Efeso 2:1 - Nouveau Testament en Ngienboum

¹ Pi laa tsɔ́ fʉ̀’ ńgwɔ́ mbwo Ssé, mbà pi léen ńkwé ńtí pá’ pi láa ngàŋa mefʉa ńgíŋ ńgwɔ́ pàgÿo menò tepòŋ.

Efeso 2:1 ပူးပေါင်းရင်းမြစ်များ

Matio 8:22

Yěsô tsɔ́’ɔ mbwó yé ngie: Cʉ́m pɔ́ nzèm mèŋ, ńnyé mepfó pɔ́ túŋ mepfó pɔ́b.

Lukase 15:24

ńtí pá’ míŋ wɔ̀ɔn mɔɔn à ka kwě, à zǐm, à ka pyě, n giŋé ńgyá yé. Á gɔɔn pú’u, pɔ́ zye lékág.

Lukase 15:32

Tá’, á kɔ’ɔ́ ḿboŋ ngie pege kág kwà’ mboŋó, mélà’mie afɛ̌ gù wɔɔn à ka kwě, à zimé nà legwé, à kà pyě, mèŋ n gǐŋ ńgyá yé.

Ŋwà’ne Jâŋ 10:10

Antsǒŋ tó yé pɔ́ léjʉ, pɔ́ lézẅé, pɔ́ lécʉŋte. Mèŋ n ka tǒ légwɔ́ gie pʉ̀a mesoŋ ge gẅiin le gwɔ́ gẅie aa kwà’ wɛ̌ pɔ́ ntsèm.

Ŋwà’ne Jâŋ 14:6

Yěsô tsɔ́’ɔ mbwo yé ngie: Mèŋ n ge mánzsè, mèŋ n ge nò nénʉ́, mèŋ n ge legwɔ̌ wó. À lɔɔn ńgwɔ́ nyìŋ á le gʉa mvfò Tá wɔ̀ɔn té cʉa pɔ́ ná mèŋ wɔ́.

Ŋwà’ne Jâŋ 5:21

Pá’ Tá we gÿo pʉ̀a pie é kwě zím ńgwɔ́ wó la, áa ndʉŋ ndʉŋ pá’ Múɔ giŋé ńku’ yé légÿo nyìŋ gẅie à kwoŋo yé gwɔ́ wó.

Ŋwà’ne Jâŋ 5:25

Tà mèŋ shwóŋó gẅí, kwà’ nénʉ́, afʉ̀’ ne ńku’u, tà á ně ńzɔɔn ńdá’ ńku’, pá’ mepfó ssé ge jú’ ngyè Míŋ Ssé, epʉ̀a pie pɔ́ jǔ’ yɛ̌ ngyè pɔ́ gwɔ́ wó.

Roma 8:2

mélà’mie nyìŋ zɔɔn ńgwɔ́ tà ńda nnɛ́ ná Yěsô Kristo *lepʉ̌ sie é cʉ́’ʉ sá’a yé gwɔ́ pɔ́ se Zẅìge Ndʉalʉ̌a gie á gÿo mé gwɔ́ wó. Sɛ̌ *lepʉ̌ léen ńkẅé wɔ̀ɔn mbwo *lepʉ̌ sie ée se nò tepòŋ, ńgwɔ́ sie é gÿo mé kwé.

1 Korento 15:45

Áa mmó gie á la gÿo mé ŋwe’e ngie: Ádam gẅie à laa ndùŋ mvfò nyìŋ mesoŋ, e Ssé la gÿo tá á gwɔ́ wó, tá’ nzsò nzèm Adam tó ńgwɔ́ pɔ́ Zẅìge gie á gÿo mé gwɔ́ wó.

2 Korento 5:14

Ayég gwɔ́ pɔ́ ngie pá’ Kristo kwoŋo wégè la, peg ne ńjú’u pɔ́ ncwò yé. Peg ne ńkwa’a ńzsé ngie tà’ nyìŋ wémɔ’ɔ́ la kwé nà twó mânyìŋ ntsèm. Á lɔgɔ pú’u, ńgwɔ́ ngie pâ pʉ̀a metsèm la pú ńkwé.

Efeso 4:18

Menkwaŋá mɔ́b gwɔ́ pɔ́ me tsɛ̀ɛ nzěm. Pɔ́ gʉa nà leńnéŋe we sẅé gẅie Ssé ne náa, ńgwɔ́ pɔ́ megʉ̀, ńtí nue pɔ́ té mánzsè Ssé zsé. Mbà ntʉ́m wɔ́b léen shÿɔg.

Efeso 5:14

Á zɔɔn tè gwɔ́ pɔ́ ndà’ pú’u wɔ́, ammó vɔg tà ńkẅɛɛ jʉ’e fɔ̌g, ńkúbe, ńcʉ́’ ńkyɛ’ pɔ́ jʉ’. Áa yɛ̌ tá mé gɔɔn ngie: Gù gẅie ɔ̀ ne ńdyé, zyeen, Fó tsetsɛ̀ɛ mepfó ńdu ssé, Pú’u, Kristo ńnéŋe kyɛ̀’ yé ná gù.

Kolosia 2:13

Pi laa tsɔ́ fʉ̀’ ńgwɔ́ mbwo Ssé, ńgwɔ́ pɔ́ mepfó, ńtí menò tepòŋ mí, mbɔɔ pá’ pi la tè pʉ̀a pie mé la pú’u wɔ́b lélɔgɔ wɔ́b ńgÿo pʉ̀a Ssé wɔ́. Á ké ńgwɔ́ nà fʉ̀’ɔɔn, mbà Ssé kéen ḿbúte gẅia Kristo ńzíme nà legwé. À kéen ḿbú ńdege menò tepòŋ mégè ntsèm, ńnáa mbwo pege.

1 Timote 5:6

Tá ńgʉa nà mpfɔ̌g gẅie à gwáa ńjÿo mbàŋte, mbà mé líe yé tà ne ngie manzwě wɛ̂, tá á gwɔ́ mbwo Ssé ńgwɔ́ mpfó.

1 Jâŋ 3:14

Pege fó ná pá’ pege ne ńkwoŋo mefɛ́ pege, ńzsé ngie pege tè gíŋe ńgwɔ́ mepfó wɔ́, pege ee ntentʉ́. Nyìŋ gẅie à tè nyìŋ mesoŋ kwoŋ, nyě ńgwɔ́ pɔ́ mpfó.

Ŋwà’ne Ngyà jʉ’ 3:1

Ŋwe’e menò mɔɔn, ńtúm ńnáa mbwo *cÿɔ́’ Ssé gẅie à líe cú’tè pʉ̀a Kristo gie áa tÿǒsoŋo Sardɛ̀s. Ŋwe’e ngie: Nyìŋ gẅie à gẅiin Mezẅìge Ssé sɔɔn mbʉ́a mbɔɔ mecÿɔ́’ saŋ sɔɔn mbʉ́a la, à ne ńgɔɔn ngie: Mèŋ n ne ńzsé mefà’ mí, ńne ńzsé ngie mé gwaa gɔɔn ngie pi ee ntentʉ́, mbà pi léen ńkwé.