2 Timote 3:16 - Nouveau Testament en Ngienboum

¹⁶ Mé la gwaa ŋwe’e kɔ̀ɔkɔ́ɔ tsɛ̀ɛ ŋwà’ne Ssé wɔ́, á fóo pɔ́ ncwò Ssé. Pú’u ammó gie mé la ŋwe’e, à ku’u lélɔg ńzí’i pʉ̀a nò gie áa nénʉ́, ńku’u lélɔg ńdʉ’ʉ nò gie á té nò wɔ́, ńku’u lélɔg ńtÿɔ́gte pʉ̀a, ḿbiŋ ńku’u lélɔg ńzí’i pʉ̀a pá’ à lɔɔn ńgwɔ́ pɔ́ gÿo tá ńnéŋe nà ntí gie e Ssé ne ńkwoŋo.

2 Timote 3:16 ပူးပေါင်းရင်းမြစ်များ

Matio 13:52

Á gɔɔn ngie: Pi ké ńzsé ngie nkyàgte *lepʉ̌ Mǒsé gẅie à zẅiŋé nò *lefùɔ Ssé à gwá’a tsɔ̌ ndÿò gẅie eshúm ngù’ lâ se ngù’ɔɔn ée tsɛ̀ɛ ntaŋ yé. À néŋe tà mbùm ye poŋ, á gʉa mǒ ńkẅile ntí gie à kwǒŋ.

Matio 21:42

Yěsô gɔɔn né pɔ́b ngie: Á lɔɔn tè kɔ́ wɔ́, mbà pi leen ńtóŋo jʉ’ʉ ŋwà’ne Ssé gie á gɔɔn ngie: «Tóon gẅie pàpwóon ndá la gwá’, leen ńcʉ́’ʉ tóon gẅie yé zɔ pi’ ndá. Cʉ̀apʉ̀a zɔ la gÿo pú’u, á gwɔ́ máa nò mbòŋo á menÿɔ́g pege»?

Matio 22:43

Á piŋ ngǎ, mbà Zẅìge Ndʉalʉ̌a la jÿó fùɔ Ndavíd á tóŋo yé lê Ndè,

Matio 26:54

N dɔɔn ńké ńgÿo pú’u, àmmó gie mé la ŋwe’e tsɛ̀ɛ ŋwà’ne Ssé gǎ tà ḿbumte? Á nue mé la ŋwe’e tsɛ̀ɛ wó ngie: Menò ge lá’ cʉate pɔ́ pá’ é cʉate fʉ̀’ɔɔn lɔɔn.

Matio 26:56

Tá menò mie é cʉate lɔɔn lɔgɔ ḿbumte ná nò gie pà *ntsẅì nkʉ̀ Ssé la ŋwe’e. Mé gwoon Yěsô pá’ɔɔn, *ngàŋa kwò yé metsèm pú ńgwá’a yé ńkÿo.

Malékuse 12:24

Yěsô tsɔ́’ɔ mbwo pɔ́b ngie: Tà legyè sí gwá fʉʉ gẅi pɛ́’ɛ̀, á té gwɔ́ pɔ́ nò gie pi tè mmó gie áa tsɛ̀ɛ ŋwà’ne Ssé zsé, ḿbiŋ ńké tè zsé pá’ metʉ̀ Ssé ée pú’u, wɔ́ wɔ́?

Malékuse 12:36

Mèŋ n ne ńzsé ngie: A Zẅìge Ssé la tsóte fùɔ Ndavíd, kwà’ yé lê twó mbùm yé gɔɔn nò ńtí *Nzà’nkÿo ngie: «Cʉ̀apʉ̀a Ssé gɔ̌ɔn mbwo wɔ̀ɔn Ndè ngie: Tóo ńnéŋe nà gwoŋó pwó yɔ́ɔn ye tʉ̀, tà à lá’ ńkú fʉ̀’ gie mèŋ sẅǐŋ megàŋ mbù pú mbwo gù, tà ɔ̀ tÿɔ́g mekwò mú twó pɔ́b»

Ŋwà’ne Jâŋ 10:35

Pege metsèm ne ńzsé ngie mmó gie mé la ŋwe’e tsɛ̀ɛ ŋwà’ne *lepʉ̌ Ssé á téen ńdá’a ńkúbe wɔ́. À lɔɔn ńgwɔ́ gie Ssé la gɔɔn ngie pʉ̀a pie à gɔɔn nò yé mbwo pɔ́b ée messé,

Ŋwà’ne Jâŋ 3:20

Ngÿǒ menò nyìŋ lɔɔn ńzɔɔn tè ne ḿboŋo wɔ́, mbà ngàŋ ge pʉa kyɛ̀’ pʉa, á le kwoŋo légiŋe jʉ’ gie kyɛ̀’ áa wó wɔ́, ḿbɔ́gɔ nue ngÿǒ menò mé ge kẅɛɛ mángyɛ̌.

