2 Timote 3:2 - Nouveau Testament en Ngienboum

² Epʉ̀a mesoŋ gwɔ́ mekìm, ńkwoŋ pɔ́ nkáb, ńzẅíŋe mmóm tɛ’, é gwɔ́ ngàŋa ŋá’te, é ne zoonte Ssé zoonte, é tʉʉ twó mbwo metá pɔ́b, é gwɔ́ pàjÿò ńjÿɔg ncwò, pɔ́ le gíŋe ńdɔgɔ mmó gie áa ye Ssé ńdɔg ńtóŋo tsɔ́ mmó wɔ́.

2 Timote 3:2 ပူးပေါင်းရင်းမြစ်များ

Matio 15:6

Nyìŋ vɔg tà ńgɔɔn pú’u, mbà mé tè gíŋe zɛ́te yé ngie: Tà ɔ̀ gÿǒ mekù’ tá gù wɔ́? Pú’u, pi lɔgɔ mà lá’ gẅi ńgwága shwóŋó Ssé.

Lukase 12:15

MÀbiŋ ńgɔɔn mbwo mânyìŋ ntsèm ngie: Pi laga twó gí! Tà pi fa’a lécú’te shúm, ńké ńkẅi’i kẅi’i, le gwɔ́ we nyìŋ tè gẅiin tsɔ́ nò ná shúm sie angàŋ gẅiin wɔ́, tà mbɔɔ pá’ à zɔɔn fó ńgẅiin pɔ́ kɔ́ wɔ́!

Lukase 16:14

Yěsô gɔɔn pú’u, pà *farisay pie é laa jʉ’ó jú’, ḿbú sóon, ńgẅe yé, mélà’mie pɔ́ gɔ’ nkáb tɛ’.

Lukase 6:35

Ammó gie á poŋ ngie pi gÿo gwɔ́ pɔ́ ngie: Pi kwoŋ megàŋ mbù pí, ńgÿo pɔ́ nò mbòŋo ná pɔ́b. Pi fu nkáb mbwo nyìŋ té sáŋ ngie ngàŋ ge gÿo tsɔ́’. Pi lɔɔn ne ńgÿo pú’u, mbà Ssé ge lá’ náa gẅi máa ntsɔ’ɔ́ fà’, pi gíŋe ńgwɔ́ púɔ Ssé gẅie à pi’i kɔ̀ɔkɔ́ɔ, ńtí nue kwà’ yé ne ńgÿo nò mbòŋo ná pàjÿó ńjÿɔg ncwò, mbɔɔ ná megàŋ sóon.

Megàŋ ntúm 5:36

Pi kímte pá’ Tedas la kẅɛ, ńcú’te pʉ̀a nkÿo lekùɔ nà ye nùɔ, mé zẅé yé, pɔ́ tága tà ḿmag, ésa jʉ’.

Roma 11:18

Tè ké ńdɔg pú’u, ńŋá’te mvfò mbwó mie mé ka *kɔ̌’. Ɔ̀ lɔɔn ne ńkwaŋa léŋá’te, ɔ̀ zsé ngie gù zɔ tè ne ńjÿɔ́gɔ menŋàŋ wɔ́, menŋàŋ zɔ̌ ne ńjÿɔ́gɔ gú.

2 Korento 5:15

À la kwé nà twó mânyìŋ ntsèm, légwɔ́ gie pʉ̀a pie ée ntentʉ́ té gíŋe gwɔ́ wó pɔ́ pá’ pɔ́ ge gÿo mmó gie á poŋo wɔ́b gwɔ́. Pɔ́ ge cʉ́’ gwɔ́ wó, pɔ́ pá’ pɔ́ ge gÿo mmó gie á poŋo yé, á yé gẅie à la kwé nà twó sɔ́b tá Ssé zíme yé nà legwé.

Filipo 2:21

Petsɔ́ pʉ̀a ne sáŋa nò pɔ́ ndà’ ná yɔ́b twó tà pɔ́ téen sáŋa nò ná nò Yěsô Kristo wɔ́.

