2 Timote 2:11 - Nouveau Testament en Ngienboum

¹¹ Menò mie mèŋ n gee ngɔ̌ɔn lɔɔn ée jʉ’ó ńgwɔ́ pú’u. Á lɔɔn ńgwɔ́ gie pege lâ Kristo la púte ńkwé, mbà pege lâ pɔ̌ ge gÿo púte gwɔ́ wó.

2 Timote 2:11 ပူးပေါင်းရင်းမြစ်များ

Ŋwà’ne Jâŋ 14:19

Á cʉ́’ pɔ́ méjʉ’, pʉ̀a njÿó le gíŋ ńgyá wɔ̀ɔn mɔ́, tá ńgʉa ná pi, pi ne ńgyá wɔ̀ɔn gyǎ, mélà’mie n gwɔ̌ pɔ́ ntentʉ́. Pi gÿo ńgíŋe ńgwɔ́ gí ntentʉ́.

Roma 6:5

Á zɔɔn pá’a, mbà pege la kwé legwé gẅie à sẅé we, ńdɔg pú’u, pega pɔ̌ pumo ná tà’a nò á gíŋe ńgwɔ́ pɔ́ pá’ pega pɔ̌ ge gÿo gíŋe pumo ná lézíme nà legwé.

Roma 6:8

Pá’ pega Kristo la púte ńkwé la, á lɔgɔ ńgwɔ́ ngie pega pɔ̌ ge gÿo é púte gwɔ́ wó.

2 Korento 13:4

Áa nénʉ́ ngie à laa tsɔ́ fʉ̀’, ḿbÿɛ́ pá’ nyìŋ mesoŋ, mé kime yé nà tÿǒ nkǐ. Tá’ à ké ńgwɔ́ fʉ̀’ɔɔn ńgwɔ́ ntentʉ́, é gwɔ́ metʉ̀ Ssé. Peg yég, peg fó ná pá’ peg la nnɛ́ ná yé, ḿbÿɛ́ pá’ à la gwɔ́. Tá’ é ké gÿo lɔg yeg ntí légẅiin gẅí, é nyɛɛ gẅi ngie pega Kristo ee ntentʉ́, é gwɔ́ metʉ̀ Ssé.

2 Korento 4:10

Peg gwɔ́ fʉ̀’ ntsèm ne ńzẅíŋe ngie peg ge kwé ntí legwé gie Yěsô la kwé yɛ̌, pú’u, légwɔ́ gie mé ge gyá ngie le gwɔ́ we Yěsô aa yé soŋ nnɛ́ peg.

1 Tesalonika 4:17

Epʉ̀a pégè pie pɔ́ ge lá’ nyé ntentʉ́, e Ssé pɔ́ɔnte ńkaa wɔ́ba pɔ̌ á nà melɔ́ɔn, pâ pɔ̌ métsèm gʉa ńkẅɛ́te Cʉ̀apʉ̀a wege á tÿǒ. Pâ pɔ̌ lâ Cʉ̀apʉ̀a lá’a ńcʉ́’ʉ ńgwɔ́ pɔ́ lejʉ́ŋ ye.

1 Tesalonika 5:10

À la kwé nà twó ségè, légwɔ́ gie pege lɔɔn fó ńkwé mbɔɔ kwě, kà ńnyé pɔ́ ntentʉ́ wɔ́, mbà pega pɔ́ zɔɔ pú’u, ńgwɔ́.

1 Timote 1:15

Yěsô Kristo la tóo tsɛ̀ɛ njÿó légÿo pʉ̀a tepòŋ tsẅɛ́, yɛ̌ nò áa jʉ’ó ńgwɔ́ pú’u, à lɔɔn ńgwɔ́ nyìŋ záb ntʉ́m wé mǒ ntsèm ntsèm. Mèŋ m biŋ ńgwɔ́ tsetsɛ̀ɛ pʉ̀a tepòŋ ńgwɔ́ ndúm.

1 Timote 3:1

Anò gie n gee ńgɔɔn áa nénʉ́. Nyìŋ lɔɔn ńne ńtsɔ́ɔn légwɔ́ ndìe cú’tè pʉ̀a Kristo, mbà à tsɔ́ɔn fà’ gie á gẅiin mekù’.

Titus 3:8

Menò mɔɔn ée jʉ’ó ńgwɔ́ pú’u. M bíŋ ne ńkwoŋo ngie ɔ̀ cwoŋo shwóŋó wɔ́b mboŋó, ńzsé ngie pʉ̀a pie é zǎb ntʉ́m nà Ssé pɔ́ ge kag tʉ̀ légÿo menò mbòŋo lékwɔgɔ nnɛ́, à gwɔ́ pú’u, ńgwɔ́ mboŋó, ḿbiŋ ńgwɔ́ mmó gie á kẅéte pʉ̀a mesoŋ.