2 Timote 4:20 - Nouveau Testament en Ngienboum

²⁰ Eraste kéen ńzso Korento. N ka nyé Tolofine á Milet, mélà’mie à ka ne ńguɔ.

2 Timote 4:20 ပူးပေါင်းရင်းမြစ်များ

Megàŋ ntúm 18:1

Yɔɔn nò tɔ́g, Pɔl fó tÿǒsoŋ Atɛ̀ne ńgʉa lê tÿǒsoŋ Korento,

Megàŋ ntúm 18:8

Krispus gẅie aa ndÿò tsɛ̀ɛ *ndá cú’tè pà Yuda pâ ngẅɛ̀ ndá ye ntsèm gÿo ńzáb ntʉ́m wɔ́b ná Cʉ̀apʉ̀a. Mé nu’u wɔ́b ntse. Pʉ̀a Korento tà ńgyɔ́ɔn jú’u shwóŋè Pɔl ńzẅíŋ yɔ́b légwɔ́ pʉ̀a Kristo. Mé nu’u wɔ́b yɔ́b ntse.

Megàŋ ntúm 19:22

ńkwaŋ pú’u, ńtʉ́ njÿó ńtúmo Timoté pɔ́ Eraste á Makedonia, é gwɔ́ pʉ̀a pie é kẅéte yé. Tá kwà’ yé lê twó yé gíŋe ńná’a ńzyé ńnéŋe tsɛ̀ɛ pàga ngwòŋ Azia.

Megàŋ ntúm 20:15

éfó wó, ńgíŋe ńdɔgɔ *máamáa kanú’ ńgʉa, ńdá’a lá’ ńgiŋ giŋ tà njÿó lʉ́a. Peg kúu ngʉ̀ŋe tÿǒsoŋ Cʉio ńzyɛ́’ zyɛ́’, yetsɔ́ njÿó gÿo ńgwɔ́ lʉ́a, mbà peg gʉ̌a tà ńzyɛ́’ɛ tÿǒsoŋo Samos, yetsɔ́ njÿó gÿo ńgwɔ́ lʉ́a, mbà peg gʉ̌a tà ńkúu Milet.

Megàŋ ntúm 20:17

Pɔl kúu Milet, ńtúm mé gʉa ńtóŋ pʉ̀a pie é kẅé mvfò tsɛ̀ɛ *ndá cú’tè pʉ̀a Kristo ye Efeso.

Megàŋ ntúm 20:4

Mezíŋ pʉ̀a pie pâ Pɔl lɔ́ɔn ḿbú ńgiŋe ná yɔɔn kwò legìŋ é mɔɔn. Wɔɔn laa Sopatɛɛ, míŋ Pẅirẅis ńgwɔ́ múɔ Mbelɛ, ńgÿo Alistag pɔ́ Sekondus, é gwɔ́ pʉ̀a Tesalonika, ḿbiŋ ńgÿo Gaẅis gẅie à la fó Nderbe, ńgÿo Timoté, ḿbiŋ ńgÿo Tishig pɔ́ Torofine é gwɔ́ pʉ̀a pàga ngwòŋ Azia.

Megàŋ ntúm 21:29

ńgɔɔn pú’u, mélà’mie pɔ́ ka gya Pɔl pɔ́ Torofine, mûɔ Efeso gwɔ́ tÿǒsoŋ ne ńgiŋe. Pɔ́ ne ńkwaŋa ngie Pɔl lɔgɔ́ yé ńtó ńkúu tsɛ̀ɛ jʉ’e Ssé.

Roma 16:23

Gaẅis gẅie à kúe wɔ̀ɔn, à tsyɛ’té gẅí, àcú’tè pʉ̀a Kristo áa ndá yé. Eraste, gẅie aa tÿǒsoŋ ńgwɔ́ ndè’e nkáb, mbɔɔ fɛ́ wege Kartẅis pɔ́ pǔ ńtsyɛ’te gẅí. [