2 Timote 4:16 - Nouveau Testament en Ngienboum

¹⁶ Á gʉa ná nò yɔ́ɔn, mbà n daa ndùŋ mvfò lyɛ̌’ gie mé la tóŋo wɔ̀ɔn jʉ’ʉ ntsaŋ, ńgʉa wó ḿbíte ncwò wɔ̀ɔn. Mânyìŋ ntsèm gwá’a wɔ̀ɔn, mèŋ n kẅɛ gílé mèŋ. E Ssé lége yɛ̌ nò ńnáa mbwo pɔ́b.

2 Timote 4:16 ပူးပေါင်းရင်းမြစ်များ

Malékuse 14:50

*Ngàŋa kwò yé gyá pá’ mé gwǒon yé, ḿbú ńgwá’a yé métsèm ńkÿo.

Lukase 12:11

Pi zsé ngie, tsɔ́ fʉ̀’ ge gÿo ku’, mé gwoon gẅí, ńgʉa ńŋaga gẅi kà pɔ́ *ndá cú’tè pà Yuda wɔ́, kà pɔ́ mvfò mefùɔ wɔ́, kà pɔ́ mvfò pàsá’a lá’ gwɔ́. Mé gwɔ́ tà ne ńdɔgɔ gẅi ńgee, tà pi pú’ mbùm gí ngie pi ge tóo wó é gɔɔn ngie kɔ́ wɔ́? É zoŋo twó gí lêkɔ́ wɔ́?

Ŋwà’ne Jâŋ 16:32

Afʉ̀’ ne ńku’u, tà á zɔ̌ɔn ńku’ ku’, pá’ pi ge tága sa jʉ’. Awɔ̌wɔ́ɔ lɔg wé nkwɔ’ɔ́, ńnyé wɔ̀ɔn gílé mèŋ, tá n ké tè gílé mèŋ wɔ́, peg Tá wɔ̀ɔn zɔ gwɔ́.

Megàŋ ntúm 22:1

Mefɛ́ pɔ́ɔn, metá pɔ́ɔn, pi zẅí’te. Mèŋ n gee ḿbíte ncwò wɔ̀ɔn.

Megàŋ ntúm 25:16

Tá mèŋ n tsɔ́’ɔ mbwo pɔ́b ngie: Peg pʉ̀a *Roma, peg tè gẅiin mà lézá’ ntsaŋ ná yɛ̂ ntí wɔ́. Á zɛ́te ngie nyìŋ gẅie mé sẅiŋé yé pâ pʉ̀a pie pɔ́ sẅiŋé yé pumte ssé. Nyìŋ gẅie mé sẅiŋé yé píte ncwò wé.

Megàŋ ntúm 7:60

À la gɔɔn pú’u, ńkẅí’te ssé, ńga’te lê tʉ̀ ngie: Cʉ̀apʉ̀a, tè líe mmó gie pʉ̀a pɛ ne ńgÿo, ńgɔ́ɔn pú’u, ńkwé.

1 Korento 13:5

à tè gÿo menò shʉ́ wɔ́, à tè kim, à tè lwo ńgyáŋa lóŋ wɔ́, à tè gẅiin nyìŋ lóŋ ye wɔ́,

1 Korento 9:3

Pi jú’u nò gie n ge gɔɔn lélɔg ńkẅé twó yɔ́ɔn mbwo pʉ̀a pie pɔ́ túu *lɔ̌’ nà yɔɔn ntí lélɔg fa’.

2 Korento 7:11

Pi líe pɔ́ mmó gie yɛ̌ ntí lemÿɔg, á nà ntí gie e Ssé ne ńkwoŋo, e ka gÿo ná pi tá ńgyá. Gyá gẅi lésẅɛte á fʉ̀’ gie nò áa ssé, gyá gẅi lélúɔ ngie mé lege mefʉa mí ńná né pi. Gyá gẅi lemÿɔgɔ nò yɔ́ɔn, gyá gẅi lépɔ́gɔ nò, gyá gẅi létsɔ́ɔn légyá wɔ̀ɔn, gyá gẅi lézeŋe nnɛ́, gyá gẅi lézáb ngɔ́’ twó nyìŋ gẅie à fʉ̌a nò. Pi ka lɔg meshÿó ntsèm ńda’te ngie pi ka tè gíŋe ńne ńzsé tsɔ́ nò ná yɔ̀ɔn nò wɔ́.

Filipo 1:17

Tá pʉ̀a pie é shwóŋó nò Kristo lê nkwaŋá tepòŋ, pɔ́ lélɔg ńdʉŋte ntyě, kwaŋ yɔ́b pɔ́ ngie pɔ́ ge kẅi’i menò ná ngɔ́’ gie mèŋ n ne ńgyá ndá tsǎŋ lɔɔn.

Filipo 1:7

Mèŋ n gẅiin lé ne ńkwaŋa pɔ́ pú’u ná pi, mélà’mie m bǔ ńkwoŋo gẅi tà ḿmag ntʉ́m wɔ̀ɔn. Pi metsèm zɔɔn ne ńkẅéte wɔ̀ɔn nà fà’ gie e Ssé la lɔg ńcÿó gʉm yɔ́ɔn pɔ́ lê pòŋo ntʉ́m yé, tà mbɔɔ fʉ̀’ɔɔn gie n gee ndá tsǎŋ lɔɔn, mbɔɔ fʉ̀’ gie mèŋ n ne ńnyɛɛ ngie nkʉ̀ mbòŋo ée nénʉ́, mbɔɔ fʉ̀’ gie mèŋ n ne ńgÿo pʉ̀a nyɛte ńzẅíŋe.

2 Timote 1:15

Ɔ̀ ne ńzsé jú pá’ pʉ̀a ná pàga ngwòŋ Azia kéen ḿbú ńgwá’a wɔ̀ɔn métsèm tà mbɔɔ Figele pɔ́ Hergène yɔ́b.

2 Timote 4:10

Zsé ngie Ndemas kéen ńgwá’a wɔ̀ɔn, mélà’mie à kwoŋ shúm njÿó tɛ’. Yɛ̌ zɔ̌ ka gÿo á gʉa né Tesalonika. Kelesens ka gʉa lé Galatia, Titus gʉa lé Ndalmatia.

2 Timote 4:15

Mbǎ gù jú lÿɔ́’te yé, á nue à ka pǔ ńtɔ’ɔ nò Ssé gie peg ka ne shwóŋó pʉ̀a.

1 Piɛ 3:15

Tá ńcʉ́’ pú’u, pi gwɔ́ tsɛ̀ɛ ntʉ́m gẅí, ńne ńnáa pɔ́ mekù’ Kristo ngie yé zɔɔ Ndè gẅi. Pi gwɔ́ fʉ̀’ ntsèm ńtyé pɔ́ pá’ nyìŋ zɛ́te gẅi ngie mélà’a kɔ́ pi tÿɔ́g nkwaŋá gẅi ná Kristo wɔ́, pi kyɛ́’te shwóŋó ngàŋ.