2 Timote 4:14 - Nouveau Testament en Ngienboum

¹⁴ Zsé ngie Alekzáŋdele gẅie aa tâlɔ́ɔn la, à ka gÿo nò tepòŋ ná mèŋ tɛ’. Cʉ̀apʉ̀a zɔ ge lá’ zsé pá’ à ge gÿo ná ye, ńtí menò mé.

2 Timote 4:14 ပူးပေါင်းရင်းမြစ်များ

Roma 12:19

Pi meshǔ pɔ́ɔn, tà nyìŋ gẅi sele ńtsɔ́’ɔ nò tepòŋ gie mé gÿǒ ná yé, ńnáa tsɔ́. À nyé e Ssé zɔ lá’ ḿbÿɛ, á nue áa tsɛ̀ɛ ŋwà’ne Ssé, yé Cʉ̀apʉ̀a gɔɔn ngie: «Mèŋ n zɔ gẅiin létsɔ́’ɔ nò tepòŋ ńnáa tsɔ́, mèŋ n zɔ gẅiin ntsɔ’ɔ́ fà’ we wɔ̌wɔ́ɔ».

Roma 2:6

À tsɔ́’ɔ fà’ ye wɔ̌wɔ́ɔ pɔ́ ná pa’ ngàŋ la lɔg fa’ pú’u,

2 Tesalonika 1:6

Pi zsé mbóŋo ngie e Ssé ge lá’ ŋag ntsaŋ pɔ́ pá’ á ne ńzɛ́te, é ná ngɔ́’ mbwo pʉ̀a pie é nyɛɛ gẅi ngɔ́’ fʉ̀’ɔɔn lɔɔn,

1 Timote 1:20

Áa tsetsɛ̀ɛ pɛ̌, Himené pɔ́ Alekzáŋdele gwɔ́ wó. N da néŋ pɔɔn pʉ̀a mépʉ́a nà mbwó Sátà. Légwɔ́ gie pɔ́ ge kúu mbwo yé, é zí’i pá’ pɔ́ té gíŋe gwá kʉ́’ʉ cʉŋte lezíŋ Ssé wɔ́.

2 Timote 4:15

Mbǎ gù jú lÿɔ́’te yé, á nue à ka pǔ ńtɔ’ɔ nò Ssé gie peg ka ne shwóŋó pʉ̀a.

1 Jâŋ 5:16

Nyìŋ lɔɔn ńgyá à fɛ́ we ne ńgÿo nò tepòŋ, á ké tè nò tepòŋ gie ngàŋ ge fó mǒ é kwé kwé wɔ́, á sẅíŋte Ssé nà twó ngàŋ, mbà Ssé ge gÿo ngàŋ gwɔ́ wó, pá’ á lɔɔn ńkwa’ ńgwɔ́ nò tepòŋ gie à tè fó mǒ kwé kwé wɔ́. Tá’, atsɔ́ nò tepòŋ áa wó gie nyìŋ gÿo, éfó mǒ ńkwé kwé, n tě ńgɔɔn ngie mé sẅíŋte Ssé ná yɛ̌ ntí wɔ́.

Ŋwà’ne Ngyà jʉ’ 18:20

Mé ne ńdʉa Mbabilonia, tá’, á gʉa ná pi tÿǒ lepwó, pi kág kág ńtí pá’ á gwě ssé. Mbɔɔ pi pʉ̀a Ssé, pia megàŋ ntúm lâ pà *ntsẅì nkʉ̀ Ssé, pi kág gí. Á nue e Ssé ŋagá yé nà nò tepòŋ gie á ka gÿo ná pi.

Ŋwà’ne Ngyà jʉ’ 18:6

Pi gíŋe ńgÿo ná yé pá’ à ka zɔɔn ńgÿo yé ná petsɔ́ pʉ̀a. Pi cʉ́’ʉ légÿo, ammó gie à ka gÿǒ ná petsɔ́ pʉ̀a tà’ legʉ̀a, pi gÿo ná yé ngʉ̀a mbʉ́a. Ntú’ gie à ka néŋ melù’ ntʉ̀ tʉ tsoló, ńná né petsɔ́ pʉ̀a, pí néŋ mé tsoló é gwɔ́ mie é tʉ ńcʉa mɛ̌ ngʉ̀a mbʉ́a.

Ŋwà’ne Ngyà jʉ’ 6:10

ńne ńga’te lê ngyè tetʉ́ʉ ńgɔɔn ngie: Cʉ̀apʉ̀a, gù gẅie ɔ́ɔ Ssé, ńgwɔ́ nyìŋ gẅie à shwóŋó nò nénʉ́, ɔ̀ ge zẅí’te tà kú pɔ́ síŋe, tá ŋag pʉ̀a ndùmo ssé tsetsá’, é néŋ ngʉ̀ngʉ̀ twó pɔ́b ńtí pá’ pɔ́ la zẅéte wég?