Kolosia 3:5

Pá’ áa pú’u la, pi zẅé mà tepòŋ we ndùmo ssé tsetsá’ gẅie aa ná pi. Mé gɔɔn mmó pá’ mbàŋa letóŋ panzwě, é panzwě léfa’ mbàŋa, á mmó pá’ nò mpfwɔ́’, á mmó pá’ ntʉ́m nyìŋ légwá shÿó, pá’ legẅiin tsɔ́ ntí letsɔ̌ɔn shúm, pá’ letÿɔ̌g ntʉ́m nà shúm, á nue letÿɔ̌g ntʉ́m nà shúm, à giŋé ńgwɔ́ pɔ́ tsɔ̌ ntí legu’te shúm ngie ée Ssé.

2 Tesalonika 2:4

À ge lá’ kẅɛ tyé, é lêen ké zye létɔ’ pʉ̀a ngie tà pɔ́ gíŋe ńgu’te tsɔ́ mmó tà mbɔɔ Ssé, é ne gɔɔn ngie yé pú ńcʉa wɔ́b métsèm, é kú mbɔɔ tsɛ̀ɛ jʉ’e Ssé ńnéŋe, é gɔɔn ngie yé zɔɔ Ssé.

1 Timote 1:20

Áa tsetsɛ̀ɛ pɛ̌, Himené pɔ́ Alekzáŋdele gwɔ́ wó. N da néŋ pɔɔn pʉ̀a mépʉ́a nà mbwó Sátà. Légwɔ́ gie pɔ́ ge kúu mbwo yé, é zí’i pá’ pɔ́ té gíŋe gwá kʉ́’ʉ cʉŋte lezíŋ Ssé wɔ́.

1 Timote 1:9

Pege giŋé ńne ńzsé ngie e Ssé lɔ̌ɔn těen ńtÿɔ́gɔ *lepʉ̌ ńtí pʉ̀a pie pɔ́ gÿo nò gie á tyé wɔ́, à lɔ̌ɔn ńtÿɔ́gɔ *lepʉ̌ ńtí pàfʉ̀’ menò, lâ pàtʉʉ twó, ńtí pàgwág Ssé, lâ pàgÿo menò tepòŋ, ńgíŋe ńtí mbɔɔ pʉ̀a pie pɔ́ té jú’ ncwò Ssé wɔ́, ńké tè lɔgɔ tsɔ́ mmó gie á fóo mbwo yé ńtóŋo tsɔ́ mmó wɔ́. E Ssé lɔ̌ɔn ńgíŋe ńtÿɔ́gɔ *lepʉ̌ ńtí pʉ̀a pie pɔ́ zẅéte metá pɔ́b lâ memá pɔ́b, ńtí mefÿɛ́.

1 Timote 3:3

Á té zɛ́te ngie à gwɔ́ nyìŋ gẅie à ma’ mbùm yé ná melù’ wɔ́, ńgie à sá’ mbʉ̀’ wɔ́. Á zɛ́te ngie à gwɔ́ nyìŋ gẅie à pʉlé, á nyìŋ gẅie à tè ntsaŋ fa’. Tà á gwɔ́ nyìŋ gẅie à záb ntʉ́m wé nà nkáb.

1 Timote 6:10

Á nue le ké ńtsɔ́ɔn pɔ́ légẅiin nkáb, à lɔg menò ntí ntí ńtó. Etsɔ́ pʉ̀a léen ńgwá’ mbùm yɔb ná nò nkáb, éfʉa mánzsè, pɔ́ té gíŋe ńzáb ntʉ́m nà Ssé wɔ́, ńdɔg ńtóŋ ngʉ̀ngʉ̀ tà ńgyɔ́ɔn ńnéŋe ná pɔ́b.

