Efeso 1:10 - Nouveau Testament en Ngienboum

¹⁰ ńgwɔ́ ngie à fʉ̀’ ge lá’ gwɔ́ tà ku’, yé Ssé cú’te shúm ntsèm sie ée tÿǒ lepwó lâ sie ée ndùme ssé tsetsá’, é ná ntsèm ntsèm mbwo Kristo à ne sá’a pɔ́ gílé ye.

Efeso 1:10 ပူးပေါင်းရင်းမြစ်များ

Matio 25:32

Melá’ ntsèm cú’te mvfò yé, à tyɛ́te pʉ̀a, éfag pá’ mbyɛ̀b mvfó faga *menjʉ̀njÿò á nà mvfó ntʉ̀ la,

Malékuse 1:15

Afʉ̀’ áa pá’ɔɔn, mbà á kǔ’ tà Ssé ge zye lényɛ Lefùɔ sé. Pi kúbe mà gẅí, ḿbiŋ ńzẅíŋ nkʉ̀ mbòŋo wɔɔn ŋwɛ́.

1 Korento 10:11

Mɔɔn menò la gÿo wɔ́b pá’ɔɔn ńdɔgɔ ńnyɛɛ fʉ̀’ʉ nò. Mé la piŋ ńŋwe’e pá’ pege pie pege cʉ̌’ ńgwɔ́ pɔ́ nà fʉ̀’ʉ nzsòté lɔɔn ge fó mǒ zsé nò.

1 Korento 11:3

Áa mbòŋ tá’, ammó ké nyé wó gie n ne ńkwoŋo ngie pi zsé mboŋó. Nyìŋ gẅie à gẅiin nyìŋ mbàŋa ntsèm aa Kristo, nyìŋ gẅie à piŋ ńgẅiin manzwě aa mámbàŋa, nyìŋ gẅie à gẅiin Kristo aa Ssé.

Galatia 4:4

Tá’ afʉ̀’ gie Ssé la záb la gwɔ́ tà ńku’, á túmo Míŋ we. Á gwɔ́ tó manzwé zye yé. Á ne ńnéŋe ná pá’ *lepʉ̌ Mǒsê ně ńzɛ́te.

Efeso 1:22

E Ssé léen ńnéŋ shúm ntsèm á mbwo yé. E Ssé la gwɔ́ tà ńnéŋe kɔ̀ɔkɔ́ɔ nà mbwo mé, ńgÿo á gwɔ́ mbwo cú’tè pʉ̀a Ssé, ńgwɔ́ twó, légwɔ́ gie pʉ̀a cú’tè ge ne jú’u ncwò yé.

Efeso 2:15

Yěsô ka pyág mbʉ̌ pà Yuda mie é gɔɔn ngie, gÿo yɔɔn, ńgÿo gi, tá ńdɔg ńgwɔ́ nyìŋ Ssé, ḿbyága pú’u, pá’ pʉ̀a Yuda mbɔɔ pʉ̀a pie é té pà Yuda wɔ́ ge lɔg pá’ wɔ̌wɔ́ɔ ná pɔ́b wɔ́ lǎ nnɛ́ ná Yěsô, é temte, é cʉ́’ʉ nùɔ ye sẅé. À lɔg ḿmag mbù tsetsɛ̀ɛ pɔ́b, pɔ́ ńnéŋe lè mbʉ́lè.

Efeso 3:15

gẅie metsìŋe ndá mie ée tÿǒ lepwó mbɔɔ mie ée ndùmo ssé tsetsá’ ntsèm, é gwaa gwɔ́ wó ńzẅɛ́’ɛ pɔ́ yé,

Efeso 3:2

Á ge gǎ wɔ́, mbà pi la jú’ ngie e Ssé zɔ la náa yɔɔn fà’ mbwo mèŋ, légwɔ́ gie mèŋ n gÿo yɔɔn fà’ pi zẅɛ́’. À lɔ̌ɔn ńdɔgɔ ńcÿó pɔ́ gʉm yɔ́ɔn.

Kolosia 1:16

E Ssé la zɔɔn ńgÿo kɔ̀ɔkɔ́ɔ cʉa ná mbwó Míŋ we tá yé Ssé pwóon. Mé gɔɔn shúm ntsèm sie ée tÿǒ lepwó, mbɔɔ sie ée ndùmo ssé tsetsá’, éshúm sie mé gyá mbɔɔ sie mé té gyá, á kɔ̀ɔkɔ́ɔ gie áa tsɛ̀ɛ njÿó ńgẅiin metʉ, ńnẅɛɛ pʉ̀a, ésá’a setsɔ́, ńgẅiin jʉ’. E Ssé la gÿo sɛ̌ shúm cʉa ná mbwó Míŋ we tá mé pwóon, ḿbiŋ ḿbwóon é gwɔ́ pɔ́ se Míŋ we.

