2 Tesalonika 2:2 - Nouveau Testament en Ngienboum

² Tà pi jú’ pá’ etsɔ́ pʉ̀a ne ńgɔɔn ngie lyɛ’ɛ́ lá’ Cʉ̀apʉ̀a tǒ, ḿvege vege. Tà pi pɔ́g. Tà mbɔɔ pá’ nyìŋ gẅie à neŋé ńtsẅi nkʉ̀ gẅie é fóo mbwo Ssé zɔ lɔɔn ńgɔɔn, tà fó ńgwɔ́ gie pi jǔ’ pɔ́ mbwo nyìŋ gẅie à ne shwóŋó nò Ssé, kà mé fó shwóŋó gẅi pɔ́ ngie mèŋ n zɔ ŋwe’é pú’u wɔ́, tà pi zẅíŋ.

2 Tesalonika 2:2 ပူးပေါင်းရင်းမြစ်များ

Matio 24:24

mélà’mie pà nzà’ nkÿo pe cÿɔ̌ nò, lâ pà *ntsẅì nkʉ̀ Ssé pe cÿɔ̌ nò ge lá’ kẅɛ, é nyɛ memáa meliŋé, é gÿo menò mmɔɔn mmɔɔn lélɔg fʉte pʉ̀a tà ńgyɔ́ɔn, tà ńgwáa we pɔ́ gwe’e ńku’, mbà à lɔɔn ńgwɔ́ pɔ́ fʉte mbɔɔ pʉ̀a pie Ssé la tsɔ́’.

Malékuse 13:7

Pi lá’ ńgwɔ́ tà ńjú’ mé ne ńgɔɔn nò nà mencù mie é kẅɛ̌ nà gẅi shÿó, kà ngʉ̀a shʉ̀shʉ̀a wɔ́, tà pi cÿɔ’. Á ne ńzɛ́te ngie sɛ̌ shúm vɔg ńcʉate, tá á lěen ńdɔgɔ ńgwɔ́ ngie njÿó mǎg wɔ́.

Lukase 21:19

Pi shÿɔg shÿɔg, ńgÿo ńgẅiin légwɔ́ tèmì.

Lukase 21:9

Pi lá’ ńgwɔ́ tà ńjú’ mé ne ńgɔɔn nò nà mencù mie é kẅɛɛ, kà pɔ́ ná và’ gie á selé ńgwe tsɛ̀ɛ melá’ gwɔ́, tà pi cÿɔ’. Á ne ńzɛ́te ngie sɛ̌ shúm vɔg ńcʉate, tá á lě ńdɔgɔ ńgwɔ́ pɔ́ ngie njÿó gwǒon ḿmag wɔ́.

Ŋwà’ne Jâŋ 14:1

Yěsô giŋe ńgɔɔn mbwo *ngàŋa kwò ye ngie: Tà ntʉ́m gẅi gíŋe ḿvɛ. Pi záb ntʉ́m gẅi nà Ssé, ńgíŋe ńzáb ntʉ́m gẅi ná mèŋ.

Ŋwà’ne Jâŋ 14:27

Tà pi cʉ́’ nzèm ntʉ́m gẅi gíŋe ḿvɛ, tà pi cÿɔ’. Mèŋ n ge néŋ mbʉ́lè tsɛ̀ɛ ntʉ́m gẅí, e gwɔ́ mbʉ́lè gie e fóo ná mèŋ, e tè gie mé fa’a tsɛ̀ɛ yɔɔn njyó wɔ́.

1 Korento 1:8

Yé Yěsô Kristo ge gÿo pi tʉte tʉte tà ndá’ ńcʉ́me, à lá’a lyɛ’ gie yé Cʉ̀apʉ̀a wege, ge lá’ gíŋe tó mé le ne ńda’a gẅi nà tsɔ́ mmó wɔ́.

