2 Timote 4:18 - Nouveau Testament en Ngienboum

¹⁸ Cʉ̀apʉ̀a ge gÿo fó nà nò tepòŋ ntí ntí é kẅile wɔ̀ɔn, é gÿo mèŋ n tsẅɛ́ légwɔ́ gie mèŋ n ge kúu nà nò lefùɔ yé á tÿǒ lepwó. Agù’te lá’a ńgwɔ́ pɔ́ mbwo Cʉ̀apʉ̀a fʉ̀’ ntsèm. *Amen.

2 Timote 4:18 ပူးပေါင်းရင်းမြစ်များ

Matio 13:43

Á gwɔ gwɔ́ pú’u, pʉ̀a pie é kú’te *lepʉ̌ Ssé gwɔ́ tsɛ̀ɛ ngwòŋ gẅie Tá wɔ́b Ssé sá’a, ńně ńŋwʉŋe pá’ nèm la. Nyìŋ lɔɔn ńgẅiin metuŋó lélɔg ńjú’u nò á jú’.

Matio 25:34

Fùɔ leen ńké ńgɔɔn né pʉ̀a pie ée nà gwǒŋo pwó yé ye tʉ̀ ngie: Pi pie tá wɔ̀ɔn kěen ńnéŋ mbʉ́lè ná pi, pi tó ńkúu tsɛ̀ɛ lefùɔ sie e Ssé la lá’ nyɛte ńdɔg ńzẅí’te gẅi tà fó lénuŋe ngwòŋ.

Matio 6:13

Tè zẅíŋ ngie peg kúu tsɛ̀ɛ nkwà’te, kẅé wég mbwó Sátà. [Á nue gù zɔɔ fùɔ, metʉ̀ ntsèm piŋ ńgwɔ́ pɔ́ mú, mé ne ńgu’te pɔ́ ndà’ gú mengù’u mengù’. Ameŋ].

Lukase 11:4

lege menò tepòŋ még ńná né peg, Mélà’mie peg ne ńdege yég ńnáa mbwo pʉ̀a pie pɔ́ fʉ̌a nò mbwo peg. Tè zẅíŋ ngie peg kúu tsɛ̀ɛ nkwà’te.

Lukase 12:32

Epʉ̀a pɔ́ɔn, pi gwɔ̌ pɔ́ mbó ntá’ tá’, tà pi pɔ́g, mélà’mie Tá gẅi Ssé ka gyǎ ngie à ge ná lefùɔ mbwo pi.

Lukase 22:29

Áa yɛ̌ tá, ndʉŋ ndʉŋ pá’ Tá wɔ̀ɔn léen ńná lefùɔ né mèŋ la, n ge lá’ ná sí lefùɔ.

Ŋwà’ne Jâŋ 17:15

Mèŋ n těen sẅíŋte ɔ́ ngie ɔ̀ fóo tsɛ̀ɛ njÿó ńkẅile wɔ́b gwɔ́, mèŋ sẅíŋte gú pɔ́ ngie ɔ̀ pɔ́ɔn wɔ́b ná Sátà nyìŋ tepòŋ.

Roma 11:36

Kɔ̀ɔkɔ́ɔ zɔɔn fóo pɔ́ mbwo ye. Kɔ̀ɔkɔ́ɔ gwaa gwɔ́ wó yé zɔ̌ gÿo tá á gwɔ́ wó, á piŋ ńgwɔ́ pɔ́ yé. Mé gu’te yé, é mengù’u mengù’. *Amen.

Roma 16:27

E Ssé zɔ zsé nó gílé yé. Pege cʉa ná Yěsô Kristo ńgu’te yé nà ngù’ nkɔ́ɔn nê nkɔ̌ɔn. *Amen.

1 Korento 1:21

Áa pú’u, pá’ɔɔn á nue pʉ̀a mesoŋ la tè lɔgɔ yɔ́b zse nò, ńzsé Ssé wɔ́, tà mbɔɔ pá’ e Ssé ne shʉ̀ashʉ̀a ńnyɛɛ zsé nò yé. Áa mmó gie á la gÿo e Ssé záb ngie à ge gÿo pʉ̀a pie pɔ́ zǎb ntʉ́m ná ye tsẅɛ́, éfó ná yɔɔn nò gie pege ne ńgɔɔn, epʉ̀a ne ńgyá ngie é gwɔ pɔ́ menò pʉ̀a lɔɔn.

