2 Timote 2:9 - Nouveau Testament en Ngienboum

⁹ Mèŋ n gyá ngɔ́’ tà mé lɔgɔ metsɛ̂n ńkwɛ́ɛ wɔ̀ɔn pá’ fʉ̀’ gie mèŋ n gee nyìŋ tepòŋ la pá’ɔɔn ńtí pɔ́ nkʉ̀ mbòŋo ŋwɛ́. Tá’ mé kaa shwóŋè Ssé kwɛ́ɛ.

2 Timote 2:9 ပူးပေါင်းရင်းမြစ်များ

Lukase 23:32

Mé la gwaa lɔgɔ Yěsô gʉa, ḿbéle metsǒŋ mépʉ́a ná ye, pá’ mé ge pú zẅé wɔ́b apɔ̌.

Megàŋ ntúm 21:33

Á tó ńtsẅi mé gwoon Pɔl ńdɔg metsɛ̂n mémbʉ́a ńkwɛ́ɛ yé, ḿbiŋ ńzɛ́te ngie: Nyìŋ wɔɔn aa wɔ̌? À gÿǒ lêkɔ́?

Megàŋ ntúm 28:31

Á ne sá’a shwóŋó pʉ̀a mmó gie *lefùɔ Ssé ée sɛ̌, ḿbiŋ ńcwoŋo ńzí’i wɔ́b nyìŋ gẅie Cʉ̀apʉ̀a Yěsô Kristo aa yé pɔ́ shʉ̀ashʉ̌a, atsɔ̌ nyìŋ piŋ ńké tè yé tɔ’.

Megàŋ ntúm 9:16

Kwà’ mèŋ n ge zɔɔn gÿo, à pú ńzsé nzẅìŋ ngɔ́’ gie à ge gyá é tí nò yɔ́ɔn.

Efeso 3:1

Áa mmó gie á gÿo, mèŋ Pɔl gẅie mèŋ n gee ndá tsǎŋ ńtí nue mèŋ sa’á nò Yěsô Kristo mbwo pi pie pi tè pà Yuda wɔ́, mèŋ n ne sẅíŋte Ssé fʉ̀’ ntsèm ná twó sí.

Filipo 1:17

Tá pʉ̀a pie é shwóŋó nò Kristo lê nkwaŋá tepòŋ, pɔ́ lélɔg ńdʉŋte ntyě, kwaŋ yɔ́b pɔ́ ngie pɔ́ ge kẅi’i menò ná ngɔ́’ gie mèŋ n ne ńgyá ndá tsǎŋ lɔɔn.

Filipo 1:7

Mèŋ n gẅiin lé ne ńkwaŋa pɔ́ pú’u ná pi, mélà’mie m bǔ ńkwoŋo gẅi tà ḿmag ntʉ́m wɔ̀ɔn. Pi metsèm zɔɔn ne ńkẅéte wɔ̀ɔn nà fà’ gie e Ssé la lɔg ńcÿó gʉm yɔ́ɔn pɔ́ lê pòŋo ntʉ́m yé, tà mbɔɔ fʉ̀’ɔɔn gie n gee ndá tsǎŋ lɔɔn, mbɔɔ fʉ̀’ gie mèŋ n ne ńnyɛɛ ngie nkʉ̀ mbòŋo ée nénʉ́, mbɔɔ fʉ̀’ gie mèŋ n ne ńgÿo pʉ̀a nyɛte ńzẅíŋe.

Kolosia 4:18

Pi gyá tsyɛ̀’te gie mèŋ Pɔl n dɔgɔ́ kwà’ pwó yɔ́ɔn ńŋwé’e. Tà pi lege ngie mèŋ n gee ndá tsǎŋ. E Ssé ne ńgwɔ́ né pi metsèm!

Kolosia 4:3

ńgíŋe ne sẅíŋte Ssé nà ség twó, à ná shÿó peg lɔg shwóŋó nò yé. Mèŋ fo pú’u, ńkyagte nò Kristo gie á la zɔɔn ńdyeen menÿɔ́g pʉ̀a lyeen, mèŋ n gee tsǎŋ pá’ɔɔn ńtí pɔ́ yɛ̌.

1 Tesalonika 1:8

Ashwóŋè Cʉ̀apʉ̀a la zɔɔn fó pɔ́ tsetsɛ̀ɛ pi, ńjÿó pàga ngwòŋ Makedonia mbɔɔ ye Akay. Tá mé ké ńgwɔ́ jʉ’ ntsèm ńzsé ntí gie pi lɔg ńzáb ntʉ́m nà Ssé, tà ńgwɔ́ peg le gíŋ shwóŋó nyìŋ shwǒŋ wɔ́.

