Efeso 2:12 - Nouveau Testament en Ngienboum

¹² Pi gíŋ ńkímte ngie á kaa fʉ̀’ ayɛ̌, pi tè ne ńzsé ngie tsɔ̌ nyìŋ aa wó ńgwɔ́ *Nzà’nkÿo, tà mé gẅiin lézẅí’te yé wɔ́. Pi gwɔ́ tsetsɛ̀ɛ pʉ̀a Israel ńgwɔ́ pɔ́ megʉ̀, pi tè nò nà *kʉ̀a yɔ́ba Ssé gẅiin tà mbɔɔ nà mmó gie e Ssé la ka’a mbwo pɔ́b. Pi laa gí tsɛ̀ɛ yɔɔn njÿó, pi tè ne ńzẅí’te tsɔ́ mmó wɔ́, ńgíŋe tè ne ńzsé Ssé wɔ́.

Efeso 2:12 ပူးပေါင်းရင်းမြစ်များ

Lukase 1:72

Wɔɔn aa pá’ poŋo ntʉ́m Ssé la zye ná pàmangʉa njʉ̀’ pégè, à giŋé ńgwɔ́ lyɛ̌’ɔɔn, ńkímte *kʉ̀a ndʉalʉ̌a gie pâ pɔ́ la gwa,

Ŋwà’ne Jâŋ 10:16

N giŋé ńgẅiin tsɔ́ *menjʉ̀njÿò mie é té tsɛ̀ɛ nká’ wɔɔn wɔ́. Á ně ńzɛ́te ngie mèŋ n gʉa ńdɔgɔ wɔ́b ńtó. Pɔ́b yɔ́b ge gÿo jú’ ngyè yɔ̀ɔn, à cʉa pú’u, nùɔ njʉ̀njyò gwɔ́ yémɔ’ɔ́, ambyɛ̀bɛ gwɔ́ wémɔ’ɔ́.

Ŋwà’ne Jâŋ 15:5

Letsiŋé tÿó aa mèŋ, mbwó tÿǒ gwɔ́ gẅí. Nyìŋ gẅie à la nnɛ́ ná mèŋ, mèŋ n da nnɛ́ ná yé yɔ́ɔn, aa nyìŋ gẅie aa ńgÿo shúm mbòŋo tɛ’. Á nue pege lɔɔn tè gwɔ́, pi le tsɔ́ mmó gÿo.

Ŋwà’ne Jâŋ 4:22

Pi gu’te Ssé té zsé mmó gie pi gÿo yɛ̌. Peg pà Yuda peg gwaa gu’te Ssé, ńne ńzsé mmó gie peg gÿo yɛ̌, mélà’mie Ssé cʉa ná pà Yuda tá ńgÿo pʉ̀a tsẅɛ́.

Megàŋ ntúm 2:39

Méla’mie eshúm sie e Ssé la ka’, à lɔ̌ɔn ńka’a mbwo pi, mbɔɔ mbwo gubé gí. À lɔ̌ɔn ńka’a mbɔɔ mbwó pʉ̀a pie pɔ́ ńnéŋe ngʉ̀a shʉ̀shʉ̀a, é ngwòŋ pʉ̀a metsèm pie Cʉ̀apʉ̀a Ssé yégè ge gÿo tóŋo wɔ́b.

Megàŋ ntúm 28:20

Yɔɔn áa mmó gie á ně ńgÿo tá mèŋ n tsɔ́ɔn légyá gẅi pege shwóŋe. Pi zsě gí mmó gie pà Israel ée ńzɔ́gɔ ḿbyɛ́bɛ. Metsɛ̂n mɔɔn piŋ ńgwɔ́ nà mbwó mɔ́ɔn pá’ɔɔn ńtí pɔ́ yɛ̌.

Megàŋ ntúm 3:25

E Ssé lɔ̌ɔn ńdɔgɔ ncwò pà *ntsẅì nkʉ̀ Ssé ŋwɛ́ ńgɔɔn né pi. Pi gẅiin gí mmó nà *kʉ̀a gie Ssé la gwa tsetsɛ̀ɛ pàmangʉa njʉ’ pí. Á gwɔ́ pá’ à la gɔɔn né Ábalam ngie: Mèŋ n ge lá’ cʉa pɔ́ nà ngẅɛ̀ jù tá néŋ mbʉ́lè nà metsìŋe ndá ntsèm mie ée ndùmo ssé tsetsá’.

