Efeso 2:10 - Nouveau Testament en Ngienboum

¹⁰ Pege lɔɔn ńgwɔ́ kɔ́ wɔ́, mbà pege zẅɛ́’ɛ pɔ́ Ssé. E Ssé la cʉa ná Yěsô Kristo ḿbwóon wégè, légwɔ́ gie pege ge fa’ mefà’ mbòŋo mie yé Ssé la lá’ ńcwoŋte ńzáb pá’ pege ge fa’.

Efeso 2:10 ပူးပေါင်းရင်းမြစ်များ

Matio 5:16

Aa yɛ̌ tá á poŋ ngie pi kyɛ’ pʉ̀a mesoŋ tá pɔ́ gyá nò mbòŋo gie pi ne ńgÿo, ńdeen ńké ńgu’te Tá gẅi gẅie aa tÿǒ lepwó.

Ŋwà’ne Jâŋ 3:21

Tá’, nyìŋ gẅie à ne ńgiŋe nà mánzsè nò nénʉ́, à tóo jʉ’ gie kyɛ̀’ áa wó, ńzsé ngie mé ge gyá ngie ngÿǒ menò mé fóo pɔ́ ná pá’ à ne ńjú’u ncwò Ssé.

Megàŋ ntúm 9:31

Á gwɔ́ fʉ̀’ó, à cú’tè pʉ̀a Kristo ńnéŋe tsɛ̀ɛ sẅéte. Mé té gíŋe ńgege wɔ́b nà pàga ngwòŋ Jẅidea wɔ́. Tà mbɔɔ tsɛ̀ɛ pàga ngwòŋ Galilea tà mbɔɔ Samalîɛ. Pɔ́b metsèm ne ńtóonte mennɛ́ mɔ́b, ńkẅi’i ńtʉte, ńne ńjú’u ncwò Cʉ̀apʉ̀a. A Zẅìge Ssé piŋ ně ńkẅéte wɔ́b, ḿbiŋe ńgÿo e nùɔ wɔ́b kẅi’i ńgyɔ́ɔn.

Megàŋ ntúm 9:36

Atsɔ̌ mánzwě gwɔ́ Jope, lezíŋ sé gwɔ́ lé Tapita, ńdɔgɔ ńgɔɔn ngie nɔ̀ɔn ngáb. Á gwɔ́, mbà à la zẅíŋe nò Yěsô, ńgwɔ́ fʉ̀’ ntsèm ńgÿo pɔ́ nò mbòŋo, ḿbiŋe ńkẅéte pàte mmó.

Roma 8:1

Á lɔgɔ ńgwɔ́ ngie pʉ̀a pie é la nnɛ́ ná Yěsô kristo, é té ge lá’ gíŋe gwe ntsaŋ wɔ́,

Roma 8:29

Á nue pʉ̀a pie e Ssé la tʉ́ njÿó ńtsɔ́’ɔ wɔ́b, à la gíŋe ntʉ́ njÿó ńzáb ngie mémmó ge lá’ ne kúbe ná pɔ́b kubé, tà pɔ́ sẅé Míŋ we. À cʉa pú’u, Míŋ we gwɔ́ mûɔ ndÿò á nùɔ mefɛ́ pé pie é gyɔ́ɔn.

1 Korento 3:9

Á nue peg puté ńně fa’a pɔ́ fà’a Ssé. Pi gwɔ́ nká’ Ssé, ńgíŋ ńgwɔ́ ndá gie Ssé ne ńkwɛ́ɛ.

2 Korento 5:17

Nyìŋ gwɔ̌ tá ńda nnɛ́ ná Kristo, ńcʉ́’ ńgwɔ́ pɔ́ nyìŋ we sẅé, ńgwɔ́ tsɛ̀ɛ ntʉ́m yé à tè gíŋe ńgwɔ́ pá’ à ka zɔɔn ńgwɔ́ wɔ́, mbà à zyě léńnéŋe we sẅé.

2 Korento 5:5

E Ssé zɔ ka cwoŋte wégè ná wɛ̌ légwɔ́, ńnáa Zẅìge yé mbwo pege ńdɔg ńgÿo zyě ssé ná shúm sie à ge gÿo tá ná né pege.

2 Korento 9:8

E Ssé piŋ ńku’ pá’ ńgwɔ́ á ná shúm mbóŋo mentí mentí né pi, légwɔ́ gie pi ge gwɔ́ fʉ̀’ ntsèm é gẅiin shúm sie é ne ńzɛ́te mbwo pi, tà gíŋ gẅiin mbɔɔ sie ńgwɔ́ pi lɔg fa’ mefà’ mbòŋo nzsè nzsè.

