2 Timote 3:3 - Nouveau Testament en Ngienboum

³ Letʉ́m sɔ́b tʉ pá’ tóon la, pɔ́ gwɔ́ pà tètsɔ́ɔn mezìŋe, éshwóŋe té poŋ ná pʉ̀a, ayɔ́b nò gwɔ́ pɔ́ léma’a tág. Pɔ́ gwɔ́ pɔ́ mefÿɛ́, é gwɔ́ ngàŋ mbù nò mbòŋo,

2 Timote 3:3 ပူးပေါင်းရင်းမြစ်များ

Matio 10:21

Nyìŋ ge gwoon fɛ́ we ńná mé zẅé, tá múɔ gwoon míŋ we ńná mé zẅé, gubé ge lá’ lu ssé cʉ́’ megàŋ mbù metá pɔ́b, e gÿo mé zẅé wɔ́b.

Matio 4:1

À Zẅìge Ssé fó jʉ’ó, ńdɔgɔ Yěsô ńgee nkwòŋo tsẅɛ, pá’ Sátà ge kwa’te yé.

Lukase 10:16

Yěsô gíŋe ńgɔɔn mbwo *ngàŋa kwò yé ngie: Nyìŋ lɔɔn ńzẅíŋe shwóŋè gí, mbà à zẅiŋe pɔ́ shwóŋè yɔ́ɔn. Nyìŋ lɔɔn ńdʉ’ʉ gẅí, mbà à lʉ’ʉ pɔ́ wɔ̀ɔn, ńdɔ́gɔ pú’u, ńdʉ’ʉ nyìŋ gẅie à la túmo wɔ̀ɔn

Lukase 16:14

Yěsô gɔɔn pú’u, pà *farisay pie é laa jʉ’ó jú’, ḿbú sóon, ńgẅe yé, mélà’mie pɔ́ gɔ’ nkáb tɛ’.

Ŋwà’ne Jâŋ 6:70

Yěsô tsɔ́’ɔ mbwo pɔ́b ngie: Pi pɛ̂ ntsɔ̀b pʉ́a nê legém, mèŋ n zɔ ka tè tsɔ́’ɔ gẅi wâ? Tsɔ̌ nyìŋ kě ńgwɔ́ tsetsɛ̀ɛ pi, ńgwɔ́ nyìŋ Sátà.

Roma 1:29

Menò mie Ssé tè ne ńkwoŋo wɔ́ pú ńjÿó wɔ́b, pɔ́ gÿo menò tepòŋ, ńgẅiin kègɔ́’, ńgwɔ́ pʉ̀a ńcÿɔ́g cÿɔ́g, légyá mmó nyìŋ ńkwɔ́’ɔ lóŋ mǒ pú ńjÿó wɔ́b, pɔ́ zẅéte pʉ̀a, ńnéŋe ńtág pɔ́ melà’, ńgẅiin fʉte, akɔ́ sá’a twó pɔ́b gwɔ́ pɔ́ gÿo gÿo, ńzáb menò twó pʉ̀a,

Roma 1:31

Legyè zága wɔ́b. Pɔ́ ka’a nò pɔ́ té gÿo, ntʉ́m wɔ́b lêen ńtʉa, pɔ́ ee pà tè tsɔ́ɔn mezìŋe.

1 Korento 7:5

Tà mámbàŋa lʉ’ʉ nò mbwo nzwé we, tà manzwě ké ńdʉ’ yé. À lɔɔn ngwɔ́ pi gÿo pú’u, pɔ́ ná mûɔ méfʉ̀’ gẅie pi lɔgɔ́ tà’ ncwò ńgyá ngie pi ge sẅíŋte Ssé, ésẅíŋte Ssé tà ńtsẅé jʉ’, pi gíŋe ńnéŋe tsɛ̀ɛ lɔ́ɔn ndá gí pá’ pi zɔɔn ńnéŋe, ḿbɔ́gɔ légwɔ́ gie à lɔɔn ńgwɔ́ Sátà lɔg pá’ pi kʉ́a légwoonte mbùm gí ńkwa’te gẅí,

1 Korento 7:9

Tá ńké ńgwɔ́ gie pɔ́ gyǎ ngie pɔ́ té ku’u légwoonte mbùm yɔ́b wɔ́, pɔ́ zɔ́’, á nue mvfò lézɔ́’ ńcʉa léńnéŋe ńtsɔ́ɔn.

1 Tesalonika 4:8

Pú’u la, nyìŋ gẅie à ju’ú yɔɔn nò ńdʉ’, à tě ńdʉ’ʉ pɔ́ nyìŋ mesoŋ wɔ́, à lʉ’ʉ pɔ́ Ssé gẅie à la náa zẅìge ndʉalʉ̌a yé mbwo pi.

1 Timote 3:11

Á gíŋe ńzɛ́te ngie pànzwě pɔ́b gíŋe ńgẅiin mekù’, pɔ́ le gwɔ́ ngàŋ melɔ̀ɔn wɔ́, pɔ́ légÿo tsɔ́ mmó tà á cʉa wɔ́, ńgwɔ́ pʉ̀a pie à lɔɔn ńgwɔ́ pɔ́ gÿo kɔ̀ɔkɔ́ɔ gie mé cʉmé mbwo pɔ́b tà mé le lɔ̌’ mǒ gyá.

Titus 1:8

Á zɛ́te ngie à gwɔ́ nyìŋ gẅie á kúe megʉ́ mboŋó, ńgwɔ́ nyìŋ gẅie à neŋé ńkwoŋ yé pɔ́ menò mie ée mbòŋ. Á zɛ́te ngie à gwɔ́ nyìŋ gẅie à sáŋa nò tá ńgÿo, à gwɔ́ nyìŋ gẅie à gÿo menò mie é tyé ndʉŋ ndʉŋ, ńgwɔ́ nyìŋ gẅie mà we poŋ Ssé, ńgwɔ́ nyìŋ gẅie à zsé lékú’te mbùm ye.

