Efeso 2:13 - Nouveau Testament en Ngienboum

¹³ Tá’, á ké ńgwɔ́ fʉ̀’ɔɔn, mbà pi pie pi kaa ngʉ̀a shʉ̀shʉ̀a, pi ka lɔg pá’ pi lǎ nnɛ́ ná Kristo. E Ssé kaa gẅi ńtÿɔ́gɔ lejʉ́ŋ ye, á nue Yěsô Kristo la pfɛte metse mé ńkwé ńtí gẅí.

Efeso 2:13 ပူးပေါင်းရင်းမြစ်များ

Ŋwà’ne Jâŋ 10:16

N giŋé ńgẅiin tsɔ́ *menjʉ̀njÿò mie é té tsɛ̀ɛ nká’ wɔɔn wɔ́. Á ně ńzɛ́te ngie mèŋ n gʉa ńdɔgɔ wɔ́b ńtó. Pɔ́b yɔ́b ge gÿo jú’ ngyè yɔ̀ɔn, à cʉa pú’u, nùɔ njʉ̀njyò gwɔ́ yémɔ’ɔ́, ambyɛ̀bɛ gwɔ́ wémɔ’ɔ́.

Megàŋ ntúm 15:14

Simo lǔ ssé lékímte wégè nò gie e Ssé ka gÿo nà pʉ̀a pie é té pà Yuda wɔ́. Yɛ̌ nò gwɔ́ ngie tà fó nzyetě, e Ssé záb ngie à ge gʉa tsetsɛ̀ɛ pʉ̀a pie é té pà Yuda wɔ́, é tsɔ́’ pʉ̀a lɔg gÿo pʉ̀a pie ée pé.

Megàŋ ntúm 2:39

Méla’mie eshúm sie e Ssé la ka’, à lɔ̌ɔn ńka’a mbwo pi, mbɔɔ mbwo gubé gí. À lɔ̌ɔn ńka’a mbɔɔ mbwó pʉ̀a pie pɔ́ ńnéŋe ngʉ̀a shʉ̀shʉ̀a, é ngwòŋ pʉ̀a metsèm pie Cʉ̀apʉ̀a Ssé yégè ge gÿo tóŋo wɔ́b.

Megàŋ ntúm 22:21

Cʉ̀apʉ̀a lêen ńké ńgɔɔn né mèŋ ngie: Lwo, mèŋ n túmo gú pá’ɔɔn ngʉ̀a shʉ̀shʉ̀a, á tsetsɛ̀ɛ pʉ̀a ntí ntí pie é té pà Yuda wɔ́.

Megàŋ ntúm 26:18

Mèŋ n túmo gú pú’u, ɔ̀ gʉa ńnyɛ́’ nÿɔ́g mɔ́b, ńgÿo pɔ́ fó tsɛ̀ɛ nzěm ńkẅɛ, ńkúu nà jʉ’ gie á ne fɔ́gɔ. Á lɔgɔ ńgwɔ́ ngie ɔ̀ ge gÿo gÿo pɔ́ fó nà mbwó Sátà ńkẅɛ, ḿbiŋe nà mbwó Ssé, é záb ntʉ́m wɔ́b ná mèŋ, e Ssé lege menò tepòŋ mɔ́b ńnáa mbwó pɔ́b, é piŋ náa yɔ́b jʉ’ á tsetsɛ̀ɛ pʉ̀a pé.

Roma 8:1

Á lɔgɔ ńgwɔ́ ngie pʉ̀a pie é la nnɛ́ ná Yěsô kristo, é té ge lá’ gíŋe gwe ntsaŋ wɔ́,

1 Korento 1:30

Yé Ssé zɔ la temte gẅia Yěsô Kristo, ńdɔgɔ yé ńgÿo yégè zsé nò. E Ssé fó ná ye ńgyá wégè pá’ pà tè fʉa, ńdɔgɔ wégè ńgÿo pʉ̀a pé, ńzá’ nkÿo pù’ nò tepòŋ ná pege.

1 Korento 12:13

Á nue e Ssé la lɔgɔ tà’ Zẅìge wémɔ’ɔ́ ḿbú ńtemte wégè metsèm légwɔ́ gie pege ge lɔg pú’u, é gwɔ́ tà’ mbùm nnɛ́, epʉ̀a lɔɔn ńgwɔ́ pɔ́ pà Yuda, kà pɔ́ pʉ̀a pie é té pà Yuda wɔ́ wɔ́, ńgwɔ́ pɔ́ menkwɔɔn kà púɔ lá’ gwɔ́, mbà Ssé la pú ńnéŋe tà’ Zẅìge wémɔ’ɔ́ á ntʉ́m pege pɔ́ metsèm.

1 Korento 6:11

Áa pá’ tsɔ́ pʉ̀a tsetsɛ̀ɛ pi ka zɔɔn ńgwɔ́ pú’u. Tá’ e Ssé ka sɔg mɛ̌ menò ná pi, ńdɔgɔ gẅi ńgÿo pʉ̀a pé. E Ssé yege ka lɔgɔ Zẅìge yé ńgÿo pi cʉ́’ ńgwɔ́ pɔ́ pʉ̀a pie ée ndʉŋ ndʉŋ mvfò ye ńtí Cʉ̀apʉ̀a Yěsô Kristo.

2 Korento 5:17

Nyìŋ gwɔ̌ tá ńda nnɛ́ ná Kristo, ńcʉ́’ ńgwɔ́ pɔ́ nyìŋ we sẅé, ńgwɔ́ tsɛ̀ɛ ntʉ́m yé à tè gíŋe ńgwɔ́ pá’ à ka zɔɔn ńgwɔ́ wɔ́, mbà à zyě léńnéŋe we sẅé.

