2 Timote 2:14 - Nouveau Testament en Ngienboum

¹⁴ Mɔɔn ée menò mie ɔ̀ gẅiin lékímte mbwo mânyìŋ ntsèm, ńtyé mvfò Ssé éshʉa shʉa shwóŋ pʉ̀a ngie tà pɔ́ gwáa ńtága melà’ ná menò mie mé gɔɔn. Pɔ́ tág melà’ pú’u, é té kẅéte nà tsɔ́ mmó wɔ́, tà ńcʉ́’ pú’u, mbà é cʉŋte pʉ̀a pie pɔ́ jú’u mɛ̌ menò cʉŋte, á nzèm Ssé.

2 Timote 2:14 ပူးပေါင်းရင်းမြစ်များ

Matio 16:26

Mé lɔɔn ńzɔɔn ḿbú ńkaa njÿó yɔɔn ntsèm ńná né nyìŋ, tá’ á ké ńgwɔ́ gie e ge lɔg pɔ́ twó yé, mbà á ge kẅéte yé nà kɔ́? À lɔɔn ńgwɔ́ nyìŋ lɔgɔ kɔ́ ńdɔg ńkúbe twó yé?

Megàŋ ntúm 13:10

ńgɔɔn né yé ngie: Mûɔ Sáta, ɔ́ɔ ngàŋa cÿɔ̌ nò. Ɔ̀ zsě pɔ́ léfʉte pʉ̀a. Ɔ̀ɔ ngàŋ mbù nò mbòŋo ntsèm, kɔ̀ɔkɔ́ɔ gie Ssé gÿo á tyé ndʉŋ ndʉŋ wɔ́, ɔ̀ lěen ńké ńtɔ́ɔn, ńŋwɔ́’te. Tà ɔ̀ te nyé wɛ nzẅìŋ pɛ́’ɛ̀ wɔ́?

Megàŋ ntúm 15:24

Peg ka jǔ’ ngie etsɔ́ ntá’ pʉ̀a ka fó tsetsɛ̀ɛ peg, ńtó ḿma’a tág tsetsɛ̀ɛ pi, ńdɔgɔ shwóŋè yɔ́b ńgÿo tà pi cʉ́’ʉ ńzsé twó gí wɔ́. Tá’ peg zɔ ka ké tè túmo wɔ́b ngie pɔ́ gʉa ńgɔɔn pú’u wɔ́.

Roma 14:1

Mefɛ́ pɔ́ɔn, pi ne ńzsé ngie áa tsetsɛ̀ɛ pege, tsɔ́ pʉ̀a lɔg pá’ pɔ́ ne ńjú’u yɔ́b nò Ssé, ńne ńdÿɔ́’te tsɔ́ shúm, pi kú’te wɔ́b kú’te tà pia pɔ̌ zoŋo nò ná yɔ́b mmó gie pɔ́ ne ńkwaŋa.

Galatia 1:7

N tě ńdɔgɔ ńgɔɔn ngie etsɔ́ nkʉ̀ mbòŋo gíŋe ńgwɔ́ wó wɔ́, tsɔ́ pʉ̀a zɔ̌ ssé ńne ḿbue twó gi, ńne fa’a lékúbe nkʉ̀ mbòŋo Kristo.

Efeso 4:17

Áa mmó gie á gÿo, mèŋ n ge gɔɔn yɔɔn nò tà cwoŋo gɔɔn né pi á nà lezíŋ Cʉ̀apʉ̀a ngie: Tà pi gíŋe ńgÿo shúm sí pá’ pʉ̀a pie pɔ́ té Ssé zsé la. Pɔ́ gÿo pɔ́ mmó gie nkwaŋá wɔ́b gẅie é té kẅéte shwóŋó wɔ́b ngie pɔ́ gÿo.

1 Tesalonika 4:1

Mefɛ́ mefɛ́, anò gie peg ge lɔg cʉ́me á gwɔ́ pɔ́ ngie peg ka shwóŋó gẅi ntí gie à lɔɔn ńgwɔ́ pi lɔg ńnéŋe pú’u, anò gí poŋ Ssé. Á ge gǎ wɔ́ pi ne ńnéŋe pɔ́ pú’u. Tá’ peg giŋé ne sẅíŋte gẅí, tà ḿbú’u pɔ́ mbwo nà lezíŋ Cʉ̀apʉ̀a Yěsô ngie, pi gÿo pɔ́ pú’u, ńdɔg ńgee mvfò.

2 Tesalonika 3:6

Mefɛ́ mefɛ́, peg lɔ̌g lezíŋ Cʉ̀apʉ̀a Yěsô Kristo, ńtsẅii mbwo pi ngie pi lÿɔ́’ mbɔɔ wɛ̌ fɛ́ gẅi wɔ́ gẅie à pɔ́gɔ fà’ pɔ́g, ḿbiŋ ńké tè ne ńgiŋe ná ntí gie peg la zí’i gẅi laa pɔ̌ wɔ́.

