2 Timote 4:5 - Nouveau Testament en Ngienboum

⁵ Tá ńgʉa ná gù, gÿo jú kɔ̀ɔkɔ́ɔ wɔ́ à ku’ ku’. Ngɔ́’ kúu gú ɔ̀ shÿɔg shÿɔg. Ké ně fa’a pɔ́ fà’ jú gie áa létsẅi nkʉ̀ mbòŋo nò Ssé mbwo pʉ̀a. Fa’a fà’ Ssé gie ɔ́ɔ mǒ mboŋó.

2 Timote 4:5 ပူးပေါင်းရင်းမြစ်များ

Matio 25:16

Ngàŋa fà’ gẅie mé la nyé nkáb pàg nkÿo tʉ̀a né ye, cʉ́’ ńgwóon ńdwo ńtáŋ ye, tà ńjÿó tsɔ̌ pàg nkÿo tʉ̀a.

Malékuse 13:34

Menò fʉ̀’ ayɛ̌ ge gÿo gwɔ́ pá’ nò nyìŋ gẅie à cʉ́’ʉ légʉa legìŋ, ńcʉ́me ndá ye mbwo ngàŋa fa’ yé, ńnáa fà’ gie wɛ̌ nyìŋ wɔ́ ge cʉ́’ ne fa’a, ńdeen ńké ńtsẅii mbwo nyìŋ gẅie à pyɛ́bɛ ncwò nká’ ngie tà á gwá’a lÿɔg ńdyé.

Malékuse 13:37

Anò gie mèŋ n gɔɔn né pi lɔɔn, mèŋ n gɔɔn mbɔɔ mbwo mânyìŋ ntsèm. Tà nyìŋ gwá’a lÿɔg ńdyé.

Lukase 12:37

Pàshÿó mbòŋo ée ngàŋa fà’ gie tá fà’ wɔ́b gwaa tó, mbà pɔ́ kaa lyé. Oon, mèŋ shwóŋó gẅí, á gwɔ́ nénʉ́, à ge tém nzsǒ fà’, é tsẅi megàŋa fà’ pé ńnéŋe ssé, à lɔg shúm ńcʉa, ńgab pɔ́ pfɛ́.

Megàŋ ntúm 21:8

Njÿó gÿo ńdʉ́a, peg lu ssé, ńgʉa tà ńkúu Sezare, ńgʉa mbʉ̀a Filib gẅie aa Ntsẅì nkʉ̀ mbòŋo. Á gwɔ́ tsɔ̌ tà’ nyìŋ ná pʉ̀a sɔɔn mbʉ́a pie mé la tsɔ́’ɔ Yerósalem la. Pega pɔ̌ ńnéŋe.

Roma 15:19

ńcʉa nà meliŋé menò lâ menò mmɔɔn mmɔɔn, ńgíŋe ńcʉa nà metʉ̀ Zẅìge Ssé. Yɔɔn ee ntí gie n da lɔg ńnyɛte ńtsẅi nkʉ̀ mbòŋo Kristo jʉ’ ntsèm, léfó Yerósalem ńgʉa ńkúu Ilirie.

Efeso 4:11

Yé zɔ la náa fù’ ye wɔ̌wɔ́ɔ nà pʉ̀a pé, ńdɔg ńcÿó gʉm yé, ńdɔg petsɔ́ ńgÿo megàŋ ntúm, ńdɔg petsɔ́ ńgÿo pʉ̀a pie é ńnéŋe ńtsẅi nkʉ̀ gẅie é fó mbwo Ssé, ńdɔg petsɔ́ ńgÿo pà sá’ Nkʉ̀ Mbòŋo, ńdɔg petsɔ́ ńgÿo pà kẅé mvfò, mbɔɔ pá’ pɔ́ ge ne zí’i pʉ̀a nò Ssé.

Efeso 4:12

À la záb pɛ̌ pʉ̀a légwɔ́ gie pɔ́ ge kẅéte pʉ̀a Kristo léfa’a fà’a Ssé, acú’tè pʉ̀a Kristo gie áa mbùm nnɛ́ ye, à kẅi’i ńgʉa nê mvfò.

Kolosia 1:25

N kéen ńcʉ́’ʉ ngàŋa fà’ cú’tè pʉ̀a Kristo, pú’u, á léfa’a fà’ gie e Ssé ka cʉmé mbwo mèŋ ńtí gẅí. Yɛ̌ fà’ gwɔ́ légɔɔn shwóŋè Ssé pɔ́ ntsèm.