2 Tesalonika 3:1

Mefɛ́ mefɛ́, anò gie peg ge lɔg cʉ́me, á gwɔ́ pɔ́ ngie pi sẅíŋte Ssé nà twó ség, tá shwóŋè Cʉ̀apʉ̀a kẅi’i sa jʉ’, ńgwɔ́ mmó mekù’ pá’ áa mbʉ̀a pi ńgwɔ́ lɛ.

2 Timote 1:12

Mèŋ n gyá yɔɔn ngɔ́’ fʉ̀’ɔɔn pá’ɔɔn ńtí pɔ́ pú’u. Tá’, eshʉ́ ké tè ne ńkúu wɔ̀ɔn mǒ wɔ́, á nue mèŋ n ne ńzsé nyìŋ gẅie mèŋ n zába ntʉ́m ná yé. N cwoŋo ńne ńzsé ngie e Ssé gẅiin metʉ̀ lélɔg ńku’u lékábte nò gie à la cʉ́me mbwo mèŋ, tà lá’ kúu nà lyɛ’ɛ́ lá’ nzsònzèm.

2 Timote 1:16

Mèŋ n ké ne ńdúɔ mbwo Cʉ̀apʉ̀a ngie à gÿo nò mbòŋo ná tsìŋe ndá Onésifor, ńdúɔ pú’u, Á nue à neŋé ńnéŋ ntʉ́m wɔ̀ɔn tɛ’, à laa kú shʉ́ ná mèŋ pá’ mèŋ n gee ngàŋa tsǎŋ wɔ́.

2 Timote 1:8

Pú’u la, tè kú shʉ́ légɔɔn mmó gie ɔ̀ zsé ná Cʉ̀apʉ̀a wege. Tè kú shʉ́ mbɔɔ ná mèŋ pá’ mèŋ n gee ndá tsǎŋ ńtí yé. Zẅíŋ jú pɔ́ légyá ngɔ́’ pá’ mèŋ, ńdɔg ńgÿo Nkʉ̀ Mbòŋo sa jʉ’, ńzẅɛ́’ pɔ́ metʉ̀ mie e Ssé náa mbwo gù.

2 Timote 2:3

Gyá jú ngɔ́’ pá’ kwà’ ndÿɔ́’ ncù we Yěsô Kristo.

2 Timote 4:17

Cʉ̀apʉ̀a zɔ la tè wɔ̀ɔn gwá’. À la tóonte wɔ̀ɔn tá mèŋ n tsẅi nkʉ̀ wé pá’ á ne ńzɛ́te ngie mé tsẅi, ta pʉ̀a pie é té pà Yuda wɔ́ jú’ metsèm. Á fó ncwò mepú’ ntʉ̀ ńkẅile wɔ̀ɔn.

1 Piɛ 2:12

!Pi gẅiin tsẅé mbòŋo tsetsɛ̀ɛ pà tèzsé nò Ssé, tà ńgwɔ́ gie pɔ́ lɔɔn ne shwóŋte té poŋ ná lezíŋ sí, pɔ́ gyá menò mbòŋo mie pi ne ńgÿo, ńgu’te lezíŋ Ssé fʉ̀’ gie Ssé ge gÿo tó gɔɔn nò né pɔ́b.

1 Piɛ 2:14

ńgíŋ ńjú’ ncwò meŋwâ lá’ pé. Á nue à fùɔ túmo wɔ́b légʉa ńnyɛ pàgÿo menò tepòŋ ngɔ́’, ḿbiŋ ńná ngɔ́ɔnte pʉ̀a pie é ne ńgÿo nò mbòŋo.

1 Piɛ 3:16

Pi cʉ́’ʉ léshwóŋó yé ńdɔg pɔ́ ndɔ́ɔn ndɔ́ɔn, ńdɔg mekù’. Á poŋ ngie tà mbùm gi gwɔ gwɔ́ ńne ńcúɔ gẅi ná tsɔ́ mmó, tá à cʉa pú’u, ńgwɔ́ gie pʉ̀a lɔɔn ńne ńtÿɔ́gɔ sóon twó pi, éfó ná pá’ pɔ́ ne ńzoonte leńnéŋe gẅi we pʉ̀a Kristo, gẅie à gwɔ́ pɔ́ mbòŋ, eshʉ́ kúu wɔ́b.

1 Piɛ 4:15

ḿbɔ́ɔn nyìŋ gẅi légwaa gyá ngɔ́’ á gwɔ́ ngie à zẅě nyìŋ, ngie à jʉ̌, kà pɔ́ ngie à gÿǒ nò tepòŋ wɔ́, kà pɔ́ ngie à gyǎ nò nyìŋ ńkúu mǒ wɔ́.