Kolosia 1:20

ńgíŋ ńkwoŋ ngie à ge fó pɔ́ ná yé, éshwoŋte kɔ̀ɔkɔ́ɔ, égíŋ ńnéŋe lejʉ́ŋ yé, kà á gwɔ́ pɔ́ mmó gie áa ndùmo ssé tsetsá’ wɔ́, kà tÿǒ lepwó wɔ́, é lɔg pá’ Míŋ we la pfɛte metse mé nà tÿǒ nkǐ, é mag mbù gẅie é laa tsetsɛ̀ɛ yé lâ pʉ̀a mesoŋ.

Kolosia 3:11

Pá’ pi metsèm kéen ńcʉ́’ pʉ̀a pe mesẅé la, à tyɛ̀’te té gíŋe ńgwɔ́ tsetsɛ̀ɛ pi tà áa gie mé ge gíŋe gɔɔn ngie: Wɔɔn aa nyìŋ Gelekia, wɔɔn gwɔ́ nyìŋ pà Yuda wɔ́. Mé le gíŋe ńgɔɔn ngie wɔɔn aa nyìŋ gẅie mé la pú’u yé, wɔɔn gwɔ́ nyìŋ gẅie mé la tè yé pú’ wɔ́. Kà pɔ́ légíŋe ńgɔɔn ngie wɔɔn la zí’i ŋwà’ne, wɔɔn tè zí’i wɔ́. Mé ké le gíŋe ńgɔɔn ngie wɔɔn nyìŋ aa nkwɔɔn, wɔɔn tè nkwɔɔn wɔ́ wɔ́. Kristo zɔ cʉ̌’ ńgwɔ́ gí nò ntsèm, ńgwɔ́ ntʉ́m pi metsèm.

Heber 1:2

Á kéen ńgwɔ́ nà yégè kème njÿó yɔɔn gie á cʉ́’ ńgwɔ́ pɔ́ ye lɔg ńzsote, á gɔɔn nò né pege, ńgwɔ gɔɔn, ńcʉa pɔ́ ná Míŋ we. Á gwɔ́ yé gẅie à la cʉa ná yé, ńnyɛte njÿó ntsèm, ḿbiŋ ńgíŋ ńzába yé pá’ kɔ̀ɔkɔ́ɔ ge lá’ gwɔ́ pɔ́ yé.

Heber 11:40

Pú’u mélà’mie e Ssé la kwaŋa tsɔ́ nò ńzáb, á gwɔ́ ye mbòŋo mbwo pege tɛ’. À la ne ńkwoŋo ngie pega pɔ̌ pú ńgwɔ́ métsèm, tá à gÿo pega pɔ̌ ku’ pʉ̀a pé ndà’ ndà’.

Heber 9:10

Yɛ̌ ntí legu’te Ssé ee ntí gie e lǐe pɔ́ mbùm nyìŋ, á gwɔ́ nò ńdíe shúm léjÿó, ńdíe melù’, ńdíe lésɔg *melɔ̌’. Metʉ̀ mɛ̌ mbʉ̌ la gẅiin légwɔ́ wó tà ńdá’ ńkú pɔ́ fʉ̀’ gie e Ssé lɔ̌ɔn ńge gíŋe gÿo kɔ̀ɔkɔ́ɔ pɔ́ sẅe sẅé.

1 Piɛ 1:20

E Ssé la mvɔg ńtsɔ́’ɔ yé ná yɛ̌ nò, tá ńnyɛte njÿó. À kéen ńgʉa ná yɔɔn fʉ̀’ gie á lɔgɔ ńzsote, ńtÿɔ́gɔ yé mangyɛ̌ ńtí gẅí.

Ŋwà’ne Ngyà jʉ’ 5:9

Melÿò pá, pâ menɔ̀ɔn pá ne ńzɔbɔ zɔ́bɔ ntsè ye sẅé ńgɔɔn tsoló ngie: Ɔ̀ ku’u nyìŋ gẅie ńgwɔ́ ɔ̀ kẅé ŋwà’ne, ńku’u nyìŋ gẅie ńgwɔ́ ɔ̀ nyɛ́’te lìi nŋwá’ gie mé la lɔg ńdyɛte. Mé la zẅé gú ńdɔg ńnuŋe pwɔ́’ Ɔ̀ la pfɛte metse mú ńdɔg ńcu’ pʉ̀a, ńcu’ tà mbɔɔ pʉ̀a pie ée ná yɛ̌ ngẅɛ̀ ndá wɔ́, tà mbɔɔ pʉ̀a pie é shwóŋó yɛ̌ shwóŋè wɔ́, tà mbɔɔ yɛ̌ ntí wɔ́, tà mbɔɔ pe wɛ̌ ngwòŋ wɔ́, ńcu’u wɔ́b pú’u, pɔ́ piŋe mbwo Ssé.