2 Timote 4:10 - Nouveau Testament en Ngienboum

¹⁰ Zsé ngie Ndemas kéen ńgwá’a wɔ̀ɔn, mélà’mie à kwoŋ shúm njÿó tɛ’. Yɛ̌ zɔ̌ ka gÿo á gʉa né Tesalonika. Kelesens ka gʉa lé Galatia, Titus gʉa lé Ndalmatia.

2 Timote 4:10 ပူးပေါင်းရင်းမြစ်များ

Matio 12:32

Nyìŋ lɔɔn shwóŋó tepòŋ ná *Míŋ Nyìŋ, mbà Ssé ge lá’ lege ńnáa mbwó yé. Tá nyìŋ ké shwóŋó tepòŋ á nà Zẅìge Ndʉalʉ̌a, mbà á gwɔ́ pɔ́ ná yɔɔn kème njÿó, mé le lege ńnáa mbwó yé wɔ́, e ké le lá’a nà tsɔ́ kème njÿó ńdege ńnáa mbwó yé wɔ́.

Matio 26:56

Tá menò mie é cʉate lɔɔn lɔgɔ ḿbumte ná nò gie pà *ntsẅì nkʉ̀ Ssé la ŋwe’e. Mé gwoon Yěsô pá’ɔɔn, *ngàŋa kwò yé metsèm pú ńgwá’a yé ńkÿo.

Lukase 14:33

Yěsô ma’a twó ngie: Áa ndʉŋ ndʉŋ pú’u, nyìŋ lɔɔn ńgwɔ́ tsetsɛ̀ɛ pi, à tè vɔg ńnyé shúm sie à gẅiin wɔ́, mbà à tè ku’u légwɔ́ *ngàŋa kwò wɔ̀ɔn mɔ́.

Lukase 16:13

À lɔɔn ńgwɔ́ tsɔ̌ ngàŋa fà’ a le fa’a mbwo metá fà’ mépʉ́a wɔ́. À gÿo pú’u, mbà à ge pʉ̀a tsɔ̌, é kwoŋo tsɔ̌, ńké tè pú’u wɔ́, mbà à ge jú’ ncwò wetsɔ̌, é piŋ gwága wetsɔ̌. À lɔɔn ńgwɔ́ pi le ne ńzába ntʉ́m nà Ssé, ńgíŋe ne ńzába nà nkáb wɔ́.

Lukase 17:32

Pi kímte nzwě Lod.

Megàŋ ntúm 13:13

Pɔl pâ pʉ̀a pie pâ pɔ́ laa nùɔ, kúu kanú’ á tÿǒsoŋo Pafos, ńgʉa lê tÿǒsoŋ Pɛrge gie áa tsɛ̀ɛ ngwòŋ Panfilia. Jâŋ Malékuse gʉa tà ńkúu wó, ńnyé wɔ́b ḿbiŋ nê Yerósalem.

Megàŋ ntúm 15:38

Tá Pɔl tè kwoŋ pú’u wɔ́, á nue à la lá’ ńgwá’a wɔ́b yé Panfilia. À laa gíŋe ńcʉ́me nzèm pɔ́b pâ pɔ̌ fa’a fà’ wɔ́.

Megàŋ ntúm 16:6

Pɔl pâ Silas ké ne ńgwá ńgiŋe giŋ, à Zẅìge Ssé gÿo ńtɔ́’ɔ wɔ́b légʉa tsɛ̀ɛ pàga ngwòŋ Azia éshwóŋó nò Ssé, Pɔ́ lêen ńké ńcʉ́’ ńzyɛ́’ɛ tsɛ̀ɛ pàga ngwòŋ Filigia pɔ́ ye Galatia zyɛ̌’,

Megàŋ ntúm 17:1

Pɔl pɔ́ Silas lu ssé ńcʉa ye tÿǒsoŋ Anfipolis mbɔɔ ye Apolonia, ńgʉa tà ńkúu tÿǒsoŋ Tesalonika, ńgyá tà’ *ndá cú’tè pà Yuda gwɔ́ wó.

Megàŋ ntúm 17:11

Pà Yuda pie ée nà yɛ̌ tÿǒsoŋ gẅiin ntʉ́m mbòŋo ńcʉa pie ée Tesalonika. Pɔ́ zẅí’te shwóŋè Pɔl pɔ́ Silas lê ntʉ́m mbòŋo, ńgwɔ́ lyɛ̌’ ntsèm, ńne ńtóŋo ŋwà’ne Ssé, ńtuu nò ńnáa mǒ, éfa’a lézsé ka nò gie pɔ́ shwóŋó wɔ́b, áa pú’u wɔ́.

Megàŋ ntúm 17:13

Tá pà Yuda pe Tesalonika jú’ pá’ Pɔl áa Mbelɛ, ńgíŋe ne shwóŋó nò Ssé, ńjuŋte ńtóo wó, ńzye léma’a và’ ńdɔg sẅite lá’.

Megàŋ ntúm 18:23

ńkúu Antiokia, ńná’a ńzye ńnéŋe tá ńgʉa, ńzyɛ́’ ye pàga ngwòŋ Galitia pɔ́ Filigia, ńgiŋe ńkẅiŋte pʉ̀a Kristo.

2 Korento 2:13

tá’, mbùm yɔ̀ɔn ké ńtsyɛte tsyɛte, mélà’mie n da tè fɛ́ wege Titus wó gyá. Áa mmó gie á la gÿo mèŋ n de’e pʉ̀a Toras ńgʉa nê Makedonia léfa’a yé.

