2 Timote 2:12 - Nouveau Testament en Ngienboum

¹² Pege lɔɔn ńké ńne shÿɔgɔ tsɛ̀ɛ ngɔ́’ shÿɔg, mbà pege lâ pɔ̌ ge gÿo púte sá’a lá’ Tá pege ké ńgwá’a yé, mbà à ge gÿo gwá’a wégè yé.

2 Timote 2:12 ပူးပေါင်းရင်းမြစ်များ

Matio 10:33

Tá nyìŋ piŋ ńgɔɔn mvfò lá’ ngie: Mèŋ n tè nyìŋ Yěsô wɔ́, mbà mèŋ *Míŋ Nyìŋ ge lá’ gɔɔn yɔ́ɔn mvfò Tá wɔ̀ɔn mie aa tÿǒ lepwó ngie: Nyìŋ wɛ̂ tè wɔ̀ɔn nyìŋ wɔ́

Matio 26:35

Piɛ gɔɔn né yé ngie: Mé lɔɔn fó ḿbúte wɔ́gɔ́ ne ńdɔgɔ ńge pɔ́ nzẅě, mbà à lɔɔn ńgwɔ́ n de gú moŋe! Yetsɔ́ *ngàŋa kwò yé metsèm gíŋe ńgɔɔn yɔ́b pɔ́ pú’u.

Matio 26:75

Piɛ leen ńkímte pá’ Yěsô ně ńgɔɔn né yé ngie mênkɔ́’ ge gÿo gwaa tóŋ, mbà ɔ̀ moŋé wɔ̀ɔn ngʉ̀a ntá, éfó tetʉ́a ńkẅɛ, ḿbú ńdʉa tɛ’.

Malékuse 10:33

Pi cwoŋo ńjú’ mboŋó, pege ee mánzsè ńne ḿbʉʉ nê Yerósalem pá’ɔɔn, é kúu wó, mé sẅiŋe *Míŋ Nyìŋ mbwo *metándá pànùŋe pwɔ́’ pâ *pàkyàgte lepʉ̌ Mǒsê, pɔ́ ŋaga yé, ńzáb pá’ à ge kwé, é leen náa yé mbwo pʉ̀a túmo ndyɛ̀’ɛ.

Malékuse 8:38

Nyìŋ lɔɔn ńkú shʉ́ légwɔ́ wɔ̀ɔn nyìŋ, mbɔɔ léshwóŋó nò yɔ́ɔn mbwo pʉ̀a pɔɔn pie ée tsɛ̀ɛ njyó fʉ̀’ɔɔn, ńgwɔ́ ngẅɛ̀ pʉ̀a tepòŋ lɔɔn, ńgwɔ́ pàtè zsě Ssé, mbà *Míŋ Nyìŋ ge lá’ gíŋe kú ye shʉ́ lélɔgɔ yé ńgÿo we nyìŋ, afʉ̀’ gie à ge lá’ piŋ nzèm tsɛ̀ɛ legú’ we Tá we, pâ *mecÿɔ́’ Ssé gwɔ́.

Lukase 12:9

Tá ńké ńgwɔ́ gie nyìŋ tyé mvfò lá’, ńgɔɔn ngie: Mèŋ n tè nyìŋ Yěsô wɔ́, mbà *Míŋ Nyìŋ ge leen ké lá’ tyé mvfò *mecÿɔ́’ Ssé é gɔɔn yé ngie: Nyìŋ wɛ à tè wɔ̀ɔn nyìŋ wɔ́.

Lukase 22:29

Áa yɛ̌ tá, ndʉŋ ndʉŋ pá’ Tá wɔ̀ɔn léen ńná lefùɔ né mèŋ la, n ge lá’ ná sí lefùɔ.

Lukase 22:30

Afʉ̀’ gie mèŋ n ge gwɔ́ Fùɔ la, pege tem shúm ḿpfɛ́, ńnú, pi piŋ ńnéŋe nà melʉŋe lefùɔ, ńŋag ngẅɛ̀ ndá Israel ntsɔ̀b pʉ́a nê legém.

Lukase 9:26

Nyìŋ lɔɔn ńkú shʉ́ légwɔ́ wɔ̀ɔn nyìŋ, mbɔɔ léshwóŋó nò yɔ́ɔn, mbà *Míŋ Nyìŋ ge lá’ kú shʉ́ lélɔgɔ yé ńgÿo we nyìŋ á fʉ̀’ gie à ge lá’ piŋ nzèm lê legú’ we gẅie aa we Ssé tà mbɔɔ mecÿɔ́’ pé.

Megàŋ ntúm 14:22

ńgiŋe ńtóonte ntʉ́m pʉ̀a Kristo ngie tà pɔ́ kʉ́a ná lézáb ntʉ́m nà Yěsô, ńne ńgɔɔn né pɔ́b ngie: Á ne ńzɛ́te ngie pâ pɔ̌ cʉa tsɛ̀ɛ ngʉ̀ngʉ̀ tà ńgyɔ́ɔn tá ńkúu tsɛ̀ɛ *lefùɔ Ssé.

