2 Timote 1:9 - Nouveau Testament en Ngienboum

⁹ À la gÿo pege tsẅɛ́, éfaga wégè ńdɔg ńgÿo pʉ̀a pé. À lɔ̌ɔn těen ńgÿo pú’u, éfóo pɔ́ nà mefà’ mbòŋo mie pege fǎ’ wɔ́, à la cÿó pɔ́ gʉme yégè. Pú’u, mbà njÿó la nyé pɔ́ tè gwɔ̌ wó, kwà’ yé zɔ̌ záb ngie à ge gÿo lɔgɔ Yěsô Kristo, é gÿo pú’u, ná pege.

2 Timote 1:9 ပူးပေါင်းရင်းမြစ်များ

Matio 1:21

À ge táa zyé múɔ mbàŋa, ɔ̀ tsẅi lezíŋ sé lê Yěsô, ńdɔgɔ ńgɔɔn ngie: Ssé ge gÿo mé tsẅɛ́, é tóŋo yé pú’u, mélà’mie yé zɔ ge gÿo pʉ̀a lá’ pɔ́b tsẅɛ́ ndòon menò tepòŋ mɔ́b

Lukase 10:21

Yěsô ne ńgɔɔn yɔɔn nò, à Zẅìge Ndʉalʉ̌a gÿo letʉ́m sé pú ńkág tɛ’, á lêen ńké ńgɔɔn ngie: Tá wɔ̀ɔn, Cʉ̀apʉ̀a, gù gẅie ɔ̀ sá’a tÿǒ lepwó mbɔɔ tsetsá’. Mèŋ sǐe gú pá’ ɔ̀ kéen ńnyɛ mɔɔn menò mbwo mecʉ̀cʉ̀ŋ, ńdÿoon mbwo megye pâ pʉ̀a pie é la zí’i. Oon mè Tá wɔ̀ɔn, ɔ̀ la gyá ngie ɔ̀ ge gÿo yɔɔn nò pɔ́ pú’u.

Ŋwà’ne Jâŋ 17:24

Tá wɔ̀ɔn, ɔ̀ la náa wɔ́b né mèŋ. Mèŋ m biŋ ne ńkwoŋo ngie pɔ́ gwɔ́ jʉ’ gie mèŋ n gee ne wó, ńgyá wɔ̀ɔn legú’, á legú’ gẅie ɔ̀ la náa mbwo mèŋ, á nue ɔ̀ la kwoŋo wɔ̀ɔn tà fó ńnyé pɔ́ tè nyɛte njÿó.

Ŋwà’ne Jâŋ 17:9

Mèŋ n gee pá’ɔɔn ésẅíŋte gú nà twó sɔ́b, mèŋ n těen sẅíŋte gú nà twó pʉ̀a tsɛ̀ɛ njÿó wɔ́, mèŋ sẅíŋte gú pɔ́ nà twó pʉ̀a pie ɔ̀ la náa mbwo mèŋ, pɔ́ ée kwà’ pʉ̀a pú.

Ŋwà’ne Jâŋ 6:37

Awɔ̌wɔ́ɔ gẅie Tá wɔ̀ɔn nǎ mbwo mèŋ wɔ́, à ge tó tsɛ́ɛ wɔ̀ɔn. M biŋ ńké le lá’a tsɔ́ lyɛ̌’ ńkẅile nyìŋ gẅie à tǒ ńtsɛ́ɛ wɔ̀ɔn, ńnáa pǐ wɔ́.

Megàŋ ntúm 15:18

É gwɔ́ menò mie aa ńzsé zsě.

Megàŋ ntúm 2:47

Pɔ́ lɔ́ɔn ńgu’te Ssé tɛ’. Alá’a ntsèm kwoŋ yɔ́b ntí leńnéŋe. Á gwɔ́ lyɛ̌’ ntsèm, Cʉ̀apʉ̀a ně ńdɔgɔ pʉ̀a pie à gyǒ pɔ́ tsẅɛ́, ńdɔgɔ ńkẅi’i nùɔ yɔ́b.

Roma 11:14

Méŋ n ké ńgwɔ́ ne fa’a tsetsɛ̀ɛ pi, ńne ńtsɔ́ɔn ngie mefɛ́ pɔ́ɔn pà Yuda gyá mefà’ Ssé ná pi lóŋ wɔb kwɔ́’, ńzsé ngie n ge gÿo e Ssé fó mǒ ńgÿo etsɔ́ ntá’ tsetsɛ̀ɛ pɔ́b tsẅɛ́.

Roma 11:29

Áa pú’u, nue e Ssé tè lɔgɔ mmó ńcÿó gem nyìŋ ńgíŋe ńkẅé wɔ́, ńké tè gɔɔn ngie à toŋó nyìŋ ḿbiŋ ńkúbe nò gie à gɔ̌ɔn wɔ́.

