2 Timote 1:7 - Nouveau Testament en Ngienboum

⁷ A Zẅìge gie Ssé ka zɔɔn ńná né pege á té gie á gÿo pege nẅíin nẅǐin wɔ́. Tà ńcʉ́’ pú’u, mbà Zẅìge yé néŋ pɔ́ metʉ̀ ná pege tɛ’, ńgÿo pege kwoŋ pʉ̀a mesoŋ tɛ’, ḿbiŋ ńkú’te mbùm yege mboŋó.

2 Timote 1:7 ပူးပေါင်းရင်းမြစ်များ

Lukase 10:19

Pi jú’, mèŋ n ka gwaa túmo gẅi pá’a, ńnáa gẅi métʉ̀ lélɔg neŋte membɔ́ɔn pâ pàmangɔ̂ɔn ssé, ńgíŋ ńnáa gẅi metʉ̀ lélɔg ńcʉa Sátà, ngàŋ mbù tà tsɔ́ mmó le gẅi gÿo.

Lukase 15:17

Á ńnéŋe tà ńkwaŋte ntʉ́m yé ngie: Ngàŋa fà’ tá wɔ̀ɔn ée mbʉ̀a ńjÿó shúm tà ńgwá’a tsɔ́, n gwɔ́ jʉ’ɔɔn ńkwé nzyè lá!

Lukase 24:49

Pi zsé ngie mèŋ n ge tó túmo mmó gie Tá wɔ̀ɔn la ka’a lénáa mbwo pi. Pi ké ńzẅí’te pɔ́ tÿǒsoŋ tà ńkúu fʉ̀’ gie metʉ̀ Ssé é ge fó tyǒ lepwó ésẅɛ̌’ kúu ná pi.

Lukase 8:35

Alá’ jú’, ḿbú ńkẅɛ, ńtóo légyá yɔɔn nò, ńgʉa tà ńkúu jʉ’ gie Yěsô laa wó, ńgyá nyìŋ gẅie *messé tepòŋ ně ńkẅɛɛ ná yé lá ńnéŋe lejʉ́ŋ Yěsô, mbà à zeŋé, legye sé piŋ tà á ma’ nzsǒ. Pɔ́ gyá pú’u, ḿbú ńcÿɔ’.

Ŋwà’ne Jâŋ 14:27

Tà pi cʉ́’ nzèm ntʉ́m gẅi gíŋe ḿvɛ, tà pi cÿɔ’. Mèŋ n ge néŋ mbʉ́lè tsɛ̀ɛ ntʉ́m gẅí, e gwɔ́ mbʉ́lè gie e fóo ná mèŋ, e tè gie mé fa’a tsɛ̀ɛ yɔɔn njyó wɔ́.

Megàŋ ntúm 1:8

!Pi zsé pɔ́ ndà’ ngie à Zẅìge Ssé ge gÿo tóo ná pi, é náa gẅi metʉ̀. Pi lɔg ńku’u léshwóŋó kɔ̀ɔkɔ́ɔ gie pi zsé nà mèŋ! E zyé Yerósalem éshwóŋ shwóŋ maga Jẅidea. E piŋ fó Samalîɛ, éshwóŋ shwóŋ kúu jʉ’ gie tsetsá’ zsote wó.

Megàŋ ntúm 10:38

Pi giŋé ne ńzsé ngie e Ssé la ná metʉ̀ Zẅìge Ndʉalʉ̌a ne Yěsô mûɔ Nǎzarɛd ńdɔgɔ pú’u, ńzɔ́’ɔ yé, ḿbiŋ ne ńtÿɔ́’te yé. Á gʉa jʉ’ ntsèm, ńne ńgÿo menò mbòŋo, ńne ńkẅé pʉ̀a metsèm pie pɔ́ laa megàŋa tsǎŋ nà mbwó Sátà.

Megàŋ ntúm 20:24

Tá á gʉa ná mèŋ, mbà wɔ̀ɔn le gwɔ́ tè séen ńgwɔ́ pɔ́ mmó ntʉ̀ nzẅìŋ mbwo mèŋ wɔ́. Ammó gie mèŋ n ne ńtsɔ́ɔn, á gwɔ́ pɔ́ ngie, mèŋ fa’a fà’ gie mé nǎ mbwó mèŋ tà ḿmag. Á gwɔ́ légÿo ńgÿo kɔ̀ɔkɔ́ɔ wɔ́ gie Cʉ̀apʉ̀a Yěsô ka tsẅi ngie mèŋ n gÿo. Mèŋ n gɔɔn légʉa ńtsẅi nkʉ̀ mbòŋo mbwo pʉ̀a mesoŋ lélɔg shwóŋó wɔ́b pá’ e Ssé fó ná Yěsô ńcÿó gem pʉ̀a pú’u.

Megàŋ ntúm 21:13

Tá Pɔl tsɔ́’ ngie: Pi lɔgɔ lelʉa ńdɔgɔ ḿvege wɔ̀ɔn mélà’a kɔ́. N tyé pá’ɔɔn, mbà mèŋ n taŋté mbùm yɔɔn tà ńgwɔ́ gie mé lɔɔn ńkúu Yerósalem, ńkwɛ́ɛ wɔ̀ɔn kwɛ́, ńzẅé wɔ̀ɔn zẅé ńtí Ndè wege Yěsô n de lʉ’.

