3 Jâŋ 1:11 - Nouveau Testament en Ngienboum

¹¹ Ashǔ wɔ̀ɔn we tʉ̀ nzẅìŋ, pɔ́ɔn lépí fʉ̀’ nò tepòŋ, pí pɔ́ fʉ̀’ nò mbòŋo. Nyìŋ gẅie à gÿo nò mbòŋo aa Míŋ Ssé, nyìŋ gẅie à gÿo nò tepòŋ à tè Ssé zsé,

3 Jâŋ 1:11 ပူးပေါင်းရင်းမြစ်များ

Ŋwà’ne Jâŋ 10:27

*Me njʉ̀njÿò mɔ́ɔn jú’ ngyè yɔɔn. Mèŋ n zsé wɔ́b, pɔ́ cʉ́me nzèm mèŋ.

Ŋwà’ne Jâŋ 12:26

Nyìŋ lɔɔn ne fa’a mbwo mèŋ, á cʉ́me nzèm mèŋ. Àjʉ’ gie mèŋ n gee wó la, ngàŋa fà’ wɔ̀ɔn gÿo ńgwɔ́ yé wó. Nyìŋ lɔɔn ne fa’a mbwo mèŋ, mbà Tá wɔ̀ɔn ge gÿo ná mekù’ mé.

Ŋwà’ne Jâŋ 3:20

Ngÿǒ menò nyìŋ lɔɔn ńzɔɔn tè ne ḿboŋo wɔ́, mbà ngàŋ ge pʉa kyɛ̀’ pʉa, á le kwoŋo légiŋe jʉ’ gie kyɛ̀’ áa wó wɔ́, ḿbɔ́gɔ nue ngÿǒ menò mé ge kẅɛɛ mángyɛ̌.

1 Korento 11:1

Pi gwɔ́ pʉ̀a pie pi píi fʉ̀’ ná mèŋ, ndʉŋ ndʉŋ pá’ mèŋ m bíi fʉ̀’ ná Kristo.

1 Korento 4:16

Pú’u la n dɔgɔ ńgɔɔn mbwo pi ngie, pi pí fʉ̀’ ná mèŋ.

Efeso 5:1

Pi púɔ Ssé, e Ssé kwoŋo gẅi tɛ’, pú’u la pi pí fʉ̀’ ná yé.

Filipo 3:17

Mefɛ́ pɔ́ɔn, pi métsèm, pi pí fʉ̀’ ná mèŋ. Peg ka nyɛɛ gẅi pá’ pi ge giŋ pú’u. Pi líe pʉ̀a pie é ne ńgiŋe pú’u, ńgiŋ gí.

1 Tesalonika 1:6

Pi la pí fʉ̀’ ná peg, mbɔɔ ná Cʉ̀apʉ̀a. Mé tsɛ ne ńnyɛɛ gẅi ngɔ́’ tɛ’ tá’, pi lɔgɔ lekág gẅie à fóo mbwo Zẅìge Ndʉalʉ̌a, ńzẅíŋe shwóŋè Cʉ̀apʉ̀a.

1 Tesalonika 2:14

Mefɛ́ mefɛ́, ngɔ́’ gie e la kú pʉ̀a Jẅidea pie pɔ́ la záb ntʉ́m ná Kristo, ńcú’te ńcʉ́’ pʉ̀a Ssé, e la kúu gẅi gí. N gɔɔn nue pʉ̀a lá’ pí la nyɛɛ gẅi ngɔ́’, á gwɔ́ pá’ pà Yuda, epʉ̀a lá’ pɔ́b yɔ́b, la nyɛɛ wɔ́b ngɔ́’.

2 Timote 3:10

Á gʉa ná gù, mbà pɔgɔ lǎ zye ńnéŋe. Ɔ̀ ne ńzsé mmó gie mèŋ n zí’i pʉ̀a, ɔ̀ ne ńzsé yɔ́ɔn tsẅé, ńne ńzsé mmó gie mèŋ n gwɔ fa’ ńne ńtsɔ́ɔn yɛ̌, ńne ńzsé pá’ n záb ntʉ́m wɔ̀ɔn nà Ssé, ńzsé pá’ n gẅiin kwɔ́gɔ nnɛ́ pú’u, pá’ n kwoŋ pʉ̀a mesoŋ pú’u, ḿbiŋ ńzsé pá’ n kag tʉ̀ té kʉ́a pú’u.

Heber 6:12

Tà pi cʉ́’ melǒŋ. Tà ńcʉ́’ pú’u, pi pí fʉ̀’ ná pʉ̀a pie pɔ́ lɔgɔ lézáb ntʉ́m nà Ssé mbɔɔ lé zẅí’te té kʉ́a, ńkẅé mmó gie e Ssé la ka’a lénáa mbwo pɔ́b.

1 Piɛ 3:11

Á poŋ ngie à lÿɔ́’ɔ nò tepòŋ, ńgÿo pɔ́ nò mbòŋo, é fa’ mbʉ́lè, ńzsete nzèm yé.

1 Piɛ 3:13

Pi lɔɔn ńnéŋe twó ńgÿo pɔ́ nò mbòŋo, mbà wɔ́ ge gÿo nò tepòŋ ná pi?

1 Jâŋ 2:29

Pi ne ńzsé ngie Kristo gÿo mmó gie áa ndʉŋ ndʉŋ mvfò Ssé, pú’u la pi gíŋe ńzsé ngie nyìŋ lɔɔn ńgÿo mmó gie áa ndʉŋ ndʉŋ mvfò Ssé, mbà à ge cʉ́’ʉ míŋ Ssé.

1 Jâŋ 3:10

Pi gyá mmó gie mé fó mǒ ńdɔg ńzsé púɔ Ssé, ńgíŋe ńzsé pe Sátà. Nyìŋ lɔɔn tè gÿo mmó gie áa ndʉŋ ndʉŋ mvfò Ssé wɔ́, ńké tè kwoŋo fɛ́ we wɔ́, mbà ngàŋ tè míŋ Ssé wɔ́.

1 Jâŋ 4:1

Meshǔ pɔ́ɔn pe tʉ̀ nzẅìŋ, tà pi jú’ nyìŋ gɔɔn ngie Zẅìge Ndʉalʉ̌a áa ná yé, pi gwóon ńzẅíŋ zẅíŋ, té cwoŋo ńdíe ka áa kwà’ Zẅìge Ssé wɔ́. Á nue pà *ntsẅì nkʉ̀ Ssé pe cÿɔ̌ nò pǔ ńgyɔ́ɔn tsɛ̀ɛ njÿó tɛ’.