Efeso 1:17 - Nouveau Testament en Ngienboum

¹⁷ Mèŋ n ne sẅíŋte e Ssé Cʉ̀apʉ̀a wege Yěsô Kristo, yé Tá gẅie à gẅiin legú’, ngie à náa gẅi zsé nò, ńnáa gẅi shÿó lélɔg ńcwoŋo ńzsé yé tà shwóŋó nò.

Efeso 1:17 ပူးပေါင်းရင်းမြစ်များ

Matio 11:25

Yěsô gÿo ńgɔɔn ngie: Tá wɔ̀ɔn, Cʉ̀apʉ̀a, gù gẅie ɔ̀ sá’a tÿǒ lepwó mbɔɔ tsetsá’, mèŋ sǐe gú pá’ ɔ̀ keen ńnyɛ mɔɔn menò á mbwó mecʉ̀cʉ̀ŋ, ńdÿoon mbwó mengye pâ pʉ̀a pie é la zí’i.

Matio 11:27

Yěsô gíŋe ńgɔɔn ngie: Tá wɔ̀ɔn leen ńnyé kɔ́ɔkɔ́ nà mbwó mɔ́ɔn, ńgwɔ́ tsɔ̌ nyìŋ le zsé múɔ wɔ́, ndà’ Tá zɔ zsé yé. Nyìŋ ké le zsé Tá wɔ́, ndà’ míŋ we zɔ zsé yé, ḿbiŋ ńgÿo nyìŋ gẅie múɔ kwoŋó lényɛɛ Tá we á mbwó yé

Matio 16:17

Yěsô leen ńké ńgɔɔn né yé ngie: Símo míŋ Jâŋ, ɔ́ɔ shÿó mbòŋo, á nue nyìŋ mesoŋ zɔ kaa gÿo, tá ɔ̀ zsé yɔɔn nò nénʉ́ wɔ́. Tá wɔ̀ɔn gẅie aa tÿǒ lepwó zɔ nyɛ̌ gú.

Matio 20:33

Pɔ́ tsɔ́’ ngie: Cʉ̀apʉ̀a, gÿo ngie menÿɔ́g még gyá jʉ’.

Matio 6:13

Tè zẅíŋ ngie peg kúu tsɛ̀ɛ nkwà’te, kẅé wég mbwó Sátà. [Á nue gù zɔɔ fùɔ, metʉ̀ ntsèm piŋ ńgwɔ́ pɔ́ mú, mé ne ńgu’te pɔ́ ndà’ gú mengù’u mengù’. Ameŋ].

Lukase 12:12

Á ge gÿo gwɔ́ fʉ̀’ó, à Zẅìge Ndʉalʉ̌a shwóŋó gẅi nò gie pi ge gɔɔn.

Lukase 2:14

Legu’ gwɔ́ mbwo Ssé á tàa tÿǒ lepwó, asẅétè gwɔ́ mbwo pʉ̀a mesoŋ ndùmo Ssé tsetsá’. E Ssé kwoŋo wɔ́b.

Lukase 21:15

Mèŋ n zɔ ge zɔɔn lá’ náa zsé nò gie pi ge lɔg tsɔ́’ɔ nò. Pi tsɔ́’ɔ nò tà megàŋ mbù pí le zoŋ, é ké le gíŋe tsɔ́ nò ńgɔɔn wɔ́.

Ŋwà’ne Jâŋ 14:17

Antàg Nzèm wéwɛ̌ à gwɔ́ pɔ́ Zẅìge Ssé, à la’te nò nénʉ́. Epʉ̀a njÿó té ku’u lékúe Zẅìge ŋwɛ́ wɔ́, mélà’mie pɔ́ té ne ńgyá mefà’ mé wɔ́, ḿbiŋ ńké tè ne ńzsé yé wɔ́. Tá pi ne ńzsé yé, mélà’mie aa lejʉ́ŋ pi, ḿbiŋ ńgwɔ́ ná pi.

Ŋwà’ne Jâŋ 14:26

Pi ge cʉ́’ nzèm, Tá wɔ̀ɔn lɔg lezíŋ sɔ́ɔn, ńtúmo Ntàg Nzèm gẅi, à gwɔ́ Zẅìge Ndʉalʉ̌a. À tó ńzí’i gẅi shúm ntsèm, ńgÿo pi kímte kɔ̀ɔkɔ́ɔ gie mèŋ n dǎ shwóŋó gẅí.

Ŋwà’ne Jâŋ 16:3

Pɔ́ ge gÿo pú’u, mélà’mie pɔ́ kaa Tá zsé, ńké tè wɔ̀ɔn zsé.

Ŋwà’ne Jâŋ 17:3

Legwɔ́ tèmì wéwɛ̌, á gwɔ́ pá’ pɔ́ ge zsé gú, gù gẅie ɔɔ kwà’ ndà’ Ssé ye nénʉ́ gílé gù, é gíŋe zsé nyìŋ gẅie ɔ̀ la túmo yé, á gwɔ́ Yěsô Kristo.