Megàŋ ntúm 1:16

Mefɛ́ mefɛ́, á ka ne ńzɛ́te ngie ammó gie Zẅìge Ndʉalʉ̌a la lɔg ncwò fùɔ Ndavíd ḿbÿé, mé ŋwe’e tsɛ̀ɛ ŋwà’ne Ssé à pumte. Á nò gie à la tʉ́ njÿó ńgɔɔn ntí Jẅidas gẅie yé zɔ kéen ńkẅɛɛ nnyɛ̀ nzsè tá mé gwoon Yěsô.

Megàŋ ntúm 18:25

Mbà mé ka zí’i yé nò ńnáa nà mánzsè Cʉ̀apʉ̀a Yěsô. Á ne ńnéŋe twó kwà’ mboŋó éshwóŋó yɛ̌ nò ḿbiŋe ńzí’i pʉ̀a nò Yěsô pɔ́ ndʉŋ ndʉŋ pá’ á gwɔ́. Tá ńgʉa nà nò kẅè ntse, á zsé yé pɔ́ pá’ Jâŋ lɔ̌ɔn ńnu’u pʉ̀a ntse.

Megàŋ ntúm 20:20

Akɔ́ɔkɔ́ɔ wɔ́ gie à lɔɔn ńgwɔ́ á kẅéte gẅi wɔ́, mèŋ n ka zí’i gẅí. Mèŋ n nka ńnéŋe nà jʉ’e mecú’tè ńzí’i gẅi mmó, ńkúu tsɛ̀ɛ mendá mí ńzí’i gẅi mmó, ńda’te nò Ssé mbwo pi,

Megàŋ ntúm 20:27

Á zɔɔn ńgwaa gwɔ́, mbà mèŋ n ka shwóŋó gẅi kɔ̀ɔkɔ́ɔ wɔ́ gie e Ssé la ka’a légÿo. Tà mèŋ n te tsɔ́ mmó lÿoon.

Megàŋ ntúm 28:25

Pɔ́ cʉ́’ʉ légʉa, pɔ́ té gíŋe shwóŋó ńjú’e wɔ́. Pɔl cʉ́’ ńgɔɔn né pɔ́b pɔ́ ngie: A Zẅìge Ssé lɔ́ɔn ńgɔɔn shwóŋó nò. Á la lɔg ncwò *ntsẅì nkʉ̀ Ssé Esǎya ńgɔɔn né metá pi ngie:

Roma 15:4

Á zɔɔn ńgwaa gwɔ́, mbà kɔ̀ɔkɔ́ɔ gie mé la lá’ ńtʉ́ njÿó ńŋwe’e tsɛ̀ɛ ŋwà’ne Ssé, mé lɔ́ɔn ńŋwe’e pɔ́ lélɔgɔ ńnéŋe ńzí’i wégè mmó, légwɔ́ gie á ge lɔg pá’ á ne ńkẅiŋte wégè, ḿbiŋ ne ńgÿo ngie tà pege kʉ́a, pege zsé ngie pege gẅiin mmó gie e Ssé la ka’a mbwo pege.

Roma 2:20

ńně ńzí’i mmó mbwo pɔ́b megʉ̀gʉ̀ nà nò Ssé, ńgwɔ́ tsítsà mecʉ̀cʉ̀ŋ nà nò gie áa nénʉ́, mélà’mie ɔ̀ ne ńzsé, ɔ̀ lɔg pá’ ɔ̀ zsé *lepʉ̌, ńgẅiin zsé nò gie áa nénʉ́.

Roma 3:2

Apì ké ńgwɔ́ wó tɛ’, é meshÿó meshÿó nà légwɔ́ nyìŋ Yuda. Ndùŋ mvfò á gwɔ́ pá’ e Ssé la cʉ́me shwóŋè yé pɔ́ mbwo pà Yuda.

