Efeso 1:23 - Nouveau Testament en Ngienboum

²³ Acú’tè pʉ̀a Ssé ée mbùm nnɛ́ Kristo. Áa tsɛ̀ɛ cú’tè pʉ̀a pé fʉ̀’ ntsèm, yé gẅie à pǔ ńgwɔ́ jʉ’ ntsèm tsɛ̀ɛ njÿó.

Efeso 1:23 ပူးပေါင်းရင်းမြစ်များ

Ŋwà’ne Jâŋ 1:16

Angàŋ keen ńtó, à lɔg pá’ à gẅiin poŋo ntʉ́m, ńcÿó gʉm yégè metsèm tɛ̀’, ńcÿó sele ńcÿó, mélà’mie à gẅiin nkwòŋe tɛ’.

Roma 13:5

Áa mmó gie á gÿo tá á ne ńzɛ́te lésẅí’i mbùm ńnáa ssé mvfò pàsá’ ngwòŋ. Mé lě ńnáa á gwɔ́ pɔ́ ndà’ lélɔg ḿbɔ́g ngie Ssé ge gyáŋa lóŋ wɔ́, á gíŋe ńgwɔ́, mélà’mie ntʉ́m wégè ne ńzɛ́te ngie pege gÿo pú’u.

1 Korento 12:6

Pàmánzsè lélɔg fa’ mefà’, ée mentí mentí. Tá’ tà’ Ssé wémɔ’ɔ́ zɔ náa metʉ̀ mbwo wɛ̌ wɛ̌ nyìŋ wɔ́.

1 Korento 15:28

Eshúm ntsèm piŋ ńdá’ ńgwɔ́ tà ńcʉ́’ʉ ńjú’u pɔ́ mbwo ye Múɔ, kwà’ yé Múɔ lêen ńké ńcʉ́’ʉ ńjú’u pɔ́ mbwo Ssé gẅie à la náa yé kɔ̀ɔkɔ́ɔ, ńzsé ngie e Ssé ge kwà’ sá’ shúm ntsèm.

Efeso 2:16

Pá’ pege kéen ḿbú ńcʉ́’ʉ tà’ nùɔ la, á lɔgɔ ńgɔɔn ngie mbù gẅie é kaa tsetsɛ̀ɛ menùɔ mégè é kéen ḿmag. Wɛ̌ le gwɔ́ ka fó pɔ́ ná pá’ Kristo ka kwě nà tÿǒ nkǐ ńdɔg ńgÿo mbù gẅie é kaa tsetsɛ̀ɛ menùɔ mégè lâ Ssé é mag. Pege metsèm cʉ́’ ńgwɔ́ pɔ́ púɔ Ssé. Yɔɔn áa mmó gie á ka mag mbù gẅie é kaa tsetsɛ̀ɛ pege.

Efeso 3:10

ńnyɛɛ pú’u, ńzsé ngie metándá shúm sie ée taa tÿǒ ńgẅiin tʉ̀, mbɔɔ metʉ̀ ntsèm mie ée taa tÿǒ ge zẅɛ́’ɛ cú’tè pʉ̀a Kristo, é zsé nò ná legyè Ssé tà cʉ́me.

Efeso 3:19

Wɔɔn aa pá’ mèŋ n né sẅíŋte Ssé pú’u. Á ge fó mǒ pi ku’u lézsé pá’ nkwòŋe Kristo ee pú’u, tà mbɔɔ pá’ e cʉa zsě nò ntsèm. Pi ge gwɔ́ tà zsé yɛ̌ nkwòŋe, ammó ntsèm gie áa ntʉ́m Ssé à gíŋe ńgwɔ́ tsɛ̀ɛ ntʉ́m gẅi tà mmó le mǒ zág

Efeso 4:10

Nyìŋ gẅie à la sẅɛ́’, ńtóo ndùmo ssé tsetsá’, giŋé ńdɔgɔ ńgwɔ́ pɔ́ nyìŋ gẅie à la kwɔ́’ ńgʉa nê taa tÿǒ légwɔ́ gie à ge gwɔ́ nà shúm ntsèm.