2 Korento 7:6

Tá’, e Ssé tsí’i ntse nÿɔ́g még pá’ aa ńtsí’i ntse nÿɔ́g pʉ̀a pie pɔ́ ne ńdʉa. Á gwɔ́ pá’ à la gÿo Titus fɔ́ɔn ńtó ńgyá wég.

2 Korento 8:16

Pege ná ndǎg mbwo Ssé á ná pá’ à gÿo Titus zeŋe nnɛ́ nà nò gí pá’ peg.

2 Korento 8:23

Á gʉa ná Titus, mbà aa *ngàŋa kwò wɔ̀ɔn, à ne ńkẅéte wɔ̀ɔn nà fà’ gie mèŋ fa’a ńtí gẅí, ńgʉa ná pɔɔn mefɛ́ pégè mépʉ́a, mbà pɔ́ ée pʉ̀a pie mecú’tè pʉ̀a Kristo kà tumó wɔ́b, ée pʉ̀a pie yɔ́b fà’ kwé’e lezíŋ Kristo ńnáa tÿǒ.

2 Korento 8:6

Áa mmó gie á ka gÿo peg sẅíŋte Titus ngie à gʉa lá’ pi, ńgÿo yɔɔn fà’a pòŋo ntʉ́m gie à la gÿo pi zye, á mege ńcʉ́me.

Galatia 1:2

Pega mefɛ́ mefɛ́ pie pega pɔ̌ ee jʉ’ɔɔn pǔ ńnáa yɔɔn ŋwà’ne á mbwo mecú’tè pʉ̀a Kristo mie ée tsɛ̀ɛ ngwòŋ Galatia.

Filipo 2:21

Petsɔ́ pʉ̀a ne sáŋa nò pɔ́ ndà’ ná yɔ́b twó tà pɔ́ téen sáŋa nò ná nò Yěsô Kristo wɔ́.

1 Timote 6:10

Á nue le ké ńtsɔ́ɔn pɔ́ légẅiin nkáb, à lɔg menò ntí ntí ńtó. Etsɔ́ pʉ̀a léen ńgwá’ mbùm yɔb ná nò nkáb, éfʉa mánzsè, pɔ́ té gíŋe ńzáb ntʉ́m nà Ssé wɔ́, ńdɔg ńtóŋ ngʉ̀ngʉ̀ tà ńgyɔ́ɔn ńnéŋe ná pɔ́b.

1 Timote 6:17

Á gʉa ná pʉ̀a pie pɔ́ ée megàŋa mmó tsɛ̀ɛ yɔɔn njÿó, tsẅi né pɔ́b ngie pɔ́ pɔ́ɔn le ŋá’te nnɛ́, ńgie tà pɔ́ ńnéŋe ńzẅí’te wɔb lepòŋ pɔ́ nà shúm sie pɔ́ gẅiin, á nue á gwɔ́ pɔ́ fù’u njÿòon. Tsẅi né pɔ́b ngie pɔ́ zẅí’te wɔb lepòŋ pɔ́ mbwo Ssé gẅie à náa wege shúm ntsèm tà é gyɔ́ɔn gyɔ̌ɔn ngie pege lɔg ńkẅéte mbùm yege.

2 Timote 1:15

Ɔ̀ ne ńzsé jú pá’ pʉ̀a ná pàga ngwòŋ Azia kéen ḿbú ńgwá’a wɔ̀ɔn métsèm tà mbɔɔ Figele pɔ́ Hergène yɔ́b.

2 Timote 4:16

Á gʉa ná nò yɔ́ɔn, mbà n daa ndùŋ mvfò lyɛ̌’ gie mé la tóŋo wɔ̀ɔn jʉ’ʉ ntsaŋ, ńgʉa wó ḿbíte ncwò wɔ̀ɔn. Mânyìŋ ntsèm gwá’a wɔ̀ɔn, mèŋ n kẅɛ gílé mèŋ. E Ssé lége yɛ̌ nò ńnáa mbwo pɔ́b.

Titus 1:4

Mèŋ n ŋwe’e yɔɔn nò, ńnáa mbwo gù Titus. Ɔ̀ɔ mbwo mèŋ, ńgwɔ́ míŋ wɔɔn tɛ’. Pɔgɔ pú ńzáb ntʉ́m nà Yěsô Kristo. Mèŋ n ne ńdúɔ mbwo Tá wege Ssé pɔ́ Yěsô Kristo, yé gẅie à gÿo pege tsẅɛ́ɛ, ńgie pɔ́ ne ńgwɔ́ né gù, ńne ńnéŋe sẅétè ntʉ́m gù.

Filemo 1:24

Mbɔɔ Malékuse, mbɔɔ Alistag, mbɔɔ Ndemas pɔ́ Lukase pie pegá pɔ̌ pǔ fa’a tà’a fà’.

2 Piɛ 2:15

Pɔ́ lěen ńgwá’a mánzsè gẅie à tyé ndʉŋ ndʉŋ, ḿbyé, ńcʉ́’ ńgiŋe pɔ́ ná we Mbalam, míŋ Bozor. Mbà mé la ná nkáb mbwo yé, ńdɔg ńjúu yé pá’ à ge gÿo nò tepòŋ. Á líe nkáb é póŋo yé, á zẅíŋ.