Efeso 1:8 - Nouveau Testament en Ngienboum

⁸ áa fù’ gie à la náa mbwo pege tà á gyɔ́ɔn gyɔ̌ɔn, ńgwɔ náa, ńtsɔ́’ legyè ségè pege zsé nò.

Efeso 1:8 ပူးပေါင်းရင်းမြစ်များ

Matio 11:19

*Míŋ Nyìŋ keen ńtó yé fʉ̀’ɔɔn, ńne ḿpfɛ́ɛ mmó ḿbiŋe ńnúu melù’, pɔ́ gɔɔn ngie mé líe yé tà ńgyá, nyìŋ wɛ̂ à gwɔ́ pɔ́ mpfɛɛ mmó, ńgwɔ́ nú melù’, ńgwɔ́ sǒ pà kẅé ncùb pà *Roma mbɔɔ we petsɔ́ pʉ̀a tepòŋ. Tá mé ké ne ńgyá ngie: Sɔ̀ɔn ee kwà’ legye Ssé ńcʉa pɔ́ nà mefà’ mie yɔ̀ɔn nò ne fa’a.

Roma 11:33

E Ssé kwa’ ńgẅiin pòŋo ntʉ́m nzèm pʉ̀a metsèm, ńgwɔ́ nyìŋ mesoŋ le kaa legyè Ssé wɔ́, é ke le zsé mmó gie e Ssé ne ńkwaŋa wɔ́, ngwɔ́ wɔ̌ zsé mmó gie e Ssé zǎb ngie à ge gÿo? Ngwɔ́ wɔ̌ kyagte pá’ e Ssé gÿo menò pú’u?

Roma 5:15

Tá’ à lɔɔn ńgwɔ́ mé le lɔgɔ mmó gie á fó nà mefʉa Adam ḿbí fʉ̀’ nà nzẅìŋ fù’ gie e Ssé ne ńgába mbwo pʉ̀a pɔ́ sẅɛ̀ɛ sẅɛ̀ɛ wɔ́, mefʉa tà’ nyìŋ wémɔ’ɔ́ la gÿo legwé kúu nà mânyìŋ ntsèm tá’, ntí gie e Ssé la tsɔ́ɔn pʉ̀a ńcÿó gem yɔ́b pú’u, piŋ ḿbú fáŋ ńcʉa wɛ̌ légwɔ́ tɛ’. À fù’ gie á la fó nà tà’ nyìŋ gẅie aa Yěsô Kristo, e Ssé lɔg ńcÿó gem pʉ̀a tà ńgyɔ́ɔn á pú ńgẅiin nzẅìŋ tɛ’.

1 Korento 2:7

Á gʉa ná peg, mbà peg la’te yég pɔ́ zsé nò Ssé gie ee nkʉ̀’ʉ nò gie e kɔ̌ɔn ńgwɔ́ pɔ́ lelyěen, mbà Ssé la lá’ ńnyɛte ńzáb tà njÿó nyé té gwɔ̌ wó légwɔ́ gie, à ge lá’ lɔg ńnáa legú’ wege.

Efeso 1:11

Peg la zẅɛ́’ pɔ́ pá’ peg lǎ nnɛ́ ná Kristo, tá ńgẅiin yég jʉ’ tsetsɛ̀ɛ pʉ̀a pie à gÿǒ pɔ́ tsẅɛ́, á nue e Ssé la tʉ́ njÿó ńtsɔ́’ɔ wég. Á gwɔ́ pá’ a la záb. E Ssé piŋ ńgÿo kɔ̀ɔkɔ́ɔ pɔ́ pá’ à la záb ngie à ge gÿo pú’u.

Efeso 1:7

Míŋ we ŋwɛ́ la lɔg metse mé ńdɔg ńcu’u wégè, pege tsẅɛ́. E Ssé lege mefʉa mégè ńnáa mbwo pege. Yɔɔn áa nò té fʉ̀’ gie e Ssé la lɔg ńcÿó gʉm yégè,

Efeso 1:9

Áa yɛ̌ tá pege zsé mmó gie à la záb, mbà á la zɔɔn ńgwɔ́ pɔ́ lelyěen. Yɛ̌ mmó gwɔ́ gie à la tʉ́ njÿó, á poŋo yé poŋ, á záb ngie à ge lá’ lɔgɔ Kristo é gÿo à pumte,

Efeso 3:10

ńnyɛɛ pú’u, ńzsé ngie metándá shúm sie ée taa tÿǒ ńgẅiin tʉ̀, mbɔɔ metʉ̀ ntsèm mie ée taa tÿǒ ge zẅɛ́’ɛ cú’tè pʉ̀a Kristo, é zsé nò ná legyè Ssé tà cʉ́me.

Kolosia 2:3

Azse nò ntsèm, mbɔɔ legyè ntsèm pú ńgwɔ́ fù’ gie á cú’te ńdyeen pɔ́ ná Yěsô.

Jẅide 1:25

ée ndà’ yé ńgwɔ́ Ssé. À la lɔgɔ Cʉ̀apʉ̀a wege Yěsô Kristo ńgÿo pege tsẅɛ́. Mé gu’te pɔ́ yé, yé zɔ gẅiin legú’, yé zɔ̌ gẅiin metʉ̀, yé zɔ̌ sá’a pʉ̀a, pá’ à la lá’ ńzye, á ké ńgwɔ́ pɔ́ pú’u, tà ńkú fʉ̀’ɔɔn, é lá’a gwɔ́ pɔ́ pú’u, á nà ngù’ nkɔ̌ɔn nê nkɔ̌ɔn. *Amen.

Ŋwà’ne Ngyà jʉ’ 5:12

ńne ńzɔbɔ ńgɔɔn ngie; Mûɔ *Njʉ̀njÿò gẅie mé la zẅé yé la, à ku’u nyìŋ gẅie à lɔɔn ńgwɔ́ mé ná metʉ̀ né yé, ńná shúm né yé, ńnáa zse nò né ye, ńná ngʉ̀’ né yé, ńná mekù’ né yé, ńnáa legú’ né yé, ńzɔb lezíŋ sé.