Efeso 4:12

À la záb pɛ̌ pʉ̀a légwɔ́ gie pɔ́ ge kẅéte pʉ̀a Kristo léfa’a fà’a Ssé, acú’tè pʉ̀a Kristo gie áa mbùm nnɛ́ ye, à kẅi’i ńgʉa nê mvfò.

Efeso 4:13

À kẅi’i ńgʉa nê mvfò tà pege cʉ́’ ńgẅiin pɔ́ tà’ ncwò gẅie à fóo ná pá’ pege záb ntʉ́m wégè pɔ́ ná Yěsô Míŋ Ssé, ḿbiŋ ńzsé yé, ńgú’ tà tsɔ́ mmó le gíŋe ńzága wégè wɔ́, pá’ áa ná yé ńgwɔ́ pú’u.

Efeso 4:4

Mbùm nnɛ́ Kristo ee yémɔ’ɔ́, a Zẅìge ndʉalʉ̌a gwɔ́ yémɔ’ɔ́ ndʉŋ ndʉŋ pá’ mmó gie e Ssé la tóŋo gẅí, pi ne ńzẅí’te á gwɔ́ pɔ́ yémɔ’ɔ́.

Kolosia 1:24

Áa fʉ̀’ɔɔn ngɔ́’ gie mèŋ n ne ńgyá ná twó gí gÿo mèŋ n kág kǎg. Ngɔ́’ gie mèŋ n gee tsoló áa pfwɔ́’ɔ ngɔ́’ Kristo gie mèŋ n gyá ntí mbùm ye gie áa cú’tè pʉ̀a pé.

Kolosia 2:19

Pɔ́ té ne ńkẅi’i ńdaa nnɛ́ ná Kristo gẅie yé zɔɔ twó wɔ́. Tá mbà twó zɔ̌ náa kɔ̀ɔkɔ́ɔ gie á ge kẅéte mbùm nnɛ́. Atwó zɔ̌ gÿo mejwoŋó nnɛ́ mbɔɔ menŋàŋ nnɛ́ cú’te ńkú’te mbùm nnɛ́, é gú’ pá’ e Ssé ne ńkwoŋo.

Kolosia 3:11

Pá’ pi metsèm kéen ńcʉ́’ pʉ̀a pe mesẅé la, à tyɛ̀’te té gíŋe ńgwɔ́ tsetsɛ̀ɛ pi tà áa gie mé ge gíŋe gɔɔn ngie: Wɔɔn aa nyìŋ Gelekia, wɔɔn gwɔ́ nyìŋ pà Yuda wɔ́. Mé le gíŋe ńgɔɔn ngie wɔɔn aa nyìŋ gẅie mé la pú’u yé, wɔɔn gwɔ́ nyìŋ gẅie mé la tè yé pú’ wɔ́. Kà pɔ́ légíŋe ńgɔɔn ngie wɔɔn la zí’i ŋwà’ne, wɔɔn tè zí’i wɔ́. Mé ké le gíŋe ńgɔɔn ngie wɔɔn nyìŋ aa nkwɔɔn, wɔɔn tè nkwɔɔn wɔ́ wɔ́. Kristo zɔ cʉ̌’ ńgwɔ́ gí nò ntsèm, ńgwɔ́ ntʉ́m pi metsèm.

Kolosia 3:15

Mèŋ n ne ńtsɔ́ɔn ngie mbʉ́lè gie e fóo mbwo Kristo e jÿó ntʉ́m gẅí, e Ssé la tóŋo gẅi métsèm légwɔ́ gie pi ge gẅiin mbʉ́lè ŋwɛ́, pá’ pi ge gwɔ́ mekèm tà’ mbùm nnɛ́. Pi ké ńgwɔ́ fʉ̀’ ntsèm, ńne ńnáa ndǎg mbwo Ssé.