1 Korento 10:13

Menkwà’te mie é ka kúu gẅí, ée mie é kúu nyìŋ mesoŋ. E Ssé gẅie à tè gɔɔn nò ḿbiŋ ńkúbe wɔ́, à tè zẅíŋ ngie nkwà’te kúu gẅi tà ńgá’ metʉ̀ mí wɔ́. Nkwà’te ge gwɔ́ tà tó, à náa gẅi metʉ̀ lélɔg shÿɔg ḿbiŋ ńnáa gẅi shÿó lélɔg fó tsoló ńkẅɛ.

1 Korento 15:50

Mefɛ́ pɔ́ɔn, n dɔgɔ pá’ɔɔn ńgɔɔn ngie: À lɔɔn ńgwɔ́ nyìŋ le lɔg mbùm nnɛ́ yɔɔn gie e gẅiin mbab nnɛ́ nê metse lɔɔn, ńdɔg ńkúu tsɛ̀ɛ *lefùɔ Ssé wɔ́. À lɔɔn ńgwɔ́ shúm sie é lʉ́ pâ sie é té lʉ́ le teme tà’a jʉ’ wɔ́.

2 Korento 1:10

Peg laa ncwò legwé mbÿág pú’u, yé zɔ̌ kẅile wég, à ge gÿo gíŋe kẅile wég tsɛ̀ɛ tsɔ́ mengʉ̀ngʉ̀. Áa nénʉ́ peg kwá’ ne ńzsé ngie à ge gÿo gíŋe kẅíle wég tsɛ̀ɛ tsɔ́ mengʉ̀ngʉ̀,

Galatia 1:5

Pʉ̀a mesoŋ gu’te Ssé mengù’u mengù’, Ameŋ.

1 Tesalonika 5:23

Peg ne ńdúɔ ngie e Ssé lê twó yé, gẅie aa ngàŋ mbʉ́lè, à gÿo pi gwɔ́ pʉ̀a pé tà ńcʉ́me, ńgie à pyɛ́bɛ zẅìge gí, ḿbyɛ́b ntʉ́m gẅí, ḿbyɛ́b mbùm gi, à gÿo ńgwɔ́ lyɛ̌’ gie Cʉ̀apʉ̀a wege Yěsô Kristo gé gÿo tó, pi gwɔ́ té sɔɔn *lɔ̌’ ná pi.

2 Tesalonika 3:3

Cʉ̀apʉ̀a aa ńké těen ńkúbe wɔ́. À ge gÿo pi le kʉ́a, é piŋ le zẅíŋ Sátà zába pwó ná pi wɔ́.

1 Timote 1:17

Mekù’ lâ gù’te é lá’a ńgwɔ́ mengù’u mengù’, ńgwɔ́ pɔ́ mbwo fùɔ gẅie à ge lá’a gwɔ́ pɔ́ wó. Yé gẅie aa ndá’ Ssé, ńgwɔ́ tèkwé, ńgwɔ́ gẅie mé té gyá yé nê lejÿɔ́g wɔ́. *Amen.

1 Timote 6:16

ée ndà’ yé gílé yé gẅie aa tèkwé. À ńnéŋe nà jʉ’ gie á pú ńŋwʉŋe tà ńgwɔ́ gie à lɔɔn ńgwɔ́ nyìŋ mesoŋ le tsíŋte tà ḿbɔ́ɔnte jʉ’ó wɔ́. Nyìŋ laa zɔɔn ńgyá yé wɔ́, ńgwɔ́ nyìŋ le ku’u légyá yé wɔ́. Á poŋ mekù’ mé mbɔɔ lefùɔ sé e lá’a ńgwɔ́ pɔ́ wó. *Amen.

2 Timote 1:12

Mèŋ n gyá yɔɔn ngɔ́’ fʉ̀’ɔɔn pá’ɔɔn ńtí pɔ́ pú’u. Tá’, eshʉ́ ké tè ne ńkúu wɔ̀ɔn mǒ wɔ́, á nue mèŋ n ne ńzsé nyìŋ gẅie mèŋ n zába ntʉ́m ná yé. N cwoŋo ńne ńzsé ngie e Ssé gẅiin metʉ̀ lélɔg ńku’u lékábte nò gie à la cʉ́me mbwo mèŋ, tà lá’ kúu nà lyɛ’ɛ́ lá’ nzsònzèm.