Roma 9:8

Yɔɔn nò lɔgɔ ńgɔɔn ngie: Epúɔ pie mámbàŋa pɔ́ manzwě kwǒŋ kwoŋ ńzyé, é té púɔ Ssé wɔ́. Epúɔ pie mé la zyé wɔ́b ná pá’ Ssé la ka’ zɔ̌ lɔgɔ ńgwɔ́ púɔ Ssé.

Galatia 4:8

Pi laa tsɔ́ fʉ̀’ pi tè ne ńzsé Ssé wɔ́, ńgwɔ́ menkwɔɔn shúm sie mé kwaŋ ngie ée messé, tá’ e tè Ssé wɔ́.

Efeso 2:19

Á cʉa pú’u, pi tè gíŋe ńgwɔ́ megʉ̀ wɔ́, ńké tè gíŋe ńgwɔ́ pɔ́ pʉ̀a pie é cʉa cʉa wɔ́. Pi lɔgɔ ńgwɔ́ gí pʉ̀a lá’ pá’ petsɔ́ pʉ̀a pie ée pʉ̀a Ssé. Pi lɔgɔ ńgwɔ́ nà tsìŋe ndá Ssé.

Efeso 4:18

Menkwaŋá mɔ́b gwɔ́ pɔ́ me tsɛ̀ɛ nzěm. Pɔ́ gʉa nà leńnéŋe we sẅé gẅie Ssé ne náa, ńgwɔ́ pɔ́ megʉ̀, ńtí nue pɔ́ té mánzsè Ssé zsé. Mbà ntʉ́m wɔ́b léen shÿɔg.

Kolosia 1:21

Pi gí, pi laa tsɔ́ fʉ̀’ pi tè lejʉ́ŋ Ssé wɔ́, ńgwɔ́ pɔ́ ngʉ̀a shʉ̀shʉ̀a, ńgwɔ́ megàŋ mbù Ssé, á nue pi lɔ̌ɔn ńkwaŋa nò tepòŋ, ńgÿo pɔ́ yɛ̌.

Kolosia 1:27

Á nue e Ssé ka gyǎ ngie à ge gÿo pʉ̀a pé zsé mmó gie á la zɔɔn ńdyeen menÿɔ́g pʉ̀a lyeen, ńgwɔ́ gie à la ka’a légÿo ná metúmo metúm, yɛ̌ mmó gẅiin fù’, ḿbiŋ ḿboŋ tɛ’. Yɛ̌ ntsem gwɔ́ ngie pi zsé ngie Kristo aa tsɛ̀ɛ ntʉ́m gẅí, ńne ńgÿo pi zẅí’te fʉ̀’ gie pi ge lá’ kúu tsɛ̀ɛ legú’ Ssé.

Kolosia 1:5

Pi gÿo pú’u, nue pi ne ńzẅí’te mmó gie e Ssé la cwoŋte ńzába tÿǒ lepwó ńtí gẅí. Pi ka gwɔ zsé yɛ̌ mmó, éfó nà nò nénʉ́ gie mé ka shwoŋó gẅí, yɛ̌ nò nénʉ́ fóo ná Nkʉ̀ Mbòŋo.

1 Tesalonika 4:13

Mefɛ́ mefɛ́, peg ne ńkwoŋo ngie pi zsé nò nénʉ́ gie á líe mepfó, légwɔ́ gie pi tè ńnéŋe nê lemÿɔg pá’ petsɔ́ pʉ̀a mesoŋ pie pɔ́ té ne ńzẅí’te tsɔ́ mmó mbwo Ssé wɔ́ wɔ́.

1 Tesalonika 4:5

Tà á le zẅíŋ nkwaŋá tepòŋ jÿó yé pá’ é jÿó pʉ̀a pie é té Ssé zsé wɔ́.