Roma 4:23

Tá mé lɔ́ɔn tě sáŋa pɔ́ ndà’ yé gílé yé tá ńŋwe’e ngie: «E Ssé la líe yé, á gwɔ́ ndʉŋ ndʉŋ mvfò yé wɔ́».

1 Korento 12:7

Pú’u la, a Zẅìge Ndʉalʉ̌a lɔgɔ fù’ ńcÿó geme wɛ̌ nyìŋ wɔ́, ńdɔg pú’u, ńnyɛ ngie áa ná ngàŋ. Yɛ̌ fù’ gwɔ́ pɔ́ lélɔg ńkẅéte pʉ̀a métsèm.

Galatia 3:8

Aŋwà’ne Ssé la zɔɔn ńtʉ́ njÿó ńnyɛ ngie: E Ssé ge lá’ fó ná pá’ pʉ̀a pie é té pà Yuda wɔ́, ge lá’ záb ntʉ́m ná yé à zẅíŋe wɔ́b pá’ pʉ̀a pie ée mvfò yé ńgwɔ́ ndʉŋ ndʉŋ. Áa yɛ̌ tá ŋwà’ne Ssé la tʉ́ njÿó ńtsẅi wɔɔn nkʉ̀ mbòŋo mbwo Ábalam ngie: E Ssé ge lá’ cʉa ná gù é néŋ mbʉ́lè nà melá’ ntsèm mie ée ndùmo ssé tsetsá’.

2 Timote 2:25

À gẅiin lélɔg mbʉ́lè ńda’te mmó mbwo pʉ̀a pie à gɔɔn nò pɔ́ kúbe pɔ́ shÿó. Ndyɛ̌’ tsɔ́ e Ssé gÿo ńná shÿó mbwo pɛ̌ pʉ̀a pɔ́ kúbe yɔb ntí lɔg sáŋa nò, éfó pú’u, ńzsé nò gie áa nénʉ́,

2 Timote 4:2

Ɔ̀ tsẅi nkʉ̀ mbòŋo nò Ssé, ńtyé pɔ́ nzɔ̌ wɔ́ ńcwoŋo ńgɔɔn gɔɔn, kà á gwɔ́ pɔ́ jʉ’ gie mé ee wó ńne ḿbyɛ́bɛ ngie mé gɔɔn wɔ́, kà pɔ́ jʉ’ gie mé té wó ńne ḿbyɛ́bɛ wɔ́ wɔ́, ɔ̀ gɔɔn gɔɔn. Nyìŋ fʉa nò ɔ̀ kaga yé nà ntí gie à ge jú’, ńkẅiŋte yé légÿo nò mbòŋo. Gwáa gÿo pú’u, ńdɔg pɔ́ kwɔ́gɔ nnɛ́ ḿbiŋ ne ńzí’i pʉ̀a mmó.

Heber 11:1

Lezǎb ntʉ́m nà Ssé, aa lecwoŋo ńzsé mboŋó ngie, ammó gie mé ne ńzẅí’te ngie e Ssé ná, à ge lá’ ná, ńgíŋ ńgwɔ́ lécwoŋo ńzsé ngie, eshúm sie mé té ne ńdɔgɔ nÿɔ́g ńgyá wɔ́ kwà’ ńgwɔ́ wɔ́.

Heber 3:7

Áa mmó gie á gÿo a Zẅìge Ndʉalʉ̌a gɔɔn ngie: Pi lɔɔn ńjú’ ngyè Ssé lyɛ̌’ɔɔn

Heber 4:12

Ashwóŋè Ssé zɔɔn ńgwɔ́ ntentʉ́ tà ńkwa’ fa’ mefà’, atwó yé sẅíte tà ńcʉa mbɔɔ ye yɛ̌ nně ncù wɔ́ gie e gẅiin mengʉ́ŋ mbʉ́a, á shú ńkúu ná nyìŋ kǔ tà ńcʉa nà jʉ’ gie azẅìge ngàŋ pɔ́ ntʉ́m wé temte wó, tà ńcʉa nà jʉ’ gie mejwoŋó mbùm ngàŋ pɔ́ mefóon mie ée tsɛ̀ɛ mekẅǐ mé ée wó. Á ŋaga nyìŋ ná mmó gie ngàŋ ne ńtsɔ́ɔn mbɔɔ ná gie à ne ńkwaŋa ntʉ́m yé.