2 Timote 3:7 - Nouveau Testament en Ngienboum

⁷ Wɛ̌ nyìŋ wɔ́ tó, ńzí’i yɛ̌ ntí pànzwě nò, pɔ́ zẅí’te zẅi’té tá ńké tè ku’u lézsé nò gie áa nénʉ́ wɔ́.

2 Timote 3:7 ပူးပေါင်းရင်းမြစ်များ

Matio 13:11

Yěsô tsɔ́’ɔ mbwó pɔ́b ngie: E Ssé lá gÿó ngie pi pɛ zɔ zsé nó nénʉ́ na lefùɔ sé sie ée lelyěen, ńgʉa nà petsɔ́ pʉ̀a à tè gÿo ngie pɔ́ zsé wɔ́.

Ŋwà’ne Jâŋ 5:44

Ńgwɔ́ pi záb ntʉ́m ná mèŋ lêkɔ́? Pi fa’ pɔ́ ngie nyìŋ mesoŋ ná ngɔ́ɔnte wetsɔ̌, pi tè fa’ ngie e Ssé gílé yé zɔ ná ngɔ́ɔnte gi wɔ́, ée ndà’ yé ńgwɔ́ Ssé.

Efeso 4:14

À cʉa pú’u, pege é le gíŋe ńgwɔ́ mecʉ̀cʉ̀ŋ penkʉ́ pie ée pá’ kanú’ gie ntse shwoŋo ńdɔgɔ ńgee jʉ’ɔɔn, ńgee jʉ’ʉ wɔ́. Mé le gíŋe shwóŋó wégè ngie pege pʉ pʉ kà ngie pege cwóŋ cwóŋ wɔ́, tà pege jú’ mɛ̌ ménò mie mé zí’i pʉ̀a ńzẅíŋ wɔ́. Á fó pú’u, pege le gíŋe ńgwɔ́ pá’ mecʉ̀cʉ̀ŋ pie pɔ́ zẅíŋe, epʉ̀a kwaŋa menò ńdɔgɔ fʉte wɔ́b pɔ́ zẅíŋe cÿɔ̌ nò wɔ́.

1 Timote 2:4

Yé gẅie à ne ńkwoŋo ngie pʉ̀a mesoŋ metsèm tsẅɛ́, ḿbiŋ ńzsé nò nénʉ́.

2 Timote 2:25

À gẅiin lélɔg mbʉ́lè ńda’te mmó mbwo pʉ̀a pie à gɔɔn nò pɔ́ kúbe pɔ́ shÿó. Ndyɛ̌’ tsɔ́ e Ssé gÿo ńná shÿó mbwo pɛ̌ pʉ̀a pɔ́ kúbe yɔb ntí lɔg sáŋa nò, éfó pú’u, ńzsé nò gie áa nénʉ́,

Heber 5:11

Á gʉa nà nò Melekisedeg, mbà peg gẅiin menò mie peg ge gɔɔn mǒ tà é gyɔ́ɔn gyɔ̌ɔn, lekyagte mɛ̌ menò mbwo pi à tʉ tɛ’, á nue mé té gɔɔn nò pi lwo ńjú’u mmó gie mé lɔgɔ ńgɔɔn wɔ́.