2 Tesalonika 2:16

Tá wege Ssé la kwoŋo wégè, ńdɔgɔ lécÿó gʉm yégè, pege cʉ́’ pʉ̀a pé, ńkẅiŋte wégè ná ntí gie e těen ńdá’a ḿmaga wɔ́, ḿbiŋ ńgÿo pege ńnéŋe ne ńzẅí’te mmó mbòŋo gie à la ka’a mbwo pʉ̀a pé. Pú’u, peg ne ńdúɔ mbwo yé mbɔɔ mbwo Cʉ̀apʉ̀a wege Yěsô Kristo ngie:

1 Timote 1:1

Yɔɔn ŋwà’ne áa ŋwe’e mèŋ Pɔl, ngàŋ ntúm Yěsô Kristo. Mèŋ n gee ngàŋ ntúm Yěsô á nue e Ssé pɔ́ Yěsô la tsẅi ngie mèŋ n gwɔ́ wɛ̌. Yé Ssé zɔ gÿo pege tsẅɛ́ɛ, Yěsô Kristo ne ńgÿo yé ngie kɔ̀ɔkɔ́ɔ gie pege ne ńzwí’te mbwo Ssé à pumte.

Heber 11:34

ḿbyág mentʉ̀ ntʉ̀ mmɔ̌g, ńtsẅɛ́ nně ncù tá mé té lɔg ńzẅé wɔ́b gwɔ́, ńguɔ ḿbiŋ sẅéte tà ḿboŋ, ńtyé tsẅɛɛ ncù, ńgwɔ́ pàlÿɔ́’ ńgwá, ḿbú ńjwoŋ mencwò ncù mie é fóo melá’a ndyɛ̀’ɛ.

Heber 6:18

Pú’u la, eshúm ée wó sépʉ́a sie à lɔɔn ńgwɔ́ é le kúbe, pá’ e Ssé la ka’a nò mbɔɔ pá’ à la kʉa, é gwɔ́ menò mie á tʉ tà Ssé gɔɔn mé fa’ kékáŋ. Wɛ̌ le gwɔ́ kẅiŋte wég tɛ’, á wég gẅie peg léen ńnyé kɔ̀ɔkɔ́ɔ, nkwaŋá wég cʉ́’ ńtyé pɔ́ nà mmó gie peg zẅí’te mbwo yé.

Heber 8:6

Tá áa fʉ̀’ɔɔn, mbà Kristo kéen ńgẅiin yé fà’ á cʉa ye pànuŋe pwɔ́’ ŋwɛ́ tɛ’, ńtí nue à zɔɔn ńgwɔ́ màmekěm nà nò *kʉ̀a gie á poŋ cʉa ye mvfò, e Ssé la ne ńgwaa yɔɔn *kʉ̀a, ńka’ menò mbwo pege, é gwɔ́ mbòŋ tà ńcʉa.

1 Piɛ 1:21

Pi zẅɛ́’ɛ pɔ́ yé tá ńzába ntʉ́m nà Ssé gẅie à la zíme yé nà legwé, mbɔɔ pá’ à la náa yé legú’, tà pi gwaa záb ntʉ́m nà Ssé, é piŋ ne pyɛ́bɛ mmó gie Ssé ka’a, yé zɔ̌ gÿo.

1 Piɛ 1:3

Pege síe Ssé Tá pà Cʉ̀apʉ̀a wege Yěsô Kristo. À la tsɔ́ɔn mezìŋe mege, ńgÿo mé zyé wégè lezyé se sẅé, ńcʉa ná Yěsô Kristo gẅie à la zíme nà legwé. Á cʉa pú’u, pege ńnéŋe fʉ̀’ ntsèm, ńne ńzẅí’te kwà’ le gwɔ́,

1 Piɛ 3:15

Tá ńcʉ́’ pú’u, pi gwɔ́ tsɛ̀ɛ ntʉ́m gẅí, ńne ńnáa pɔ́ mekù’ Kristo ngie yé zɔɔ Ndè gẅi. Pi gwɔ́ fʉ̀’ ntsèm ńtyé pɔ́ pá’ nyìŋ zɛ́te gẅi ngie mélà’a kɔ́ pi tÿɔ́g nkwaŋá gẅi ná Kristo wɔ́, pi kyɛ́’te shwóŋó ngàŋ.

1 Jâŋ 3:3

Awɔ̌wɔ́ɔ gẅie à neŋé ne ńzẅí’te ngie Kristo gÿo yɔɔn nò, à ńnéŋe ḿbɔ́ɔn pá’ ńgwɔ́ *lɔ̌’ gwɔ́ ná yé, á nue Kristo aa tè *lɔ̌’.