Efeso 1:13 - Nouveau Testament en Ngienboum

¹³ Á gʉa ná pi gí, mbà pi ka jú’u shwóŋè gie áa ye nénʉ́, é gwɔ́ nkʉ̀ mbòŋo gẅie e Ssé ka cʉa pɔ́ mǒ tá ńgÿo pi tsẅɛ́. Pi ka jú’ pú’u, ńzáb tʉ́m gẅi ná Kristo, e Ssé cÿɔ’ɔ liŋé yé ná pi, ńdɔgɔ ńnyɛɛ ngie pi ee pʉ̀a pé. Yɛ̌ liŋé gwɔ́ Zẅìge Ndʉalʉ̌a gie à la ka’ ngie à ge náa mbwo pege.

Efeso 1:13 ပူးပေါင်းရင်းမြစ်များ

Lukase 11:13

Pi pie pi fʉ’ nò tɛ’ zsě léná shúm mbòŋo mbwo gubé gí. Tà ngʉ̀a shÿɔ́’ɔ ná Tá gẅi gẅie aa tÿǒ lepwó? À ge náa Zẅìge Ndʉalʉ̌a mbwo pʉ̀a pie pɔ́ lǔɔ?

Lukase 24:49

Pi zsé ngie mèŋ n ge tó túmo mmó gie Tá wɔ̀ɔn la ka’a lénáa mbwo pi. Pi ké ńzẅí’te pɔ́ tÿǒsoŋ tà ńkúu fʉ̀’ gie metʉ̀ Ssé é ge fó tyǒ lepwó ésẅɛ̌’ kúu ná pi.

Ŋwà’ne Jâŋ 1:17

E Ssé la cʉa ná Mǒsê, ńná *lepʉ̌, anò nénʉ́ pɔ́ nò lécÿó gʉm yégè piŋ ńcʉa pɔ́ nà Yěsô Kristo.

Ŋwà’ne Jâŋ 14:26

Pi ge cʉ́’ nzèm, Tá wɔ̀ɔn lɔg lezíŋ sɔ́ɔn, ńtúmo Ntàg Nzèm gẅi, à gwɔ́ Zẅìge Ndʉalʉ̌a. À tó ńzí’i gẅi shúm ntsèm, ńgÿo pi kímte kɔ̀ɔkɔ́ɔ gie mèŋ n dǎ shwóŋó gẅí.

Ŋwà’ne Jâŋ 15:26

Antàg Nzèm gẅie mèŋ n ge gÿo fó lejʉ́ŋ Tá wɔ̀ɔn túmo mbwo pi, áa Zẅìge gie á fóo mbwo Tá wɔ̀ɔn, á la’te nò nénʉ́. Yé zɔ ge gÿo shwóŋó nò gie à zsé ná mèŋ.

Ŋwà’ne Jâŋ 3:33

Nyìŋ gẅie à zẅíŋe nò gie à gɔɔn, lɔgɔ ńnyɛɛ ngie e Ssé ee nénʉ́ nà kɔ̀ɔkɔ́ɔ.

Ŋwà’ne Jâŋ 6:27

Tà pi kag tʉ̀ nà shúm léjÿó sie é té láte, pi kag tʉ̀ pɔ́ nà shúm léjÿó sie nyìŋ jÿǒ, é gÿo á lá’a ńgwɔ́ pɔ́ wó. *Míŋ Nyìŋ zɔ ge ná sɛ̌ shúm léjÿó mbwo pi, mélà’mie Ssé Tá la cÿɔ’ɔ liŋé yé ná yé.

Megàŋ ntúm 1:4

Pâ pɔ́ fó lyɛ̌’ ńne ḿbúte ḿpfɛ́ɛ mmó, á tsẅi né pɔ̌b ngie, tà pɔ́ fó Yerósalem ńgʉa ngʉ̀a shʉ̀shʉ̀a. Pɔ́ ke ńnéŋe pɔ́ wó, ńzẅí’te mmó gie Tá la ka’a lénáa mbwó pɔ́b.

Megàŋ ntúm 13:26

Pɔl gíŋe ńgɔɔn ngie: Mefɛ́ mefɛ́, e Ssé gɔɔn yɔɔn nò pɔ́ mbwo pege metsèm. Á lélɔg ńgÿo pege tsẅɛ́. À túmo yɔɔn nò mbwo pi pie pi ee púɔ Ábalam, mbɔɔ mbwo pi pie pi pɔ́g Ssé.