1 Korento 14:32

E Ssé la gÿo ngie à gʉa tsetsɛ̀ɛ pʉ̀a pie pɔ́ tsẅii nkʉ̀ gẅie é fóo mbwo ye, awɔ̌wɔ́ɔ ná pɔ́b zsé yé fʉ̀’ gie à ge gɔɔn nò, ayé nò á le tsẅiŋe yé tsẅiŋ wɔ́,

1 Korento 7:26

Pá’ yɔɔn kème njÿó ne ńtʉʉ nzẅìŋ wɔɔn lɔɔn, n kwǎŋ yɔ́ɔn ngie áa mbòŋ mbwo wɔ̌wɔ́ɔ léńnéŋe té zɔ́’. Oon áa mbòŋ mbwo wɛ̌ nyìŋ wɔ́ɔ léńnéŋe pɔ́ pá’ à gwɔ̌.

Efeso 5:6

Tà nyìŋ lɔgɔ púu shwóŋè, éfʉʉ gẅí. Menò mie mé tʉ́ʉ lɔɔn zɔɔn ńgÿo Ssé gyáŋa lóŋ ńtí pʉ̀a pie pɔ́ té gÿo mmó gie à ne ńkwoŋo wɔ́.

1 Tesalonika 3:3

légwɔ́ gie ngʉ̀ngʉ̀ gie pi ne ńgyá fʉ̀’ɔɔn, e tè gÿo tsɔ̌ nyìŋ tsetsɛ̀ɛ pi pɔ́g, ńgwá’a nò Ssé wɔ́. Pi zɔɔn ne ńzsé gí ngie ngʉ̀ngʉ̀ gẅiin lékúu wégè pàzáb ntʉ́m nà Ssé.

1 Tesalonika 4:15

Pi zɔɔn ńjú’u yɔɔn nò gie peg gee ngɔ̌ɔn, á gwɔ́ tsɔ́ tà’a nò gẅie Cʉ̀apʉ̀a la shwóŋó wégè ngie: Epʉ̀a pégè pie Cʉ̀apʉ̀a ge lá’ gwaa tó, pɔ́ nyé pɔ́ ntentʉ́ té ge lá’ luŋ mvfò tá pʉ̀a pie é la kwé e pɔ́ɔnte wɔ́.

1 Tesalonika 5:2

á nue pi ne ńcwoŋo ńzsé gí ngie lyɛ’ɛ́ lá’ Cʉ̀apʉ̀a ge lá’ vege vege tó pá’ ntsǒŋ gẅie à tóo lêtsẅɛ́’ la.

2 Tesalonika 2:15

Pú’u la, mbà mefɛ́ mefɛ́, tà pi kʉ́a. Ammó gie peg ka zí’i gẅí, kà lê ncwò wɔ́, kà ńŋwe’e pɔ́ tsɛ̀ɛ ŋwà’ne wɔ́, pi kú’te mboŋó.

2 Tesalonika 3:17

Kwà’ mèŋ Pɔl, mèŋ n tsyɛ’té gẅí. Mèŋ n dɔ̌g pɔ́ kwà’ pwó yɔ́ɔn, ńŋwe’e yɔɔn tsyɛ̀’te. Áa pá’ mèŋ n gee ńzɔɔn ńŋwe’e ná yɛ̌ ŋwà’ne wɔ́ gie mèŋ n tǔm. Pi ge liŋe pwó léŋwe’e mmó yɔ́ɔn.

Ŋwà’ne Ngyà jʉ’ 19:20

Mé jÿo nkʉ̀’ʉ nɔ̀ɔn wa, ńgwoon yé, ńgíŋe ńgwoon mbɔɔ *ntsẅì nkʉ̀ Ssé we cÿɔ̌ nò gẅie, à la tyé mvfò yé, ńgÿo menò mmɔɔn mmɔɔn ńdɔg fʉte pʉ̀a pie pɔ́ la zẅíŋ mé cÿɔ’ɔ liŋé nkʉ̀’ʉ nɔ̀ɔn ŋwɛ́ ná pɔ́b, pɔ́ gíŋ ńgu’te tútú nɔ̀ɔn ŋwɛ́ la. Mé gwoon wɔ́b pú’u, ńzé’e wɔ́b mépʉ́a pɔ́ ntentʉ́, ḿma’a tsɛ̀ɛ gÿǒon mmɔ̌g *mekʉ̀a.