2 Timote 2:23 - Nouveau Testament en Ngienboum

²³ Kÿo menò mie mé gwá ńzoŋo é gwɔ́ pɔ́ megʉ̀gʉ̀ menò mie é té kẅéte. Ɔ̀ zsě ngie mé zoŋ mɛ̌ menò tà ńcʉ́’ʉ lémag, ńtág pɔ́ melà’.

2 Timote 2:23 ပူးပေါင်းရင်းမြစ်များ

1 Timote 1:4

Gɔɔn né pɔ́b ngie pɔ́ nyé menò pú’nkwɔb, lâ menò pà mangʉa njʉ’ pɔ́b pie pɔ́ tʉ́ é té mag. Yɛ̌ ntí menò gÿo mé zoŋo nò pɔ́ sẅɛ̀ɛ sẅɛ̀ɛ, é té kẅéte lézsé mmó gie Ssé la kwaŋa légÿo nyìŋ mesoŋ tsẅɛ́ wɔ́. Mé lɔg pɔ́ lézáb ntʉ́m nà Ssé tá ńzsé yɛ̌ mmó.

1 Timote 4:7

Ké ḿbɔ́ɔn menò pú’kwɔb mie é té kẅéte, tà ńcʉ́’ pú’u, é tɔ’ pʉ̀a lézáb ntʉ́m ná Yěsô. Ké ńne ńzí’i pɔ́ légÿo mmó gie á poŋ Ssé.

2 Timote 2:14

Mɔɔn ée menò mie ɔ̀ gẅiin lékímte mbwo mânyìŋ ntsèm, ńtyé mvfò Ssé éshʉa shʉa shwóŋ pʉ̀a ngie tà pɔ́ gwáa ńtága melà’ ná menò mie mé gɔɔn. Pɔ́ tág melà’ pú’u, é té kẅéte nà tsɔ́ mmó wɔ́, tà ńcʉ́’ pú’u, mbà é cʉŋte pʉ̀a pie pɔ́ jú’u mɛ̌ menò cʉŋte, á nzèm Ssé.

2 Timote 2:16

Pɔ́ɔn le záb gú ncwò ná we pàzoŋ meshwóŋè mie é gwɔ́ pɔ́ sẅɛ̀ɛ sẅɛ̀ɛ, é meshwóŋè mie é táte nyìŋ taté lézáb ntʉ́m nà Ssé. Pʉ̀a pie é zoŋo mɛ̌ meshwóŋè ké fó lejʉ́ŋ Ssé ńkẅi’i ńkÿo kÿo.

Titus 3:9

Tá’ pɔ́ɔn légɔɔn nò nà menò mie é té tyé, pá’ menò mie mé zoŋo nà mezíŋ pàmangʉa njʉ̀’ peg, pá’ menò mie mé zoŋo nà mbʉ̌ Mǒsê, é té menò mie é kẅéte nà tsɔ́ nò wɔ́, tà tsǒon méjʉ’.

Ŋwà’ne Jâg 4:1

Mencwò mencwò aa pé’e fóo nzɔ̌ tsetsɛ̀ɛ pi? Melà’ fóo nzɔ̌ tsetsɛ̀ɛ pi? Né ngie é fóo ná gi ntí letsɔ̌ɔn shúm gie ee tsɛ̀ɛ ntʉ́m gẅi ńtsóte gẅí.