Efeso 1:1 - Nouveau Testament en Ngienboum

¹ Yɔɔn ŋwà’ne fóo mbwo mèŋ pɔl, e Ssé la kwoŋ ngie n gwɔ́ ngàŋ ntúm Yěsô Kristo. Mèŋ n náa mbwo pi pʉ̀a Ssé pie pi ńnéŋe Efeso, mbà pi la záb ntʉ́m ná Yěso Kristo, ńké ńzsé pɔ́ ndà’ nò yé.

Efeso 1:1 ပူးပေါင်းရင်းမြစ်များ

Lukase 16:10

Mé lɔɔn ńcʉ́me mûɔ mémmó mbwo nyìŋ, á pɔ́ɔn mboŋó, mbà á ge tó gwɔ́ gie á gyɔ́ɔn, à gíŋe ḿbɔ́ɔn pɔ́ pú’u, ńcʉ́me mûɔ mémmó mbwo nyìŋ à tè pɔ́ɔn mboŋó wɔ́, mbà á ge tó gwɔ́ ye lÿò á le pɔ́ɔn mboŋó wɔ́.

Megàŋ ntúm 16:15

Mé pɔ́ɔnte ḿbú ńnu’u wɔ́ba ngẅɛ̀ ndá yé ntse. Á pɔ́ɔnte ńgwɔ tóŋo wég mbʉ̀a yé ńgɔɔn ngie: Peg lɔɔn ńgyá yég ngie à zẅiŋé nò Cʉ̀apʉ̀a tà shwóŋó nò, peg tó ńtsẅé mbʉ̀a yé, ńgɔɔn pú’u, ńtsóte wég tsóte lézẅíŋ.

Megàŋ ntúm 18:19

Pɔ́ gʉa tà ńkúu Efeso, Pɔl nyé Piriska pɔ́ Akilas wó, ńgwɔ́ gʉa ńzɔɔn ńgʉa ńkúu *ndá cú’tè pà Yuda, éshwóŋ pà Yuda nò.

Megàŋ ntúm 18:21

Tá ńgwɔ le’e wɔ́b ńgɔɔn né pɔ́b ngie: E Ssé lɔɔn ńzẅíŋ, mbà mèŋ n ge táa tá gíŋe tóo mbʉ̀a pi. Á gɔɔn pɛ́’ɛ̀, ńdeen ńké ńgʉa ńkúu kanú’, éfó Efeso ńgʉa.

Megàŋ ntúm 9:13

Ananias tsɔ́’ ngie: Cʉ̀apʉ̀a, mèŋ n zyě ńjú’ pʉ̀a tà ńgyɔ́ɔn kíme nyìŋ gẅie ɔ̀ gɔɔn yé lɛ. Mèŋ m bǔ ńzsé nò tepoŋ gie à ka gÿǒ nà pʉ̀a pú, á Yerósalem.

Roma 1:1

Yɔɔn ŋwà’ne fóo mbwo mèŋ Pɔl, nyìŋ gẅie á fa’a fà’ Yěsô Kristo, e Ssé la tóŋo wɔ̀ɔn ńdɔg ńgÿo ngàŋ ntúm Yěsô Kristo, ńzába wɔ̀ɔn ngie n gʉa ńtsẅi Nkʉ̀ Mbòŋo wé mbwo lá’.

Roma 1:7

Mèŋ m biŋ ńnáa yɔɔn ŋwà’ne mbwo pi métsèm pie pi ee tÿǒsoŋo *Roma. Pi pie e Ssé kwoŋo gẅi, áa yɛ̌ à la tóŋo gẅi pá’ pi ge gwɔ́ pʉ̀a pé pie à tsɔ̌’. Mèŋ ne ńtsɔ́ɔn ngie Tá wégè Ssé mbɔɔ Cʉ̀apʉ̀a Yěsô Kristo ne ńgwɔ́ né pi, ńně ńnéŋe sẅéte ntʉ́m pi.

Roma 8:1

Á lɔgɔ ńgwɔ́ ngie pʉ̀a pie é la nnɛ́ ná Yěsô kristo, é té ge lá’ gíŋe gwe ntsaŋ wɔ́,

1 Korento 4:12

Kwà’ peg lɔg mbwó még é fa’a fà’ tà ńzi’i tá ńgẅiin yég mmó. Mé zóonte wég tá peg tsɔ́ɔn pɔ́ nò mbòŋo ná pʉ̀a. Mé kʉ́e wég peg tè zoŋ.

1 Korento 4:17

N gwɔ̌ túmo Timoté né pi ńtí pɔ́ pú’u. Aa nà nò Kristo ńgwɔ́ míŋ wɔ̀ɔn mie n kwoŋo yé tɛ’. À zsé pɔ́ ndà’ nò Cʉ̀apʉ̀a. Á ge tó kímte gẅi mmó gie n zí’i pʉ̀a á nà legiŋe nzèm Kristo pɔ́ kwà’ pá’ mèŋ n ne ńtóo nzɔ̌ nzɔ̌ tsɛ̀ɛ mecú’tè pʉ̀a Kristo ńzí’i pʉ̀a.

2 Korento 1:1

Yɔɔn ŋwà’ne fóo mbwo mèŋ pɔl gẅie e Ssé la kwoŋ kwoŋ ńtsɔ́’ɔ wɔ̀ɔn ńdɔg ńgÿo ngàŋ ntúm Yěsô Kristo. Peg fɛ́ wege Timoté ŋwe’é yɔɔn ŋwà’ne, ńnáa mbwo cú’tè pʉ̀a Ssé á tÿǒsoŋo Korento. Mèŋ n gǐŋ ńŋwe’e ńnáa mbɔɔ mbwo pʉ̀a Ssé metsèm, pie pɔ́ ée nà shÿó Akay ntsèm.

Galatia 1:1

Yɔɔn ŋwà’ne fóo mbwo mèŋ Pɔl, ngàŋ ntúm Yěsô Kristo, mbà pʉ̀a mesoŋ zɔ̌ la tè wɔ̀ɔn tsɔ́’, tsɔ̌ nyìŋ mesoŋ zɔ̌ ké tè wɔ̀ɔn túm. Yěsô Kristo pɔ́ Ssé Tá zɔ̌ la túmo wɔ̀ɔn. Yé Tá la gÿo Yěsô zíme ná legwé.

Galatia 3:26

Pi metsèm zɔɔn ńdɔg pá’ pi záb ntʉ́m ná Yěsô Kristo ńgwɔ́ púɔ Ssé.

Galatia 3:28

Á fó pú’u, e Ssé tè gíŋe ńgÿo tsɔ́ tyɛ’te ná pà Yuda lâ pʉ̀a Gelekia wɔ́, ńké té gíŋe ńgÿo nà menkwɔɔn lâ pà ndù nnɛ́ wɔ́, ńké tè gíŋe gÿo nà mbàŋa lâ pànzwé wɔ́, á nue pi lɔg pá’ pi la nnɛ́ ná Yěsô Kristo ńcʉ́’ ńgwɔ́ pɔ́ tà’ ntí

Galatia 3:9

Ábalam la záb ntʉ́m nà Ssé, e Ssé néŋ mbʉ́lè ná yé. Pú’u la, pɛ̌ pʉ̀a gwɔ́ pie pɔ́ zǎb ntʉ́m nà Ssé pá’ Ábalam la, e Ssé ge néŋ mbʉ́lè ná pɔ́b yɔ́b.

Efeso 1:15

Pá’ mèŋ n ka jú’ ngie pi ne ńkẅi’i ńzába ntʉ́m gẅi ná Cʉ̀apʉ̀a Yěsô, ńgíŋe ńjú’ ngie pi ne ńkwoŋo pʉ̀a Ssé métsèm lá,

Efeso 2:10

Pege lɔɔn ńgwɔ́ kɔ́ wɔ́, mbà pege zẅɛ́’ɛ pɔ́ Ssé. E Ssé la cʉa ná Yěsô Kristo ḿbwóon wégè, légwɔ́ gie pege ge fa’ mefà’ mbòŋo mie yé Ssé la lá’ ńcwoŋte ńzáb pá’ pege ge fa’.