1 Timote 6:4

mbà ngàŋ ŋa’te ngie à zsé nò, tá ńké tè ne ńzsé wɔ́. À zsé yé pɔ́ lézoŋo nò, ńgwá fó nà nò gie mé gɔɔn, ńcu’u twó pʉ̀a. Á cʉa pú’u, pʉ̀a zye légẅiin kègɔ́’, ńzye lézoŋo nò, ńzye zoonte, ńzye légyéte mefɛ́ pɔ́b ná nò tepòŋ,

2 Timote 3:4

é gwɔ́ pàjÿò menáŋ, é gÿo nò pɔ́ ḿvege vege, é gwɔ́ ngàŋ ŋá’te tɛ’, é kwoŋo mmó gie á poŋo wɔ́b, pɔ́ le Ssé kwoŋ,

Ŋwà’ne Jâg 2:8

Á cʉ́’ gie pi gÿo pú’u, mbà pi giŋé ná pá’ *lepʉ̌ se lÿò ná nò *lefùɔ Ssé gɔɔn, é gɔɔn ngie: «Kwoŋo fɛ́ gù nyìŋ mesoŋ pá’ ɔ̀ kwoŋo twó mbùm jú». Pi lɔgɔ pú’u, ńgÿo mboŋó.

Ŋwà’ne Jâg 4:16

Tá pi tsẅiŋ pɔ́ kékʉ́b gẅi, ńgɔɔnte pɔ́ menò mie pi ge gÿo gÿo. Yɛ̌ ntí leŋá’te e tè poŋ.

Ŋwà’ne Jâg 4:6

Tá, e Ssé kě ńne ńcÿó gʉm yégè, apòŋo ntʉ́m yé nzèm pege fáŋ ńcʉa kɔ̀ɔkɔ́ɔ. Ŋwà’ne Ssé zɔɔn ńgɔɔn ngie: E Ssé lʉ’ pàŋá’te nnɛ́ lʉ’, ńké ńdɔgɔ pòŋo ntʉ́m ńdíe pʉ̀a pie é sẅí’i mbùm yɔb ńnáa ssé.

1 Piɛ 5:5

Á gʉa ná pi gí pûɔ shùm, pi ná nnɛ́ ssé mvfò pàkẅé mvfò tsɛ̀ɛ cú’tè, ńgʉa ná pʉ̀a metsèm, tà pi ne ńgÿo tsɔ́ mmó, nyìŋ gẅi kwaŋ ngie à cʉa wetsɔ̌. Á nue ŋwà’ne Ssé gɔɔn ngie: E Ssé lʉ’ pàŋá’te nnɛ́ lʉ’, ńké ńdɔgɔ pòŋo ntʉ́m ńdíe pʉ̀a pie é sẅí’i mbùm yɔb ńnáa ssé.

2 Piɛ 2:10

À gwɔ́ lyɛ’ó, à tʉʉ lelÿò ńzáb ngɔ́’ twó pʉ̀a pie pɔ́ ńnéŋe ńgÿo mmó gie mbùm yɔ́b tsóte wɔ́b légÿo, ńnéŋe ńtsɔ́ɔn menò ncÿǒ. E Ssé gɔɔn nò pɔ́ gwág gwág. Pà zí’i pʉ̀a cÿɔ̌ nò, pɔ́ tsẅiŋe kʉ́kʉ́b wɔ́b tɛ’, ńzẅíŋe móm tà pɔ́ té pɔ́gɔ lézoonte mezẅìge mie é gẅíin legú’ wɔ́.

2 Piɛ 2:12

Pɛ̌ pʉ̀a gwɔ́ pɔ́ pà tè legyè pá’ menɔ̀ɔn, é pie é la fó jʉ’ó ńgwɔ́ pɔ́ mmó gie mé ge lʉ’ lejÿɔ̀’ lɔg gwoon é zẅé. Pɔ́ zoonte mmó té ne ńzsé pá’ á gwɔ́, mé gÿo ńzẅé wɔ́b pá’ menɔ̀ɔn ŋwɛ́.

