3 Jâŋ 1:10 - Nouveau Testament en Ngienboum

¹⁰ Áa mmó gie á gÿo mèŋ n ge gÿo tó tà ńkúu tsetsɛ̀ɛ pi, é kem menò tepòŋ mie á gÿǒ, é gíŋe shwóŋ pʉ̀a shwóŋè tepòŋ mbɔɔ cÿɔ̌ nò gẅie à gɔɔn ná peg. À tè gÿo pɔ́ ndà’ pú’u wɔ́, à lʉ’ʉ lékúe mefɛ́ mefɛ́ pie ée megʉ̀, ńgíŋ ńtɔ’ mbɔɔ petsɔ́ pʉ̀a lékúe wɔ́b, tà fóo tsɛ̀ɛ cú’tè ńjwoŋo pʉ̀a pie é ne fa’a lékúe wɔ́b.

3 Jâŋ 1:10 ပူးပေါင်းရင်းမြစ်များ

Lukase 6:22

Pi ee pàshÿó mbòŋo, á na fʉ̀’ gie pi cʉmé nzèm *Míŋ Nyìŋ, mé piŋ ne ḿbʉa gẅí, ńne ńkʉ́e gẅí, ńne ńzoonte gẅí, ńne ńcʉŋte lezíŋ sí.

Ŋwà’ne Jâŋ 9:22

Tá we pɔ́ má we, gwɔ́ gɔɔn pú’u, á nue pɔ́ la ne ḿbɔ́gɔ pàsá’a lá’ pà Yuda. Á gwaa gwɔ́, mbà pà Yuda ka zǎb ngie nyìŋ lɔɔn ńzẅíŋ ngie Yěsô aa *Nzà’nkÿo, mé fóo ndá cú’tè ńjwoŋo ngàŋ.

Megàŋ ntúm 1:15

Á gÿo ńgwɔ́ tsɔ̌ lyɛ̌’, mefɛ́ mefɛ́ cú’te ssé, (tà ńgwɔ́ mmó pʉ̀a nkÿo lemóm mbʉ́a). Piɛ lu ssé, ńtyé tsetsɛ̀ɛ pɔ́b ńgɔɔn ngie:

2 Korento 13:2

Mèŋ n ge tʉ́ njÿó fʉ̀’ɔɔn, é gíŋ gɔɔn nò mbwo pʉ̀a pie á la gwaa gwɔ́ setsɔ́ lekwò, mbà pɔ́ gÿo menò tepòŋ mbɔɔ mbwo mânyìŋ ntsèm. Áa nà lyɛ̌’ɔɔn, mèŋ n te tsetsɛ̀ɛ pi wɔ́, tá mèŋ n ge kímte gẅi nò gie n da gɔɔn né pi á fʉ̀’ gie n da tóo lá’ pi ná mbɔ́ɔntè yépʉ́a. Mèŋ n da gɔɔn ngie n ge gÿo tó, é néŋ ntsaŋ twó mânyìŋ ntsèm gẅie à fʉ̌a nò.

Galatia 6:10

Pú’u la, pege lɔɔn ńnyé ńgẅiin shÿó, pege gÿo nò mbòŋo mbwo pʉ̀a metsèm, ńtʉʉ lelÿò ńgÿo mbwo mefɛ́ mefɛ́ pie pega pɔ́ pǔ ńzába ntʉ́m ná Kristo.

1 Timote 5:13

Atsɔ́ mmó gie á gÿo mé té lwo ńŋwe’e mezíŋ mɔ́b wɔ́ áa pá’ mé lɔɔn ńŋwe’e pɔ́ cʉ́’ melǒŋ, ńgwá ńkʉ́’ʉ mendá mendá, á gwɔ́ mege pÿɔ́g pɔ́ gwá ńkaa mezíŋ pʉ̀a, ńgwá ńkyɛ́’ menò mie mé ée ntěen ńkyɛ́’ɛ wɔ́, ńgɔɔn nò ná menò mie é té ne ńdíe wɔ́b gwɔ́.

2 Jâŋ 1:10

Nyìŋ lɔɔn ńdɔgɔ tsɔ́ nò ńtóo tsetsɛ̀ɛ pi, tà á té gwɔ́ pɔ́ gie Kristo la zí’i gẅi wɔ́, tà pi kúe yé, tà pi fó ńtsyɛ’te yé mbɔɔ tsyɛ’te.

2 Jâŋ 1:12

Mèŋ n kě ńgẅiin menò tà é gyɔ́ɔn gyɔ̌ɔn mie ńgwɔ́ mèŋ shwóŋó gẅí, tá mèŋ n gyǎ ngie mèŋ n tè ŋwe’e ŋwe’e wɔ́, á nue mèŋ n ne ńkwaa létóo lá’ pi, anò kẅɛɛ ncwò mèŋ ńkúu ncwò pi, ńzsé ngie lekág wege aa pú cʉ́me.

3 Jâŋ 1:3

Anò ka zɔɔn ḿboŋo wɔ̀ɔn tɛ’, á nue tsɔ́ mefɛ́ pege ka tǒ jʉ’ɔɔn, éshwóŋó wɔ̀ɔn ngie ɔ̀ kě ńda nnɛ́ pɔ́ nà nò nénʉ́, ḿbiŋ ńne ńgiŋe jú pɔ́ pá’ á ne ńzɛ́te.

3 Jâŋ 1:5

Ashǔ wɔ̀ɔn we tʉ̀ nzẅìŋ, ɔ̀ zsé jú pɔ́ ndà’ Kristo, ɔ̀ kẅéte mefɛ́ mefɛ́ tà mbɔɔ pie é gwɔ́ pɔ́ megʉ̀.