Galatia 6:15

Áa mbwo Ssé *lepu’ú nyìŋ, kà lényé ngàŋ té pú’ wɔ́, à tè kẅéte. Anò gie á kẅéte á gwɔ́ pá’ nyìŋ léen sele ńcʉ́’ʉ nyìŋ sẅé.

Efeso 1:1

Yɔɔn ŋwà’ne fóo mbwo mèŋ pɔl, e Ssé la kwoŋ ngie n gwɔ́ ngàŋ ntúm Yěsô Kristo. Mèŋ n náa mbwo pi pʉ̀a Ssé pie pi ńnéŋe Efeso, mbà pi la záb ntʉ́m ná Yěso Kristo, ńké ńzsé pɔ́ ndà’ nò yé.

Efeso 1:4

mbà à la cʉa ná Kristo ńtsɔ́’ɔ wégè, ńdɔg ńgÿo pʉ̀a pé tà fó ńnyé pɔ́ tè nyɛte njÿó pá’ pege ge gwɔ́ mvfò yé é gwɔ́ pʉ̀a ndʉalʉ̌a, é gwɔ́ pàtèfʉa. Á la lɔg pá’ à kwoŋo wégè,

Efeso 2:13

Tá’, á ké ńgwɔ́ fʉ̀’ɔɔn, mbà pi pie pi kaa ngʉ̀a shʉ̀shʉ̀a, pi ka lɔg pá’ pi lǎ nnɛ́ ná Kristo. E Ssé kaa gẅi ńtÿɔ́gɔ lejʉ́ŋ ye, á nue Yěsô Kristo la pfɛte metse mé ńkwé ńtí gẅí.

Efeso 2:15

Yěsô ka pyág mbʉ̌ pà Yuda mie é gɔɔn ngie, gÿo yɔɔn, ńgÿo gi, tá ńdɔg ńgwɔ́ nyìŋ Ssé, ḿbyága pú’u, pá’ pʉ̀a Yuda mbɔɔ pʉ̀a pie é té pà Yuda wɔ́ ge lɔg pá’ wɔ̌wɔ́ɔ ná pɔ́b wɔ́ lǎ nnɛ́ ná Yěsô, é temte, é cʉ́’ʉ nùɔ ye sẅé. À lɔg ḿmag mbù tsetsɛ̀ɛ pɔ́b, pɔ́ ńnéŋe lè mbʉ́lè.

Efeso 2:2

Pi laa fʉ̀’o ńně ńgÿo pɔ́ yɛ̌ ntí menò. Pi la ne ńgiŋe pá’ pʉ̀a pie ée tsɛ̀ɛ yɔɔn njÿó ne ńgiŋe pú’u, ńně ńjú’u ncwò fùɔ *messé tepòŋ gwie à sá’a *messé tepòŋ mie ée tÿǒ tsɛ̀ɛ fÿág. Yé zɔ aa fʉ̀’ɔɔn ńne ńtsóte pʉ̀a pie pɔ́ lʉ’ʉ lé jú’ ncwò Ssé, pɔ́ ne ńgÿo menò tepòŋ.

Efeso 2:6

Pá’ pege léen ńda nnɛ́ ná Yěsô Kristo la, à la pú ńzíme wégà pɔ̌ nà legwé, ńgíŋe ńgÿo peg cʉ́me nzèm Yěsô Kristo, pega pɔ̌ pú ńkwɔ́’ ńnéŋe tÿǒ lepwó ńně sá’a kɔ̀ɔkɔ́ɔ wɔ́.

Efeso 4:1

Mèŋ gẅie mèŋ n gee ndá tsǎŋ ńtí nò Cʉ̀apʉ̀a Yěsô Kristo, n ge fó ná menò mie mèŋ shwoŋó gẅí, é zɛ́te ngie pi gwɔ́ gÿo kɔ̀ɔkɔ́ɔ gí wɔ́, ńkímte ngie e Ssé ka tóŋo gẅi ngie pi gwɔ́ pʉ̀a pé.

Efeso 4:24

Á gíŋe ne ńzɛ́te ngie pi kúu ná mà we sẅé pá’ nyìŋ kaa nzsǒ sẅé ḿma’a ná ye la. E Ssé zɔ la nuŋe wɛ̌ mà. Wɛ̌ mà aa gẅie mé gyá ná nyìŋ gẅie à ne ńgiŋe ná pá’ á ne ńzɛ́te, ńgwɔ́ nyìŋ gẅie à léen ńnyé we le gwɔ́ ntsèm mbwo Ssé. Wɛ̌ légiŋ fóo ná nò nénʉ́.