2 Piɛ 2:18

Pɔ́ lɔgɔ mmó gie pɔ́ zí’i pʉ̀a ńŋá’te, tá é gwɔ́ pɔ́ fÿɔ́g sẅɛ̀ɛ gie é zẅɛɛ. Pɔ́ gɔɔn mbwo pʉ̀a ngie ńgwɔ́ nyìŋ gÿo kɔ̀ɔkɔ́ɔ gie mbùm nyìŋ mesoŋ tsɔ́ɔn, tá á gwɔ́ nò shʉ́. Pɔ́ lɔg pú’u, éshwoŋte pʉ̀a pie pɔ́ ka nyé ńkẅɛɛ tsetsɛ̀ɛ pʉ̀a pie ée nà mánzsè tepòŋ,

2 Piɛ 2:3

Pá’ pɔ́b kwoŋ nkáb tɛ’ la, pɔ́ ge lɔgɔ shwóŋè gie pɔ́ lʉ’té lʉ’te, é lɔg lÿɔgte gẅí, é kẅé shúm sí, ńke ńgÿo pú’u pɛ́’ɛ̀, mbà Ssé la lá’ ńzá’ ntsaŋ yɔb, tà á cʉ́’ pɔ́ méjʉ’ ngɔ́’ gwé ná pɔ́b.

Jẅide 1:16

Epʉ̀a ŋwɛ́ ńnéŋe fʉ̀’ ntsèm anò ne ńgyáŋa wɔ́b gyáŋ, pɔ́ ne ńzẅɛ́te zẅɛté, ńnéŋe ńgÿo pɔ́ mmó gie mbùm yɔb ne ńtsóte wɔ́b ngie pɔ́ gÿo, pɔ́ gwɔ́ fʉ̀’ ntsèm, éshwóŋó pɔ́ shwóŋè gie pɔ́ lɔgɔ ńŋà’te ŋa’té, ńgwɔ́ lʉte nyìŋ ńne ńzsé pì gie pɔ́ ge jÿó ná yé.

Ŋwà’ne Ngyà jʉ’ 13:1

Mèŋ m biŋ ńgyá tsɔ̌ nkʉ̀’ʉ pà nɔ̀ɔn fóo tsɛ̀ɛ ntse té pàa ńkẅɛ, ńgẅiin metwó sɔɔn mbʉ́a, ńgẅiin mendóŋ legém, yɛ̌ yɛ̌ ndóŋ wɔ́ gẅiin cÿɔ́’ɔ lefùɔ, mbà mé ŋwe’é lezíŋ sie mé lɔgɔ ńzoonte Ssé zoonte á ná yɛ̌ yɛ̌ twó yé wɔ́.

Ŋwà’ne Ngyà jʉ’ 16:11

Ngʉ̀ngʉ̀ yɔb mbɔɔ mefʉ̌ŋ mɔ́b gÿo pɔ́ zoonte Ssé gẅie aa tÿǒ lepwó, tá’ ńké tè kúbe mà wɔb, ńgwá’ mefà’ tepòŋ mɔ́b wɔ́.

Ŋwà’ne Ngyà jʉ’ 16:21

Memáa megẅì mie à ńgwɔ́ tà’ jÿó kílo móm lekùa, fó tÿó ńgwete ná pʉ̀a mesoŋ. Epʉ̀a mesoŋ zoonte Ssé, ńtí ngɔ́’ gie pɔ́ gyǎ, é fóo nà megẅì, á nue yɛ̌ ngɔ́’ la pú ńtʉ tɛ’.

Ŋwà’ne Ngyà jʉ’ 16:9

Ejʉ’ lêen ńké ḿbú ńdum lum tà ńtuɔ pʉ̀a mesoŋ. Pɔ́ zoonte lezíŋ Ssé, gẅie yé zɔ gÿo tá pɔ́ gyá yɔɔn ngɔ́’ ntí ntí, ńgÿo pú’u, ńké tè kúbe mà wɔ́b ńnáa legú’ mbwo Ssé wɔ́.