2 Timote 4:2 - Nouveau Testament en Ngienboum

² Ɔ̀ tsẅi nkʉ̀ mbòŋo nò Ssé, ńtyé pɔ́ nzɔ̌ wɔ́ ńcwoŋo ńgɔɔn gɔɔn, kà á gwɔ́ pɔ́ jʉ’ gie mé ee wó ńne ḿbyɛ́bɛ ngie mé gɔɔn wɔ́, kà pɔ́ jʉ’ gie mé té wó ńne ḿbyɛ́bɛ wɔ́ wɔ́, ɔ̀ gɔɔn gɔɔn. Nyìŋ fʉa nò ɔ̀ kaga yé nà ntí gie à ge jú’, ńkẅiŋte yé légÿo nò mbòŋo. Gwáa gÿo pú’u, ńdɔg pɔ́ kwɔ́gɔ nnɛ́ ḿbiŋ ne ńzí’i pʉ̀a mmó.

2 Timote 4:2 ပူးပေါင်းရင်းမြစ်များ

Lukase 7:23

Ashÿó mbòŋo aa nyìŋ gẅie à tè kʉ́a lezáb ntʉ́m ná mèŋ wɔ́.

Lukase 7:4

Pɔ́ gʉa tà ńkúu lejʉ́ŋ Yěsô, ńcwoŋo sẅíŋte yé ńgɔɔn ngie: Tá ndá ncù gẅie à tumó wég, à ku’u nyìŋ gẅie à lɔɔn ńgwɔ́ ɔ̀ kẅéte yé.

Lukase 9:60

Yěsô tsɔ́’ɔ mbwo yé ngie: Nyé mepfó pɔ́ túŋ mepfó pɔ́b. Ɔ̀ gẅiin pɔ́ légʉa shwóŋ pá’ nò *lefùɔ Ssé áa pú’u.

Megàŋ ntúm 13:5

Pɔ́ gʉa tà ńkúu wó, ńkẅɛɛ tsɛ̀ɛ kanú’ á tÿǒsoŋo Salamine, ńne shwóŋó nò Ssé tsɛ̀ɛ *mendá cú’tè pà Yuda. Pâ Jâŋ Malékuse gwɔ́, á ne ńkẅéte wɔ́b.

Megàŋ ntúm 16:13

Alyɛ’ɛ́ nzse pà Yuda gwɔ́, peg fó tÿǒsoŋ ńkẅɛ, ńgʉa tà ńkúu ngʉ̀ŋe tsɔ̌ ntse, ńne ńkwaŋa yég pɔ́ ngie peg ge gʉa tà kúu wó, à gÿo lêkɔ́ wɔ́ peg gyá jʉ’ gie pà Yuda cú’te wó ésẅíŋte Ssé. Ńkẅɛ́te tsɔ́ pànzwě jʉ’ó, ńnéŋe yég ssé ńgɔɔn nò Ssé mbwo pɔ́b.

Megàŋ ntúm 20:7

Á gwɔ́ ndùŋ mvfò lyɛ’ɛ́ lá’ nà ngàba lá’, peg cú’te léjÿó shúm léjÿó Cʉ̀apʉ̀a. Njÿó ne ńgee lʉ́a Pɔl gʉa. Á ne shwóŋó nò Ssé mbwo mefɛ́ mefɛ́, ńké shwóŋó wɔ́b shwóŋ tà ńkú tsɛ̀ɛ tsẅɛ́’.

Megàŋ ntúm 28:16

Peg kúu tÿǒsoŋo *Roma, mé zẅíŋ ngie Pɔl pɔ́ tà’ ndÿɔ́’ ncù gẅie à ge ne pyɛ́bɛ yé gʉa ńtsẅé jʉ’ gie Pɔl kwǒŋ.

Roma 10:15

Ngwɔ́ mé piŋ shwóŋó nò Cʉ̀apʉ̀a lêkɔ́ té gwɔ́ gie mé tǔm pʉ̀a pie pɔ́ ge shwóŋ? Á sẅé nò gie áa tsɛ̀ɛ ŋwà’ne Ssé, ńgwɔ́ ngie: Mântúm gwɔ́ tà ńtó, éshwóŋ pʉ̀a nò mbòŋo, lekág gwɔ́ ssé fʉ̀’ó.

Roma 12:12

Pi ńnéŋe nê lekág ńtí mmó gie pi ne ńzẅí’te. Ngɔ́’ lɔɔn ńkúu gẅí, pi shÿɔg shÿɔg. Pi ké ńne sẅíŋte pɔ́ Ssé té kʉ́a.

Galatia 6:6

Á póŋ ngie nyìŋ gẅie mé ne ńzí’i yé nò Ssé à gab shúm sé ńná se nyìŋ gẅie à ne ńzí’i yé.

Kolosia 1:25

N kéen ńcʉ́’ʉ ngàŋa fà’ cú’tè pʉ̀a Kristo, pú’u, á léfa’a fà’ gie e Ssé ka cʉmé mbwo mèŋ ńtí gẅí. Yɛ̌ fà’ gwɔ́ légɔɔn shwóŋè Ssé pɔ́ ntsèm.

Kolosia 4:3

ńgíŋe ne sẅíŋte Ssé nà ség twó, à ná shÿó peg lɔg shwóŋó nò yé. Mèŋ fo pú’u, ńkyagte nò Kristo gie á la zɔɔn ńdyeen menÿɔ́g pʉ̀a lyeen, mèŋ n gee tsǎŋ pá’ɔɔn ńtí pɔ́ yɛ̌.

