2 Timote 2:7 - Nouveau Testament en Ngienboum

⁷ Sáŋa nò ná menò mie mèŋ n gɔɔn lɔɔn, Cʉ̀apʉ̀a ge zɔɔn náa gú legyè lélɔg ḿbú ńjú’ ntsèm.

2 Timote 2:7 ပူးပေါင်းရင်းမြစ်များ

Lukase 21:15

Mèŋ n zɔ ge zɔɔn lá’ náa zsé nò gie pi ge lɔg tsɔ́’ɔ nò. Pi tsɔ́’ɔ nò tà megàŋ mbù pí le zoŋ, é ké le gíŋe tsɔ́ nò ńgɔɔn wɔ́.

Lukase 24:45

Ńdeen ńké ńtsɔ́’ legyè sɔ́b, ńgÿo pɔ́ jú’ menò mie ée tsɛ̀ɛ ŋwà’ne Ssé.

Lukase 9:44

Pi cwoŋo ńjú’u nò gie n gee ngɔ̌ɔn lɔɔn mboŋó, ḿbiŋ ńkímte. Mé ne ńgee sẅǐŋ *Míŋ Nyìŋ mbwo pʉ̀a mesoŋ.

Ŋwà’ne Jâŋ 14:26

Pi ge cʉ́’ nzèm, Tá wɔ̀ɔn lɔg lezíŋ sɔ́ɔn, ńtúmo Ntàg Nzèm gẅi, à gwɔ́ Zẅìge Ndʉalʉ̌a. À tó ńzí’i gẅi shúm ntsèm, ńgÿo pi kímte kɔ̀ɔkɔ́ɔ gie mèŋ n dǎ shwóŋó gẅí.

Ŋwà’ne Jâŋ 16:13

À zẅìge Ndʉalʉ̌a ge gÿo tó, é gÿo pi zsé nò nénʉ́ ntsèm, á nue yé zɔ la’te nò nénʉ́, à tè gÿo gɔɔn pɔ́ yé nò wɔ́. À ge gÿo gɔɔn pɔ́ nò gie à jǔ’, é piŋ shwóŋó gẅi menò mie é ne ńtóo.

Megàŋ ntúm 7:10

ńkẅile yé tsɛ̀ɛ ngʉ̀ngʉ̀ ntsèm gie é la kúu yé, ńgíŋe ńnáa yé legye tà Faraon fùɔ Pà Egipto, kwóŋo yé, ńdɔgɔ yé ńgÿo ŋwálá’ twó mbùm pá’ à ge líe ngwòŋ Egipto tà mbɔɔ menò mie é tswé’e nɔ’.

1 Korento 12:8

Áa yɛ̌ tá à Zẅìge cÿó geme wetsɔ́ nyìŋ, á gwɔ gẅiin shÿó lélɔgɔ zsě nò ḿbÿɛɛ nò, wetsɔ́ gẅiin shÿó lépÿɛ nò ná ntí gie mé ge zsé nò nénʉ́, tà’a zẅìge zɔ ké ńgÿo.

Filipo 4:8

Mefɛ́ pɔ́ɔn, anò gie à lɔɔn ńgwɔ́ n dɔg ńcʉ́me á gwɔ́ pɔ́ ngie, nkwaŋá gẅi ńnéŋe ńtyé pɔ́ ná menò mbòŋo mie pʉ̀a tà ńgyɔ́ɔn gɔ’te, ńtyé nà nò nénʉ́, á nà nò gie á tyé ndʉŋ ndʉŋ, á nà nò té *lɔ̌’, á nà menò mie ée me mekù’, á nà menò mie mé gÿo pʉ̀a ná ngɔ́ɔnte, é menò mie é kẅéte, á nà menò mie mé siŋte nyìŋ mǒ.

Kolosia 1:9

Mɔɔn ée menò mie é gÿo tá peg laa kʉ́a lésẅíŋte Ssé nà twó sí tà fó lyɛ̌’ gie mé la shwóŋó wég ntí gie pi lɔ̌g ńkú’te nò Ssé pú’u wɔ́. Peg ne ńdúɔ mbwo Ssé ngie à gÿo pi kwa’ ńzsé mmó gie à kwoŋ, ńcʉa nà zsě nò mbɔɔ ná legyè sie Zẅìge Ndʉalʉ̌a ne ńnáa mbwo pi.