Roma 5:17

pá’ tà’ nyìŋ mesoŋ wémɔ’ɔ́ la fʉa nò, legwé fó nà yé ńgẅiin nyìŋ mesoŋ pɔ́ tè vʉ’ʉ tsɔ̌, tá’ wetsɔ̌ nyìŋ gẅie àa Yěsô Kristo, à yé fà’ gwɔ́ ndyɛ̀’ɛ. Epʉ̀a pie e Ssé tsɔ́ɔn mezìŋe mɔ́b tɛ’ ńcÿó gem yɔ́b, à cʉ̌’ ńdíe wɔ́b pɔ́ gwɔ́ pɔ́ ndʉŋ ndʉŋ mvfò ye. Pɔ́ ge cʉa nà Yěsô é gwɔ́ wó, e piŋ gwɔ́ pá’ mefùɔ la é tíi Kristo.

Roma 8:17

Pá’ pege ee púɔ Ssé la, pege ge lá’ gẅiin yégè mmó nà fù’ gie e Ssé la ka’a mbwo pʉ̀a pé, ńdɔgɔ ńgẅiin yégè mmó nà shúm Ssé, pega Kristo lɔgɔ ḿbú ńgẅiin. Pá’ pege ne ńzẅíŋe légyá ngɔ́’ pá’ à la zẅíŋ yé la, pega pɔ̌ ge gÿo gíŋe púte gwɔ́ tsɛ̀ɛ legú’ we.

Filipo 1:28

Megàŋ mbù lɔɔn ḿvege gẅi tà pi cÿɔ’. Pi lɔɔn tè cÿɔ’, mbà á ge gwɔ́ mbwo pɔ́b, é gwɔ́ liŋé ngie pɔ́ ée ná mánzsè lepyé, tá’ é ké gwɔ́ mbwo pi é gwɔ́ liŋé ngie pi ée nà mánzsè letsẅɛ́. E Ssé zɔ gÿo mɔɔn menò.

1 Timote 5:8

Á gʉa nà gubé mepfɔ̌g, mbà nyìŋ wɔb lɔɔn ńgwá’ pʉ̀a tsìŋe ndá yɔ́b, mé gɔɔn pʉ̀a pie pâ pɔ̌ tsẅé, mbà à lɔgɔ pú’u, ńdʉ’ʉ nò Yěsô gie pege zẅíŋe. Angàŋ lɔgɔ pú’u, ḿbú ḿbÿɔ́gɔ ńcʉa nyìŋ gẅie à kaa záb ntʉ́m wé ná Yěsô wɔ́.

Jẅide 1:4

Mèŋ n gɔɔn pá’ɔɔn nue tsɔ́ pʉ̀a kéen ńzɔɔn shú ńkúu tsetsɛ̀ɛ pi, pɔ́ ne sele shÿó nò mbòŋo gie e Ssé yege la lɔg ńcÿó gʉm yégè, pú’u lépʉ́le ńgÿo menò shʉ́ mɔ́b. Pɔ́ lɔgɔ pú’u, ḿmoŋe Yěsô Kristo, á gwɔ́ ndà’ Ndè wege, yé gíle yé zɔ gẅiin wégè. Pɔ́ ée pʉ̀a tepòŋ, ńgwɔ́ pʉ̀a pie ntyě sǎg pá’ ŋwà’ne Ssé la lá’ ńgɔɔn ntí ngʉ̀ngʉ̀ gie e ku’u ná pɔ́b.

Ŋwà’ne Ngyà jʉ’ 1:6

À la lɔgɔ wégè ńgÿo pʉ̀a pie ée tsɛ̀ɛ nò *lefùɔ Ssé, ńgíŋe ńdɔgɔ wégè ńgÿo pànuŋe pwɔ́’ pá’ pege ge fa’a mbwo Tá we Ssé. Legú’ mbɔɔ metʉ̀ e lá’a ńgwɔ́ pɔ́ mbwo yé Yěsô Kristo á nà ngù’ nkɔ́ɔn nê nkɔ̌ɔn. *Amen

Ŋwà’ne Ngyà jʉ’ 1:9

Àa mèŋ Jâŋ, fɛ́ gẅi, ńcʉa ná pá’ pege la nnɛ́ ná Yěsô. Pege pǔ ńne ńgyá ngɔ́’, ḿbú ńgwɔ́ tsɛ̀ɛ nò *lefùɔ Ssé, ḿbiŋ ńgíŋ ńne ńdɔgɔ kwɔ́gɔ nnɛ́ ńzẅí’te Yěsô. Mé la gʉa Patmos, á gwɔ́ lá’ gie ntse la kéle ńnéŋe soŋ, ńnyé wɔ̀ɔn, mélà’ mie mèŋ shwóŋó nò Ssé ḿbiŋ ńkú’te mmó gie Yěsô Kristo ka gÿo mé zsé.