Filipo 1:6

Mèŋ n zsě ngie yé Ssé gẅie à la zye mefà’ mbòŋo tsɛ̀ɛ ntʉ́m pi, á ge lɔg gʉa pɔ́ lê mvfò tà lá’ kúu lyɛ̌’ gie Yěsô Kristo ge lá’ gíŋ tó.

Filipo 2:13

E Ssé zɔɔn ne fa’a tsɛ̀ɛ ntʉ́m pi légwɔ́ gie pi ge kwoŋ shúm sie é poŋo yé, mbɔɔ légwɔ́ gie pi ge gíŋ gÿo sɛ̌ shúm.

Kolosia 1:10

Pú’u, pi ku’u léńnéŋe ná ntí gie Cʉ̀apʉ̀a ne ńkwoŋo, ńne ńgÿo pɔ́ mmó gie á poŋo yé, éfa’ mefà’ mbòŋo mentí mentí, ńkẅi’i ńzsé yé Ssé.

Kolosia 3:10

Pi ee pɛ́’ɛ, mbà pi ka kaa mà we nyìŋ sẅé, ḿma’a mbùm pi. Wɛ̌ mà fóo mbwo Ssé. Yé zɔ̌ ne ńtáŋte ngwòŋ fʉ̀’ ntsèm légwɔ́ gie à ge sẅé we. E Ssé gÿo pú’u, légwɔ́ gie pi ge pú zsé yé.

2 Tesalonika 2:17

Pɔ́ kẅiŋte gẅí, ńnáa gẅi tʉ̀ pi lɔg ńgÿo pɔ́ menò mbòŋo, ḿbiŋ ńgẅiin pɔ́ shwóŋè mbòŋo.

1 Timote 2:10

Á zɛ́te ngie pɔ́ lɔg pɔ́ mà wɔ́b ńnyɛ ngie pɔ́ ée pànzwě pie é sí. Áa pá’ pànzwě pie é gÿo mmó gie á poŋ Ssé gẅiin légÿo.

1 Timote 5:10

Á zɛ́te ngie à gwɔ́ gẅie pʉ̀a ne ńzẅíŋe ngie aa ńgÿo mefà’ mbòŋo, á gẅie aa ńkwɔ́’te penkʉ́ pé mboŋó, á gẅie aa ńkúe megʉ̀ mbʉ̀a yé, á gẅie aa ńnáa nnɛ́ ssé, ńkẅéte pʉ̀a Kristo, ńgwɔ́ gẅie aa ńkẅéte megàŋ ngɔ́’, á gẅie aa ńgÿo pɔ́ nò mbòŋo.

1 Timote 5:25

Á gíŋe ńgwɔ́ pɔ́ ndʉŋ ndʉŋ ná mefà’ mbòŋo, ée ńzɔɔn ńkẅɛɛ pɔ́ menÿɔ́g, tà mbɔɔ mie mé té lwo ńgyá wɔ́, mé lá’ ńgyá gyá.

1 Timote 6:18

Tsẅi né pɔ́b ngie pɔ́ gÿo nò mbòŋo. Lefa’ mefà’ mbòŋo, à gwɔ́ yɔ́b fù’, ńgie pɔ́ zí’i légaba pwó, ńdɔg shúm sɔ́b ńkẅéte pʉ̀a.

2 Timote 2:21

Nyìŋ lɔɔn ḿbɔ́ɔn meshwóŋè cÿɔ̌ nò mie mé zí’i pʉ̀a lɔɔn, mbà ngàŋ ge gwɔ́ pá’ káŋ gie mé tÿɔ́gɔ ssé pɔ́ nà lyɛ’ɛ́ lÿò. Mbà à ge gwɔ́ nyìŋ Cʉ̀apʉ̀a, mbà à ge kẅéte Ndè we, à lɔgɔ yé ńgÿo kɔ̀ɔkɔ́ɔ wɔ́ gie áa mbòŋ.

2 Timote 3:17

Pú’u ńzsé ngie nyìŋ Ssé ge fóo nà ŋwà’ne Ssé, é zsé nò Ssé mboŋó, tá gwɔ́ fʉ̀’e kɔ́ wɔ́, é ku’u légÿo nò gie áa mbòŋ.

