2 Timote 1:4 - Nouveau Testament en Ngienboum

⁴ N daa lege pá’ pɔgɔ la gwaa fege ɔ̀ lʉa wɔ́. N ne ńtsɔ́ɔn tɛ́’ pá’ à lɔɔn ńgwɔ́ n gíŋe ńgyá gú, anò poŋo wɔ̀ɔn.

2 Timote 1:4 ပူးပေါင်းရင်းမြစ်များ

Ŋwà’ne Jâŋ 16:22

Áa ndʉŋ ndʉŋ pá’ pi ee fʉ̀’ɔɔn ńne ḿmÿɔgɔ mÿɔg, tá mèŋ n ge gÿo gíŋe gyá gẅí, pi lêen ńké ńcʉ́’ʉ ńkága kǎg. Atsɔ̌ nyìŋ le ku’u lévéle gẅi lekág wɔ́.

Ŋwà’ne Jâŋ 16:24

Tà ńkú fʉ̀’ɔɔn, pi laa zɔɔn ńdɔg lezíŋ sɔ́ɔn ńdúɔ tsɔ́ mmó mbwo Ssé wɔ́. Pi lúɔ à ná né pi, lekág nyɛte ńdúe tsɛ̀ɛ ntʉ́m gẅí.

Megàŋ ntúm 20:19

Mèŋ n ka fa’a fà’ Cʉ̀apʉ̀a té ŋá’té nnɛ́, ńgwaa fa’ ne ńdʉa, ńne ńgyá ngɔ́’, mélà’mie pà Yuda ka ne ńkwoŋo lényɛɛ wɔ̀ɔn ngɔ́’.

Megàŋ ntúm 20:31

Pi pɔ́ɔn légwá’a lÿɔ̀g. Pi kímte ngie n ka lɔg ngù’ tá, á gwɔ́ pɔ́ letsẅɛ́’, ńgwɔ́ pɔ́ zsǒ, mèŋ n ne ńnáa ntÿɔgɔ́ mbwo wɔ̌wɔ́ɔ tsetsɛ̀ɛ pi té kʉ́a. Tà ńgwɔ́ ná, ńne ńdʉa.

Roma 1:11

Á nue n kwà’ ne ńtsɔ́ɔn létó ńgyá gẅí, légwɔ́ gie n ge gÿo Zẅìge Ndʉalʉ̌a cÿó gem gí, mentʉ́m mí kẅi’i ńtʉte. Pi lɔg pú’u ńkẅi’i ńtʉte.

Filipo 1:8

E Ssé ne ńzsé ngie mèŋ n neŋé ńtsɔ́ɔn légyá gẅi tɛ’, ḿbiŋ ńzsé ngie mèŋ n kwoŋo gẅi lê ntʉ́m wɔ̀ɔn ntsèm, ndʉŋ ndʉŋ pá’ Yěsô Kristo.

Filipo 2:26

Kwà’ yé zɔɔn ne ńtsɔ́ɔn tɛ’ légíŋe ńgyá gẅi métsèm, á nue à zsě ngie pi ka jú’u nò guɔ yé, á gege gẅi tɛ’.

1 Tesalonika 2:17

Á gʉa ná peg, mbà mefɛ́, tà fó pá’ pege la fege, tà pege cʉ’ʉ́ ne ńgyáte ná meshÿó wɔ́, tá ńké ńgẅiin pɔ́ tà’ nkwaŋá la, peg fǎ’ meshÿó tɛ’ légíŋe ńtó pege gyáte ná meshÿó, á nue nzyè gi ne ńgyáŋa wég tɛ’.

2 Timote 4:21

Kág tʉ̀ ńtó tá fʉ̀’ʉ fÿɔ́g zye. Eubule, mbɔɔ Pẅideŋ, mbɔɔ Linus, mbɔɔ Kelɔdia ńgÿo petsɔ́ mefɛ́ mefɛ́, pɔ́ tsyɛ’té gú.

2 Timote 4:9

Kag tʉ̀ ńtɔ́g ńtó ńkẅɛ́te wɔ̀ɔn.

1 Jâŋ 1:4

Peg ŋwe’e yɔɔn nò ńnáa mbwo pi, légwɔ́ gie tsɔ́ mmó té ge zága nà weg lekág wɔ́.

Ŋwà’ne Ngyà jʉ’ 21:4

À ge gÿo tsí’i ntse nÿɔ́g mɔ́b ntsèm. Legwé tè gÿo gíŋe gwɔ́ wó wɔ́. Mé le gíŋe ńdʉa legwé wɔ́. Mé le gíŋe ńga’te wɔ́. Mé le gíŋe ńgyá ngɔ́’ wɔ́. Á nue ngwòŋ we nzẅìŋ kéen ḿmag.

Ŋwà’ne Ngyà jʉ’ 7:17

Á nue mûɔ *Njʉ̀njÿò gẅie à tyé tsetsɛ̀ɛ lʉŋe lefùɔ ge gwɔ́ ngàŋa pyɛ́bɛ wɔ́b, é lɔgɔ wɔ́b é gʉa nà meti’í ntse, á jʉ’ gie ntse ge gÿo mé gwɔ́ wó. E Ssé gÿo ḿbú ńtsí’i ntse nÿɔ́g mɔ́b ntsèm.