Kolosia 4:17

Pi gɔɔn mbwò Aleshʉpe ngie, tà á lɔgɔ fà’ gie Cʉ̀apʉ̀a ka cʉ́me mbwo yé ńdɔg ńgÿo megʉa, ńgie à fa’ mboŋó.

1 Tesalonika 5:6

Pú’u la, tà pege lyé pá’ petsɔ́ pʉ̀a. Tà pege gwá’a lÿɔg ńdyé, pege jÿó mmó à ku’ ku’.

1 Timote 4:12

Pɔ́ɔn légÿo mé gwága gú ngie ɔ́ɔ múɔ. Kag tʉ̀ tà pʉ̀a Kristo pí fʉ̀’ ná gù. À cʉa nà shwóŋè jú, á nà megiŋe mú, á nà jù ntí lekwoŋo nyìŋ mesoŋ, á nà jù ntí lézáb ntʉ́m nà Ssé, á ná gù lépɔ́ɔn nkwaŋá gẅie à lɔɔn ńgwɔ́ é cʉŋte gú.

1 Timote 4:15

Nyɛte ńnéŋe twó ná yɔɔn fà’ té tsyɛte nnɛ́, ńzsé ngie pʉ̀a metsèm ge gyá pá’ fà’a jú ne ńgiŋe.

2 Timote 1:8

Pú’u la, tè kú shʉ́ légɔɔn mmó gie ɔ̀ zsé ná Cʉ̀apʉ̀a wege. Tè kú shʉ́ mbɔɔ ná mèŋ pá’ mèŋ n gee ndá tsǎŋ ńtí yé. Zẅíŋ jú pɔ́ légyá ngɔ́’ pá’ mèŋ, ńdɔg ńgÿo Nkʉ̀ Mbòŋo sa jʉ’, ńzẅɛ́’ pɔ́ metʉ̀ mie e Ssé náa mbwo gù.

2 Timote 2:10

Áa mmó gie á gÿo mèŋ n ne ńgyá ngɔ́’ pɔ́ lêkɔ́ wɔ́, ńtíi pʉ̀a pie e Ssé tsɔ’ɔ́ wɔ́b, éshÿɔgɔ shÿɔg, ńzsé ngie Kristo ge gÿo pɔ́b yɔ́b tsẅɛ́. Pɔ́ fo pú’u, ńgẅiin legú’ tèmì.

2 Timote 2:3

Gyá jú ngɔ́’ pá’ kwà’ ndÿɔ́’ ncù we Yěsô Kristo.

2 Timote 4:17

Cʉ̀apʉ̀a zɔ la tè wɔ̀ɔn gwá’. À la tóonte wɔ̀ɔn tá mèŋ n tsẅi nkʉ̀ wé pá’ á ne ńzɛ́te ngie mé tsẅi, ta pʉ̀a pie é té pà Yuda wɔ́ jú’ metsèm. Á fó ncwò mepú’ ntʉ̀ ńkẅile wɔ̀ɔn.

Heber 13:17

Pi jú’ ncwò pʉ̀a pie pɔ́ tsyeen gẅí. Pi ná nnɛ́ ssé mvfò pɔ́b, á nue pɔ́ ne ńdíe gẅi ngwòŋ fʉ̀’ ntsèm, ńne ńzsé ngie pɔ́ ge lá’ tyé mvfò Ssé píte ntí gie pɔ́ la lɔg fa’a tsetsɛ̀ɛ pi. Pú’u la, pi gÿo nà ntí gie pɔ́ ge fa’a fà’ yɔ́b nê lekág, tà pɔ́ le ne ńga’te ga’te wɔ́, á nue á lɔɔn ńgwɔ́ pú’u, pi le zẅɛ́’.

1 Piɛ 1:13

Pú’u, legyè sí tyé pɔ́ nà legÿo mmó nà ntí ye pʉ̀a Ssé, tà pi gwá’a lÿɔg, pi ńnéŋe ńne ńnyɛte ńzwí’te fù’ gie Ssé ge gÿo ná né pi, á ná fʉ̀’ gie Yěsô Kristo ge gÿo tó.

Ŋwà’ne Ngyà jʉ’ 3:2

Pi zyeen, ńgwoon yɛ̂ pfwɔ́’ gie á ne ńgee mege kwé lɛ, ńkú’te. N gɔɔn nue mèŋ n gyá mefà’ mí gwɔ́ mvfò Ssé yɔɔn, tsoon tà’ mǒ tè nyé té gẅiin *lɔ̌’ wɔ́.