2 Timote 2:22 - Nouveau Testament en Ngienboum

²² Kÿo shúm tepòŋ sie nkàŋ nyìŋ tsɔ́ɔn. Pia pʉ̀a pie pɔ́ tóŋo Cʉ̀apʉ̀a lê ntʉ́m mbòŋo fa’a nò gie á tyé ndʉŋ ndʉŋ, ńzáb ntʉ́m nà Ssé, ńkwoŋ pʉ̀a mesoŋ, éfa’ mbʉ́lè.

2 Timote 2:22 ပူးပေါင်းရင်းမြစ်များ

Megàŋ ntúm 7:59

Pɔ́ la gwaa ně lɔgɔ metóon témte Etien, á sẅíŋte Ssé ńgɔɔn ngie: Cʉ̀apʉ̀a Yěsô, azẅìge yɔ́ɔn yɛ nà mbwo mú.

Megàŋ ntúm 9:14

À piŋ ńgwɔ gwɔ́ jʉ’ɔɔn pɛ́’ɛ̀, mbà metándá pànuŋe pwɔ́’ zɔ̌ tumó yé. Tà à gẅiin pá’ à lɔɔn ńgwɔ́ á gwoon ngwòŋ pʉ̀a metsèm pie pɔ́ tóŋo lezíŋ shú, ńkwɛ́ɛ wɔ́b.

Roma 14:17

Á zɔɔn ńgwaa gwɔ́, anò *lefùɔ Ssé té nò shúm léjÿó kà nò melù’ wɔ́ wɔ́. Anò *lefùɔ Ssé á gwɔ́ pɔ́ légÿo menò mie é fóo mbwo Zẅìge Ndʉalʉ̌a. Á gwɔ́ pɔ́ légÿo menò mie ée ndʉŋ ndʉŋ mvfò Ssé, ńgwɔ́ léńnéŋe lê sẅéte, ńgwɔ́ léńnéŋe nê lekág.

Roma 14:19

Pú’u la, pege fa’a mmó gie á ge gÿo pege ńnéŋe ńnéŋe lê sẅéte, ḿbiŋ ńkẅi’i ńtóonte mennɛ́ mégè ná lezáb ntʉ́m nà Ssé.

1 Korento 1:10

Mefɛ́ mefɛ́, n dɔ̌g lezíŋ Cʉ̀apʉ̀a wege Yěsô Kristo ńgɔɔn né pi ngie: Pi gwɔ́ tà’ ncwò, ńgie tà fàgte gwɔ́ tsetsɛ̀ɛ pi, ńgie pi gẅiin tà’ ntí lesaŋá nò, ńgẅiin tà’ nkwaŋá.

1 Korento 1:2

Mèŋ n ŋwe’e ńnáa mbwo cú’tè pʉ̀a Ssé á tÿǒsoŋo Korento, á wɔ́b pie e Ssé la laa wɔ́b nà Yěsô Kristo ńdɔgɔ wɔ́b ńgÿo pʉ̀a pé, ńzɛ́te mbwo pɔ́b ngie pɔ́ gwɔ́ kwà’ pʉ̀a pé. N náa yɔɔn ŋwà’ne mbɔɔ mbwo mânyìŋ ntsèm gẅie aa nzɔ̌ nzɔ̌ wɔ́, ńtóŋo lezíŋ Cʉ̀apʉ̀a wege Yěsô Kristo. À lɔgɔ pú’u, ńgíŋe ńgwɔ́ Cʉ̀apʉ̀a wɔ́b yɔ́b.

1 Korento 10:14

Á gʉa nà menò mɔɔn ntsèm, mbà meshǔ pɔ́ɔn pentʉ̀ nzẅìŋ, tà pi gẅiin tsɔ́ nò ná legu’te shúm sie mé gu’te ngie ée messé.

1 Korento 14:1

Pú’u lá pi vɔg ńkag tʉ̀ ńgÿo tà’a mmó, à gwɔ́ lékwoŋo nyìŋ mesoŋ, pi piŋ ńtsɔ́ɔn shúm ntí ntí sie Zẅìge Ndʉalʉ̌a lɔg ńcÿó gem pʉ̀a, ńtʉʉ lelÿò ńtsɔ́ɔn létsẅi nkʉ̀ gẅie é fóo mbwo Ssé,

1 Korento 6:18

Pi nyɛte ḿbɔ́ɔn lélɔg mbùm gi ńgÿo kɔ̀ɔkɔ́ɔ gie pi kwǒŋ. Metsɔ́ menò tepòŋ mie pʉ̀a mesoŋ gÿo, ée nà pɔ́b ńgwɔ́ pɔ́ nzème pǐ. Tá ńgwɔ́ gie nyìŋ lɔɔn ńdɔg mbùm ye ńgÿo kɔ́ wɔ́, mbà à sele ńgÿo nò tepòŋ pɔ́ ná ye.