2 Timote 4:1

Mèŋ n tyé mvfò Ssé mbɔɔ mvfò Yěsô Kristo gẅie à cʉ’ʉ́ ńtó tǒ léŋag pʉ̀a metʉ̀ lâ mepfó ssé, mbɔɔ ná pá’ à ge gÿo tó ńnuŋe lefùɔ sé, n cwoŋo ńgɔɔn né gù ngie:

Heber 11:16

Atsɔ̌ légÿo pú’u la tè gíŋe ńgwɔ́ wó mbwo pɔ́b wɔ́, á nue pɔ́ la cʉ́’ʉ ńtsɔ́ɔn pɔ́ tsɔ́ lá’ gie á poŋ ńcʉa yé yɛ̌, á lá’ gie áa tÿǒ lepwó. Áa mmó gie á gÿo e Ssé lɔg pɔ́ lekág ńzẅíŋ ngie mé tóŋo yé lê Ssé yɔb. À la zɔɔn ńnyɛte tà’a tÿǒsoŋ ńne ńdɔgɔ ńzẅí’te wɔ́b.

Heber 12:22

Tá á ké ńgʉa ná pi, mbà pi ka sẅɛ’te nnɛ́ ńtóo lekwɔ’ɔ́ Sioŋ, á lɔgɔ ńgwɔ́ tÿǒsoŋo ye Ssé gẅie aa ńgwɔ́ pɔ́ wó, á Yerósalem gẅie aa tÿǒ lepwó, á jʉ’ gie *mecÿɔ́’ Ssé tè sǎŋ ńzsé nzẅìŋ cú’te wó tsɛ̀ɛ lekág.

Heber 13:21

Á poŋ ngie e Ssé mbʉ́lè ŋwɛ́, à gÿo pi ku’u légÿo nò mbòŋo légwɔ́ gie pi ge gÿo pɔ́ mmó gie à ne ńkwoŋo. Á poŋ ngie yé Ssé fó ná Yěsô Kristo, ńgÿo ammó gie á poŋo yé, à gwɔ́ ná pege. Legú’ à gwɔ́ mbwo Yěsô Kristo á nà ngù’ nkɔ́ɔn nê nkɔ̌ɔn! *Amen.

Ŋwà’ne Jâg 2:5

Mefɛ́ pɔ́ɔn pe ntʉ̀ nzẅìŋ, pi jú’ mboŋó, e Ssé la tsɔ́’ pʉ̀a pie mé tóŋo tsɛ̀ɛ njÿó lê mefÿɔg, ńdɔg ńgÿo pàzáb ntʉ́m ná yé tɛ’, pɔ́ gẅiin yɔ́b jʉ’ tsɛ̀ɛ nò lefùɔ sie à la ka’a mbwo pʉ̀a pie é kwoŋo yé.

1 Piɛ 1:5

ée shúm sí, pi pʉ̀a pie Ssé ne ńdɔgɔ metʉ̀ mé ḿbyɛ́bɛ gẅí, á gwɔ́ pá’ pi ne ńzába ntʉ́m ná yé. À pyɛ́bɛ gẅi pá’ pi ge gÿo gẅiin letsẅɛ́ gẅie à ge lá’a lyɛ’ɛ́ nzsònzèm é gÿo mé gyá.

1 Piɛ 5:11

Yé zɔ gẅiin lésá’ njÿó á nà mengù’u mengù’. *Amen

2 Piɛ 1:11

À gwɔ́ pú’u, mé lá’ shʉa shʉa ńtsɔ́’ nzsè gie e gee ńkúu tsɛ̀ɛ lefùɔ tèmì se Yěsô Kristo, ńná né pi. Aa Cʉ̀apʉ̀a wege, ńgwɔ́ nyìŋ gẅie à gÿo pege tsẅɛ́ɛ.

2 Piɛ 3:18

Pi lɔg pɔ́ pá’ pi ne ńzsé Yěsô Kristo, Cʉ̀apʉ̀a wege, ńgwɔ́ nyìŋ gẅie à gÿo pege tsẅɛ́ɛ, ńdɔg ńgʉa né mvfò, ńzsé ngie à ge kẅi’i cÿó gʉm gí, é ne ńgwɔ́ɔ né pi. Legú’ à gwɔ́ mbwo yé tà fó fʉ̀’ɔɔn, à lá’a ńgwɔ́ɔ pɔ́ pú’u! *Amen.

Jẅide 1:1

Àa mèŋ Jẅide, nyìŋ gẅie à fa’a fà’a Yěsô Kristo, ńgwɔ́ fɛ́ Jâg. N túmo yɔɔn ŋwà’ne ńnáa mbwo pi pie Tá wege Ssé la tóŋo gẅí. À kwoŋo gẅi ńne ńtÿɔ́’te gẅi ńdɔgɔ ńzẅí’te Yěsô Kristo.