Megàŋ ntúm 26:11

N da ne ńtɔ́gɔ tsɛ̀ɛ *mendá cú’tè pà Yuda, ńyɛɛ pʉ̀a Yěsô ngɔ́’. Mèŋ n da ne ńtsóte wɔ́b ngie pɔ́ zoonte lezíŋ Yěsô. N da pú ḿbʉa wɔ́b pʉa tà ńgee mbɔɔ tsɛ̀ɛ metÿǒsoŋ lá’a ndyɛ̀’ɛ, éfa’a wɔ́b, ńnyɛɛ wɔ́b ngɔ́’.

Megàŋ ntúm 26:25

Pɔl tsɔ́’ ngie: A Ndè, mèŋ n tè pʉa wɔ́. Menò mie mèŋ n gɔɔn ée jʉ’ó ńgwɔ́ pú’u. Mbà mèŋ n zɔ̌ɔn ńkwaŋ, tá ńgɔɔn.

Megàŋ ntúm 6:8

Etien gẅie mé la tsɔ́’ɔ yé la, à laa nyìŋ, mbà Ssé la tsẅagte pwó yé, ńně náa yé metʉ̀. Á lɔgɔ ńgÿo menkʉ̀’ʉ menò lâ menò mmɔɔn mmɔɔn tsetsɛ̀ɛ pʉ̀a.

Megàŋ ntúm 9:22

Sɔ̂l ké ńnyɛte ńgɔɔn nò pɔ́ tè pɔ́g. Ńcwoŋo ńda’te mbwo pà Yuda pie pɔ́ ée Ndamas ngie Yěsô aa *Nzà’nkÿo, ńgÿo pú’u, pɔ́ té gíŋe ńzsé tsɔ́ nò gie pɔ́ ge gɔɔn mbwo yé wɔ́.

Roma 5:5

Pege kě těen ńzẅí’te pú’u, pɔ́ jʉ’e sẅɛ̀ɛ wɔ́, á nue Ssé kéen fó nà Zẅìge yé gie à ka nǎ né pege, ńnyɛɛ wege pá’ɔɔn tɛ’ ngie à kwoŋo wégè.

Roma 8:15

A Zẅìge gie mé la ńnéŋe ná pi, zɔɔn tè Zẅìge gie á ge gÿo pi gíŋe ńgwɔ́ pɔ́ menkwɔɔn pie pɔ́ ge ne cÿɔ’ɔ cÿɔ’ wɔ́. Á gwɔ́ pɔ́ Zẅìge gie á ge gÿo pi cʉ́’ púɔ Ssé. Pege piŋ ńzẅɛ́’ɛ yɛ̌ Zẅìge, ńtóŋo yé lê Abba; á gwɔ́ ngie Tɔ̌ɔnmé.

1 Korento 2:4

Ashwóŋè gie á lɔ̌ɔn ńkẅɛɛ ncwò mèŋ, mbɔɔ nò Kristo gie n da ne sá’a mbwo pi, lɔ́ɔn tě ńnyɛɛ zsé nò nyìŋ mesoŋ gie mé lɔg ńgÿo nyìŋ zẅíŋe nò wɔ́. Metʉ̀ Zẅìge Ssé zɔ̌ la ne ńgÿo epʉ̀a gyá ngie áa nò nénʉ́.

Galatia 5:22

Tá’, menò mbòŋo mie Zẅìge Ndʉalʉ̌a gÿo nyìŋ gÿo é mɔɔn ńgwɔ́ légẅiin nkwòŋe, ńgwɔ́ léńnéŋe nê lekág, ńgwɔ́ léńnéŋe lésẅete, ńgwɔ́ légẅiin kwɔ́gɔ nnɛ́, ńgwɔ́ létyé lékẅéte pʉ̀a, ńgwɔ́ légẅiin pòŋo ntʉ́m, ńgwɔ́ léńnéŋe té gwɔ́ ngàŋ mepàb,

Kolosia 1:8

À ka shwoŋó wég ntí nkwòŋe gie Zẅìge Ndʉalʉ̌a ka ńnéŋe ntʉ́m pi.

Heber 2:15

À la táa ńkwé, lélɔg pú’u, éfó tsɛ̀ɛ ndá nkwɔɔn, ńkẅile pʉ̀a metsèm pie tà fó pá’ mé la zyé wɔ́b, pɔ́ ée ńzɔ́gɔ ḿbɔ́gɔ lékwé tà mbà pɔ́ léen ńcʉ́’ ńgwɔ́ mbwo legwé ńgwɔ́ pɔ́ menkwɔɔn pé.

1 Piɛ 1:22

Pi ka lɔgɔ lézẅíŋe nò gie áa nénʉ́, ésɔg ntʉ́m gẅí. Légwɔ́ gie pi ge kwoŋ mefɛ́ pi pie pia pɔ̌ zába ntʉ́m nà Ssé, é kwoŋo wɔ́b tà shwóŋó nò. Pú’u la, pi gẅiin kwà’ nkwòŋe tsetsɛ̀ɛ pi, nyìŋ kwoŋo fɛ́ we lê ntʉ́m we ntsèm.

1 Jâŋ 4:18

Nkwòŋe vɔg tà ńgwɔ́ ssé, ecÿɔ’ mag. Nkwòŋe lɔɔn ńgwɔ́ tà tsɔ́ mmó té mǒ zág, é pyága lecÿɔ’, nyìŋ gwaa cÿɔ̀’, mbà à fʉ̌a nò tà ne ḿbɔ́gɔ. Pú’u la, nyìŋ lɔɔn ńcÿɔ’, mbà á lɔgɔ ńgwɔ́ ngie ammó nyé ńzága ná nkwòŋe gie à gẅiin.