1 Timote 4:15

Nyɛte ńnéŋe twó ná yɔɔn fà’ té tsyɛte nnɛ́, ńzsé ngie pʉ̀a metsèm ge gyá pá’ fà’a jú ne ńgiŋe.

2 Timote 2:6

Nyìŋ gẅie à fa’a nká’ nyìŋ, à lɔɔn ńtéŋe zì’i mboŋó, mbà yé zɔ ge vɔgɔ lépfɛ́ɛ mmó gie á fóo nká’.

2 Timote 2:8

Kímte Yěsô Kristo, pá’ à la zíme nà legwé, à la fó nà ngẅɛ̀ fùɔ Ndavíd pá’ nkʉ̀ mbòŋo gẅie mèŋ n ne ńtsẅii é ne ńgɔɔn.

Heber 12:3

Pi zɔɔn ńnéŋe ńkwaŋte pɔ́ Yěsô, megàŋ mefʉa lɔ́ɔn ḿbʉa yé, ńgege yé, á ké shÿɔgɔ shÿɔg. Pi gÿo pú’u, ńzsé ngie ntʉ́m gẅi té pÿɛ́ pi kʉ́a wɔ́.

Heber 13:7

Pi kímte pʉ̀a pie pɔ́ la vɔgɔ létsyeen gẅi ná mánzsè Ssé, é pʉ̀a pie pɔ́ la shwóŋó gẅi nò Ssé, ńkímte ntí gie pɔ́ la lɔg ńnéŋe tà ńdá’ ńkwé, pi pí fʉ̀’ nà yɔb ntí lezǎb ntʉ́m nà Ssé.

Heber 3:1

Pú’u la, mbà mefɛ́ pɔ́ɔn pʉ̀a kristo, e Ssé yé máŋwɛ́ zɔ ka tóŋo gẅi nà nò yé, àwɔ̌ɔwɔɔ tóo ná yé mmó. Pi sáŋa nò ná nyìŋ gẅie Yěsô aa wɛ̌, aa yé gẅie e Ssé la túmo yé ngie à gwɔ́ wege *nùŋe pwɔ́’ we lÿò ná nò Ssé gie pege tyé mǒ.

Heber 7:4

Pi gyá pá’ Melekisedeg lɔgɔ ńgwɔ́ máa nyìŋ pú’u, á yé gẅie Ábalam, á mangʉa njʉ’ pʉ̀a Israel, la lɔg shúm éfó ncù, ńgabte nzsè legém, ńnáa tà’ nzsè mbwo yé.

Ŋwà’ne Jâg 1:5

Nyìŋ lɔɔn ńgwɔ́ tsetsɛ̀ɛ pi, ńtyé nà nò, azse nò zága yé, á lúɔ mbwo Ssé, mbà Ssé ge ná. Á nue e Ssé zɔɔn ńdɔg pɔ́ ntʉ́m mbòŋo ńnáa mmó mbwo wɔ̌wɔ́ɔ té zẅɛ́te.

Ŋwà’ne Jâg 3:15

Yɛ̌ ntí zse nò tě fóo tÿǒ lepwó wɔ́. Á gwɔ́ pɔ́ ye ndùmo ssé tsetsá’ yɔɔn, ńgwɔ́ pɔ́ ye pʉ̀a mesoŋ, éfóo mbwo *messé tepòŋ.

Ŋwà’ne Jâg 3:17

Tá nyìŋ gẅie à gẅiin zse nò gie á fóo tÿǒ lepwó, à zɔɔn ḿvɔg ńgwɔ́ nyìŋ gẅie tsɔ́ *lɔ̌’ té nà ngÿǒ menò mé wɔ́, ḿbɔ́ɔnte ńgiŋe pɔ́ lê mbʉ́lè, ḿbɔ́ɔnte ńgwɔ́ nyìŋ mbʉ́le pʉlé, ńgÿo nò á ku’ ku’, ńzsé létsɔ́ɔn mezìŋe tɛ’, éfa’ mefà’ mbòŋo pɔ́ pú’u. À tè tyɛ̀’te gÿo, ńké tè nkwòŋ menÿɔ́g wɔ́.

1 Jâŋ 5:20

Pege ne ńzsé ngie Míŋ Ssé la tó ńnáa wégè legyè pá’ pege ge lɔg zsé kwà’ Ssé ye nénʉ́, peg la zẅɛ́’ pɔ́ yé Yěsô Kristo tá pega Ssé ye nénʉ́ cʉ́’ ńnéŋe, mbà pega pɔ́ léen ńtemte.