Titus 2:3

Á gíŋ ńgwɔ́ pɔ́ ndʉŋ ndʉŋ pá’ ɔ̀ ge gɔɔn lé pànzwě pie é zẅǐŋ ngie pɔ́ gẅiin mà gẅie à poŋ Ssé, ngie tà pɔ́ shwóŋte nà mezíŋ pʉ̀a, ńgie tà pɔ́ ma’ mbùm yɔb nà melù’. Á zɛ́te ngie pɔ́ nyɛɛ mà mbòŋo,

Ŋwà’ne Jâg 2:6

Tá ńgʉa ná pi, mbà pi kéen ńcʉŋ nzẅìŋ mefÿɔg. Tá megàŋa mmó zɔ̌ téen sẅɛ́ɛ gẅi wɔ́ le? Pɔ́ zɔ̌ téen ńgwá ńdɔgɔ gẅi ńgiŋe mendá tsǎŋ wɔ́ le?

2 Piɛ 2:14

Sɔ́b legyè tyé pɔ́ ná pànzwě. Pɔ́ té kʉa légÿo nò tepòŋ wɔ́. Pɔ́ lÿɔgte pʉ̀a pie é pÿɛ́ pÿɛ́. Letʉ́m sɔ́b ée fʉ̀’ ntsèm ńtyé pɔ́ nà pì gie ńgwɔ́ pɔ́ jÿó. Ndoon ee twó pɔ́b.

2 Piɛ 2:19

ńgíŋ ne shwóŋó wɔ́b ngie pɔ́ ge gÿo pɔ́ le gíŋe ńgwɔ́ menkwɔɔn wɔ́, tá kwà’ pɔ́b yɔ́b gwɔ́ menkwɔɔn mbwo shúm sie pɔ́ tsɔ́ɔn, é piŋ ńne ḿbyága wɔ́b. Ammó lɔɔn ńzɔɔn ńjÿó ntʉ́m nyìŋ, à ngàŋ cʉ́’ ńgwɔ́ pɔ́ kwɔɔn mbwo yɛ̌ mmó.

2 Piɛ 3:3

Pi zɔɔn ḿvɔg ńzsé ngie, áa gÿo gwɔ́ nà melyɛ’ɛ́ lá’ nzsó nzèm, etsɔ́ pʉ̀a kẅɛ, ńgÿo yɔ́b pɔ́ mmó gie membùm mɔ́b ne ńtsóte wɔ́b ngie pɔ́ gÿo. Pɔ́ ge gẅe gẅí,

Jẅide 1:16

Epʉ̀a ŋwɛ́ ńnéŋe fʉ̀’ ntsèm anò ne ńgyáŋa wɔ́b gyáŋ, pɔ́ ne ńzẅɛ́te zẅɛté, ńnéŋe ńgÿo pɔ́ mmó gie mbùm yɔb ne ńtsóte wɔ́b ngie pɔ́ gÿo, pɔ́ gwɔ́ fʉ̀’ ntsèm, éshwóŋó pɔ́ shwóŋè gie pɔ́ lɔgɔ ńŋà’te ŋa’té, ńgwɔ́ lʉte nyìŋ ńne ńzsé pì gie pɔ́ ge jÿó ná yé.

Jẅide 1:18

Pɔ́ la gɔɔn ngie, á ge lá’ gwɔ́ nà fʉ̀’ gie njÿó ge magá, epʉ̀a gẅe gẅí, ńgÿo menò tepòŋ ná ntí gie mbùm yɔb ne ńtsóte wɔ́b légÿo pú’u.

Ŋwà’ne Ngyà jʉ’ 13:15

Mé gíŋe ńnáa yé metʉ̀ pá’ à ge gÿo tútú gẅie mé lɔ̌g fʉ’te nɔ̀ɔn ŋwɛ́, à ŋele, ńzsé ngie tútú ŋwɛ́ ge ku’u légɔɔn nò, é ku’u lézẅéte pʉ̀a metsèm pie pɔ́ kaa zẅíŋe légu’te yé tútú wɔ́.

Ŋwà’ne Ngyà jʉ’ 13:17

Nyìŋ lɔɔn ńgwɔ́ á le júu mmó, kà lésẅiŋ wɔ́ té gwɔ́ gie à gẅiin yɛ̌ liŋé gie ée lezíŋ ndùŋ mvfò nɔ̀ɔn ŋwɛ́, ńgíŋe ńdɔgɔ ńgwɔ́ menómbà mie é cú’te ńgwɔ́ lezíŋ sé wɔ́.

Ŋwà’ne Ngyà jʉ’ 16:6

Á nue pɔ́ la pfɛte metse pʉ̀a pú, mbɔɔ me pà Ntsẅi nkʉ̀ pú. Ɔ̀ kě ńná metse pɔ́ nú. Á gwɔ́ pá’ á kě ńne ńzɛ́te ngie mé gÿo ná pɔ́b pú’u.

Ŋwà’ne Ngyà jʉ’ 17:6

Mèŋ n gyá manzwě áwɛ̌, mbà à ně nú metse pʉ̀a Ssé mbɔɔ me pʉ̀a pie pɔ́ gɔɔn mmó gie pɔ́ zsé ná Yěsô nǔ tà ḿbʉ́a. Mèŋ n gyá yé ḿbú ḿmɔɔn tɛ’.