Ŋwà’ne Ngyà jʉ’ 2:13

Mèŋ n ne ńzsé jʉ’ gie pi ńnéŋe wó. Alʉ̀ŋe lefùɔ Sátà tyé jʉ’ó tá’, n ké ńne ńzsé ngie pi cwoŋó ńcʉŋe pɔ́ ná mèŋ. Pi laa nyé lézáb ntʉ́m ná mèŋ wɔ́, tà mbɔɔ ná melyɛ̌’ mie mé la zẅé Antipas á mbʉ̀a pi, á nà jʉ’ gie Sátà ńnéŋe wó. Antipas laa nyìŋ ńgɔɔn yé pɔ́ ndà’ nò gie à zsě ná mèŋ.

Ŋwà’ne Ngyà jʉ’ 20:4

N gíŋe ńgyá melʉŋe lefùɔ tyéte. Epʉ̀a tó ńnéŋe mǒ. Mé ná metʉ̀ mbwo pɔ́b lélɔg ńtsɔ́’te ntsaŋ. Mèŋ n gyá mbɔɔ mentʉ́m pʉ̀a pie mé la gwoonte wɔ́b ńzá’ twó sɔ́b, ńtí pá’ pɔ́ zsé yɔ́b pɔ́ ndà’ nò gie Yěsô ka gÿo mé zsé, mbɔɔ nò Ssé. Mbà pɔ́ ka tè gu’te nkʉ̀’ʉ nɔ̀ɔn wɔ́, ńké tè tútú we gu’te, aliŋé nɔ̀ɔn ŋwɛ́ piŋ tè na zí yɔ́b kà nà pwó yɔ́b wɔ́. Pɔ́ fó lá’ mepfó ḿbiŋ nzèm, ńgíŋ ńgwɔ́ wó, pâ Kristo púte sá’ njÿó nà ngù’ ntsá’. Á lɔgɔ ńgwɔ́ ndùŋ mvfò *lezimé nà legwé.

Ŋwà’ne Ngyà jʉ’ 20:6

Pàshÿó mbòŋo, ée pʉ̀a pie é ge zíme nà legwé ná ndùŋ mvfò lezím, ée pʉ̀a pie ée kwà’ pe Ssé. Legwé we mbɔ́ɔntè yépʉ́a tè gíŋe ńku’u lé kíbe wɔ́b gwɔ́. Pɔ́ ge gÿo gwɔ́ pànuŋe pwɔ̀’ pe Ssé, mbɔɔ pe Kristo, pâ Kristo sá’ jÿó nà ngù’ ntsá’.

Ŋwà’ne Ngyà jʉ’ 3:10

Pá’ pi ka kú’te shwóŋè yɔ́ɔn tà pi tè kʉ́a la, mèŋ yɔ́ɔn n ge gÿo tÿɔ́’te gẅi nà fʉ̀’ gie ngɔ́’ ge gÿo tóo tsɛ̀ɛ yɔɔn njÿó ntsèm, é lʉŋte pʉ̀a mesoŋ pie ée ndùmo ssé tsetsá’.

Ŋwà’ne Ngyà jʉ’ 3:21

Á ge gÿo gʉa ná nyìŋ gẅie à lÿɔ̌’ ncù tà ńcʉa nò tepòŋ, mèŋ n zẅíŋ à ńnéŋe nà lʉŋe lefùɔ á ngʉ̀ŋe yɔ́ɔn, pá’ mèŋ yɔ́ɔn n da lÿɔ́’ ncù tà ńcʉa nò tepòŋ, Tá wɔ̀ɔn zẅíŋ mèŋ n ńnéŋe ná lʉŋe lefùɔ á ngʉ̀ŋe yé la.

Ŋwà’ne Ngyà jʉ’ 3:8

Mèŋ n ne ńzsé mefà’ mí, ńne ńzsé ngie pi tè mbòŋ metʉ̀ gẅiin tá mbà pi ka kě ńkú’te shwóŋè yɔ́ɔn tà pi tè wɔ̀ɔn moŋe. À yɛ, mbà mèŋ n tsɔ̌’ ncwò ndá ńná né pi. Atsɔ̌ nyìŋ gẅie à piŋ ńku’u léjÿɔ́’ à tè wó wɔ́.

Ŋwà’ne Ngyà jʉ’ 5:10

Ɔ̀ la lɔgɔ wɔ́b ńgÿo pʉ̀a pie ée tsɛ̀ɛ nò *lefùɔ Ssé, ńgíŋe ńdɔgɔ wɔ́b ńgÿo pànuŋe pwɔ́’ pá’ pɔ́ ge fa’a mbwo Ssé yege. Mbɔɔ pá’ pɔ́ ge gÿo sá’ pʉ̀a ndùmo ssé tsetsá’.