Ŋwà’ne Jâŋ 20:17

Yěsô gɔɔn né yé ngie: Tè gíŋe ndáte wɔ̀ɔn, á nue mèŋ n nyě tè kwɔ̌’ tà ńkúu lejʉ́ŋ Tá wɔ̀ɔn. Ké ńgʉa ńgyá mefɛ́ pɔ́ɔn, ńgɔɔn né pɔ́b ngie: Mèŋ n ge kwɔ́’ nê lejʉ́ŋ Tá wɔ̀ɔn mie à giŋé ńgwɔ́ Tá gẅi. Á lejʉ́ŋ Ssé yɔ̀ɔn gie e giŋé ńgwɔ́ Ssé gi.

Megàŋ ntúm 6:10

Pâ pɔ̌ ně ńzoŋo pú’u, atsɔ̌ nyìŋ té ŋaga yé tà ńjÿó wɔ́, mélà’mie Zẅìge Ssé lɔ́ɔn náa yé legye lélɔg ńgɔɔn nò.

Megàŋ ntúm 7:2

Etien tsɔ́’ ngie: Metá pɔ́ɔn, mefɛ́ pɔ́ɔn, pi jú’u nò gie mèŋ n gee gɔ̌ɔn. Á laa fʉ̀’ gie mangʉa njʉ’ wégè Ábalam la nyé Mesopotamia, tà ńnyé té gee Haraŋ, e Ssé gẅie à gẅiin shʉshÿɔ́g nyɛ mbùm ye mbwo yé,

Roma 1:28

Pá’ pɔ́ la lʉ’ʉ lézsé Ssé lá, e Ssé la nyé wɔ́b, legyè sɔ́b sie é té tyé zɔ̌ cʉ́’ʉ sá’a wɔ́b pɔ́ cʉ́’ʉ ńgÿo pɔ́ mmó gie pɔ́ kɔ’ɔ́ tè gÿo wɔ́.

Roma 15:6

À cʉa pú’u, pi lɔgɔ tà’ ncwò, ńdɔgɔ tà’ ngyè ńgu’te Ssé Tá pà Cʉ̀apʉ̀a wege Yěsô Kristo.

1 Korento 12:8

Áa yɛ̌ tá à Zẅìge cÿó geme wetsɔ́ nyìŋ, á gwɔ gẅiin shÿó lélɔgɔ zsě nò ḿbÿɛɛ nò, wetsɔ́ gẅiin shÿó lépÿɛ nò ná ntí gie mé ge zsé nò nénʉ́, tà’a zẅìge zɔ ké ńgÿo.

1 Korento 14:6

Mefɛ́ pɔ́ɔn, pege gɔɔn ngie ngwɔ́ n tó tà ńkúu tsetsɛ̀ɛ pi, ńcʉ́’ʉ légɔɔn nò né pi, ńdɔgɔ shwóŋè gie pi tè ne ńzsé wɔ́, mbà á ge kẅéte gẅi lêkɔ́? Mèŋ lékẅéte gẅí, aa pi léfó nà mmó gie n gɔɔn ńzsé mmó gie e Ssé nyɛɛ wɔ̀ɔn á gwɔ́ lelyěen, mèŋ n gÿo pi zsé nò nénʉ́ nà tsɔ́ nò. Pi gíŋe ńzẅɛ́’ɛ wɔ̀ɔn, ńjú’ tsɔ́ nkʉ̀ gẅie é fóo mbwo Ssé. Mèŋ fó nà nò gie n gɔ̌ɔn ńzí’i gẅi tsɔ́ nò.

1 Korento 2:10

E Ssé ka piŋ ńgÿo Zẅìge Ndʉalʉ̌a gÿo pege zɔ̌ zsé yɛ̌ nò gie á laa lelyěen. À Zẅìge Ndʉalʉ̌a zɔɔn mwoon zẅi nò ntsèm, tà mbɔɔ menò mie Ssé nyě ńgẅiin pɔ́ tsɛ̀ɛ mvwɔ́’.

1 Korento 2:8

Tsoon tà’ nà shúm tepòŋ sie é sá’a yɔɔn njÿó laa zsé yɛ̌ zsé nò wɔ́. Pɔ́ la gwé’e ńzsé yɛ̌ zsé nò, mbà pɔ́ la tè gÿo mé kime Ndè nà tÿǒ nkǐ, á Ndè gẅie à gẅiin legú’ wɔ́.

2 Korento 12:1

Mèŋ n gíŋe ńkẅi’i ńka’te ńdɔg ńgʉa lê mvfò la? Á tè kẅéte légÿo pú’u wɔ́. Tá’ n ge ké shwóŋó gẅi nò fʉ̀’ɔɔn ná shúm sie Cʉ̀apʉ̀a la nyɛ́’ nÿɔ́g mɔ́ɔn, mèŋ n gyá mbɔɔ sie n da gyá pá’ fʉ̀’ gie n dyé njÿòon la.