Megàŋ ntúm 2:33

E Ssé ka gÿo, á kwɔ́’ tà ńnéŋe nà gwǒŋo pwó yé ye tʉ̀. Áa fʉ̀’ɔɔn pá’ɔɔn, mbà Tá wé Ssé cʉmé Zẅìge Ndʉalʉ̌a mbwó yé, á gwɔ́ pá’ yé Ssé la ka’. Ammó gie pi jú’u ḿbiŋe ńgyá lɛ̀, áa Zẅìge Ndʉalʉ̌a ŋwɛ́ gie Yěsô nǎ né pʉ̀a pé.

Roma 1:16

Ńgwɔ́ eshʉ́ lékúu wɔ̀ɔn á létsẅi nkʉ̀ mbòŋo wɔ́, ée metʉ̀ mie e Ssé lɔgɔ ńgÿo pʉ̀a pie é záb ntʉ́m nà yé tsẅɛ́ɛ. À zye nà pà Yuda ńkúu ná pʉ̀a pie é té pà Yuda wɔ́.

Roma 4:11

Mé la gwaa pú’u Ábalam, e Ssé ne ńdíe yé á gwɔ́ pɔ́ ndʉŋ ndʉŋ mvfò yé, á nue à la ne ńzába ntʉ́m wé nà Ssé. Mé la gÿo tá ńcÿɔ’ɔ liŋé nyìŋ gẅie mé pú’u yé ná yé. Yɛ̌ liŋé lɔ́ɔn ńda’te ngie Ssé fǒ ná pá’ yé Ábalam zǎb ntʉ́m ná yé, ńdɔgɔ yé ńgÿo nyìŋ gẅie aa ndʉŋ ndʉŋ mvfò yé. Á fó pú’u Ábalam cʉ́’ʉ tá pà pʉ̀a métsèm pie pɔ́ ne ńzába ntʉ́m nà Ssé tà mbɔɔ pá’ mé kaa wɔ́b pú’u, e Ssé cʉ́’ʉ ńdíe wɔ́b pɔ́ gwɔ́ ndʉŋ ndʉŋ mvfò yé.

Roma 6:17

Pege ké sie Ssé, mélà’mie pi laa tsɔ́ fʉ̀’ ńgwɔ́ nkwɔɔn nò tepòŋ, pi ee fʉ̀’ɔɔn, mbà pi kéen ńdɔg ntʉ́m gẅi ntsèm, ńzẅíŋe mmó gie mé ka zí’i gẅí. Á gwɔ́ gie á ne ńzɛ́te ngie pi vɔg ńzsé,

2 Korento 1:22

ńcÿɔ́’ɔ liŋé yé ná pege, ńnéŋe Zẅìge Ndʉalʉ̌a ntʉ́m pege. Á lɔg ńgwɔ́ ndùŋ mvfò mmó nà shúm sie à ge náa mbwo pege.

2 Korento 6:7

Peg shwóŋ yég pɔ́ nò nénʉ́, ammó gie peg gÿo á nyɛ pɔ́ metʉ̀ Ssé. Peg lɔg pɔ́ nò gie á tyé ndʉŋ ndʉŋ ńdɔg ńgÿo yég mmó lɔg ńkem ncù tà mbɔɔ yé lɔg ńdÿɔ́’ ncù.

Galatia 3:14

Yɔɔn nò gwɔ́ pá’ɔɔn légwɔ́ gie e Ssé ge fó nà mmó gie Yěsô Kristo, gẅie aa nà ngẅɛ̀ Ábalam gÿǒ, é pú néŋ mbʉ́lè ná pʉ̀a pie é té pà Yuda wɔ́, é cʉa ná Ábalam, mbɔɔ légwɔ́ gie pege ge lɔg pá’ pege záb ntʉ́m ná Kristo é gẅiin Zẅìge gie e Ssé la ka’a mbwo pege.

Efeso 4:21

Á lɔɔn ńgwɔ́ ngie pi ka jú’u nò yé, tà mé shwóŋó gẅi nò nénʉ́ ntsèm gie á ne ńdíe yé,

Efeso 4:30

Tà pi gÿo Zẅìge ndʉalʉ̌a gie Ssé la lɔg ńcÿɔ’ɔ liŋé ná pi gyá ngɔ́’. À lɔ̌ɔn ńdɔgɔ ńnyɛɛ ngie pi ee pʉ̀a pé, ńgíŋe ńdɔgɔ ńnyɛɛ ngie alyɛ̌’ gé lá’ gwɔ́, à pú ńcu’u wégè, pege pú ńtsẅɛ́.

