2 Timote 3:8 - Nouveau Testament en Ngienboum

⁸ Pʉ̀a pie é zí’i wɔ́b zɔɔn ne ńdʉ’ʉ nò gie áa nénʉ́. Ndʉŋ ndʉŋ pá’ á laa tsɔ́ fʉ̀’, Jannès pɔ́ Jambrès lʉ’ʉ nò gie Mǒsê gɔɔn la, pɛ̌ pʉ̀a gíŋe ne ńdʉ’ʉ nò gie áa nénʉ́, ée pʉ̀a pie legyè sɔ́b té tyé, pɔ́ piŋ ńké tè záb ntʉ́m nà Ssé tà shwóŋó nò wɔ́.

2 Timote 3:8 ပူးပေါင်းရင်းမြစ်များ

Megàŋ ntúm 15:24

Peg ka jǔ’ ngie etsɔ́ ntá’ pʉ̀a ka fó tsetsɛ̀ɛ peg, ńtó ḿma’a tág tsetsɛ̀ɛ pi, ńdɔgɔ shwóŋè yɔ́b ńgÿo tà pi cʉ́’ʉ ńzsé twó gí wɔ́. Tá’ peg zɔ ka ké tè túmo wɔ́b ngie pɔ́ gʉa ńgɔɔn pú’u wɔ́.

Roma 1:28

Pá’ pɔ́ la lʉ’ʉ lézsé Ssé lá, e Ssé la nyé wɔ́b, legyè sɔ́b sie é té tyé zɔ̌ cʉ́’ʉ sá’a wɔ́b pɔ́ cʉ́’ʉ ńgÿo pɔ́ mmó gie pɔ́ kɔ’ɔ́ tè gÿo wɔ́.

Roma 16:18

Á nue yɛ̌ ntí pʉ̀a tě fa’a fà’a Cʉ̀apʉ̀a wege Yěsô Kristo wɔ́, pɔ́ tsɔ́ɔn pɔ́ lepfòm sɔ́b. Pɔ́ lɔgɔ shwóŋè mbʉ́lè pʉlé mbɔɔ shwóŋè lʉte, éfʉte pʉ̀a pie legyè sɔ́b vɔ́g vɔ̌g.

Efeso 4:14

À cʉa pú’u, pege é le gíŋe ńgwɔ́ mecʉ̀cʉ̀ŋ penkʉ́ pie ée pá’ kanú’ gie ntse shwoŋo ńdɔgɔ ńgee jʉ’ɔɔn, ńgee jʉ’ʉ wɔ́. Mé le gíŋe shwóŋó wégè ngie pege pʉ pʉ kà ngie pege cwóŋ cwóŋ wɔ́, tà pege jú’ mɛ̌ ménò mie mé zí’i pʉ̀a ńzẅíŋ wɔ́. Á fó pú’u, pege le gíŋe ńgwɔ́ pá’ mecʉ̀cʉ̀ŋ pie pɔ́ zẅíŋe, epʉ̀a kwaŋa menò ńdɔgɔ fʉte wɔ́b pɔ́ zẅíŋe cÿɔ̌ nò wɔ́.

1 Timote 1:19

Ɔ̀ lɔɔn ńcʉ́’ʉ lélÿɔ́’ wɛ̌ ncù, ɔ̀ lɔg pɔ́ lézáb ntʉ́m nà Ssé, ḿbiŋ ḿbɔ́ɔn légÿo mmó gie mbùm jù ge cúa gú mǒ. Mbùm tsɔ̌ lelÿò pʉ̀a la cúa wɔ́b, pɔ́ lʉ’ʉ lé jú’, wɔb lézáb ntʉ́m nà Ssé kúu pyé.

1 Timote 4:2

Á lɔgɔ ńgwɔ́ ngie mɛ̌ menò ge lá’ kẅɛɛ ncwò pʉ̀a pie pɔ́ cÿɔ nò, ńgwɔ́ pà nkwòŋ menÿɔ́g, mbà pɔ́ léen shÿɔg tà mbùm yɔb cʉ́’ʉ ńcúa wɔ́b pɔ́ téen ńjú’u wɔ́.