Roma 16:25

Pege gu’te Ssé. Yé zɔ ku’u légÿo pi tʉte tʉte nzèm yé. Nkʉ̀ Mbòŋo gẅie mèŋ n tsẅii é gɔɔn nò ná Yěsô Kristo, é ge ne fa’a yɛ̌ fà’. E Ssé lɔgɔ wɔɔn Nkʉ̀ Mbòŋo, ńnyɛɛ mmó gie à la zába ná Kristo, mbà á ka zɔ̌ɔn ńgwɔ́ pɔ́ lelyěen tà fó taa mángù’.

Roma 3:20

Áa pá’ɔɔn nue nyìŋ tè lá’ lɔg pá’ à gɔɔn ngie à gÿo mmó gie *lepʉ̌ ne ńzɛ́te, étyé mvfò Ssé é gwɔ́ ndʉŋ ndʉŋ wɔ́. Afa’a *lepʉ̌ zɔɔn ńgwɔ́ lényɛ pʉ̀a mesoŋ ngie pɔ́ zsé ngie pɔ́ gyǒ nò tepòŋ.

Roma 9:11

E Ssé la gɔɔn mbwo Rebéka ngie, mvfò múɔ ge gÿo fa’a mbwo nzèm. E Ssé la gwɔ́ gɔɔn pá’ɔɔn, má wɔ́b nyé pɔ́ shwòŋ pɔ́b, mbà à kaa zyé wɔ́b tà pɔ́ zsé nò mbòŋo kà ye tepòŋ wɔ́ wɔ́. E Ssé la gÿo pá’ɔɔn lélɔg ńnyɛ ngie à ńnéŋe ńgÿo pɔ́ mmó gie yé Ssé ne ńkwoŋo. À gwɔ́ gʉa nùɔ pʉ̀a é tsɔ́’ɔ nyìŋ we, à tè fó pɔ́ nà nò mbòŋo gie ngàŋ gÿǒ wɔ́.

Roma 9:24

Pɛ̌ pʉ̀a lɔgɔ ńgwɔ́ pɔ́ wégè wɔɔn, á wégè gẅie à tsɔ’ɔ́ nùɔ pà Yuda mbɔɔ nùɔ pʉ̀a pie é té pà Yuda wɔ́.

1 Korento 1:18

Mé zɔ́ɔn ńgɔɔn nò nà legwé Kristo nà tÿǒ nkǐ á gwɔ́ mbwo pʉ̀a pie pɔ́ ée nà mánzsè lepyé ńgwɔ́ pɔ́ nò ngàŋ lejÿɔ́g, tá ńké ńgʉa nà pege pie pege ee nà mánzsè letsẅɛ́, yɛ̌ nò gwɔ́ mbwó pege ńda’te pɔ́ metʉ̀ Ssé.

Efeso 1:11

Peg la zẅɛ́’ pɔ́ pá’ peg lǎ nnɛ́ ná Kristo, tá ńgẅiin yég jʉ’ tsetsɛ̀ɛ pʉ̀a pie à gÿǒ pɔ́ tsẅɛ́, á nue e Ssé la tʉ́ njÿó ńtsɔ́’ɔ wég. Á gwɔ́ pá’ a la záb. E Ssé piŋ ńgÿo kɔ̀ɔkɔ́ɔ pɔ́ pá’ à la záb ngie à ge gÿo pú’u.

Efeso 1:9

Áa yɛ̌ tá pege zsé mmó gie à la záb, mbà á la zɔɔn ńgwɔ́ pɔ́ lelyěen. Yɛ̌ mmó gwɔ́ gie à la tʉ́ njÿó, á poŋo yé poŋ, á záb ngie à ge lá’ lɔgɔ Kristo é gÿo à pumte,

Efeso 2:5

á gÿo pega Kristo pú ńgíŋe ńgwɔ́ wó, tà mbɔɔ pá’ pege laa mbwo ye tsɔ́ fʉ̀’, mbà pege léen ńkwé ńtí mefʉ̀a mégè. À la lɔg pɔ́ pòŋo ntʉ́m yé ńgÿo pege tsẅɛ́.

Efeso 3:11

E Ssé ka gÿo pá’ɔɔn á lɔgɔ ḿbumte ná mmó gie à la záb tà ńnyé pɔ́ tè nyɛte njÿó, ńgie à ge lá’ fó ná Cʉ̀apʉ̀a wege Yěsô Kristo, é gÿo yɛ̌ mmó.

Filipo 3:14

Mèŋ n gee mánzsè ńtsaa pɔ́ ndʉ̌ lékúu jʉ’ gie n gee wó ńkẅé ntsɔ’ɔ́ fà’ gẅie e Ssé la ka’ lénáa mbwo pege á tÿǒ lepwó ńtí nò gie Kristo la kwé nà twó ségè.