1 Tesalonika 2:13

Atsɔ́ mmó gie á gÿo peg sie Ssé fʉ̀’ ntsèm, áa nue peg la shwóŋó nò Ssé mbwo pi, pi jú’, ńzẅíŋ ngie áa shwóŋè Ssé, ńgie á té shwóŋè nyìŋ mesoŋ wɔ́. Á ne fa’a tsɛ̀ɛ ntʉ́m gẅí, pi pie pi ka záb ntʉm gẅi ná Yěso.

2 Timote 2:15

Kag tʉ̀ légwɔ tyé mvfò Ssé, ńgwɔ́ nyìŋ gẅie à lɔɔn ńgwɔ́ e Ssé zẅíŋe nò yé, gwɔ́ ngàŋa fà’ gẅie eshʉ́ té ge ne kúu yé nà fà’ yé wɔ́. Gwɔ́ ngàŋa fà’ gẅie à tsẅi nkʉ̀ nò gie áa nénʉ́, té gʉa mǒ ńkúbe tsɔ́ mmó.

2 Timote 2:19

Tà mbɔɔ pú’u, àcÿǒ ndá gie e Ssé la nuŋe á nyé ńtʉʉ tʉ. Mé la ŋwe’e ndùmo ngie: Cʉ̀apʉ̀a ne ńzsé pʉ̀a pie ée pé, ńgíŋe ńŋwe’e ngie: Nyìŋ lɔɔn ngie aa nyìŋ Cʉ̀apʉ̀a, á tém nzèm nò tepòŋ.

2 Timote 3:15

Ɔ̀ la gwaa lu ssé ńne ńzsé mmó gie ŋwà’ne Ssé áa yɛ̌, ńgwɔ́ yɛ̌ zɔ̌ náa gú legyè lélɔg ńzáb ntʉ́m ná Yěsô Kristo, e Ssé gÿo ɔ̀ tsẅɛ́.

Titus 2:11

Áa pá’ pʉ̀a Ssé gẅiin légÿo, á nue e Ssé la kwà’ nyɛɛ mbwo pʉ̀a ngie à kwoŋó wɔ́b, ńcÿó gʉm yɔ́b, tà ńgÿo légwɔ́ gie ńgwɔ́ pɔ́b métsèm tsẅɛ́.

Heber 2:3

Pá’ á laa pú’u la, pege lɔɔn ńgwágte nò ná máamáa nò gẅie aa pá’ e Ssé la gÿo pege tsẅɛ́, e Ssé gǎ tà ńnyé wégè? Cʉ̀apʉ̀a Yěsô lê twó yé la vɔg ńzye létsẅii yɛ̌ nò. Epʉ̀a pie pɔ́ la jú’u ncwò yé, gÿo ńkwa’ shwóŋó wégè ngie aa kwà’ máamáa nò.

Ŋwà’ne Jâg 1:18

Yé zɔ la kwoŋ, ńdɔgɔ shwóŋe gie áa nénʉ́, ńgÿo pege tsẅɛ́, légwɔ́ gie pege ge gwɔ́ mbwo yé, é gwɔ́ ntwó mmó ná ngwòŋ kɔ̀ɔkɔ́ɔ gie à la gÿo.

Ŋwà’ne Jâg 1:21

Pú’u la, pi gwá’ menò ncÿǒ ntsèm, ńgwá’a mà gẅie à fóo nà lecÿɔ́g cÿɔ́g. Pi nuŋe ssé mvfò Ssé, ńzẅíŋe shwóŋè gie á ka pye tsɛ̀ɛ ntʉ́m pi. Á nue à ku’u légÿo pi tsẅɛ́.

1 Piɛ 2:10

Pi pie pi laa tsɔ́ fʉ̀’, pi tè pʉ̀a Ssé wɔ́, pi kéen ńcʉ́’ pʉ̀a pé. Pi pie pi la tè tsɔ́ɔn mezìŋe Ssé zsé e Ssé kéen ńtsɔ́ɔn mezìŋe mí.

Ŋwà’ne Ngyà jʉ’ 7:2

Mèŋ n gyá tsɔ̌ tà’ *cÿɔ́’ Ssé, á ne fóo shÿó sá’ nèm ńkwɔ́’ɔ né tÿǒ, ńgẅiin mmó gie e Ssé gẅie aa ńgwɔ́ pɔ́ wó, aa ńdɔgɔ ńcÿɔ’ɔ liŋé yé nà mmó. Wɛ̌ *cÿɔ́’ Ssé ne ńdɔgɔ ngyè tetʉ́ʉ ńgɔɔn mbwo *mecÿɔ́’ Ssé lekùa pie mé la túmo wɔ́b ngie pɔ́ gʉa gÿo nò tepòŋ ndùmo ssé tsetsá’, mbɔɔ ná ntse té pàa la ngie: