3 Jâŋ 1:8 - Nouveau Testament en Ngienboum

⁸ Pú’u la, pege pʉ̀a Kristo gẅiin lékẅéte mefɛ́ mefɛ́ pá’ pɛ̌, légwɔ́ gie pega pɔ̌ ge lɔg púte gÿo nò nénʉ́ sa jʉ’.

3 Jâŋ 1:8 ပူးပေါင်းရင်းမြစ်များ

Matio 10:14

Pi kúu mbʉ̀a nyìŋ ka pɔ́ tsɔ́ tÿǒsoŋ wɔ́, mé lʉ’ʉ lékúe gẅí, ńdʉ’ʉ lé jú’u shwóŋó gí, pi fó wó ńgʉa, ńgwaa gʉa ḿbú’u pfepfɔ́b nà mekwò mí ńgwá’

Matio 10:40

Nyìŋ lɔɔn ńkúe gẅí, mbà à kúe pɔ́ wɔ̀ɔn, nyìŋ piŋ ńkúe wɔ̀ɔn, mbà à kúe pɔ́ nyìŋ gẅie à la túmo wɔ̀ɔn

Lukase 11:7

Tsɔ́ nò shǔ ɔ̀ fóo ndá ńtsɔ́’ ngie: Tè gíŋe ḿbége wɔ̀ɔn, n ně ńdá’ ńjÿɔ́’ ncwò ndá, peg lâ pènkʉ́ pɔ́ɔn ně ńdá’ ńnuŋe kǔ. Tà à lɔɔn ńgwɔ́ n de gíŋ ngie n ge lu ssé ná mbelég né gù wɔ́.

2 Korento 6:1

Pá’ pega Ssé zɔ puté ne fa’a la, peg ne ńkẅiŋte gẅi ngie tà pi gÿo ná ntí gie, légwɔ́ gie é Ssé tsɔ̌ɔn gẅí, ńcÿó gʉm gí, à ge cʉa sẅɛ̀ɛ.

2 Korento 8:23

Á gʉa ná Titus, mbà aa *ngàŋa kwò wɔ̀ɔn, à ne ńkẅéte wɔ̀ɔn nà fà’ gie mèŋ fa’a ńtí gẅí, ńgʉa ná pɔɔn mefɛ́ pégè mépʉ́a, mbà pɔ́ ée pʉ̀a pie mecú’tè pʉ̀a Kristo kà tumó wɔ́b, ée pʉ̀a pie yɔ́b fà’ kwé’e lezíŋ Kristo ńnáa tÿǒ.

Filipo 4:3

ḿbìŋ ńgʉa ná gù, kwà’ shǔ wɔ̀ɔn tsɛ̀ɛ fà’, mèŋ n ne sẅíŋte gú ngie ɔ̀ kẅéte wɔ́b, ée pánzwě pie pega pɔ̌ nê Kelemaŋ ka pǔ ńdÿɔ́’ ncù ná nò nkʉ̀ mbòŋo. Pega tsɔ́ pʉ̀a la gíŋe ńgwɔ́, tà mezíŋ mɔ́b ée tsɛ̀ɛ ŋwà’ne gie áa mbwo Ssé.

Kolosia 4:11

Yěsô gẅie mé gíŋe ńtóŋo yé lê Jẅistẅis tsyɛ’té gẅi yé. Á gʉa tsetsɛ̀ɛ pà Yuda pie é ka zẅíŋe nò Kristo, ée ndà’ wɔ́b pɔɔn métá pie pega pɔ̌ ee jʉ’ɔɔn, éfa’a ńtí nò *lefùɔ Ssé. Pɔ́ zɔ̌ ka ne ńnéŋe ntʉ́m wɔ̀ɔn.

1 Tesalonika 3:2

é túmo Timoté né pi. Pi ne ńzsé ngie aa fɛ́ wege gẅie pega pɔ̌ fa’a fà’a Ssé, ńgwá ńtsẅii Nkʉ̀ mbòŋo Kristo. Peg ka túmo yé légwɔ́ gie à ge gÿo pi tʉte, é piŋ kẅiŋte gẅi nà gẅi lezáb ntʉ́m nà Ssé,

Filemo 1:2

Áa jú, ńgíŋ ńgwɔ́ ye Apia, fɛ́ wege we manzwě, mbɔɔ yé Aleshʉpe, á *ngàŋa kwò wege tsẅɛɛ ncù, ńgÿo cú’tè pʉ̀a Kristo gie á kúu ndá gù.

Filemo 1:24

Mbɔɔ Malékuse, mbɔɔ Alistag, mbɔɔ Ndemas pɔ́ Lukase pie pegá pɔ̌ pǔ fa’a tà’a fà’.

3 Jâŋ 1:10

Áa mmó gie á gÿo mèŋ n ge gÿo tó tà ńkúu tsetsɛ̀ɛ pi, é kem menò tepòŋ mie á gÿǒ, é gíŋe shwóŋ pʉ̀a shwóŋè tepòŋ mbɔɔ cÿɔ̌ nò gẅie à gɔɔn ná peg. À tè gÿo pɔ́ ndà’ pú’u wɔ́, à lʉ’ʉ lékúe mefɛ́ mefɛ́ pie ée megʉ̀, ńgíŋ ńtɔ’ mbɔɔ petsɔ́ pʉ̀a lékúe wɔ́b, tà fóo tsɛ̀ɛ cú’tè ńjwoŋo pʉ̀a pie é ne fa’a lékúe wɔ́b.

3 Jâŋ 1:7

Á nue pɔ́ kéen ńcʉ́me mánzsè pɔ́ léfa’a fà’ Kristo, ḿbiŋ ńké tè ne ńzẅíŋe lékẅé mmó gie á fóo mbwo pà tè zsé Ssé wɔ́.

3 Jâŋ 1:9

Mèŋ n ka ŋwe’e mékème ŋwà’ne, ńnáa tsɛ̀ɛ gí cú’tè pʉ̀a Kristo, tá Ndiotelɛf gẅie à kwoŋo lézá’te mvfò mânyìŋ ntsem lʉ’ʉ lé jú’u nò gie mèŋ n gɔɔn tsoló.