaa wɔ́ ńdɔg pá’ Míŋ we gwɔ́ pɔ́ wó, ńgÿo pege tsẅɛ́ ngɔ́’ tsẅɛ́!

Roma 6:6

Tà pege lege ngie: Mé la púte Kristo laa nzẅìŋe nyìŋ gẅie à laa ná pege ńkíme nà tÿǒ nkǐ, légwɔ́ gie metʉ̀ mmó gie á laa ná pege, ńtsóte wégè pege gÿo nò tepòŋ, é ge mag pege é le gíŋe ńgwɔ́ menkwɔɔn nò tepòŋ wɔ́.

Roma 8:3

*Lepʉ̌ Mǒsê la tè ku’u légÿo yɛ̌ mmó wɔ́, á nue nyìŋ mesoŋ la lɔg pá’ à fege fege, ńtáte. Tá Ssé la ké ńgÿo yɛ̌ mmó, ńcʉ́’ʉ légÿo, ńtúmo kwà’ Míŋ we á sele ńcʉ́’ʉ nyìŋ mésoŋ, á nyìŋ mesoŋ gẅie aa ngàŋ mefʉa légwɔ́ gie à ge kẅile nyìŋ mesoŋ tsɛ̀ɛ nò tepòŋ. E Ssé la lɔg pú’u, ńzẅé metʉ̀ nò tepòŋ gie á sá’a pʉ̀a mesoŋ.

Roma 8:7

Petsɔ́ pʉ̀a ée ná mánzsè legwé á nue pʉ̀a pie pɔ́ ńnéŋe ńtÿɔ́g ntʉ́m wɔ́b pɔ́ nà mmó gie mbùm yɔb ne shwóŋó wɔ́b ée megàŋ mbù Ssé. Pɔ́ té kú’te *lepʉ̌ Ssé wɔ́, etsɔ́ shÿó lézɔɔn ńkú’te té wɔ́ mbwo pɔ́b wɔ́.

1 Korento 10:17

Pá’ tà’ mbelég wémɔ’ɔ́ zɔɔ ssé la, pege metsèm púte ḿpfɛ́ɛ wɛ̌ tà’ mbelég á lɔgɔ ńnyɛɛ ngie pege puté ńgwɔ́ pɔ́ tà’ mbùm nnɛ́ yémɔ’ɔ́.

Galatia 2:20

Mèŋ n zɔ tè pá’ɔɔn ńgíŋe sá’a twó mbùm yɔ́ɔn mɔ́, Kristo zɔ cʉ̌’ ńgwɔ́ soŋ nnɛ́ mèŋ ésá’a wɔ̀ɔn. N dɔɔn ńgÿo pɔ́ kɔ́ wɔ́, mbà á gwɔ́ pɔ́ ngie m bǔ ńzáb ntʉ́m wɔ̀ɔn ná Míŋ Ssé. Àa nyìŋ gẅie à la kwoŋo wɔ̀ɔn kwoŋ tà ńkwé nà twó yɔ́ɔn.

Efeso 2:15

Yěsô ka pyág mbʉ̌ pà Yuda mie é gɔɔn ngie, gÿo yɔɔn, ńgÿo gi, tá ńdɔg ńgwɔ́ nyìŋ Ssé, ḿbyága pú’u, pá’ pʉ̀a Yuda mbɔɔ pʉ̀a pie é té pà Yuda wɔ́ ge lɔg pá’ wɔ̌wɔ́ɔ ná pɔ́b wɔ́ lǎ nnɛ́ ná Yěsô, é temte, é cʉ́’ʉ nùɔ ye sẅé. À lɔg ḿmag mbù tsetsɛ̀ɛ pɔ́b, pɔ́ ńnéŋe lè mbʉ́lè.

Efeso 3:6

Ntsèm ŋwɛ́ e yɔɔn, á fó ná nkʉ̀ mbòŋo, epʉ̀a pie é té pà Yuda wɔ́, gẅiin yɔ́b mmó nà shúm sie e Ssé la ka’a mbwo pʉ̀a pé pà Yuda. Pɔ́ ée mekèm tà’ mbùm nnɛ́, ńgíŋe ńgẅiin yɔ́b nò ná mmó gie e Ssé la fó ná Yěso Kristo ńka’a mbwo pʉ̀a mesoŋ.

Efeso 4:4

Mbùm nnɛ́ Kristo ee yémɔ’ɔ́, a Zẅìge ndʉalʉ̌a gwɔ́ yémɔ’ɔ́ ndʉŋ ndʉŋ pá’ mmó gie e Ssé la tóŋo gẅí, pi ne ńzẅí’te á gwɔ́ pɔ́ yémɔ’ɔ́.

Kolosia 2:14

À la véle ŋwà’ne njǔ yega pɔ̌, mbà *lepʉ̌ laa tsɛ̀ɛ yɛ̌ ŋwà’ne ńne sẅiŋe wégè ná menò mie pege fʉaté, ńgwɔ́ mé gɔɔn ngie à la pú wɔ́b Yěsô ńkime nà tÿǒ nkǐ, ńdɔgɔ pú’u, ńcʉŋte ŋwà’ne.

Kolosia 3:15

Mèŋ n ne ńtsɔ́ɔn ngie mbʉ́lè gie e fóo mbwo Kristo e jÿó ntʉ́m gẅí, e Ssé la tóŋo gẅi métsèm légwɔ́ gie pi ge gẅiin mbʉ́lè ŋwɛ́, pá’ pi ge gwɔ́ mekèm tà’ mbùm nnɛ́. Pi ké ńgwɔ́ fʉ̀’ ntsèm, ńne ńnáa ndǎg mbwo Ssé.