2 Timote 4:7 - Nouveau Testament en Ngienboum

⁷ N ka lÿɔ́’ ncù mbòŋo, mèŋ n ka kÿo ndʉ̌ tà ńkúu nzotě. N ka kě ně ńzába ntʉ́m pɔ́ ná Yěsô, ńně ḿbɔ́ɔnte mboŋó.

2 Timote 4:7 ပူးပေါင်းရင်းမြစ်များ

Lukase 11:28

Yěsô pʉŋe ńgɔɔn né yé ngie: Ɔ̀ kɔ’ɔ́ gɔɔn pɔ́ ngie: Pàshÿó mbòŋo ée pʉ̀a pie pɔ́ jú’u shwóŋè Ssé, ńgÿo pá’ á ne ńzɛ́te.

Lukase 8:15

Mbyè mmó gie e gwě nà tsetsá’a mbòŋo lɔgɔ ńgwɔ́ pʉ̀a pie pɔ́ jú’u shwóŋè Ssé, ńzẅíŋ lê ntʉ́m mbòŋo, ńgÿo pá’ á ne ńzɛ́te, ḿbiŋ ne ńkaga tʉ̀ lékú’te fʉ̀’ ntsèm, ḿbiŋe ne ńzéme ntɔ̌ɔn.

Ŋwà’ne Jâŋ 17:6

Ɔ̀ la fóo tsɛ̀ɛ njÿó, éfag pʉ̀a mesoŋ, ńnáa mbwo mèŋ, mèŋ n ka zí’i wɔ́b lézsé nyìŋ gẅie ɔ́ɔ wɛ̌. Pɔ́ laa pʉ̀a pú, ɔ̀ piŋ náa wɔ́b mbwo mèŋ. Pɔ́ kéen ńké ńjú’u shwóŋó jú, ńkú’te.

Ŋwà’ne Jâŋ 4:34

Yěsô gɔɔn mbwo pɔ́b ngie: Ayɔ́ɔn mmó léjÿó gwɔ́ pɔ́ légÿo mmó gie nyìŋ gẅie à ka túmo wɔ̀ɔn à ne ńkwoŋo, mbɔɔ lémege fà’ gie à ka nǎ né mèŋ.

Megàŋ ntúm 13:25

Jâŋ gÿo ńcʉ́’ʉ lémege fà’ yé, ńzɛ́te lá’ ngie: Pi ee pá’ɔɔn ne ńkwaŋa ngie mèŋ n gee wɔ̌? Mèŋ n ké tè *Nzà’nkÿo pù’ wɔ́! Pi ké ńjú’ mboŋó, àa nzèm mèŋ ńne ńtóo. N zɔɔn fó tè ku’u nyìŋ gẅie à lɔɔn ńgwɔ́ n kyɛ́’ nkÿo melɔ̌ɔn mé wɔ́.

Megàŋ ntúm 20:24

Tá á gʉa ná mèŋ, mbà wɔ̀ɔn le gwɔ́ tè séen ńgwɔ́ pɔ́ mmó ntʉ̀ nzẅìŋ mbwo mèŋ wɔ́. Ammó gie mèŋ n ne ńtsɔ́ɔn, á gwɔ́ pɔ́ ngie, mèŋ fa’a fà’ gie mé nǎ mbwó mèŋ tà ḿmag. Á gwɔ́ légÿo ńgÿo kɔ̀ɔkɔ́ɔ wɔ́ gie Cʉ̀apʉ̀a Yěsô ka tsẅi ngie mèŋ n gÿo. Mèŋ n gɔɔn légʉa ńtsẅi nkʉ̀ mbòŋo mbwo pʉ̀a mesoŋ lélɔg shwóŋó wɔ́b pá’ e Ssé fó ná Yěsô ńcÿó gem pʉ̀a pú’u.

Galatia 2:2

N dɔ̌ɔn ńgee wó, mélà’mie e Ssé la gɔɔn ngie mèŋ n gʉa wó. N da tóo wó, ńkyagte nkʉ̀ mbòŋo gẅie mèŋ n tsẅii mbwo pʉ̀a pie é té pà Yuda wɔ́, éshwóŋ pʉ̀a pie mé lɔ́ɔn ńdíe wɔ́b ngie ée melÿò. Pega pɔ̌ ńnéŋe pɔ́ jʉ’ʉ ntsèm tá mèŋ n kyagte shwóŋó wɔ́b. Pú’u, nue n da tè ne ńkwoŋo ngie à fà’ gie n dǎ fa’ mbɔɔ gie mèŋ n ne fa’a à cʉa sẅɛ̀ɛ wɔ́.