1 Tesalonika 4:7

E Ssé la zɔɔn tè tóŋo wégè ngie pege gÿo menò mie é gẅiin ncÿǒ wɔ́, à la tóŋo wégè ngie pege gẅiin pɔ́ mà gẅie aa we pʉ̀a pé.

1 Timote 1:1

Yɔɔn ŋwà’ne áa ŋwe’e mèŋ Pɔl, ngàŋ ntúm Yěsô Kristo. Mèŋ n gee ngàŋ ntúm Yěsô á nue e Ssé pɔ́ Yěsô la tsẅi ngie mèŋ n gwɔ́ wɛ̌. Yé Ssé zɔ gÿo pege tsẅɛ́ɛ, Yěsô Kristo ne ńgÿo yé ngie kɔ̀ɔkɔ́ɔ gie pege ne ńzwí’te mbwo Ssé à pumte.

2 Timote 1:1

Yɔɔn ŋwà’ne fóo mbwo mèŋ Pɔl, ngàŋ ntúm Yěsô Kristo, mbà Ssé zɔ la kwoŋ ngie n gwɔ́ wɛ̌. Ayɔ́ɔn fà’ gwɔ́ légʉa ńgɔɔn nò ná le gwɔ́ gẅie e Ssé la ka’ ngie pʉ̀a mesoŋ ge gẅiin é zẅɛ́’ɛ Yěsô Kristo.

Titus 1:2

Pú’u mé ńnéŋe ne ńzẅí’te légwɔ́ tèmì gẅie e Ssé la lá’ ńnyé pɔ́ tè pú’ ngwòŋ, ńka’a mbwo pʉ̀a pé. Mé zsé ngie àa těen ńgɔɔn nò mé fa’a kékáŋ wɔ́.

Heber 3:1

Pú’u la, mbà mefɛ́ pɔ́ɔn pʉ̀a kristo, e Ssé yé máŋwɛ́ zɔ ka tóŋo gẅi nà nò yé, àwɔ̌ɔwɔɔ tóo ná yé mmó. Pi sáŋa nò ná nyìŋ gẅie Yěsô aa wɛ̌, aa yé gẅie e Ssé la túmo yé ngie à gwɔ́ wege *nùŋe pwɔ́’ we lÿò ná nò Ssé gie pege tyé mǒ.

1 Piɛ 1:20

E Ssé la mvɔg ńtsɔ́’ɔ yé ná yɛ̌ nò, tá ńnyɛte njÿó. À kéen ńgʉa ná yɔɔn fʉ̀’ gie á lɔgɔ ńzsote, ńtÿɔ́gɔ yé mangyɛ̌ ńtí gẅí.

1 Piɛ 2:9

Tá ńgʉa ná pi, mbà pi ee ngẅɛ̀ pʉ̀a pie Ssé la kaŋ, ńgwɔ́ pànuŋe pwɔ́’ fùɔ ndÿò, ńgwɔ́ lá’ gie áa yé, ńgwɔ́ pʉ̀a pie à la cwoŋo wɔ́b é gwɔ́ pé, pá’ pɔ́ ge gʉa shwóŋ memáa menò mie à la gÿo, yé gẅie à la fó tsɛ̀ɛ nzěm ńkẅile gẅí, ńnéŋe gẅi nà jʉ’ʉ fɔ̌g gie kyɛ̀’ɛ mbòŋo yé áa wó.

Ŋwà’ne Ngyà jʉ’ 13:8

Pʉ̀a metsèm pie ée ndùmo ssé tsetsá’ ge gÿo kẅí’te mvfò yé, é gu’te yé. Mé gɔɔn ngwòŋ pʉ̀a metsèm pie mé la tè ŋwe’e lezíŋ sɔ́b á tsɛ̀ɛ ŋwà’ne le gwɔ́ wó, tà fó fʉ̀’ gie njÿó la zye wɔ́. Aŋwà’ne ŋwɛ́ áa ye mûɔ *Njʉ̀njÿò gẅie mé la zẅé yé.

Ŋwà’ne Ngyà jʉ’ 17:8

Nɔ̀ɔn gẅie ɔ̀ gyǎ lɛ, à laa wó, tá’ à ké ńcʉ́’ʉ wó wɔ́. À ge gÿo gíŋe gwɔ́ wó, éfóo tsɛ̀ɛ pÿé té lǎŋ kwɔ́’ gʉa lé jʉ’ gie à ge kúu wó é kúu pyé. Epʉ̀a pie ée ndùmo ssé tsetsá’, mbà mé la tè ŋwe’e lezíŋ sɔ́b tsɛ̀ɛ ŋwà’ne gie á gÿo mé gwɔ́ wó, tà fó fʉ̀’ gie mé la nuŋe njÿó wɔ́, pɔ́ ge gÿo gyá nɔ̀ɔn ŋwɛ́ é mɔɔn tɛ’. Á nue à laa wó, à tè gíŋe ńgwɔ́ wó wɔ́, é ké gÿo gíŋe kẅɛ.