1 Timote 6:5

ńgwɔ́ fʉ̀’ ntsèm ne ńzoŋo nò tsetsɛ̀ɛ pɔ́b zoŋ, á nue pɔ́ cʉ́’ʉ ńzsé nò nénʉ́ wɔ́, ńkwaŋa yɔ́b pɔ́ ngie nyìŋ lɔɔn ńzáb ntʉ́m nà Ssé, mbà àa mánzsè gẅie à ge fó mǒ gẅiin nkáb.

2 Timote 4:15

Mbǎ gù jú lÿɔ́’te yé, á nue à ka pǔ ńtɔ’ɔ nò Ssé gie peg ka ne shwóŋó pʉ̀a.

Titus 1:10

N gɔɔn ngie ɔ̀ záb pʉ̀a pá’ɔɔn, á nue pʉ̀a tà ńgyɔ́ɔn ée ssé ně ńtʉʉ twó. Lelÿò gwɔ́ pà Yuda pie pɔ́ zẅíŋe nò Yěsô Kristo. Pɔ́ ne ńzí’i pʉ̀a menò mie é té tyé, ńdɔgɔ fʉte wɔ́b.

Titus 1:16

Pɔ́ tyé ńgɔɔn ngie pɔ́ ne ńzsé Ssé, tá menò mie pɔ́ gÿo nyɛɛ ngie pɔ́ té Ssé zsé. Pɔ́ tʉʉ twó tɛ’, ńgÿo mmó gie á sẅile sẅile, ńgwɔ́ pɔ́ zɔɔn legÿo nò mbòŋo wɔ́.

2 Piɛ 2:14

Sɔ́b legyè tyé pɔ́ ná pànzwě. Pɔ́ té kʉa légÿo nò tepòŋ wɔ́. Pɔ́ lÿɔgte pʉ̀a pie é pÿɛ́ pÿɛ́. Letʉ́m sɔ́b ée fʉ̀’ ntsèm ńtyé pɔ́ nà pì gie ńgwɔ́ pɔ́ jÿó. Ndoon ee twó pɔ́b.

1 Jâŋ 2:18

Penkʉ́ pɔ́ɔn, afʉ̀’ʉ nzsònzèm ne ńku’u. Pi la jú’ mé gɔɔn ngie, angàŋ mbù Kristo ge lá’ tó. Áa fʉ̀’ɔɔn, mbà megàŋ mbù Kristo kěen ńtó tà ńgyɔ́ɔn gyɔ́ɔn. Áa mmó gie á gÿǒ pege zsé ngie à fʉ̀’ʉ nzsònzèm ne ńku’u.

1 Jâŋ 4:1

Meshǔ pɔ́ɔn pe tʉ̀ nzẅìŋ, tà pi jú’ nyìŋ gɔɔn ngie Zẅìge Ndʉalʉ̌a áa ná yé, pi gwóon ńzẅíŋ zẅíŋ, té cwoŋo ńdíe ka áa kwà’ Zẅìge Ssé wɔ́. Á nue pà *ntsẅì nkʉ̀ Ssé pe cÿɔ̌ nò pǔ ńgyɔ́ɔn tsɛ̀ɛ njÿó tɛ’.

Ŋwà’ne Ngyà jʉ’ 2:20

Tá’, mèŋ n ké ńne ńda’a gẅí, á nue Jizabel aa lejʉ́ŋ pi, pi zẅíŋe zẅǐŋ. Mánzwě áwɛ̌ ne shwóŋó pʉ̀a ngie à tsẅii nkʉ̀ gẅie éfóo mbwo Ssé, ńdɔgɔ pú’u, éfʉte ngàŋa fà’ yɔ́ɔn, ńne ńzí’i wɔ́b pá’ mbàŋa lâ pànzwě tsetsɛ̀ɛ pɔ́b lɔɔn ńkẅɛ́te wɔ̌wɔ́ɔ pâ pɔ̌ nuŋe nuŋe, mbɔɔ lépfɛ́ɛ pfwɔ́’ɔ mbab gie mé lɔ̌g ńgwá’ messé.

Ŋwà’ne Ngyà jʉ’ 2:6

Tá’, ammó gie mèŋ n ne ńgyá ngie pi ee mǒ ńne ńgÿo mboŋó, áa pá’ mefà’ pʉ̀a ná nùɔ gie mé tóŋo lê Nikolayide é ne ḿbÿɔ́gɔ gẅi ndʉŋ ndʉŋ pá’ é pÿɔ́gɔ wɔ̀ɔn yɔ́ɔn.