2 Timote 1:14 - Nouveau Testament en Ngienboum

¹⁴ A Zẅìge Ssé gie áa ná pege kẅéte gú. Ɔ̀ le zẅíŋ nyìŋ gʉa ná nò mbòŋo gie mé la cʉ́me mbwo gù ńkúbe tsɔ́ mmó wɔ́.

2 Timote 1:14 ပူးပေါင်းရင်းမြစ်များ

Lukase 16:11

Pi lɔɔn tè ku’u lépɔ́ɔn shúm se yɔɔn njÿó ye tepòŋ wɔ́, mbà à lɔɔn ńgwɔ́ wɔ̌ cʉ́me kwà’ shúm se tʉ̀ nzẅìŋ mbwo pi?

Ŋwà’ne Jâŋ 14:17

Antàg Nzèm wéwɛ̌ à gwɔ́ pɔ́ Zẅìge Ssé, à la’te nò nénʉ́. Epʉ̀a njÿó té ku’u lékúe Zẅìge ŋwɛ́ wɔ́, mélà’mie pɔ́ té ne ńgyá mefà’ mé wɔ́, ḿbiŋ ńké tè ne ńzsé yé wɔ́. Tá pi ne ńzsé yé, mélà’mie aa lejʉ́ŋ pi, ḿbiŋ ńgwɔ́ ná pi.

Roma 3:2

Apì ké ńgwɔ́ wó tɛ’, é meshÿó meshÿó nà légwɔ́ nyìŋ Yuda. Ndùŋ mvfò á gwɔ́ pá’ e Ssé la cʉ́me shwóŋè yé pɔ́ mbwo pà Yuda.

Roma 8:11

À lɔɔn ńgwɔ́ gie Zẅìge Ssé gẅie à la zíme Yěsô ná legwé áa ná pi, mbà yé nyìŋ gẅie à la zíme Kristo ná legwé, ge gÿo gÿo mbùm gi gie ee ńkwé e lɔgɔ Zẅìge yé gie áa ná pi ńgwɔ́ yé wó.

Roma 8:13

Pi lɔɔn ńnéŋe nà ntí gie mbùm nnɛ́ gi ne shwóŋó gẅí, mbà pi ge kwéte, tá ńké ńgwɔ́ gie pi lɔɔn ńdɔg metʉ̀ Zẅìge Ssé ḿbyága mà tepòŋ gẅie à fóo ná mbùm nnɛ́, mbà pi ge gwɔ́ wó.

Roma 8:9

Tá á ké ńgʉa ná pi, mbà pi tè ńnéŋe nà ntí gie mbùm gi ne shwóŋó gẅi wɔ́, pi neŋé pɔ́ nà ntí gie Zẅìge Ssé ne shwóŋó gẅí, á fʉ̀’ɔɔn gie Zẅìge Ssé áa nà pi. A Zẅìge Kristo lɔɔn tè ná nyìŋ wɔ́, mbà ngàŋ tè nyìŋ Kristo wɔ́.

1 Korento 3:16

Pi tè ne ńzsé ngie pi ee pɛ́’ɛ̀ ńgwɔ́ *jʉ’ʉ Ssé, à Zẅìge Ssé tsẅé tsoló wɔ́ ka?

1 Korento 6:19

Tsyee pi tè ne ńzsé ngie mbùm gi aa jʉ’e Zẅìge Ndʉalʉ̌a wɔ́ ka? Yɛ̌ Zẅìge á tsẅé tsoló, mbà Ssé la ná né pi. Pi zɔ tè gẅiin twó mbùm gí wɔ́.

1 Korento 9:17

Á laa pé’è mèŋ n zɔ̌ kaŋa yɔɔn fà’, mbà mèŋ n gẅiin lézẅí’te ntsɔ’ɔ́ fà’. Tá’, pá’ áa fà’ gie mèŋ n ké ńgẅiin pɔ́ léfa’ la, áa mbwo mèŋ ńgwɔ́ pɔ́ pì’ gie n kě ńgẅiin pɔ́ lékaa.

2 Korento 5:16

Pá’ áa pú’u la, peg ee nà fʉ̀’ɔɔn ńcʉ́’ʉ ńzsé nyìŋ ná ntí gie pʉ̀a mesoŋ lɔg ńzsé nyìŋ wɔ́. Á lɔɔn ńgwɔ́ gie peg la zɔɔn ńzsé Kristo ná yɛ̌ ntí, mbà peg ee fʉ̀’ɔɔn peg tè gíŋe ne ńzsé yé pú’u wɔ́.