Efeso 2:13

Tá’, á ké ńgwɔ́ fʉ̀’ɔɔn, mbà pi pie pi kaa ngʉ̀a shʉ̀shʉ̀a, pi ka lɔg pá’ pi lǎ nnɛ́ ná Kristo. E Ssé kaa gẅi ńtÿɔ́gɔ lejʉ́ŋ ye, á nue Yěsô Kristo la pfɛte metse mé ńkwé ńtí gẅí.

Efeso 2:6

Pá’ pege léen ńda nnɛ́ ná Yěsô Kristo la, à la pú ńzíme wégà pɔ̌ nà legwé, ńgíŋe ńgÿo peg cʉ́me nzèm Yěsô Kristo, pega pɔ̌ pú ńkwɔ́’ ńnéŋe tÿǒ lepwó ńně sá’a kɔ̀ɔkɔ́ɔ wɔ́.

Efeso 6:21

Tishig gẅie aa fɛ́ wege we ntʉ̀ nzẅìŋ, ńgwɔ́ ngàŋa fà’ Cʉ̀apʉ̀a, tà ńzsé yé pɔ́ ndà’ yɛ̌ fà’, à ge tó, é tó shwóŋó gẅi pá’ mèŋ n gee jʉ’ɔɔn ńgwɔ́ pú’u, légwɔ́ gie pi ge zsé mmó gie n kéen ńcʉ́’ʉ yɛ̌, mbɔɔ mmó gie mèŋ n gÿo.

Kolosia 1:2

mbwo pi pʉ̀a Ssé pie pi ńnéŋe Kolos. Pi pǔ ńgwɔ́ mefɛ́ mefɛ́ á nà nò Kristo, pi ké ńzsé pɔ́ ndà’ yɛ̌. Tá wege Ssé ne ńgwɔ́ né pi, ńne ńnéŋe sẅétè ntʉ́m pi.

Ŋwà’ne Ngyà jʉ’ 17:14

Pɔ́ ge ma’a Mûɔ *Njʉ̀njÿò lê ncù, tá à ké ńcʉa wɔ́b, á nue aa Cʉ̀apʉ̀a mecʉ̀apʉ̀a, ńgwɔ́ Fùɔ mefùɔ. Epʉ̀a pie à la tóŋo wɔ́b, ńtsɔ́’ɔ wɔ́b, pɔ́ zsé pɔ́ ndà’ yé, pâ pɔ̌ pú ńcʉa nɔ̀ɔn ŋwɛ́.

Ŋwà’ne Ngyà jʉ’ 2:10

Áa nénʉ́ ngie pi ge gyá ngɔ́’, tá’, tà pi ké ḿbɔ́g. Pi zsé ngie Sátà ge ma’ tsɔ́ pʉ̀a pí ndá tsǎŋ lélɔg ńdʉŋte gẅi ńgyá. Pi gyá ngʉ̀ngʉ̀ gyǎ é lyɛ̌’ lá’ legém. Pi ké ńzsé pɔ́ ndà’ wɔ̀ɔn, tà mbɔɔ pá’ mé lɔɔn ńne ńzẅéte gẅi ńtí pú’u. Mèŋ n ge lá’ tɔ’ ngú’ gi, á gwɔ́ pá’ pi ge lá’a gwɔ́ pɔ́ wó.

Ŋwà’ne Ngyà jʉ’ 2:13

Mèŋ n ne ńzsé jʉ’ gie pi ńnéŋe wó. Alʉ̀ŋe lefùɔ Sátà tyé jʉ’ó tá’, n ké ńne ńzsé ngie pi cwoŋó ńcʉŋe pɔ́ ná mèŋ. Pi laa nyé lézáb ntʉ́m ná mèŋ wɔ́, tà mbɔɔ ná melyɛ̌’ mie mé la zẅé Antipas á mbʉ̀a pi, á nà jʉ’ gie Sátà ńnéŋe wó. Antipas laa nyìŋ ńgɔɔn yé pɔ́ ndà’ nò gie à zsě ná mèŋ.