2 Tesalonika 3:3 - Nouveau Testament en Ngienboum

³ Cʉ̀apʉ̀a aa ńké těen ńkúbe wɔ́. À ge gÿo pi le kʉ́a, é piŋ le zẅíŋ Sátà zába pwó ná pi wɔ́.

2 Tesalonika 3:3 ပူးပေါင်းရင်းမြစ်များ

Matio 5:37

Oon gẅi gwɔ́ pɔ́ oon, ngǎŋ gẅi gwɔ́ pɔ́ ngǎŋ, àgie mé kẅi’i mǒ fóo mbwó Sátà.

Matio 6:13

Tè zẅíŋ ngie peg kúu tsɛ̀ɛ nkwà’te, kẅé wég mbwó Sátà. [Á nue gù zɔɔ fùɔ, metʉ̀ ntsèm piŋ ńgwɔ́ pɔ́ mú, mé ne ńgu’te pɔ́ ndà’ gú mengù’u mengù’. Ameŋ].

Lukase 11:4

lege menò tepòŋ még ńná né peg, Mélà’mie peg ne ńdege yég ńnáa mbwo pʉ̀a pie pɔ́ fʉ̌a nò mbwo peg. Tè zẅíŋ ngie peg kúu tsɛ̀ɛ nkwà’te.

Ŋwà’ne Jâŋ 17:15

Mèŋ n těen sẅíŋte ɔ́ ngie ɔ̀ fóo tsɛ̀ɛ njÿó ńkẅile wɔ́b gwɔ́, mèŋ sẅíŋte gú pɔ́ ngie ɔ̀ pɔ́ɔn wɔ́b ná Sátà nyìŋ tepòŋ.

1 Korento 1:9

Yé Ssé gẅie à la tsɔ́’ɔ gẅi pá’ pi ge ńnéŋe fʉ̀’ ntsèm é la nnɛ́ nà Míŋ we Yěsô Kristo gẅie aa Cʉ̀apʉ̀a wege, aa ntě ńka’a mmó gie à ge gÿo ḿbiŋe ńkúbe wɔ́.

1 Korento 10:13

Menkwà’te mie é ka kúu gẅí, ée mie é kúu nyìŋ mesoŋ. E Ssé gẅie à tè gɔɔn nò ḿbiŋ ńkúbe wɔ́, à tè zẅíŋ ngie nkwà’te kúu gẅi tà ńgá’ metʉ̀ mí wɔ́. Nkwà’te ge gwɔ́ tà tó, à náa gẅi metʉ̀ lélɔg shÿɔg ḿbiŋ ńnáa gẅi shÿó lélɔg fó tsoló ńkẅɛ.

1 Tesalonika 5:24

E Ssé gẅie à la tsɔ́’ɔ gẅi pi cʉ́’ pʉ̀a pé ge gÿo à gwɔ́ pú’u, á nue à tè kúbe.

2 Tesalonika 2:17

Pɔ́ kẅiŋte gẅí, ńnáa gẅi tʉ̀ pi lɔg ńgÿo pɔ́ menò mbòŋo, ḿbiŋ ńgẅiin pɔ́ shwóŋè mbòŋo.

2 Timote 4:18

Cʉ̀apʉ̀a ge gÿo fó nà nò tepòŋ ntí ntí é kẅile wɔ̀ɔn, é gÿo mèŋ n tsẅɛ́ légwɔ́ gie mèŋ n ge kúu nà nò lefùɔ yé á tÿǒ lepwó. Agù’te lá’a ńgwɔ́ pɔ́ mbwo Cʉ̀apʉ̀a fʉ̀’ ntsèm. *Amen.

1 Piɛ 5:10

Ngɔ́’ gi ge ná’a ńnéŋe pɔ́ méjʉ’, e Ssé gẅie à kɔ̀ɔkɔ́ɔ nò mbòŋo gwɔ́ fóo pɔ́ mbwo yé, yé gẅie à la cʉa ná Yěsô Kristo ńtóŋo gẅi pá’ pi ge gwɔ́ gí tsɛ̀ɛ legú’ we gẅie à pàa té wó wɔ́, à ge fó pú’u, é gÿo tsɔ́ mmó le gíŋe ńzága ná pi wɔ́, étsẅìŋ ndù gi, pi tʉte, mé le gíŋe ńku’u létsó gẅi tà ḿma’a ssé wɔ́.

2 Piɛ 2:9

Mé fó ná mɔɔn menò ńgyá ngie Cʉ̀apʉ̀a kwoŋo léfóo tsɛ̀ɛ ngɔ́’ ńkẅile pʉ̀a pie é zsé pɔ́ ndà’ yé, é cʉ́’ pʉ̀a tepòŋ á nyé wɔ́b ngie pɔ́ zẅí’te ngɔ́’ lyɛ’ɛ́ létsɔ́’te mentsaŋ.

Jẅide 1:24

Agù’te gwɔ́ mbwo Ssé, yé gẅie à ku’u létÿɔ́’te gẅi tà pi é le gwé, yé gẅie à ku’u légÿo pi kẅɛ ńtyé nà jʉ’ʉ legú’ gie kwà’ yé aa wó tà *lɔ̌’ á le ná pi wɔ́, pi piŋ ńne ńkága kǎg,