Galatia 2:7

Tà ńcʉ́’ pú’u, mbà pɔ́ la gyá pɔ́ ngie Ssé la cʉ́me létsẅi nkʉ̀ mbòŋo né pʉ̀a pie é té pà Yuda wɔ́ á mbwo mèŋ ndʉŋ ndʉŋ pá’ à la cʉ́me mbwo Piɛ létsẅii mbwo pʉ̀a pie ée pà Yuda.

Efeso 2:22

Pi gí lâ petsɔ́ pʉ̀a, pi lɔg pɔ́ pá’ pi la nnɛ́ ná Kristo, tá ńgwɔ́ tsɔ́ gwǒŋo ndá ŋwɛ́, ńdɔgɔ ńgwɔ́ ndá gie mé ne ḿbwóon, á gwɔ́ jʉ’ gie e Ssé ńnéŋe wó, tá Zẅìge yé zɔ̌ gwɔ́ wó.

Efeso 5:18

Tà pi nú melù’ tà é jÿó gẅí. Legÿo pú’u, aa lecʉmé ná mánzsè tepòŋ. À Zẅìge ndʉalʉ̌a zɔ pu njÿó gẅí.

Kolosia 4:11

Yěsô gẅie mé gíŋe ńtóŋo yé lê Jẅistẅis tsyɛ’té gẅi yé. Á gʉa tsetsɛ̀ɛ pà Yuda pie é ka zẅíŋe nò Kristo, ée ndà’ wɔ́b pɔɔn métá pie pega pɔ̌ ee jʉ’ɔɔn, éfa’a ńtí nò *lefùɔ Ssé. Pɔ́ zɔ̌ ka ne ńnéŋe ntʉ́m wɔ̀ɔn.

1 Tesalonika 5:19

Tà pi tɔ’ɔ Zẅìge Ssé léfa’a fà’.

1 Timote 1:11

Yɛ̌ nò gie mé zí’i wégè, áa tsɛ̀ɛ nkʉ̀ mbòŋo gẅie pege fó mǒ ńzsé shʉ́shÿɔ́g Ssé. Yé Ssé gẅie à ne ńkwoŋo pɔ́ nò mbòŋo ná pege léen ńcʉ́me wɛ̌ nkʉ̀ mbòŋo mbwo mèŋ.

1 Timote 6:20

Timoté, pɔ́ɔn lélɔgɔ mmó gie e Ssé ka cʉ́me mbwo gù, ńdɔg ḿma’a kwàŋ. Pɔ́ɔn shwóŋè gie á té kẅéte, tà ńcʉ́’ pú’u, á tɔ’ pʉ̀a tɔ’ lézáb ntʉ́m nà Ssé, á shwóŋè gie á gÿo mé zoŋo nò tà ńkwaŋ ngie mé lɔgɔ ńzsé nò.

2 Timote 1:12

Mèŋ n gyá yɔɔn ngɔ́’ fʉ̀’ɔɔn pá’ɔɔn ńtí pɔ́ pú’u. Tá’, eshʉ́ ké tè ne ńkúu wɔ̀ɔn mǒ wɔ́, á nue mèŋ n ne ńzsé nyìŋ gẅie mèŋ n zába ntʉ́m ná yé. N cwoŋo ńne ńzsé ngie e Ssé gẅiin metʉ̀ lélɔg ńku’u lékábte nò gie à la cʉ́me mbwo mèŋ, tà lá’ kúu nà lyɛ’ɛ́ lá’ nzsònzèm.

2 Timote 2:2

Kímte nò gie ɔ̀ lɔ̌ɔn ńjú’u mèŋ n zí’i pʉ̀a, é laa pʉ̀a tà ńgyɔ́ɔn. Pɔ́ ée pàjÿò ńgyá. Ké cʉ́me pɔ́ yɛ̌ mbwo pʉ̀a pie pɔ́ ku’u légʉa ńzí’i yɔ́b petsɔ́ pʉ̀a, tè gʉa mǒ ńkúbe mmó.

1 Piɛ 1:22

Pi ka lɔgɔ lézẅíŋe nò gie áa nénʉ́, ésɔg ntʉ́m gẅí. Légwɔ́ gie pi ge kwoŋ mefɛ́ pi pie pia pɔ̌ zába ntʉ́m nà Ssé, é kwoŋo wɔ́b tà shwóŋó nò. Pú’u la, pi gẅiin kwà’ nkwòŋe tsetsɛ̀ɛ pi, nyìŋ kwoŋo fɛ́ we lê ntʉ́m we ntsèm.