Titus 2:14

Kwà’ yé à la náa twó yé ńtí wégè, lélɔg cu’u wégè mbwo menò tepòŋ mégè ntsèm. À la nyɛ́te wégè, pege cʉ́’ pʉ̀a pé, ńgwɔ́ pà tè *lɔ̌’, ńcʉ́’ ńnéŋe twó ńgÿo pɔ́ shúm sie ée mbòŋ.

Titus 2:7

Kwà’ gù tyé nà kɔ́ wɔ́, ńnyɛ́ pɔ́ fʉ̀’ʉ mmó mbòŋo. Ɔ̀ lɔɔn ne ńzí’i pʉ̀a mmó, ɔ̀ zí’i wɔ́b pɔ́ ndà’ nò gie áa nénʉ́, ḿbiŋ ńzí’i tà ńzsé mmó gie ɔ̀ zí’i yɛ̌.

Titus 3:1

Tè cʉ́’ pʉ̀a Ssé lege ngie pɔ́ gẅiin lé jú’ ncwò pà sá’ ngwòŋ, ńgÿo mmó gie pɔ́ ne ńzɛ́te, ḿbiŋ ńnéŋe ńtyé pɔ́ légÿo pɔ́ menò mie ée mbòŋ.

Titus 3:14

Mefɛ́ pégè nzèm Kristo gẅiin lékag tʉ̀ yɔ́b, ńdɔgɔ kwɔ́gɔ nnɛ́ ńgÿo menò mbòŋo, ńzsé ngie ńgwɔ́ pɔ́ kẅéte pʉ̀a pie nò tyě nà pɔ́b, pɔ́ le gwɔ́ pà té zẅɛ́’ɛ wɔ́b gwɔ́.

Titus 3:8

Menò mɔɔn ée jʉ’ó ńgwɔ́ pú’u. M bíŋ ne ńkwoŋo ngie ɔ̀ cwoŋo shwóŋó wɔ́b mboŋó, ńzsé ngie pʉ̀a pie é zǎb ntʉ́m nà Ssé pɔ́ ge kag tʉ̀ légÿo menò mbòŋo lékwɔgɔ nnɛ́, à gwɔ́ pú’u, ńgwɔ́ mboŋó, ḿbiŋ ńgwɔ́ mmó gie á kẅéte pʉ̀a mesoŋ.

Heber 10:24

Tà nyìŋ wege gwá’a lÿɔ̀g á lélíe fɛ́ we, á gíŋ ńdíe yé yé, ńzsé ngie pege ge lɔg pú’u, kẅiŋte membùm mégè ná legẅiin nkwòŋe mbɔɔ ná lefa’ mefà’ mbòŋo.

Heber 13:21

Á poŋ ngie e Ssé mbʉ́lè ŋwɛ́, à gÿo pi ku’u légÿo nò mbòŋo légwɔ́ gie pi ge gÿo pɔ́ mmó gie à ne ńkwoŋo. Á poŋ ngie yé Ssé fó ná Yěsô Kristo, ńgÿo ammó gie á poŋo yé, à gwɔ́ ná pege. Legú’ à gwɔ́ mbwo Yěsô Kristo á nà ngù’ nkɔ́ɔn nê nkɔ̌ɔn! *Amen.

1 Piɛ 2:12

!Pi gẅiin tsẅé mbòŋo tsetsɛ̀ɛ pà tèzsé nò Ssé, tà ńgwɔ́ gie pɔ́ lɔɔn ne shwóŋte té poŋ ná lezíŋ sí, pɔ́ gyá menò mbòŋo mie pi ne ńgÿo, ńgu’te lezíŋ Ssé fʉ̀’ gie Ssé ge gÿo tó gɔɔn nò né pɔ́b.

1 Jâŋ 1:7

Tá ńké ńgwɔ́ gie pege lɔɔn ne ńgiŋe ná jʉ’e fɔ̌g pá’ yé lê twó yé aa nà jʉ’ʉ fɔ̌g la, mbà pege ge pú gẅiin tà’ ncwò tsetsɛ̀ɛ pege, metse Míŋ we Yěsô leen ńké sɔgɔ wégè ná nò tepòŋ ntsèm.

1 Jâŋ 2:6

Nyìŋ lɔɔn ńgɔɔn ngie: Peg Ssé léen ńtemte, á zɛ́te ngie ngÿǒ menò mé gwɔ́ pá’ me Yěsô Kristo laa pú’u.