Filipo 1:30

Yɛ̌ ngɔ́’ ée ncù gẅie pi ne ḿma’a, mbà pi la gyá pá’ mèŋ m ma’a. Mèŋ n kě ńnyé ḿma’a pɔ́ wɛ̌.

1 Timote 1:18

Timoté, gù míŋ wɔ̀ɔn, mèŋ n cʉ́me yɔɔn shwóŋè mbwo gù, á gwɔ́ pá’ pà *ntsẅì nkʉ̀ Ssé la tʉ́ njÿó ńgɔ́ɔn ná gù. Néŋe ne ńkímte menò mie pɔ́ la gɔɔn ŋwɛ́, ńzsé ngie é ge gwɔ́ shú shúm lɔg ńdÿɔ́’ ncù mbòŋo ná lezíŋ Ssé.

1 Timote 6:12

Ké ne ḿma’a jú pɔ́ ncù mbòŋo we pàzáb ntʉ́m nà Ssé. Kú’te le gwɔ́ tèmì mboŋó, mélà’mie e Ssé la tóŋo gú, ntí pɔ́ wɛ̌. Ɔ̀ piŋ ńtyé mvfò pʉ̀a tà ńgyɔ́ɔn ńzẅíŋe nò mbòŋo gie ɔ̀ zába ntʉ́m gú mǒ.

1 Timote 6:20

Timoté, pɔ́ɔn lélɔgɔ mmó gie e Ssé ka cʉ́me mbwo gù, ńdɔg ḿma’a kwàŋ. Pɔ́ɔn shwóŋè gie á té kẅéte, tà ńcʉ́’ pú’u, á tɔ’ pʉ̀a tɔ’ lézáb ntʉ́m nà Ssé, á shwóŋè gie á gÿo mé zoŋo nò tà ńkwaŋ ngie mé lɔgɔ ńzsé nò.

2 Timote 1:14

A Zẅìge Ssé gie áa ná pege kẅéte gú. Ɔ̀ le zẅíŋ nyìŋ gʉa ná nò mbòŋo gie mé la cʉ́me mbwo gù ńkúbe tsɔ́ mmó wɔ́.

2 Timote 3:10

Á gʉa ná gù, mbà pɔgɔ lǎ zye ńnéŋe. Ɔ̀ ne ńzsé mmó gie mèŋ n zí’i pʉ̀a, ɔ̀ ne ńzsé yɔ́ɔn tsẅé, ńne ńzsé mmó gie mèŋ n gwɔ fa’ ńne ńtsɔ́ɔn yɛ̌, ńne ńzsé pá’ n záb ntʉ́m wɔ̀ɔn nà Ssé, ńzsé pá’ n gẅiin kwɔ́gɔ nnɛ́ pú’u, pá’ n kwoŋ pʉ̀a mesoŋ pú’u, ḿbiŋ ńzsé pá’ n kag tʉ̀ té kʉ́a pú’u.

Ŋwà’ne Ngyà jʉ’ 3:10

Pá’ pi ka kú’te shwóŋè yɔ́ɔn tà pi tè kʉ́a la, mèŋ yɔ́ɔn n ge gÿo tÿɔ́’te gẅi nà fʉ̀’ gie ngɔ́’ ge gÿo tóo tsɛ̀ɛ yɔɔn njÿó ntsèm, é lʉŋte pʉ̀a mesoŋ pie ée ndùmo ssé tsetsá’.

Ŋwà’ne Ngyà jʉ’ 3:8

Mèŋ n ne ńzsé mefà’ mí, ńne ńzsé ngie pi tè mbòŋ metʉ̀ gẅiin tá mbà pi ka kě ńkú’te shwóŋè yɔ́ɔn tà pi tè wɔ̀ɔn moŋe. À yɛ, mbà mèŋ n tsɔ̌’ ncwò ndá ńná né pi. Atsɔ̌ nyìŋ gẅie à piŋ ńku’u léjÿɔ́’ à tè wó wɔ́.

Ŋwà’ne Ngyà jʉ’ 6:11

Mé lêen ńké ńnáa fɔ́gɔ zsǒ mbwo wɔ̌wɔ́ɔ ná pɔ́b, ńgɔɔn né pɔ́b ngie pɔ́ ná’a ńgíŋe ḿbʉ́le ńzẅí’te méjʉ’, apfwɔ́’ɔ mefɛ́ pɔ́b pie pâ pɔ̌ kɔ́ɔn ḿbú fa’a fà’a Ssé, é tó tà ḿmag, á nue á ne ńzɛ́te ngie me gíŋe ńzẅéte wɔ́b yɔ́b pá’ pɔ́b.