2 Timote 1:6 - Nouveau Testament en Ngienboum

⁶ Áa mmó gie á gÿo mèŋ n ge kẅiŋte gú ngie, ammó gie n ka záb mbwó mɔ́ɔn twó gù, e Ssé cÿó gʉm jú, ɔ̀ ku’u légÿo, tè lɔg ḿma’a kwàŋ.

2 Timote 1:6 ပူးပေါင်းရင်းမြစ်များ

Lukase 19:13

Á gwaa gʉa, ńtóŋ megàŋa fà’ pé legém, ńnáa pàga nkáb gie áa tʉ̀ nzẅìŋ mbwo wɔ̌ɔwɔ́ɔ, ńgɔɔn né pɔ́b ngie: Pi cʉ́’ ńně ńtáŋa nkáb yɛ̂ tà mèŋ n dá’ ḿbiŋ,

Megàŋ ntúm 19:6

Pɔl gwɔ́ tà ńzáb mbwó twó pɔ́b, a Zẅìge Ndʉalʉ̌a kúu ná pɔ́b. Pɔ́ zye léshwóŋó meshwóŋè mie pɔ́ laa zɔɔn ńzí’i wɔ́, ḿbiŋ ne ńtsẅii nkʉ̀ gẅie é fóo mbwo Ssé.

Megàŋ ntúm 6:6

Pɔ́ la tsɔ́’ pʉ̀a pɔɔn, ńdɔgɔ wɔ́b ńtó, ńnyɛɛ mbwo megàŋ ntúm. Megàŋ ntúm sẅíŋte Ssé, ńzáb mbwo twó pɔ́b.

1 Tesalonika 5:19

Tà pi tɔ’ɔ Zẅìge Ssé léfa’a fà’.

1 Timote 4:14

Tè lɔgɔ mmó gie e Ssé la lɔg ńcÿó gʉm jú, ḿma’a kwaŋ. Néŋe ne ńkímte pá’ pàkẅé mvfò tsɛ̀ɛ cú’tè pʉ̀a Kristo la cú’te, ńgwɔ záb mbwó mɔ́b twó gù, ńtsẅi nkʉ̀ gẅie é fóo mbwo Ssé.

1 Timote 4:6

Ɔ̀ ge gwɔ́ kwà’ ngàŋa fà’ Yěsô Kristo, pá’ ɔ̀ lɔɔn ne ńzí’i mefɛ́ mefɛ́ mɔɔn menò zí’i. Á gʉa ná kwà’ gù, anò Yěsô gÿo ɔ̀ cwoŋo ńtʉte pá’ ɔ̀ kě ńkú’te nò gie peg ka záb ntʉ́m mǒ mboŋó mbɔɔ pá’ ɔ̀ ka jú’u nò nénʉ́ gie mé ka zí’i gú lɛ.

2 Timote 2:14

Mɔɔn ée menò mie ɔ̀ gẅiin lékímte mbwo mânyìŋ ntsèm, ńtyé mvfò Ssé éshʉa shʉa shwóŋ pʉ̀a ngie tà pɔ́ gwáa ńtága melà’ ná menò mie mé gɔɔn. Pɔ́ tág melà’ pú’u, é té kẅéte nà tsɔ́ mmó wɔ́, tà ńcʉ́’ pú’u, mbà é cʉŋte pʉ̀a pie pɔ́ jú’u mɛ̌ menò cʉŋte, á nzèm Ssé.

2 Timote 4:2

Ɔ̀ tsẅi nkʉ̀ mbòŋo nò Ssé, ńtyé pɔ́ nzɔ̌ wɔ́ ńcwoŋo ńgɔɔn gɔɔn, kà á gwɔ́ pɔ́ jʉ’ gie mé ee wó ńne ḿbyɛ́bɛ ngie mé gɔɔn wɔ́, kà pɔ́ jʉ’ gie mé té wó ńne ḿbyɛ́bɛ wɔ́ wɔ́, ɔ̀ gɔɔn gɔɔn. Nyìŋ fʉa nò ɔ̀ kaga yé nà ntí gie à ge jú’, ńkẅiŋte yé légÿo nò mbòŋo. Gwáa gÿo pú’u, ńdɔg pɔ́ kwɔ́gɔ nnɛ́ ḿbiŋ ne ńzí’i pʉ̀a mmó.

Heber 6:2

pá’ lezi’í nò nà mekẅé ntse, pá’ lezi’í nò ná lezǎb mbwó twó pʉ̀a, pá’ lezi’í nò ná *lezimé nà legwé mbɔɔ ná pá’ e Ssé ge lá’ tsɔ́’te mentsaŋ é lɔg zsote.

2 Piɛ 1:12

Áa mmó gie á gÿo n ge lá’a zɔ́gɔ kímte gẅi mɔɔn menò kimté tà mbɔɔ pá’ pi ne ńzsé, ḿbiŋ ne ńgiŋe pɔ́ nà nò gie áa nénʉ́ gie mé la shwóŋó gẅí.

2 Piɛ 3:1

Meshǔ pɔ́ɔn pé tʉ̀ nzẅìŋ, mèŋ n gee pá’ɔɔn ńdɔgɔ ńnáa ŋwa’ne mbwo pi ngʉ̀a mbʉ́a. Áa tsɛ̀ɛ meŋwà’ne ŋwɛ́ membʉ́a, mèŋ n ne fa’a lékímte gẅi mmó gie pi la zí’i, ńdɔgɔ pú’u, ḿbʉ́’te legyè sí ngie e kwaŋa nò ndʉŋ ndʉŋ.

Jẅide 1:5

Mèŋ n ne ńkwoŋo lékímte gẅi tsɔ́ nò gie pi cwoŋo ńne ńzsé mboŋó, á gwɔ́ pá’ Cʉ̀apʉ̀a la kẅile pʉ̀a pé pà Israel tsɛ̀ɛ ngwòŋ Egipto tà pɔ́ tsẅɛ́, á gÿo ńgʉa tsetsɛ̀ɛ pɔ́b ńgÿo pʉ̀a pie pɔ́ kaa záb ntʉ́m ná yé wɔ́ kwéte.