Efeso 1:3

!Pege nê ńgu’te Ssé Tá pà Cʉ̀apʉ̀a wege Yěsô Kristo. À la gÿo nò mbòŋo ná pege, ńná shúm mbòŋo ntsèm sie éfóo tàa tÿǒ né pege, ńná pú’u, ńcʉa ná pá’ à la lá’ ńtemte wégè lâ Kristo,

Efeso 3:5

E Ssé la tè kyɛ́’te yɔɔn ntsèm ye mbwo pʉ̀a mesoŋ pe fʉ̀’ mvfò wɔ́. Á ké ńgwɔ́ fʉ̀’ɔɔn, mbà à gÿo à Zẅìge yé shʉ̀ashʉ̀a ńkyɛ́’te nò yá yɛ̌ mbwo pʉ̀a pie à la cwoŋo wɔ́b ńdɔg ńgÿo megàŋ ntúm Yěsô mbɔɔ pie à la lɔgɔ wɔ́b ńgÿo pʉ̀a pie é ge ńnéŋe tsẅii nkʉ̀ gẅie é fóo mbwo ye.

Efeso 4:13

À kẅi’i ńgʉa nê mvfò tà pege cʉ́’ ńgẅiin pɔ́ tà’ ncwò gẅie à fóo ná pá’ pege záb ntʉ́m wégè pɔ́ ná Yěsô Míŋ Ssé, ḿbiŋ ńzsé yé, ńgú’ tà tsɔ́ mmó le gíŋe ńzága wégè wɔ́, pá’ áa ná yé ńgwɔ́ pú’u.

Filipo 3:15

Pege pie pege cʉ̌’ pɔ́ melÿò nà léju’ú nò Ssé, á poŋ ngie é wégè nkwaŋá e gwɔ́ pɔ́ pá’ɔɔn, ńké ńgwɔ́ gie etsɔ́ pʉ̀a pi gẅiin tsɔ́ nkwaŋá tà é té wɔɔn wɔ́, mbà Ssé ge shʉa shʉa, éshwóŋó gẅi nò gie áa yɛ̌.

2 Timote 2:25

À gẅiin lélɔg mbʉ́lè ńda’te mmó mbwo pʉ̀a pie à gɔɔn nò pɔ́ kúbe pɔ́ shÿó. Ndyɛ̌’ tsɔ́ e Ssé gÿo ńná shÿó mbwo pɛ̌ pʉ̀a pɔ́ kúbe yɔb ntí lɔg sáŋa nò, éfó pú’u, ńzsé nò gie áa nénʉ́,

Titus 1:1

Yɔɔn ŋwà’ne áa ńŋwe’e mèŋ Pɔl, mèŋ fa’a fà’ Ssé, ńgíŋ ńgwɔ́ ngàŋ ntúm Yěsô Kristo. E Ssé la zába wɔ̀ɔn lékẅíŋte pʉ̀a pie yé Ssé la tsɔ́’ ńdɔg ńgÿo pʉ̀a pé. Á lékẅíŋte wɔ́b pɔ́ ké ńzáb ntʉ́m ná yé záb, ḿbiŋ ńgÿo pɔ́ zsé nò nénʉ́ gie mé cʉa mǒ ńzsé legìŋ gẅie à póŋ Ssé.

Ŋwà’ne Jâg 2:1

Mefɛ́ pɔ́ɔn tà pi ne ńzába ntʉ́m ná Cʉ̀apʉ̀a Yěsô Kristo wege gẅie à gẅiin máamáa legú’, ńgíŋe ńgẅiin tyɛ̀’te tsetsɛ̀ɛ pi.

2 Piɛ 1:3

E Ssé léen ńdɔg metʉ̀ mé, ḿbú náa wégè kɔ̀ɔkɔ́ɔ gie á ne ńzɛ́te ngie pege gẅiin tá ńdɔg ńnéŋe, ńne ńdáa nnɛ́ pɔ́ ndà’ ná yé. À la zɔɔn ńgÿo pege zsé yé Ssé gẅie à la tóŋo wégè pá’ paga pɔ̌ ge pú gwɔ́ tsɛ̀ɛ legú’ we, é jÿó pì póŋo ntʉ́m yé.

2 Piɛ 3:18

Pi lɔg pɔ́ pá’ pi ne ńzsé Yěsô Kristo, Cʉ̀apʉ̀a wege, ńgwɔ́ nyìŋ gẅie à gÿo pege tsẅɛ́ɛ, ńdɔg ńgʉa né mvfò, ńzsé ngie à ge kẅi’i cÿó gʉm gí, é ne ńgwɔ́ɔ né pi. Legú’ à gwɔ́ mbwo yé tà fó fʉ̀’ɔɔn, à lá’a ńgwɔ́ɔ pɔ́ pú’u! *Amen.

Ŋwà’ne Ngyà jʉ’ 7:12

ńne ńgɔɔn ngie: *Amen, agù’te, legú’, azse nò, lenǎ ndǎg, lenǎ mekù’, metʉ̀ pâ ngʉ̀’ e gwɔ́ mbwo Ssé nà ngù’ nkɔ́ɔn né nkɔ̌ɔn. *Amen.