1 Tesalonika 1:6

Pi la pí fʉ̀’ ná peg, mbɔɔ ná Cʉ̀apʉ̀a. Mé tsɛ ne ńnyɛɛ gẅi ngɔ́’ tɛ’ tá’, pi lɔgɔ lekág gẅie à fóo mbwo Zẅìge Ndʉalʉ̌a, ńzẅíŋe shwóŋè Cʉ̀apʉ̀a.

1 Tesalonika 5:14

Mefɛ́ mefɛ́, peg ne sẅíŋte gẅi ngie pi tÿɔ́gte melóŋ, ńkẅiŋte pʉ̀a pie ntʉ́m wɔ́b nyé ḿvɛɛ vɛ, ńtóonte pʉ̀a pie pɔ́ nyé pɔ́ tè tʉte, ńgẅiin pɔ́ kwɔ́gɔ nnɛ́ nzèm wɔ̌wɔ́ɔ.

1 Tesalonika 5:20

Tà pi gwága shwóŋè pʉ̀a pie pɔ́ ńnéŋe ńtsẅi nkʉ̀ gẅie é fóo mbwo Ssé,

1 Timote 4:13

Ne ńtóŋo ŋwà’ne Ssé mvfò pʉ̀a, ńne ńkẅiŋte pʉ̀a, ńne ńzí’i wɔ́b mmó tá ńdɔgɔ ńzẅí’te wɔ̀ɔn.

1 Timote 5:20

Á gʉa nà pʉ̀a pie é kwǎ’ ńgÿo nò tepòŋ, ɔ̀ tyé pɔ́ tsɛ̀ɛ cú’tè ńkága wɔ́b, petsɔ́ pʉ̀a gyá pú’u, ḿbɔ́gɔ légÿo nò tepòŋ.

2 Timote 2:21

Nyìŋ lɔɔn ḿbɔ́ɔn meshwóŋè cÿɔ̌ nò mie mé zí’i pʉ̀a lɔɔn, mbà ngàŋ ge gwɔ́ pá’ káŋ gie mé tÿɔ́gɔ ssé pɔ́ nà lyɛ’ɛ́ lÿò. Mbà à ge gwɔ́ nyìŋ Cʉ̀apʉ̀a, mbà à ge kẅéte Ndè we, à lɔgɔ yé ńgÿo kɔ̀ɔkɔ́ɔ wɔ́ gie áa mbòŋ.

2 Timote 2:25

À gẅiin lélɔg mbʉ́lè ńda’te mmó mbwo pʉ̀a pie à gɔɔn nò pɔ́ kúbe pɔ́ shÿó. Ndyɛ̌’ tsɔ́ e Ssé gÿo ńná shÿó mbwo pɛ̌ pʉ̀a pɔ́ kúbe yɔb ntí lɔg sáŋa nò, éfó pú’u, ńzsé nò gie áa nénʉ́,

2 Timote 3:10

Á gʉa ná gù, mbà pɔgɔ lǎ zye ńnéŋe. Ɔ̀ ne ńzsé mmó gie mèŋ n zí’i pʉ̀a, ɔ̀ ne ńzsé yɔ́ɔn tsẅé, ńne ńzsé mmó gie mèŋ n gwɔ fa’ ńne ńtsɔ́ɔn yɛ̌, ńne ńzsé pá’ n záb ntʉ́m wɔ̀ɔn nà Ssé, ńzsé pá’ n gẅiin kwɔ́gɔ nnɛ́ pú’u, pá’ n kwoŋ pʉ̀a mesoŋ pú’u, ḿbiŋ ńzsé pá’ n kag tʉ̀ té kʉ́a pú’u.

Titus 1:13

Anò gie à la gɔɔn lɔɔn, áa nò nénʉ́. Áa yɛ̌ tá á ne ńzɛ́te ngie ɔ̀ gɔɔn nò ne pɔ́b té kú shʉ́, ńzsé ngie pɔ́ ge jú’ pɔ́ nò Ssé gie mé zí’i,

Titus 2:15

Mɔɔn ée menò mie ɔ̀ gẅiin léke ńgɔɔn mbwo pʉ̀a gɔɔn, ńgẅiin lékẅiŋte wɔ́b, ńnyɛɛ nyìŋ mmó gie à fʉ̌a. Gÿo mɔɔn menò tà ńzsé ngie ɔ̀ lɔgɔ pɔ́ metʉ̀ Ssé ńgÿo. Tè cʉ́’ nyìŋ gwága gú.

Heber 13:22

Mefɛ́ pɔ́ɔn pe mbàŋa mbɔɔ pe pànzwě, mèŋ n ne sẅíŋte gẅi ngie pi lɔgɔ kwɔ́gɔ nnɛ́, ńzẅí’te yɔɔn shwóŋè gie mèŋ n nǎ mbwo pi, ńdɔg ńkẅiŋte gẅí. N zɔ̌ɔn ńké kaa ŋwe’e á sag wɔ́.

Ŋwà’ne Ngyà jʉ’ 3:19

Mèŋ n gʉa ná pʉ̀a pie mèŋ n kwoŋo wɔ́b, ńkaga wɔ́b métsèm, ńcúa mbɔɔ cǔa. Pú’u la, pi zeŋe nnɛ́ éfa’a fà’, ḿbiŋ ńkúbe mà gẅi.