2 Timote 2:20 - Nouveau Testament en Ngienboum

²⁰ Mé lɔɔn ńgʉa ndá ngàŋa mmó mé gyá mekáŋ mentí mentí. Mé gyá mie mé la lɔgɔ tʉ̌ gɔ̂l ńnyɛte, ńgyá mie mé la lɔgɔ tʉ̌ nkáb ńnyɛte, ńgíŋe ńgyá mbɔɔ mie mé la lɔgɔ tÿǒ ńkwóon, mbɔɔ mie mé la lɔgɔ tsǎ’ ḿbwóon. Me tʉ̌ gɔ̂l pɔ́ me tʉ̌ nkáb ée mie mé tÿɔ́gɔ ssé pɔ́ nà melyɛ’ɛ́ lá’ lÿò. Metsɔ́ gwɔ́ mie mé tÿɔ́gɔ ssé lyɛ̌’ ntsèm.

2 Timote 2:20 ပူးပေါင်းရင်းမြစ်များ

Ŋwà’ne Jâŋ 8:49

Yěsô tsɔ́’ɔ mbwó pɔ́b ngie: E *ssé tepòŋ tè ná mèŋ wɔ́. Mèŋ n gÿo yɔ́ɔn pɔ́ mekù’ Tá wɔ̀ɔn. Pi piŋ ńké tè ne ńgÿo mekù’ mɔ́ɔn mɔ́.

Roma 9:20

Gù nyìŋ mesoŋ, ɔ̀ lɔɔn ńzɛ́te pú’u, mbà ɔ́ɔ wɔ̌ tà Ssé gɔɔn nò ɔ̀ pʉŋe? Ngwɔ́ sɔ́’ zɛ́te mbwòon tsǎ’a ngie, ɔ̀ la pwóon wɔ̀ɔn ná yɔɔn ntí pá’ɔɔn mélà’a kɔ́ wɔ́?

1 Korento 3:9

Á nue peg puté ńně fa’a pɔ́ fà’a Ssé. Pi gwɔ́ nká’ Ssé, ńgíŋ ńgwɔ́ ndá gie Ssé ne ńkwɛ́ɛ.

2 Korento 4:7

Tá peg pie yɔɔn fù’ áa ná peg, peg gwɔ̌ pɔ́ pá’ megwʉ̌ŋ tsa’á la. Á fó mǒ mé gyá mboŋó ngie mɛ̌ metʉ̀ mie efʉ̀’ yé tè wó wɔ́, éfóo pɔ́ mbwo Ssé, é té fóo mbwo peg wɔ́.

Efeso 2:22

Pi gí lâ petsɔ́ pʉ̀a, pi lɔg pɔ́ pá’ pi la nnɛ́ ná Kristo, tá ńgwɔ́ tsɔ́ gwǒŋo ndá ŋwɛ́, ńdɔgɔ ńgwɔ́ ndá gie mé ne ḿbwóon, á gwɔ́ jʉ’ gie e Ssé ńnéŋe wó, tá Zẅìge yé zɔ̌ gwɔ́ wó.

1 Timote 3:15

légwɔ́ gie n dɔɔn tè tɔ́g ńtó wɔ́, ɔ̀ tóŋo yɔɔn ŋwà’ne, ńjú’ pá’ pʉ̀a pie e Ssé ee tá wɔ́b gẅiin légiŋ pú’u, á tsɛ̀ɛ cú’tè yɔ́b. Yɛ̌ cú’tè áa ye pʉ̀a Ssé gie ee ntentʉ́. Á tÿɔ́g ntóon gie e tyé ndʉŋ ndʉŋ á nà nò gie áa nénʉ́ tà ńgíŋ ńjÿɔ́’ tsɔ̌.

1 Piɛ 2:5

Á poŋ ngie pi gí pie pi gẅiin kwà’ le gwɔ́, pi zẅíŋ, e Ssé lɔgɔ gẅi ńgÿo metóon, ńdɔg ńkwɛ́ ndá Zẅìge Ndʉalʉ̌a. Pi gwɔ́ tsɛ̀ɛ wó ńgwɔ́ pànuŋe pwɔ́’ pie Ssé la tsɔ́’, pie é ge cʉa nzèm Yěsô Kristo, é nuŋe pwɔ́’ gẅie é poŋ Ssé.