1 Timote 1:4

Gɔɔn né pɔ́b ngie pɔ́ nyé menò pú’nkwɔb, lâ menò pà mangʉa njʉ’ pɔ́b pie pɔ́ tʉ́ é té mag. Yɛ̌ ntí menò gÿo mé zoŋo nò pɔ́ sẅɛ̀ɛ sẅɛ̀ɛ, é té kẅéte lézsé mmó gie Ssé la kwaŋa légÿo nyìŋ mesoŋ tsẅɛ́ wɔ́. Mé lɔg pɔ́ lézáb ntʉ́m nà Ssé tá ńzsé yɛ̌ mmó.

1 Timote 1:6

Etsɔ́ pʉ̀a kéen ńnyé mɔɔn menò, ńkúu pyé, ńcʉ́’ʉ ńzɔ́gɔ ńzoŋo pɔ́ menò mie é té tyé.

1 Timote 4:8

Nyìŋ lɔɔn ńkÿo ndʉ̌, mbà é ge kẅéte ndà’ mbùm ye. Tá legÿo mmó gie á poŋ Ssé, á kẅéte nà shúm ntsèm. Pege fó mǒ ńzsé ngie pege ge gwɔ́ wó nà fʉ̀’ɔɔn tà mbɔɔ ná fʉ̀’ gie á ge gÿo tá tó.

1 Timote 5:21

Mèŋ n dɔ̌g lezíŋ Ssé, ńdɔg lezíŋ Yěsô Kristo mbɔɔ lezíŋ *mecÿɔ́’ Ssé pie Ssé la tsɔ́’ ńgɔɔn mbwo gù ngie: Cwoŋo ńjú’u mmó gie mèŋ n gee ngɔ̌ɔn. Pɔ́ɔn lélíe shÿó nyìŋ, kà ńdɔg pɔ́ metùŋ wɔ́ ńgÿo mmó ná nyìŋ.

1 Timote 6:13

Mèŋ n tsẅii yɔɔn nò né gú, ńtyé mvfò Ssé gẅie à gÿo shúm ntsèm gwɔ́ wó, mbɔɔ mvfò Yěsô Kristo gẅie à la tyé mvfò Ponte *Pilato ńgɔɔn nò nénʉ́ gie à zsé.

2 Timote 1:6

Áa mmó gie á gÿo mèŋ n ge kẅiŋte gú ngie, ammó gie n ka záb mbwó mɔ́ɔn twó gù, e Ssé cÿó gʉm jú, ɔ̀ ku’u légÿo, tè lɔg ḿma’a kwàŋ.

2 Timote 2:16

Pɔ́ɔn le záb gú ncwò ná we pàzoŋ meshwóŋè mie é gwɔ́ pɔ́ sẅɛ̀ɛ sẅɛ̀ɛ, é meshwóŋè mie é táte nyìŋ taté lézáb ntʉ́m nà Ssé. Pʉ̀a pie é zoŋo mɛ̌ meshwóŋè ké fó lejʉ́ŋ Ssé ńkẅi’i ńkÿo kÿo.

2 Timote 2:23

Kÿo menò mie mé gwá ńzoŋo é gwɔ́ pɔ́ megʉ̀gʉ̀ menò mie é té kẅéte. Ɔ̀ zsě ngie mé zoŋ mɛ̌ menò tà ńcʉ́’ʉ lémag, ńtág pɔ́ melà’.

2 Timote 4:1

Mèŋ n tyé mvfò Ssé mbɔɔ mvfò Yěsô Kristo gẅie à cʉ’ʉ́ ńtó tǒ léŋag pʉ̀a metʉ̀ lâ mepfó ssé, mbɔɔ ná pá’ à ge gÿo tó ńnuŋe lefùɔ sé, n cwoŋo ńgɔɔn né gù ngie:

Titus 3:1

Tè cʉ́’ pʉ̀a Ssé lege ngie pɔ́ gẅiin lé jú’ ncwò pà sá’ ngwòŋ, ńgÿo mmó gie pɔ́ ne ńzɛ́te, ḿbiŋ ńnéŋe ńtyé pɔ́ légÿo pɔ́ menò mie ée mbòŋ.

Heber 13:9

Tà pi zẅíŋ mé zí’i gẅi menò ntí ntí mie é té tsẅé’e nà nò gie pege zába ntʉ́m mǒ wɔ́, e gÿo pi fʉa mánzsè. Á poŋ ngie atsɔ́ɔn mezìŋe Ssé zɔ néŋ ntʉ́m nyìŋ tà mbʉ̌ mie mé zába, é gɔɔn nò ná shúm léjÿó zɔ̌ le néŋ. Epʉ̀a pie pɔ́ kú’te mɛ̌ mbʉ̌ pɔ́ laa jÿó tsɔ́ pì mǒ wɔ́.

2 Piɛ 1:13

Tá’ mèŋ n kwǎŋ ngie à fʉ̀’ gie mèŋ n nyé ntentʉ́ lɔɔn, mèŋ n ge ké ne kímte gẅi mɔɔn menò kimté, é lɔgɔ zyeen gẅí.