3 Jâŋ 1:2 - Nouveau Testament en Ngienboum

² Ashǔ wɔ̀ɔn we tʉ̀ nzẅìŋ, mèŋ n ne ńtsɔ́ɔn ngie ɔ̀ jú’ mboŋó nà kɔ̀ɔkɔ́ɔ, esoŋ nnɛ́ gú tʉte pá’ ɔ̀ ne ńtʉte ná nò Kristo lɛ.

3 Jâŋ 1:2 ပူးပေါင်းရင်းမြစ်များ

Matio 9:12

Yěsô jú’ pá’ pɔ́ gɔ̌ɔn, ésaga mbwó pɔ́b ngie: Ńgwɔ́ nyìŋ le gwɔ́ ńtentʉ́, ńgʉa fa’a ngÿo meffo wɔ́, nyìŋ guɔ tá fa’a yé.

Filipo 2:27

Á ka gẅiin légege gẅí, aguɔ ŋwɛ́ laa wó tɛ’, tà á ka cʉ́’ʉ méjʉ’ à kwé. Tá e Ssé tsɔ́ɔn mezìŋe mé, ńgíŋe ńtsɔ́ɔn mbàa mɔ́ɔn ngie tà mèŋ n gwɔ́ tsɛ̀ɛ ngɔ́’, ńgíŋe ńkaa tsɔ̌.

Filipo 2:4

Tà nyìŋ gẅi kwaŋ pɔ́ ndà’ yé twó. À gíŋe ńkwaŋa ye petsɔ́ pʉ̀a.

2 Tesalonika 1:3

Mefɛ́ mefɛ́, peg gẅiin léná ndǎg mbwo Ssé nà twó sí ngwòŋ fʉ̀’ ntsèm. Áa mbòŋ ngie mé gÿo pú’u, mélà’mie pi tè ne ńkʉ́a lézáb ntʉ̀m ná yé wɔ́, ńgíŋe ne ńgẅiin nkwòŋe tsetsɛ̀ɛ pi ńdɔgɔ ńgee pɔ́ lê mvfò.

2 Tesalonika 2:13

Mefɛ́ mefɛ́, pie e Ssé kwoŋo wɔ́b, á gʉa ná peg, mbà peg gẅiin lésíe Ssé fʉ̀’ ntsèm ńtí gẅí, mélà’mie à la tsɔ́’ɔ gẅi tà fó nzyète légwɔ́ gie pi ge tsẅɛ́. Pi tsẅɛ́ɛ ńtí pá’ a Zẅìge Ndʉalʉ̌a ne ńgÿo pi gwɔ́ pʉ̀a Ssé, mbɔɔ pá’ pi záb ntʉ̀m nà nò gie áa nénʉ́.

Ŋwà’ne Jâg 5:12

Mefɛ́ pɔ́ɔn, á lɔɔn ńgwɔ́ pɔ́ nò kɔ́ wɔ́, tà pi gɔɔn nò tà ńkʉa. Tà pi lɔg lepwó ńkʉa nò. Tà pi lɔgɔ tsetsá’ ńkʉa, tà pi zɔɔn fó ńkʉa nò kʉa. Á poŋ ngie gẅi oon à gwɔ́ pɔ́ oon, agẅi ngǎŋ à gwɔ́ pɔ́ ngǎŋ. À cʉa pú’u, tá Ssé le gÿo e ngie pi gwě ntsaŋ wɔ́.

1 Piɛ 4:8

Andùŋ mvfò mmó gie pi ge gÿo, aa gẅi légẅiin nkwòŋe tsetsɛ̀ɛ pi, mélà’mie nkwòŋe pyaga lelÿò menò tepòŋ.

2 Piɛ 3:18

Pi lɔg pɔ́ pá’ pi ne ńzsé Yěsô Kristo, Cʉ̀apʉ̀a wege, ńgwɔ́ nyìŋ gẅie à gÿo pege tsẅɛ́ɛ, ńdɔg ńgʉa né mvfò, ńzsé ngie à ge kẅi’i cÿó gʉm gí, é ne ńgwɔ́ɔ né pi. Legú’ à gwɔ́ mbwo yé tà fó fʉ̀’ɔɔn, à lá’a ńgwɔ́ɔ pɔ́ pú’u! *Amen.

3 Jâŋ 1:1

Mèŋ nkẅè mvfò tsɛ̀ɛ cú’tè pʉ̀a Kristo, n náa yɔɔn ŋwà’ne mbwo gù Gaẅis, á shǔ wɔ̀ɔn we tʉ̀ nzẅìŋ. Mèŋ n kwoŋo gú nue pɔgɔ pǔ ńtyé nà nénʉ́.

Ŋwà’ne Ngyà jʉ’ 2:9

Mèŋ n ne ńzsé ngʉ̀ngʉ̀ gi, ńne ńzsé ngie pi gwɔ́ pɔ́ mepóŋ, tá’, ńké ńgwɔ́ nà lezsě Ssé ńgwɔ́ ngàŋa mmó. Mèŋ n giŋé ńne ńzsé ngie pʉ̀a pie pɔ́ gɔɔn ngie pɔ́ ée pà Yuda, tá ńké ńdɔgɔ pɔ́ ncwò ńgɔɔn, pɔ́ ne ńkíme lezíŋ sí té poŋ. Pɔ́ gwɔ́ pɔ́ pʉ̀a pe cú’tè ye Sátà.