Galatia 3:28

Á fó pú’u, e Ssé tè gíŋe ńgÿo tsɔ́ tyɛ’te ná pà Yuda lâ pʉ̀a Gelekia wɔ́, ńké té gíŋe ńgÿo nà menkwɔɔn lâ pà ndù nnɛ́ wɔ́, ńké tè gíŋe gÿo nà mbàŋa lâ pànzwé wɔ́, á nue pi lɔg pá’ pi la nnɛ́ ná Yěsô Kristo ńcʉ́’ ńgwɔ́ pɔ́ tà’ ntí

Efeso 1:1

Yɔɔn ŋwà’ne fóo mbwo mèŋ pɔl, e Ssé la kwoŋ ngie n gwɔ́ ngàŋ ntúm Yěsô Kristo. Mèŋ n náa mbwo pi pʉ̀a Ssé pie pi ńnéŋe Efeso, mbà pi la záb ntʉ́m ná Yěso Kristo, ńké ńzsé pɔ́ ndà’ nò yé.

Efeso 1:7

Míŋ we ŋwɛ́ la lɔg metse mé ńdɔg ńcu’u wégè, pege tsẅɛ́. E Ssé lege mefʉa mégè ńnáa mbwo pege. Yɔɔn áa nò té fʉ̀’ gie e Ssé la lɔg ńcÿó gʉm yégè,

Efeso 2:10

Pege lɔɔn ńgwɔ́ kɔ́ wɔ́, mbà pege zẅɛ́’ɛ pɔ́ Ssé. E Ssé la cʉa ná Yěsô Kristo ḿbwóon wégè, légwɔ́ gie pege ge fa’ mefà’ mbòŋo mie yé Ssé la lá’ ńcwoŋte ńzáb pá’ pege ge fa’.

Efeso 2:12

Pi gíŋ ńkímte ngie á kaa fʉ̀’ ayɛ̌, pi tè ne ńzsé ngie tsɔ̌ nyìŋ aa wó ńgwɔ́ *Nzà’nkÿo, tà mé gẅiin lézẅí’te yé wɔ́. Pi gwɔ́ tsetsɛ̀ɛ pʉ̀a Israel ńgwɔ́ pɔ́ megʉ̀, pi tè nò nà *kʉ̀a yɔ́ba Ssé gẅiin tà mbɔɔ nà mmó gie e Ssé la ka’a mbwo pɔ́b. Pi laa gí tsɛ̀ɛ yɔɔn njÿó, pi tè ne ńzẅí’te tsɔ́ mmó wɔ́, ńgíŋe tè ne ńzsé Ssé wɔ́.

Efeso 2:2

Pi laa fʉ̀’o ńně ńgÿo pɔ́ yɛ̌ ntí menò. Pi la ne ńgiŋe pá’ pʉ̀a pie ée tsɛ̀ɛ yɔɔn njÿó ne ńgiŋe pú’u, ńně ńjú’u ncwò fùɔ *messé tepòŋ gwie à sá’a *messé tepòŋ mie ée tÿǒ tsɛ̀ɛ fÿág. Yé zɔ aa fʉ̀’ɔɔn ńne ńtsóte pʉ̀a pie pɔ́ lʉ’ʉ lé jú’ ncwò Ssé, pɔ́ ne ńgÿo menò tepòŋ.

Efeso 2:6

Pá’ pege léen ńda nnɛ́ ná Yěsô Kristo la, à la pú ńzíme wégà pɔ̌ nà legwé, ńgíŋe ńgÿo peg cʉ́me nzèm Yěsô Kristo, pega pɔ̌ pú ńkwɔ́’ ńnéŋe tÿǒ lepwó ńně sá’a kɔ̀ɔkɔ́ɔ wɔ́.

Heber 9:18

Áa mmó gie á la gÿo mé té nuŋe mbɔɔ ndùŋ mvfò *kʉ̀a té pfɛte metse wɔ́.

1 Piɛ 3:18

Kristo la zɔɔn ńgyá yé ngɔ́’ tà ńkwé lélɔg ńzyɛ́b menò tepòŋ pʉ̀a mesoŋ, ńké ńkwé ndà’ tà’ legʉ̀a, á ku’. Yé tè fʉa kwé ńtí ngàŋ mefʉa, pú’u, lélɔgɔ gẅi ńtóo mvfò Ssé. Mé la zẅé mbab nnɛ́ ye, tá Zẅìge Ndʉalʉ̌a gÿo á gíŋe ńgwɔ́ wó.

Ŋwà’ne Ngyà jʉ’ 5:9

Melÿò pá, pâ menɔ̀ɔn pá ne ńzɔbɔ zɔ́bɔ ntsè ye sẅé ńgɔɔn tsoló ngie: Ɔ̀ ku’u nyìŋ gẅie ńgwɔ́ ɔ̀ kẅé ŋwà’ne, ńku’u nyìŋ gẅie ńgwɔ́ ɔ̀ nyɛ́’te lìi nŋwá’ gie mé la lɔg ńdyɛte. Mé la zẅé gú ńdɔg ńnuŋe pwɔ́’ Ɔ̀ la pfɛte metse mú ńdɔg ńcu’ pʉ̀a, ńcu’ tà mbɔɔ pʉ̀a pie ée ná yɛ̌ ngẅɛ̀ ndá wɔ́, tà mbɔɔ pʉ̀a pie é shwóŋó yɛ̌ shwóŋè wɔ́, tà mbɔɔ yɛ̌ ntí wɔ́, tà mbɔɔ pe wɛ̌ ngwòŋ wɔ́, ńcu’u wɔ́b pú’u, pɔ́ piŋe mbwo Ssé.