1 Timote 1:14

Cʉ̀apʉ̀a wege Yěsô Kristo, la gÿo nò mbòŋo yé ná mèŋ tà á zyɛ́’. Á la gÿo mèŋ n záb ntʉ́m ná yé, mèŋ m biŋ ńkwoŋ petsɔ́ pʉ̀a. Á fóo ná pá’ mèŋ n da nnɛ́ ná yé.

1 Timote 1:5

Ɔ̀ gɔɔn yɛ̌ nò né pɔ́b légwɔ́ gie pɔ́ ge kwoŋ petsɔ́ pʉ̀a tà shwóŋó nò. Lekwoŋo nyìŋ tà shwóŋó nò, à zɛ́te légẅiin ntʉ́m Ndʉalʉ̌a, ńzɛ́te légÿo mmó gie mbùm ɔ̀ té cúa gú mǒ wɔ́, ḿbiŋe ńzɛ́te lézáb ntʉ́m nà Ssé, kwà’ nénʉ́.

1 Timote 2:8

Á gʉa ná nò létsyɛ’te Ssé mèŋ n ne ńtsɔ́ɔn ngie nzɔ̌ nzɔ̌ wɔ́ gie pʉ̀a Kristo cu’té wó wɔ́, mbàŋa tsyɛ’te Ssé, ńgwɔ tsyɛ’te, ńgwɔ́ pʉ̀a pie é té záb mbwó nà shúm tepòŋ tá ḿbiŋ ńkwé’e ńnáa tÿǒ fʉ̀’e létsyɛ’te Ssé wɔ́. Pɔ́ gíŋe ńgwɔ́ pʉ̀a pie é té ngàŋ lóŋ wɔ́, ńké tè fa’ mentsaŋ wɔ́.

1 Timote 4:12

Pɔ́ɔn légÿo mé gwága gú ngie ɔ́ɔ múɔ. Kag tʉ̀ tà pʉ̀a Kristo pí fʉ̀’ ná gù. À cʉa nà shwóŋè jú, á nà megiŋe mú, á nà jù ntí lekwoŋo nyìŋ mesoŋ, á nà jù ntí lézáb ntʉ́m nà Ssé, á ná gù lépɔ́ɔn nkwaŋá gẅie à lɔɔn ńgwɔ́ é cʉŋte gú.

1 Timote 6:11

Á ké ńgʉa ná gù gẅie ɔ́ɔ ngàŋa fà’ Ssé, ɔ̀ ne ńkÿo mɛ̌ menò tepòŋ, ńne ńkaga tʉ̀ ńgÿo pɔ́ menò mie é tyé ndʉŋ ndʉŋ, ḿbiŋ ne ńjú’u pɔ́ ndà’ ncwò Ssé, ńne ńzába ntʉ́m gú ná yé, ńne ńkwoŋo nyìŋ mesoŋ, ńne ńtʉte tʉte nzèm Ssé, ńtyé nà yɛ̌ nò wɔ́, ńgẅiin pɔ́ kwɔ́gɔ nnɛ́.

Heber 12:14

Pi fa’ pá’ pia mânyìŋ ntsèm ge ńnéŋe lê mbʉ́lè. Pi fa’ mbɔɔ pá’ pi ge gÿo mmó gie Ssé tè gyá *lɔ̌’ mǒ wɔ́. Á nue nyìŋ lɔɔn ńgÿo mmó gie e Ssé ge gyá *lɔ̌’ mǒ, ngaŋ lelá’ ńgyá Cʉ̀apʉ̀a wɔ́.

1 Piɛ 2:11

Meshǔ pɔ́ɔn pé tʉ nzẅìŋ, pi ee ndùmo ssé tsetsá’ jʉ’ɔɔn ńgwɔ́ pɔ́ pà ncʉ̀anzsè, ńgíŋe ńgwɔ́ pɔ́ megʉ̀. Áa mmó gie á gÿo mèŋ n ne shwóŋó gẅi ngie tà pi zẅí’te mbùm gí gie e ne ńtsó gẅi légÿo mmó gie e ne ńkwoŋo, á nue ee pú’u, ne ńdÿɔ́’ɔ ntʉ́m gẅi lê ncù.

1 Piɛ 3:11

Á poŋ ngie à lÿɔ́’ɔ nò tepòŋ, ńgÿo pɔ́ nò mbòŋo, é fa’ mbʉ́lè, ńzsete nzèm yé.

3 Jâŋ 1:11

Ashǔ wɔ̀ɔn we tʉ̀ nzẅìŋ, pɔ́ɔn lépí fʉ̀’ nò tepòŋ, pí pɔ́ fʉ̀’ nò mbòŋo. Nyìŋ gẅie à gÿo nò mbòŋo aa Míŋ Ssé, nyìŋ gẅie à gÿo nò tepòŋ à tè Ssé zsé,